Ɩzayi 32:3 - A SƐB-SÕW

³ A bɛlɩ dem a na tɩ sɛw kɛ́ bɛ nyɛrɛ a mimie kʋ̃ cãà pàw ɛ, a bɛlɩ dem a na tɩ sɛw kɛ́ bɛ wone a tobe na bɛrɛ na wone vla.

Ɩzayi 32:3 Referans Kwoze

Ɩzayi 29:18

A ʋlɩ bibir a, a won na wone nɩ a lɛ bɛ na yel a sɛbɛ pʋɔ a. A zɔn na yi n a liw-varkpara pʋɔ nyɛrɛ.

2 Korɛ̃tɩ 4:6

Bʋ̃ʋ n'ʋ vɛ̃, a Naaŋmɩn ʋl na yel kɛ́: «A cãà, ʋ caalɩ a lige sɔgɔ a», ʋl mɩŋa n'ʋ caalɩ a tɩ socie pʋɔ, k'ʋʋ ɩ tɩ bãw a ʋ yúor-vɩɛlʋ-danʋ cãà na caalɛ a Kɩrɩta niwn ƴãw a.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Markɩ 7:37

Nʋɔr tɩ ɓãá bɛ nɩ yaga bɛ yere: «Ʋ maal'ɩ a yele za vla. Ʋ ɩrɛ na a won wone, ɛ́ a wõw-takpalɛ ƴɛ̀rɛ.»

Ɩzayi 54:13

Ɩ̃ na wule nɩ a fʋ bibiir za, ɛ́ bɛ na tɛr'ɩ ƴã-ɓaarʋ yaga.

Ɩzayi 29:24

A bɛlɩ dem a tɩɛrʋ na bɛ mɩ́ tori a na tĩ na bãw a pɛr, bɛl na mɩ́ tɩ zɛbr kʋralɛ a, bɛ na bɛr'a bɛ wule bɛ.»

Matie 13:11

Ʋ tɩ sɔw bɛ na: «A nyɩɩm a, bɛ ɩ na nyɩ bãw a tẽ-vla Naalʋ yel-sɔwlɩ, ɛcɛ a bɛ ɩ a lɛ a bɛl zie ɩ.

Zeremi 31:34

A Sore yere na: Nɩr za kʋ̃ mɩ́ lɛb wule a ʋ tɔ sob bɩɩ a ʋ yɛb yere nɩ: “Nyɩ bãw a Sore!” ɩ. Bʋ̃ʋ n'ʋ vɛ̃, bɛ za na bãw mɛ̃ na, a pʋrɩ za zie tɩ tɔ a kpɛ̃ɛ za zie. Ɩ̃ na dɩ n a bɛ sãwna suur kʋ̀ bɛ, ɩ̃ kʋ̃ cãà bãwnɩ a bɛ yel-bebe ɩ.»

Ɩzayi 30:26

A ʋlɩ bibir a Sore nãà wa 'lẽ a ʋ nɩ-bʋʋrɛ natɩɛ, ɛ́ sanɩ a bàalʋ bɛ na ŋmɛ bɛ ƴãw a, a cuw cãà na ɩ na mɛ̃ a mʋ̃tɔ̃w cãà a, ɛ́ a mʋ̃tɔ̃w cãà caalɩ gb'a ayopõi dɔwlɩ.

Ɩzayi 42:16

Ɩ̃ na tɛr'ɩ a zɔn tu n sɔ́r bɛ na bɛ bãw a, ɩ̃ na ɩ na bɛ cere soli bɛ na bɛ bãw a zu. Ɩ̃ na ɩ na a lige lɩɛbɩ cãà a bɛ niŋé, ɛ́ a zi-gbegbegegbege ɩ tẽsɔw na man taa a. A ɩ̃ tɩɛrʋ n'ɩ à ŋà, ɩ̃ na maal'ʋ na, ɩ̃ bɛ bɛrɛ ʋ ɛ.