Ɩzayi 33:13 - A SƐB-SÕW

¹³ Nyɩɩm na zãá a, nyɩ wõ a ʋlɩ bom nɛ ɩ̃ na ɩ a. Ɛ́ nyɩɩm na pɩɛlɩ a, nyɩ nyɛ̃ a ɩ̃ kpɛnʋ bãw.»

Ɩzayi 33:13 Referans Kwoze

Sɛb-sõw yielu 48:10

Naaŋmɩn i, tɩ lɛb'a tɩɛrɛ a lɛ a fʋ nɔ̃wfʋ na ŋmɛ̃ a, a fʋ yir pʋɔ.

Ɩzayi 49:1

Nyɩ bɛrɛ wone a ɩ̃ ƴɛ̀rʋ, nyɩɩm nɩ-bʋʋrɛ na zãá a, nyɩ cɛlɛ be, nyɩɩm na kpɩɛr zi-zãána a. Ɩ̃ tɩ cãà nɩ a ɩ̃ mã vʋr pʋɔ ɛ́ a Sore bʋɔlɩ mɛ̃. Ɩ̃ tɩ cãà nɩ a ɩ̃ mã puori, ʋʋ bʋɔlɩ a ɩ̃ yúor.

Ɩzayi 57:19

ɩ̃ na ƴãw nɩ danʋ yielu a bɛ nɛ̃ɛ́.» A Sore yel a: «Ƴã-ɓaarʋ, ʋ be a sob nɛ na zãá a zie, ƴã-ɓaarʋ, ʋ be a sob nɛ na pɩɛlɩ a zie! Sɩza n'a, ɩ̃ na sanɩ nɩ a ɩ̃ nɩbɛ.»

Ɩzayi 37:20

Ɛcɛ fʋ̃ʋ a, Sore tɩ Naaŋmɩn i, faa tɩ a Senakerib nuru pʋɔ. Lɛ n'a a naalʋ-ten za pʋɔ bɛ na bãw kɛ́ fʋ̃ʋ yõ n'ʋ ɩ Naaŋmɩn.»

Ɩzayi 18:3

Nyɩɩm za, tẽ-daa nɩbɛ ɛ, nyɩɩm na kpɩɛr a tẽw a, bɛlɛ wa zɛw a dɩrapo a tan zu a, nyɩɩm jɩ́rɛ, a ɩɩl wa kõ a, nyɩɩm bɛrɛ wone.

Sɛb-sõw yielu 148:14

Ʋ lɛb'a kʋ̀ a ʋ nɩ-bʋʋrɛ fãw na bɛrmɛ a. Yúor'ʋ a ʋ nɩbɛ zie, a Ɩsɩrayɛl bibiir za zie, a nɩ-bʋʋrɛ na pɩɛl'ʋ a. Aleluya!

Sɛb-sõw yielu 97:8

Sɩyɔ̃ tẽw wõ a na, nʋ̃ɔ̀ ɩrɛ ʋ, a Zuda tẽw tẽ-bɛrɛ cɩlɛ na, a ƴɛ̀rʋ fʋ na dɩ a ƴãw, Sore e.

1 Samɩɛl 17:46

A dɩ̃a tɔr za a, a Sore na ƴãw fʋ nɩ a ɩ̃ nuru pʋɔ, ɩ̃ na ŋmɛ b'a kʋ, ɛ́ cɛ b a zu ŋmãa. A dɩ̃a tɔr za a, ɩ̃ na ɩ na a Filisɩtɛ̃ zɛbr-nɩbɛ lɩɛbɩ saa-zu lili nɩ wɛ-dʋn dɩb. Lɛ n'a a tẽw za na bãw k'aa Ɩsɩrayɛl tɛr'ɩ Naaŋmɩn.

Eziptɩ tẽw yib 15:14

A nɩ-bʋʋr-yoru wõ n a yel ŋa màwr: pʋl-vʋ̃ɔ nyɔw nɩ a Filisɩtɛ̃ mɩnɛ,

Ɩzayi 52:10

A nɩ-bʋʋr-yoru za niŋé a, a Sore wul'ɩ a ʋ sonu kpɛnʋ, ɛ́ a nɩbɛ na nyɛ̃ nɩ a tɩ Naaŋmɩn faafʋ tɩ tɔ a tẽw baarʋ ziir za.