Ɩzayi 32:15 - A SƐB-SÕW

¹⁵ Bibir kãw, a Sore na cir'ɩ a ʋ Vʋʋrʋ ƴãw a tɩ zu. Lɛ n'a a wɛja-kpalɛ na lɩɛbɩ tɩ-wɔnɩ zaadɛ̃, ɛ́ a tɩ-wɔnɩ zaadɛ̃ lɩɛbɩ tuw.

Ɩzayi 32:15 Referans Kwoze

Ɩzayi 29:17

Ka nɩ blãlɛ, a Libã tẽw tuw na lɩɛb'ɩ tɩ-wɔnɩ zaadɛ̃, ɛ́ a tɩ-wɔnɩ zaadɛ̃ lɩɛbɩ tuw.

Ezekɩɛl 39:29

Ɩ̃ na kʋ̀ n a ɩ̃ Vʋʋrʋ a Ɩsɩrayɛl nɩ-bʋʋrɛ, ɛ́ kʋ̃ lɛb ŋmɛlɩ kpaar cɔw bɛ towtow ɛ. A mãa Sore Naaŋmɩn n'ʋ yere.»

Ɩzayi 44:3

Bʋ̃ʋ n'ʋ vɛ̃, ɩ̃ na cir'ɩ kʋ̃ɔ ƴãw a tẽsɔw kʋ̃ɔ-nyúur na kpɛ a, ɛ́ ɩ bàrʋ zɔ pàw a tẽ-kõw. Ɩ̃ na pɛbl'ɩ a ɩ̃ Vʋʋrʋ a fʋ bibiir zu, ɛ́ ɩ a ɩ̃ maalʋ siw a fʋ bʋʋrɛ zu.

Ɩzayi 59:19

Lɛ n'a a mʋ̃tɔ̃w puru zie tɩ tɔ a kpɛb zie, a nɩbɛ za na zɔrɛ a Sore, bɛ za na zɔrɛ a ʋ yúor-vɩɛlʋ-danʋ. Bʋ̃ʋ n'ʋ vɛ̃, a Sore na wa na mɛ̃ man-fɩɩra kʋ̃ɔ saa-sɛsɛb na fure darɛ a.

Nɩ-toni 2:33

A Naaŋmɩn dʋrʋ zɛw ʋ na ʋ do. Lɛ so ʋ páw a Vʋʋrʋ Sõw a Naaŋmɩn na ƴãw nʋɔr k'ʋʋ na tɩr'a a. Ʋlɛ n'ʋ ɩ a Vʋʋrʋ Sõw siw põ yaarɩ a tɩ zu, ɛ́ alɛ n'a nyɩ nyɛrɛ ɛ́ wone.

Luka 24:49

Ɛ́ a mãa a, a ʋlɩ bom nɛ a ɩ̃ Sãà na ƴãw nʋɔr k'ʋʋ na tɩr'a a, ɩ̃ na ɩ na ʋ wa a nyɩ zu. Nyɩɩm ƴãw a, nyɩ be a Zerizalɛm tẽw pʋɔ ɛ́ gù nyɩ wa tɩ páw a fãw na yi a saa-zu a.»

2 Korɛ̃tɩ 3:8

ŋmɩŋmɩn za n'a a tõ-nʋɔr a Vʋʋrʋ Sõw na tone a, kʋ̃ tɛr yúor-vɩɛlʋ-danʋ zuo lɛ?

Zakari 12:10

Ɩ̃ na ƴãw nɩ a Daviir bʋʋrɛ nɩ a Zerizalɛm tẽw dem tɩɛrʋ na vɩɛl a, nɩ puoru tɩɛrʋ. Bɛ na jɩ́rɛ nɩ a ɩ̃ lowr, a sob nɛ bɛ na cɔ̀r col a ƴãw. Bɛ na kõ ʋ na, mɛ̃ bidɛb-been na kpi bɛ kone a, bɛ na kõ ʋ na mɛ̃ bi-dãw-dɔwra na bɛ cãà be a.

Sɛb-sõw yielu 104:30

Fʋ mɩ́ lɛb'a kʋ̀ a a fʋ vʋʋrʋ, lɛb ír a, fʋ mɩ́ lɩɛb'ɩ a tẽsɔw niwn ʋ ɩ paala.

