Ɩzayi 31:3 - A SƐB-SÕW

³ A Eziptɩ tẽw dem ɩ n nɩsaalbɛ tɛwr, bɛ bɛ tɛr Naaŋmɩn fãw kãw za ɩ. A bɛ wie ɩ n dʋn tɛwr, a bɛ tɛr bom kãw za dɔwlɩ ɛ. A Sore wa zɛw a nũu a, a sõw-sõwne na kaw na, a sob ʋ na sõwne a lo, à ɩ a bɛ za ayi baarʋ.

Ɩzayi 31:3 Referans Kwoze

Ɩzayi 9:17

A po-tuolu 'lere na mɛ̃ vũu na dɩrɛ a gɔ̀-pɛ-bʋʋrɛ za a. A nyɔw nɩ a tuw pʋɔ va-pɔrɛ, ɛ́ ɩ zʋ̀ʋ́r ŋmɛlɛ dúor a salom zu.

Ezekɩɛl 28:9

A bɛlɩ dem na na kʋ b a niŋé a, fʋ na cãà na yere kɛ́ fʋ ɩ n naaŋmɩn ɩ? Fʋ na ɩ n nɩsaal tʋ̃tʋba, ɛ́ kʋ̃ ɩ naaŋmɩn a bɛlɩ dem na na kʋ b a niŋé ɩ.

Zeremi 15:6

A Sore yere na: Fʋ̃ʋ n'ʋ zawrɩ mɛ̃ bɛr, lɩɛbɩ zikur cɔw mɛ̃. A lɛ n'a ɩ̃ ìr a fʋ ƴãw k'ɩ̃ɩ sãw fʋ bɛr, bʋ̃ʋ n'ʋ vɛ̃, ɩ̃ zɔ n a nɩbaalʋ lɛɛ tɩ bàl.

Ɩzayi 30:7

A Eziptɩ tẽw sõwfʋ a, sɛsɛb'ʋ, ʋ bɛ tɛr pɛr ɛ. Alɛ so ɩ̃ pór a tẽw ŋa kɛ́ «Arahab na bɛ damnɛ a.»

Sɛb-sõw yielu 33:17

A wur na na ɩ fʋ zɛb tʋ̃ɔ́ a, bɛ̀lʋ n'a, a ʋ fãw za kʋ̃ tʋ̃ɔ́ ɩ a ʋ zɔmnɛ zɔ cɩ̃ɛ ɩ.

Sɛb-sõw yielu 9:20

Sore e, ìr! Ta sàw a nɩsaal tʋ̃ɔ́ ɩ! A nɩ-bʋʋr-yoru ƴɛ̀rʋ, ʋ dɩ a fʋ niŋé!

Ɩzayi 36:9

Fʋ̃ʋ n'ɩ ŋan kʋ̃ tʋ̃ɔ́ ɩ a ɩ̃ nɩ-kpɛ̃ɛ tõ-tõ-bi-pʋrɩ woro ʋ lɩɛb zɔ ɩ! Ɛ́ fʋ ƴãw a fʋ tɩɛrʋ Eziptɩ tẽw ƴãw kɛ́ fʋ tʋ̃ɔ́ páw zɛbr-torkori nɩ wie!

Ɩzayi 36:6

A Eziptɩ tẽw ƴãw n'a fʋ ƴãw a fʋ tɩɛrʋ, a bàa-kɛkɛr-kaba ŋa na mɩ́ nyɩ̀r sob nɛ za na mɩ́ yel k'ʋʋ nyɔw ʋ kɛ́ àr a nũu a. À ŋá n'a a Eziptɩ tẽw nãà, Faarawɔ̃, ŋmɛ̃ a bɛlɩ dem na mɩ́ ƴãw a bɛ tɩɛrʋ a ʋ ƴãw a zie!

Ɩzayi 30:5

Nɩ-bʋʋrɛ na kʋ̃ tʋ̃ɔ́ ɩ bom za a bɛ ƴãw a na ɩ na a bɛ tɩɛrʋ wɛ. A Eziptɩ tẽw dem kʋ̃ tɛr sõwfʋ kãw za a bɛ zie ɩ, bɛ kʋ̃ tɛr yel-ɩra kãw za a bɛ zie ɩ. Bɛ na nɩ̃ɛ na ɩ a bɛ vĩ nɩ yo-sãw.

Matie 15:14

Nyɩ bɛr bɛ: zɔn nɛbɛ tawr zɔn. Ɛcɛ zɔ̃w wa tawr zɔ̃w a, bɛ za ayi na lo n bɔw pʋɔ.»

