Ɩzayi 32:19 - A SƐB-SÕW

¹⁹ Sa-bi-kube na lo n a tuw zu, ɛ́ a tẽ-kpɛ̃ɛ lo.

Ɩzayi 32:19 Referans Kwoze

Ɩzayi 28:17

Ɩ̃ na de nɩ a lɛ-na-tu-sɔr-a ʋ ɩ a miw-máná, ɛ́ de a mɩnʋ ʋ ɩ a kur-mɔrmɔr miwr. Ɛcɛ a sa-bi-kube na sãw nɩ a nyɩ pib zie na ɩ bɛlʋ a bɛr, a kʋ̃ɔnɩ na tuo nɩ a nyɩ sɔwlʋ zie.

Ɩzayi 30:30

A Sore na ɩ na bɛ wõ a ʋ kɔkɔ-kpɛ̃w, ɛ́ bɛ na nyɛ̃ nɩ a ʋ kpãkpãw na siwr a ŋmɛb ƴãw a. Ʋ na wul'ɩ a ʋ suur na bɛ dɩ̃ɛnɛ a, vũu-zɛlɛ na dɩrɛ a pʋɔ, lãwnɩ saa na waar'ɩ sɛsɛb nɩ sa-bi-kube saa a.

Ɩzayi 28:2

A Sore nɩr kãw n'ɩ ŋan na kpɛmɛ ɛ́ tʋ̃ɔ́ bom za a. Ʋ ŋmɛ̃ na taa nɩ sa-bi-kube saa, ʋ ŋmɛ̃ na taa nɩ saa nɩ sɛsɛb na sãwnɛ bom za a, ʋ ŋmɛ̃ na taa nɩ saa na waar gbʋrʋgbʋrʋ a kʋ̃ɔnɩ paalɩ pàw bom za a. Ʋ na gaal'ɩ bom za tẽw nɩ fãw.

Ɩzayi 26:5

Bʋ̃ʋ n'ʋ vɛ̃, ʋ bili nɩ a bɛlɩ dem na kpɩɛr a zi-kɛrɩ zu a bɛr bɛ siw tɩ lo. Ʋ dáa nɩ a tẽ-kpɛ̃ɛ na bɛ tɛr tab a lɔb, ʋ dáa ʋ na lɔb a tẽw, ɛ́ ɩ k'ʋ tɔ a tanɛ.

Zakari 11:2

Sɩpɩrɛ tɩɩr ɩ, nyɩ kone, bʋ̃ʋ n'ʋ vɛ̃, a sɛɛdɩr tɩɩr lo na, bɛ cɛ n a tɩ-vɩɛlɩ vɩɛlɩ á ŋá lɔb. Basan tẽw sɛn tɩɩr ɩ, nyɩ kone, bɛ sáw nɩ a nyɩ tuw-zũgulu bɛr.

Yel-wula 18:21

Lɛ n'a malkɩ kãw na tɛr fãw a tɩ ɓáw kʋsɩɛr na ɩ mɛ̃ nɛ-kpɛ̃ɛ a, lɔb ƴãw a kʋ̃ɔ-kpɛ̃ɛ pʋɔ ɛ́ yel: «À ŋá n'a bɛ na lɔb a Babɩlɔn tẽ-kpɛ̃ɛ kpɛ̃ɛ bɛr nɩ fãw, ɛ́ nɩr kʋ̃ lɛb nyɛ̃ ʋ ɛ.

Yel-wula 8:7

A dãw-niwn sob tɩ pɛbl'ɩ a ʋ wɩ́ɛ. Sa-bi-kube nɩ vũu na jɛr zɩ̃ɩ a tɩ lo n a tẽw zu. A tẽw na põ ziir ata a zi-been tɩ dɩ n vũu. A tɩɩr na põ ziir ata a zi-been mɩ̀ tɩ dɩ n vũu, lãwnɩ a mɔ̃-ɓaar za.

Matie 7:25

A saa mĩ na, a kʋ̃ɔnɩ da taa siw, sɛsɛb-bɛrɛ fu na ŋmɛ a yir ŋa, ʋʋ bɛ lo ɩ: bɛ sʋ̃ɔ́ nɩ a ʋ pɛr kʋsɩɛr zu.

Nahum 1:8

a lɛn daar a kpɩɛrʋ na mɩ́ wa ta bɛ yaga za mɛ̃ kʋ̃ɔ na darɛ taa a. Ɛcɛ ʋ mɩ́ sãw nɩ a tẽw bɛr pẽlẽpẽlẽ, ɛ́ diw a ʋ dɔ̃ dem ƴãw a kũu lige pʋɔ.

