Ɩzayi 31:2 - A SƐB-SÕW

² Ɛcɛ a ʋl mɩ̀ a, ʋ cɩ na: ʋ na tʋ̃ɔ́ na ɩ a yel-faa ta, ʋ bɛ lɩɛbɛ a lɛ ʋ na yel a bɛrɛ ɩ. Ʋ ìre nɩ a nɩ-faar lãw ƴãw, nɩ a yel-fa-maalbɛ bɛ na bʋɔlɛ kɛ́ bɛ wa sõw a ƴãw.

Ɩzayi 31:2 Referans Kwoze

Sɔr-nɛ́ɛ 23:19

Naaŋmɩn bɛ ɩ nɩsaal na ŋmarɛ ziri ɛ, nɩsaal bie a tɩɛrʋ na mɩ́ lɩɛbɛ a bɛ n'ʋ ɛ. Ʋ na tʋ̃ɔ́ na yel ɛ́ bɛ ɩ ɛ? Ʋ na tʋ̃ɔ́ na ƴɛ̀r ƴɛ̀rʋ ɛ́ bɛ tu ɛ?

Ɩzayi 45:7

Ɩ̃ mɩ́ maal'ɩ a cãà, ɛ́ ír lige. Ɩ̃ mɩ́ ƴãw nɩ a nʋ̃ɔ̀, ɛ́ ír a kpɩɛrʋ. A mãa, a Sore, mãa n'ʋ ɩrɛ à á ŋá za.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:25

a Naaŋmɩn-been yõ tɩ Faarɛ, ʋlɛ so yúor-vɩɛlʋ-danʋ, dɛpaalʋ, fãw nɩ kpɛnʋ a tɩ Sore Yeezu Kɩrɩta ƴãw, a dãwdãw za, a ƴɛrɛŋa nɩ kʋralɛ. Amɛn.

Ʋrɔm 16:27

A Naaŋmɩn yõ na ɩ yã-bãwnɛ a, ʋlɛ so yúor-vɩɛlʋ-danʋ a Yeezu Kɩrɩta ƴãw, a yome yome za! Amɛn.

Matie 24:35

A salom nɩ a tẽw na tɔl'a, ɛcɛ a ɩ̃ ƴɛ̀rʋ bɛ be za na tɔl ɛ.»

Sofoni 3:8

A na ɩ à ŋá a, a Sore yere na: nyɩ gùre a ɩ̃ waa, a bibir ʋl ɩ̃ na na wa, wa wul a nyɩ sãwna a. Ɩ̃ yel'a k'ɩ̃ɩ na ɓã n a nɩ-bʋʋr-yoru nɩ a naalʋ-ten nɩbɛ taa, ƴãw a ɩ̃ suur vũu dɩ bɛ. A ɩ̃ su-tʋlʋ-kpãkpã vũu na dɩ n a tẽw za.»

Amɔsɩ 3:6

Ɩɩl pɛblɛ nɩ tẽw pʋɔ ɛ́ nɩbɛ bɛ zɔ ŋmɛ taa ɩ? A yel-faa na mɩ́ wa ta a tẽw pʋɔ a, a Sore bɛ n'ʋ mɩ́ maalɩ ʋ ɛ?

Zeremi 10:12

A Sore ír'ɩ a tẽw nɩ a ʋ fãw, ʋ bin nɩ a tẽ-daa nɩ a ʋ yã-bãwfʋ, ʋ dɔl'ɩ a salom nɩ a ʋ yã.

Zakari 1:6

Ɛcɛ a ɩ̃ ƴɛ̀rʋ nɩ a ɩ̃ nɛ́ɛ ɩ̃ na tɩ ƴɛ̀r kʋ̀ a ɩ̃ tõ-tõ-biir, a ɩ̃ ƴɛ̀r-manbɛ a, a nyɩ sãàkʋm-kore wa tɩ nyɛ̃ na a ɩ sɩza, bɛ lɩɛbɩ a bɛ ɩb, ɛ́ bãwnɩ a k'ɩ̃ɩ ɩ bɛ na, mɛ̃ a lɛ ɩ̃ na tɩ yel k'ɩ̃ɩ na ɩ bɛ na a, nɩ a lɛ a bɛ cenu nɩ a bɛ ɩ-ɩrɩ mɩ̀ na sɛw taa nɩ a.»