Sɛb-sõw yielu 118:8

A Sore naayir zɔ-kpɛb sa, fʋ na na ƴãw a fʋ tɩɛrʋ nɩsaal ƴãw a.

Ɩzayi 10:3

Bʋ̃ʋ n'ʋ nyɩ na ɩ a dɔwrʋ bibir, a saa nɩ a sɛsɛb nãà wa yi a zi-zãána ŋmʋrɛ waar a? Ãa zie n'a nyɩ na zɔ cen tɩ nyɛ̃ a sõwfʋ? Nyɩnɛ n'a nyɩ na bin a nyɩ na-bome?

Ɩzayi 20:6

A ʋlɩ bibir nɛ a, a nɩbɛ na kpɩɛr a Mediterane kʋ̃ɔ-kpɛ̃ɛ nʋɔr a na yere na: «Nyɛ̃ a lɛ a na ŋmɛ̃ a nɩbɛ tɩ na tɩ tɩ́ɛrɛ a ƴãw a! Tɩ tɩ bɔbr'a kɛ́ tɩ zɔ cen a be tɩ páw sõwfʋ, ɛ́ bɛ faa tɩ a Asiiri tẽw nãà nuru pʋɔ. À à ŋá a, ŋmɩŋmɩn n'a tɩ na tʋ̃ɔ́ nyɛ̃ a faafʋ?»

Ɩzayi 30:16

Nyɩ yere na: «Aɩ, tɩ na zɔm'ɩ wie zɔ n.» Ãà, nyɩ na zɔ na. Nyɩ mɩ̀ cãà na yere: «A tɩ wie na gárɛ nɩ fɔ̃w fɔ̃w.» Ãà, a bɛlɩ dem na diwr nyɩ a na zɔrɛ nɩ fɔ̃w zuo lɛ!

Zeremi 17:5

À ŋá n'a a Sore yere: «Ŋmɛ-ƴãw, a páw a sob nɛ na ƴãw a ʋ tɩɛrʋ a nɩsaal ƴãw a, na bɔbr a ʋ fãw a nɩsaal bʋ̃-tɛrɩ pʋɔ, ɛ́ a ʋ socir zãá nɩ mɛ̃ a!

Ezekɩɛl 28:2

«A fʋ̃ʋ nɩsaal bie, yel a ƴɛ̀rʋ ŋa a mãa Sore Naaŋmɩn na yere kʋ̀rɛ a Tɩ́ɩ̀r tẽw nãà a kʋ̀ ʋ: A fʋ socir tɩ ɩ n pɔ̀lʋ̀ tɛwr fʋ yel: “Ɩ̃ ɩ n naaŋmɩn. Ɩ̃ tɛr'ɩ zie na sɛw taa nɩ ŋmɩmɛ tɛrʋ a, a kʋ̃ɔ-bɛrɛ sɔgɔ.” Fʋ tɩɛrɛ kɛ́ fʋ zɛ̃ n naaŋmɩn, ɛcɛ nɩsaal tɛwr nɛ b, fʋ bɛ ɩ naaŋmɩn ɛ!

Amɔsɩ 2:15

A tam-tɛbrɛ kʋ̃ cãà ɩ, a sob nɛ na zɔrɛ bɛ wone a kʋ̃ cɩ̃ɛ ɩ, lãwnɩ a wur-zɔmnɛ.

2 Bibie za yel-manɩ 32:8

Nɩsaal fãw tɛwr'a ʋ tɛr, ɛcɛ tɩɩm a, a Sore tɩ Naaŋmɩn be n a tɩ zie a tɩ sõwfʋ ƴãw, ɛ́ na zɛbr a tɩ zɛbr.» A Zuda nãà Ezekɩasɩ ƴɛ̀rʋ á ŋá tɩ mɔwl'ɩ a tẽw nɩbɛ za.

Ɩzayi 20:4

A Asiiri tẽw nãà na nyɔw nɩ a Eziptɩ tẽw dem cen nɩ, bɛ ɩ gaso nɩbɛ, ɛ́ ír a Etiopi tẽw dem a bɛ tẽw cen nɩ, a pɔ́lɛ́ nɩ a dɛb-nyamɛ. Lɛ n'a bɛ mɩ́ na ɩ ƴã-gã-zawlɛ nɩ gbɛ-zawlɛ, pɛ-zawlɛ. Nyɛ̃ vĩ na na nyɔw a Eziptɩ tẽw dem a!