Ɩzayi 33:15 - A SƐB-SÕW

¹⁵ — Sob nɛ na tuur a mɩnʋ ɛ́ yere a yel-mɩŋa a n'ʋ. Ʋ mɩ́ zawr'ɩ a tɔnɛ bɛ na mɩ́ ɩ a po-to-fãw-ɩb páw a, ʋ bɛ sàwr a bɛlɩ dem na bɔbr kɛ́ bɛ ŋmɛ ʋ nʋɔr a ɩ. Ʋ mɩ́ pàw nɩ a tobe tɛr, k'ʋʋ ta wõ nɩ-kʋ ƴɛ̀rʋ ɛ. Ʋ mɩ́ pàw nɩ a ʋ mimie, k'ʋʋ ta jɩ́r a yel-faa ɩ.

Ɩzayi 33:15 Referans Kwoze

Sɛb-sõw yielu 119:37

Ta sàw a ɩ̃ mimie jɩ́rɛ a yel-foli ɛ, ɩ k'ɩ̃ vʋʋrɛ mɛ̃ a lɛ fʋ na bɔbr a.

1 Zã 3:7

Ɩ̃ bibiir i, nyɩ ta sàw nɩr za tuli nyɩ ɛ. Sob nɛ na tuur a yel-mɩŋa a ɩ n nɩ-mɩŋa mɛ̃ a Kɩrɩta na ɩ nɩ-mɩŋa a.

Zakɩ 5:4

A tõ-tõ-biir na tõ a nyɩ póru pʋɔ a, nyɩ sɩb'ɩ a bɛ sã-ya. Nɛb-taa na bɛ maal'ɩ wob a n'ʋ! A tõ-tõ-biir na kone a, a bɛ cɛlsɩ lo n a Naaŋmɩn, tẽ-daa za Sore, tobe pʋɔ.

Ʋrɔm 2:7

A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a.

Luka 19:8

Ɛcɛ a Zase tɩ àr'ɩ a Sore niŋé ɛ́ yel ʋ: «Sore e, nyɛ̃, ɩ̃ na de nɩ a ɩ̃ bʋ̃-tɛrɩ põ-zɛ̃-taa zie kʋ̀ nan dem, ɛ́ mãa wa dãw sãw nɩr a, ɩ̃ na lɛb'a maal'ʋ gb'a anaar dɔwlɩ.»

Luka 1:6

Bɛ za ayi tɩ ɩ n nɩ-mɩn a Naaŋmɩn niŋé ɛ́ tɩ sàwr a Sore nɛ-ƴãwnɩ za, nɩ a lɛ ʋ na yel a ceretete.

Malasɩ 2:6

A yel-mɩŋa n'a bɛ tɩ wul a nɩbɛ, ɛ́ bɛ ŋmãa ziri za ɩ. Bɛ tɩ lãw nɩ mɛ̃ na vʋʋrɛ nyɔ-vʋʋrʋ na tu sɔ́r a, ɛ́ ɩ nɩ-yaga bɛr a faalʋ.

Sɛb-sõw yielu 106:3

Zu-nʋ̃ɔ̀ dem'ɩ a bɛlɩ dem na mɩ́ ɩrɛ a lɛ-na-tu-sɔr-a, ɛ́ tuur a mɩnʋ pùor kʋralɛ a!

Wulu-ayi-sob 16:19

Nyɩ taa dɩrɛ ƴɛ̀r-ziri ɛ, nyɩ taa owre a nɩbɛ a ƴɛ̀rʋ-dɩb pʋɔ ɩ. Nyɩ taa sàwr bɛ ŋmɩɛr nyɩ nʋɔr ɛ, bʋ̃ʋ n'ʋ vɛ̃, a nʋɔr-ŋmɛb liwr'ɩ a nɩbɛ na nyɛrɛ a tɩɛrʋ, ɛ́ mɩ́ ɩ a nɩ-mɩn ƴɛ̀rʋ-dɩb bɛ tu sɔ́r ɛ.

Matie 26:15

yel bɛ: «Mãa wa nyɔw a Yeezu kʋ̀ nyɩ a, bʋ̃ʋ n'ʋ nyɩ na kʋ̀ m?» Bɛ tɩ sɔr'ɩ salm-zɩɛ libie lɩzɛr'ɩ pie kʋ̀ ʋ.