Ezekɩɛl 29:6

Lɛ n'a a Eziptɩ tẽw dem za na bãw kɛ́ mãa n'ɩ a Sore. A tɩɛfʋ fʋ na tɩɛ a Ɩsɩrayɛl nɩbɛ a bɛ tɛr fãw ɛ, mɛ̃ bàa-kɛkɛr tɩɛfʋ a.

Zeremi 36:32

Lɛ n'a a Zeremi tɩ bɔ sɛb-pila ƴen sob kʋ̀ a Neriya bidɛb, Barukɩ, na ɩ a sɛ-sɛbrɛ a. A Barukɩ tɩ sɛb'ɩ a lɛ za a Zeremi na tɩ yere kʋ̀rɛ ʋ a, ƴãw a sɛbɛ ʋl pʋɔ: a ƴɛ̀rʋ al za na tɩ be a sɛb-dãw-niwn sob ʋl a Zuda tẽw nãà na tɩ nyɩw bɛr a pʋɔ a. Ƴɛ̀rʋ yaga na tɩ ŋmɛ̃ taa nɩ a al a, tɩ sɛb'a ƴãw pʋɔ.

Zeremi 10:7

Nɩ-bʋʋrɛ nãà a, ãa n'ʋ bɛ sɛw k'ʋʋ zɔrɛ fʋ? Fʋ sɛwnɩ nɩ a lɛ. A yã-bãwnbɛ za na be a tẽ-daa zu a, nɩ a naalʋ-ten za pʋɔ a, nɩr bɛ be be ŋmɛ̃ taa nɩ fʋ ɛ.

Ɩzayi 32:6

Bʋ̃ʋ n'ʋ vɛ̃, a gẽgemi sob mɩ́ ƴɛ̀rɛ nɩ ƴɛ̀rʋ na bɛ tɛr pɛr a. Ʋ mɩ́ tɩ́ɛrɛ nɩ a faa ʋ na na maalɩ a, ʋ mɩ́ ɩrɛ nɩ nɩ-fa-ɩb ɛ́ tʋʋr a Sore zʋmɛ. Ʋ bɛ kʋ̀rɛ bʋ̃-dɩra a kɔ̃ sob ɛ, ʋ bɛ kʋ̀rɛ kʋ̃ɔ a kʋ̃ɔ-nyúur sob ɛ.

Ɩzayi 31:3

A Eziptɩ tẽw dem ɩ n nɩsaalbɛ tɛwr, bɛ bɛ tɛr Naaŋmɩn fãw kãw za ɩ. A bɛ wie ɩ n dʋn tɛwr, a bɛ tɛr bom kãw za dɔwlɩ ɛ. A Sore wa zɛw a nũu a, a sõw-sõwne na kaw na, a sob ʋ na sõwne a lo, à ɩ a bɛ za ayi baarʋ.

Ɩzayi 30:3

Ɛcɛ, a Faarawɔ̃ naayir zɔ-kpɛb na ɩ nyɩ nɩ vĩ. A sɔwlʋ zie nyɩ na bɔbr a Eziptɩ tẽw a na ɩ n a nyɩ tɩɛrʋ wɛb.

Ɩzayi 28:21

A Sore na ìr'a mɛ̃ a Perasim tãw zu a. Ʋ na nyɛ̃ nɩ suur màwr mɛ̃ a Gabaɔ̃ fʋɔla pʋɔ a, a ʋ ton tob daar, tõ-bɩɛ, a ʋ ɩb ɩb daar, ɩb-sãan.

Ɩzayi 22:14

Ɛcɛ a Sore, a kpɛnʋ-za-sob ɩ na k'ɩ̃ wõ yel ŋa: «Nyɩ kʋ̃ páw a nyɩ sãwna ŋa suur ɛ́ gù nyɩ tɩ kpi ɛ.» À ŋá n'a a Sore, a Naaŋmɩn kpɛnʋ-za-sob, pɔ yel.

