Ɩzayi 32:17 - A SƐB-SÕW

¹⁷ A ƴã-ɓaarʋ na ɩ n a mɩnʋ bom, a mɩnʋ ton na ɩ n a zie na gã zoom kʋralɛ bɛ bãw damnʋ a.

Ɩzayi 32:17 Referans Kwoze

Ɩzayi 26:3

Fʋ mɩ́ tu n tub na bɛ bãw bʋnʋ a, tɩr a ƴã-ɓaarʋ mɩŋa, Sore e, bɛ na ƴãw a bɛ tɩɛrʋ a fʋ ƴãw a zũú.

Sɛb-sõw yielu 119:165

Bɛlɩ dem na nɔnɛ a fʋ wulu a mɩ́ tɛr'ɩ ƴã-ɓaarʋ yaga, ɛ́ bom bɛ ɩrɛ bɛ ŋmɩɛr gbɛ́r ɛ.

Sɛb-sõw yielu 85:8

Sore e, ɩ tɩ nyɛ̃ a fʋ nɔ̃wfʋ, kʋ̀ tɩ a fʋ faafʋ!

Ʋrɔm 14:17

Bʋ̃ʋ n'ʋ vɛ̃, a Naaŋmɩn Naalʋ bɛ ɩ dɩb nɩ nyub yele ɩ, ʋ ɩ n mɩnʋ, ƴã-ɓaarʋ nɩ nʋ̃ɔ̀ a Vʋʋrʋ Sõw na tɩrɛ a.

1 Zã 4:17

A nɔ̃wfʋ wa vɩɛl ʋ za a tɩ zie a, tɩ na bɛr'ɩ tɩɛrʋ a ƴɛ̀rʋ maalʋ bibir, bʋ̃ʋ n'ʋ vɛ̃, a tɩ nyɔ-vʋʋrʋ a tẽw zu ka ŋmɛ̃ na taa nɩ a Yeezu Kɩrɩta dem.

Ezekɩɛl 39:29

Ɩ̃ na kʋ̀ n a ɩ̃ Vʋʋrʋ a Ɩsɩrayɛl nɩ-bʋʋrɛ, ɛ́ kʋ̃ lɛb ŋmɛlɩ kpaar cɔw bɛ towtow ɛ. A mãa Sore Naaŋmɩn n'ʋ yere.»

Ɩzayi 57:19

ɩ̃ na ƴãw nɩ danʋ yielu a bɛ nɛ̃ɛ́.» A Sore yel a: «Ƴã-ɓaarʋ, ʋ be a sob nɛ na zãá a zie, ƴã-ɓaarʋ, ʋ be a sob nɛ na pɩɛlɩ a zie! Sɩza n'a, ɩ̃ na sanɩ nɩ a ɩ̃ nɩbɛ.»

Ɩzayi 55:12

Nʋ̃ɔ̀ n'a na ɩrɛ nyɩ nyɩ yi a Babɩlɔn tẽw pʋɔ, ɛ́ ƴã-ɓaarʋ n'a bɛ na tɛr'ɩ nyɩ lɛb wa n a nyɩ tẽw. Nyɩ na tɔlɛ na a tan nɩ a tãli ŋmɩɛr nʋ̃ɔ̀ cɛlsɩ, ɛ́ a wɩ̀ɛ tɩɩr za ŋmɩɛr nuru ƴãwn.

Ebre 6:11

Ɛcɛ tɩ bɔbr'a kɛ́ nyɩ za been been mɩ́ cãà tʋlɛ a lɛ tɩ ta n a baarʋ daar, kɛ́ a tɩɛrʋ nyɩ na ƴãw a Naaŋmɩn ƴãw a, tʋ̃ɔ́ maalɩ ʋ za vla.

Ɩzayi 48:18

Fʋ̃ʋ tɩ ɩ mɛ̃ fʋ cɛlɩ nɩ a ɩ̃ nɛ-ƴãwnɩ zie a, a fʋ ƴã-ɓaarʋ nãà ɩ na mɛ̃ man a, ɛ́ a fʋ mɩnʋ ɩ mɛ̃ a kʋ̃ɔ-kpɛ̃ɛ kʋ̃ɔ-mie a!

2 Korɛ̃tɩ 1:12

A dãsɩɛ ŋa a tɩ tɩɛrʋ na dɩ a tɩ ƴãw a n'ɩ a tɩ dɛpaal-bom: a tɩ ɩb a tẽw zu a, baa zuo a za a nyɩ zie a, bɛ tɩ tɛr a mɩnɛ kãw ɛ, ɛ́ ɩ vɩɛlʋ tɛwr, ɛ́ a za yi a Naaŋmɩn zie. Nɩsaal yã-bãwfʋ bɛ n'a tɩ tɩ ɩrɛ nɩ ɛ, Naaŋmɩn maalʋ n'a.

Ezekɩɛl 37:25

Nyɩ na kpɩɛr'ɩ a tẽw ʋl ɩ̃ na kʋ̀ a ɩ̃ tõ-tõ-bie Zakɔb a pʋɔ, a be a nyɩ sãàkʋm-kore na kpɛ a. Nyɩ na kpɛ n a be tɩ kɔwrɩ, a nyɩɩm, a nyɩ bibiir nɩ a nyɩ yan. A ɩ̃ tõ-tõ-bie Daviir'ʋ na ɩ a nãà na dɩrɛ a naalʋ a nyɩ zu a kʋralɛ.