Ɩzayi 63:11

Lɛ n'a a ʋ nɩbɛ tɩ lɛb tɩɛrɩ a Moyiir daar: «Nyɩnɛ n'a a sob nɛ na ɩ a ʋ nɩbɛ bɛ yi a kʋ̃ɔ-kpɛ̃ɛ pʋɔ lɛb do a be? Nyɩnɛ n'a a ʋ dʋn lãwnɩ a cɩ̃ɩnbɛ be? Nyɩnɛ n'a a sob nɛ na ƴãw a ʋ Vʋʋrʋ Sõw a tɩ sɔgɔ a be?

Ɩzayi 45:8

Salom i, bɛr a mɩnʋ ʋ yi a saa-zu be siw mɛ̃ ɓɩɛlʋ a. A zũzuwe, a ɩ ʋ cir mɛ̃ a saa a! A tẽw, ʋ yuo, a faafʋ nyɛ̃ maalʋ ɛ́ a mɩnʋ bul! A mãa, a Sore, mãa n'ʋ ír a bome á ŋá za.»

Zʋkpaɩ 1:23

Nyɩ bɛrɛ wone a gɔ́b ɩ̃ na gɔnɛ nyɩ a. Lɛ n'a ɩ̃ na bɛr a ɩ̃ vʋʋrʋ ʋ siw a nyɩ zu ɩ kɛ̀ nyɩ bãw a ɩ̃ ƴɛ̀rʋ.

Ɩzayi 35:7

A biir-tʋlʋ kpãkpã na lɩɛb'ɩ gbãtar, ɛ́ a kʋ̃ɔ-nyúur tẽw lɩɛbɩ bul-nɛ́ɛ tẽw. Bàa-kɛkɛɛ nɩ jimie na bule nɩ a be gbõgbo-cili na tɩ kpɩɛr a.

Sɛb-sõw yielu 107:35

Ʋ mɩ̀ mɩ́ ɩ n wɛja-kpalɛ ʋ lɩɛbɩ gbãtar-yɛlʋ, ɛ́ tẽsɔw-kõw lɩɛbɩ bul-nɛ́ɛ.

Sɛb-sõw yielu 107:33

Ʋlɛ n'ʋ mɩ́ ɩ mamɛ a lɩɛbɩ wɛja-kpalɛ, ɛ́ ɩ bul-nɛ́ɛ a lɩɛbɩ tẽsɔw-kõw,

Zã 7:39

A Naaŋmɩn Vʋʋrʋ, a bɛlɩ dem na sàw de ʋ a, na waar nãà páw a, ʋlɛ n'ʋ ʋ tɩ yere a lɛ. Bɛ bɛ tɩ tɩr a Naaŋmɩn Vʋʋrʋ sɛr ɛ, a Yeezu na bɛ tɩ nyɛ̃ yúor-vɩɛlʋ-danʋ sɛr a ƴãw.

Ɩzayi 28:6

Ʋlɛ n'ʋ na ƴãw a mɩnʋ yã a bɛlɩ dem na zɩ̃ a ƴɛ̀rʋ-dɩb ƴãw a, ɛ́ kʋ̀ a fãw a bɛlɩ dem na canɛ a dɔ̃ dem bɛrɛ a tẽ-kpɛ̃ɛ dɩ̃dɔr ƴãw a.

Ɩzayi 59:21

A Sore yere na ƴãw pʋɔ: «Ɛ́ a mãa a, nyɛ̃ a wõ-taa ɩ̃ na maalɛ nɩ a nɩbɛ bɛ ŋa a: A ɩ̃ vʋʋrʋ be n a nyɩ zu, ɩ̃ɩ ƴãw nɩ a ɩ̃ ƴɛ̀rʋ a nyɩ nɛ̃ɛ́. Nyɩmɛ so a, a nyɩ bibiir so a, nɩ a bɛ bibiir mɩ̀ bibiir, a ƴɛrɛŋa nɩ kʋralɛ. Ɩ̃ bɛ lɛb dier a a nyɩ zie towtow ɛ. A mãa, a Sore, mãa n'ʋ yere.»

Ezekɩɛl 37:14

Ɩ̃ na ƴãw nyɩ nɩ a ɩ̃ Vʋʋrʋ ɛ́ nyɩ na vʋʋrɛ na. Ɩ̃ na ƴãw nyɩ nɩ a nyɩ tẽw. Lɛ n'a nyɩ na bãw k'aa mãa Sore a, ɩ̃ mɩ́ ƴɛ̀r'a ɛ́ tu a lɛ ɩ̃ na yel a. A mãa Sore Naaŋmɩn n'ʋ yere.»