1 Samɩɛl 2:3

Nyɩ ta ƴɛ̀rɛ pɔ̀l-ƴɛ̀rʋ pilpile nɩ ɛ, nyɔka-ƴɛ̀rʋ ta yi a nyɩ nʋɔrɩ́ ɛ, bʋ̃ʋ n'ʋ vɛ̃, a Sore ɩ n Naaŋmɩn na bãw bom za a, ʋ mɩ́ jɛl'ɩ a nɩsaalbɛ ɩ-ɩrɩ za.

Zozue 23:15

Ũw! Mɛ̃ a lɛ a ƴɛ̀r-vɩɛlɩ al za a Sore nyɩ Naaŋmɩn na tɩ ƴɛ̀r kʋ̀ nyɩ a, na tu a za a, lɛ mɩ̀ n'a a Sore na ɩ a ŋmɛ-ƴãw ƴɛ̀r-bie tu a nyɩ ƴãw, ɛ́ gù ʋ tɩ kʋ nyɩ pàw pɛr, a tẽ-vla ŋa ʋ na kʋ̀ nyɩ a zu.

Sɔr-nɛ́ɛ 10:35

A daw-sõw na mɩ́ tɩ lore a sɔ́r a, a Moyiir mɩ́ tɩ yel'a: «Ìr àr, Sore e, a fʋ dɔ̃ dem zɔ yaarɩ, bɛ zɔ bɔr a fʋ niŋé!»

A Zɔb sɛbɛ 5:13

Ʋlɛ n'ʋ mɩ́ nyɔw a yã-bãwnbɛ a bɛ cɩbɛ bɛrɩ pʋɔ, ɛ́ mɩ́ de niwn bãw a nɩsaal-libelibe pʋ-tɩɛrʋ.

Ɩzayi 1:4

Nyɛ̃ baw-bio a! Nɩ-bʋʋr-yel-bebe dem, nɩ-bʋʋrɛ na tuo sãwna a, yel-fa-maalbɛ bʋʋrɛ, bibiir na sãw bɛ za a! Nyɩ̀ zawr'ɩ a Sore bɛr, nyɩ̀ jewr'ɩ a Ɩsɩrayɛl Naaŋmɩn na ɩ sõw a, nyɩ̀ lɩɛb'ɩ zikur cɔw ʋ.

Ɩzayi 9:17

A po-tuolu 'lere na mɛ̃ vũu na dɩrɛ a gɔ̀-pɛ-bʋʋrɛ za a. A nyɔw nɩ a tuw pʋɔ va-pɔrɛ, ɛ́ ɩ zʋ̀ʋ́r ŋmɛlɛ dúor a salom zu.

Ɩzayi 14:20

Ɛcɛ bɛ kʋ̃ ũù fʋ lãwnɩ bɛ ɩ, fʋ na sãw a fʋ tẽw bɛr a ƴãw, fʋ na kʋ a fʋ nɩ-bʋʋrɛ a. A nɩ-faar bʋʋrɛ yúor kʋ̃ lɛb por towtow ɛ.

Ɩzayi 28:29

A tub ŋa mɩ̀ yi n a Sore, a kpɛnʋ-za-sob, zie. Yã-wule vla vla n'ʋ, a bãwfʋ ʋ na bãw a ɩ n kpɛ̃ɛ yaga.

A Zɔb sɛbɛ 12:13

Ɛcɛ Naaŋmɩn zie n'a a yã-bãwfʋ nɩ a kpɛnʋ be, ʋlɛ so a bãwfʋ nɩ a yã.

A Zɔb sɛbɛ 12:16

Ʋlɛ so a kpɛnʋ nɩ a zɛb-tʋ̃ɔ́fʋ. Ʋlɛ so a nɩr na bɔr a, nɩ a nɩr na ɩ a ʋ tɔ bɔr a.

Ɩzayi 21:17

A tam-tɛbrbɛ na cɛ nɩ zaa pʋrɩ a Kedaar zɛbr-nɩbɛ pʋɔ.» A Sore, a Ɩsɩrayɛl Naaŋmɩn n'ʋ yel.

Ɩzayi 30:7

A Eziptɩ tẽw sõwfʋ a, sɛsɛb'ʋ, ʋ bɛ tɛr pɛr ɛ. Alɛ so ɩ̃ pór a tẽw ŋa kɛ́ «Arahab na bɛ damnɛ a.»