Ɩzayi 66:12

Bʋ̃ʋ n'ʋ vɛ̃, à ŋá n'a a Sore yere: «Ɩ̃ na ɩ n a ƴã-ɓaarʋ gbɔlɛ cere a Zerizalɛm mɛ̃ man kʋ̃ɔ a, ɛ́ a nɩ-bʋʋrɛ na-bome gbɔlɛ cere mɛ̃ bàa na paalɩ yi nɛ́ɛ a. Ɩ̃ na kaa nɩ a nyɩ zie mɛ̃ a lɛ mã na mɩ́ ɩrɛ bie ʋ na ƴɛnɛ a, ʋ na mɩ́ pɛ̀w ɛ́ ƴãw gbɛ́ɛ zu dɩ̃ɛnɛ nɩ a.

Ɩzayi 30:15

À ŋá n'a a Sore Naaŋmɩn, a Ɩsɩrayɛl Naaŋmɩn na ɩ sõw a yere: Nyɩ na na lɛb wa a ɩ̃ zie a, nɩ nyɩ na na ɓãa nyɩ mɩŋa a, lɛ tɛwr'a nyɩ na nyɛ̃ a faafʋ. A nyɩ fãw tɛwr'ɩ nyɩ na na zɩ̃ zoom ɛ́ ƴãw a nyɩ tɩɛrʋ a ɩ̃ ƴãw a. Ɛcɛ nyɩ bɛ sàwr ɛ.

Ɩzayi 11:13

Lɛ n'a a Efarayim kʋ̃ cãà nyuur'ɩ a Zuda ɩ. Bɛ na kʋ n a Zuda dɔ̃ dem pàw pɛr, ɛ́ a Zuda kʋ̃ cãà tɛr'ɩ a Ɩsɩrayɛl dɔ̃ ɩ.

Zʋkpaɩ 14:26

A Sore zɔba mɩ́ ɩ na fʋ bɛr tɩ̀ɛrʋ, bʋ̃ʋ n'ʋ vɛ̃, ʋ gùre nɩ a ʋ bibiir.

Ɩzayi 9:7

A Sore ƴɛ̀r'ɩ ƴɛ̀rʋ a Zakɔb bʋʋrɛ ƴãw, a ƴɛ̀rʋ lo n a Ɩsɩrayɛl naalʋ-tẽw zu.

Ebre 12:11

Kpãàfʋ za a ʋlɩ pɛr nɛ pʋɔ bɛ mɩ́ sãá ɩ nʋ̃ɔ̀ yel ɛ, pʋ-sãwna mɩ́ n'a. Ɛcɛ a pùorí a, a mɩ́ ɩ n ƴã-ɓaarʋ nɩ mɩnʋ a bɛlɩ dem na nyɛ̃ a kpãàfʋ a zie.

Sɛb-sõw yielu 85:10

A Sore kʋ̃ yaa kɛ́ faa a bɛlɩ dem na zɔrɛ ʋ a ɩ, ɛ́ a ʋ yúor-vɩɛlʋ-danʋ na kpɩɛr'ɩ a tɩ tẽw.

Ɩzayi 11:10

A ʋlɩ bibir nɛ a, a Zese bidɛb na ɩ na mɛ̃ bãwfʋ bɛ na zɛw a tẽ-daa nɩ-bʋʋrɛ ƴãw a. A nɩ-bʋʋr-yoru na waar'a wa bɔbr yã a ʋ zie, ɛ́ a Naaŋmɩn yúor-vɩɛlʋ-danʋ na nyɩwrɛ nɩ a be ʋ na kpɩɛr a.

Ɩzayi 28:12

Ɛcɛ ʋ nɩ̃ɛ na tɩ yel bɛ à ŋá: «A ka a, nyɩ na nyɛ̃ nɩ pɩ̃ɛnʋ. Nyɩ bɛr a sob nɛ na bàl a ʋ pɩ̃ɛnɩ. Zie na ɩ zoom a n'ɩ a zie ŋa.» Ɛcɛ bɛ bɛ sàw bɛr wõ ɩ.

Zʋkpaɩ 1:33

Ɛcɛ sob nɛ na bɛrɛ wone mɛ̃ a kʋ̃ bãw damnʋ ɛ, ʋ na vʋʋrɛ nɩ zoom ɛ́ bɛ tɛr a kpɩɛrʋ dɛ̃bɩ̃ɛ ɩ.»

Ɩzayi 33:6

Ɛ́ nyɩɩm, Sore nɩ-bʋʋrɛ ɛ, nyɩ nãà wa tʋ̃ɔ́ na kpɩɛr ɛ́ bom bɛ damnɛ nyɩ ɛ. A yã-bãwfʋ nɩ a bãwfʋ ɩ n na-bome na faarɛ a. A Sore zɔba a, ʋlɛ n'ɩ a fʋ na-bom.