1 Samɩɛl 12:3

Mãa n'ɩ ŋan a Sore nɩ a nyɩ nãà niŋé, mãa wa tɛr sãwna a, nyɩɩm yel: ãa náab'ʋ ɩ̃ zu? Ãa bõw n'ʋ ɩ̃ zu? Ãa n'ʋ ɩ̃ nɛb? Ãa n'ʋ ɩ̃ dɔwrɩ? Ãa n'ʋ ɩ̃ sàw k'ʋ ŋmɛ m nʋɔr nɩ libie k'ɩ̃ɩ sɔwlɩ a ʋ sãwna? Lɛ wa n'a a, ɩ̃ na lɛb'a tɩr bom nɛ za ɩ̃ na de a.»

Sɔr-nɛ́ɛ 16:15

A Moyiir tɩ nyɛ̃ nɩ suur mab, ɛ́ yel a Sore à ŋá: «Taa ŋmɛlɛ kaar a bɛ de-kʋ̀b bom ɛ! Ɩ̃ bɛ dãw de bɛ bom ɛ, bõw mɩ̀ saa n'ʋ a. Ɩ̃ bɛ dãw sãw a bɛ kãw za ɩ.»

Ɩzayi 58:8

Lɛ n'a a fʋ cãà na pur caalɩ mɛ̃ a zi-wɛl-paala a, ɛ́ a fʋ natɩr ɓãa fɔ̃w. A fʋ mɩnʋ na de fʋ nɩ niwn, ɛ́ a Sore yúor-vɩɛlʋ-danʋ pàw a fʋ pùor.

Zʋkpaɩ 10:9

Nɩr a ɩb na tori a mɩ́ vʋʋrɛ na bɛ bãw damnʋ ɛ, ɛcɛ nɩr na tɛr ɩ-gõlõgõlõ a na nyɛ̃ nɩ dɔwrʋ.

Zʋkpaɩ 15:27

Nɩr na zɔrɛ tuur libir a ƴãwnɛ nɩ kpɩɛrʋ a ʋ yir, ɛcɛ nɩr na bɛ nɔnɛ kɛ́ bɛ mɩ́ ŋmɛ ʋ nʋɔr a na vʋʋr'a cɛlɩ.

Ɩzayi 58:6

A mʋta-tuo ɩ̃ na nɔnɛ a n'ɩ ŋa: bɛ mɩ́ ír a bamɛ bɛr bɛ na ƴãw a nɩbɛ ɛ́ a bɛ tu sɔ́r a, bɛ mɩ́ ír a fɛrʋ na be a nɩbɛ zu a bɛr, bɛ mɩ́ ɩ a nɩbɛ bɛ na dɔwrɛ a bɛ lɛb so bɛ tʋɔra, bɛ mɩ́ ír bom za na ɩ bɛ ɩ gbãgbaar a bɛr.

Ezekɩɛl 22:13

Ɛcɛ, Zerizalɛm nɩbɛ ɛ, ɩ̃ na zɛw nɩ nũu a nyɩ ƴãw, a nyɩ tɔnɛ na bɛ tu mɩnʋ nɩ a nɩbɛ nyɩ na kʋ a zũú.

A Zɔb sɛbɛ 31:7

Mãa wa cen tuli a, a ɩ̃ pʋɔ wa bɔbr a ʋlɩ bom nɛ a ɩ̃ mimir na nyɛ̃ a, ɩ-faa wa mar a ɩ̃ nuru a,

Sɛb-sõw yielu 15:5

Ʋ bɛ mɩ́ pɛ̃w a ʋ libie bɔbr'ɩ dɔwlɛ ɩ, ʋ bɛ sàwr bɛ ŋmɩɛr ʋ nʋɔr nɩr na bɛ sãw a nyɔwfʋ ƴãw ɛ. Sob nɛ na ɩrɛ à à ŋá a bɛ be za na lo ɩ.

Zʋkpaɩ 1:10

Ɩ̃ bie e, a fʋ taabɛ na ɩ nɩ-faar a wa bɔbr kɛ́ bɛ bɛlɩ fʋ ƴãw faa maalʋ pʋɔ a, taa sàwr ɛ.

Zʋkpaɩ 1:15

Ɩ̃ bie e, taa lãwnɛ nɩ bɛ ɩ, dɛrɛ a bɛ sɛ́ɛ.