Nahum 1:1

Ƴɛ̀r-kpɛ̃w na càarɩ a Nɩnɩɩvʋ tẽw a. Ɛlkɔsɩ tẽw Nahum yel-nyɛra sɛbɛ.

Ɩzayi 37:24

Fʋ ƴãw na a fʋ nɩbɛ fʋ na tõ a, bɛ tʋ m, a mãa Sore. Fʋ yel'a: “A mãa, Senakerib a, ɩ̃ do n tan saa-zu za nɩ a ɩ̃ zɛbr-torko-yaga, do tɩ ta a Libã tãw nyʋɔrɩ́, k'ɩ̃ɩ tɩ cɛ a ʋ sɛɛdɩr tɩ-vɩɛlɩ zie, nɩ a ʋ sɩpɩrɛ tɩ-kɛrɩ zie. Ɩ̃ do na tɩ ta a ʋ nyɔ-ɓɩɩla nɩ a ʋ tuw-zũgulu.

Ɩzayi 27:10

Nɩr za bɛ cãà a tẽ-kpɛ̃ɛ bɛ na cɔbrɩ ʋ kpɛmɛ a zɛbr ƴãw a pʋɔ ɩ. Bɛ bɛr ʋ na ʋ gã zawla mɛ̃ wɛja-kpalɛ a. A náli waar'a wa 'wɔbr a mʋ̃ɔ a be, a ganɛ na pɩ̃ɛnɛ a be, ɛ́ 'wɔbr a tɩɩr wuli váar.

Ɩzayi 25:4

Bʋ̃ʋ n'ʋ vɛ̃, fʋ̃ʋ n'ʋ mɩ́ piw a bãbàalbɛ tɛr, fʋ mɩ́ piw nɩ a nan dem tɛr a bɛ kpɩɛrʋ pʋɔ. Fʋ ɩ n taw-lanʋ zie a saa ƴãw, ɓaarʋ a mʋ̃tɔ̃-tʋlʋ ƴãw. — A po-to-fãw dem suur ɩ na mɛ̃ saa na waar'ɩ sɛsɛb ŋmɩɛr dacin a,

Ɩzayi 24:10

A tẽ-kpɛ̃ɛ nɩr na bɛ cãà kpɩɛr a lo na, a yie za pàw na, nɩr kʋ̃ lɛb tʋ̃ɔ́ kpɛ ɩ.

Ɩzayi 10:19

A Asiiri tẽw tuw tɩɩr na cɛ nɩ zaa pʋrɩ, kɛ̀ bibile na tʋ̃ɔ́ a sɔ́r.

Ɩzayi 10:18

Ʋ na sãw nɩ a tuw-vɩɛlɩ vɩɛlɩ nɩ a tɩ-wɔnɩ za bɛr pelẽpelẽ. A na ɩ na mɛ̃ bàal a ƴã-gan na báarɛ a.

Ɩzayi 24:12

A tẽ-kpɛ̃ɛ cɛ nɩ deboru tɛwr, a dɩ̃dɔr dacine ŋmɛr'a, ʋ sãw.

Ɩzayi 25:2

Fʋ ɩ na a tẽ-kpɛ̃ɛ lɩɛbɩ kʋsɛbɛ na gbõ taa a, a tẽ-kpɛ̃ɛ na cɔbrɩ kpɛmɛ a zɛbr ƴãw a, ʋ lo. A nɩ-sãanbɛ zɛbr-yir-kpɛ̃w bɛ cãà ɩ tẽ-kpɛ̃ɛ ɩ, bɛ kʋ̃ lɛb mɛ ʋ towtow ɛ.

Ɩzayi 29:4

Fʋ na lo na siw pile za, a fʋ kɔkɔr ɩ mɛ̃ a tẽsɔw pʋ̃ɔmɩ n'a ʋ yire a. Ʋ na yire nɩ a tanɛ pʋɔ bɛ bɛ maal wone ʋ ɛ. A na ɩ na mɛ̃ a tẽsɔw pʋɔ n'a ʋ yire mɛ̃ nyãakpɩ̃ɩn kɔkɔr na waalɛ yire a tanɛ pʋɔ a.

Ɩzayi 10:33

A Sore Naaŋmɩn, a kpɛnʋ-za-sob, karɛ nɩ a wuli nɩ fãw. Ʋ cɛ n a tɩ-kɛrɩ lɔb, a al na kɛrɩ zuo a taabɛ a gã nɩ tẽw.