Ɩzayi 31:1 - A SƐB-SÕW

¹ Baw-bio wɛ! A nɩbɛ bɛ ŋa siwr'ɩ Eziptɩ tẽw kɛ́ bɛ tɩ bɔ sõwfʋ. Bɛ bɛr'ɩ tɩɛrʋ a wie ƴãw, a zɛbr-torkori ƴãw n'a bɛ ƴãw a bɛ tɩɛrʋ, a na yãwmɛ a ƴãw, nɩ a bɛ wi-zɔmnbɛ ƴãw, bɛ na tɛr fãw yaga a ƴãw. Ɛcɛ bɛ bɛ jɩ́rɛ a Ɩsɩrayɛl Naaŋmɩn na ɩ sõw a lowr ɛ. Bɛ bɛ bɔbr a Sore ɩ.

Ɩzayi 31:1 Referans Kwoze

Sɛb-sõw yielu 20:7

Ƴɛrɛŋa a, ɩ̃ bãwnɩ a na, a Sore sõwne nɩ a ʋ nɩ-kabra, ʋ be n a ʋ zi-sõw pʋɔ a salom zu, ɛ́ sɔwr ʋ, a ʋ dʋrʋ nũu tone nɩ gãda-tome a ʋ faafʋ ƴãw.

Zeremi 17:5

À ŋá n'a a Sore yere: «Ŋmɛ-ƴãw, a páw a sob nɛ na ƴãw a ʋ tɩɛrʋ a nɩsaal ƴãw a, na bɔbr a ʋ fãw a nɩsaal bʋ̃-tɛrɩ pʋɔ, ɛ́ a ʋ socir zãá nɩ mɛ̃ a!

Wulu-ayi-sob 17:16

A nyɩ nãà a, ʋ ta tɛr wie yaga ɩ, ʋ mɩ̀ ta tõ nɩbɛ a Eziptɩ bɛ tɩ dà a ɩ. Bʋ̃ʋ n'ʋ vɛ̃, a Sore yel nyɩ na: «Towtow, nyɩ bɛ lɛbr cere a tẽw ŋa pʋɔ ɩ!»

Zeremi 2:13

A ɩ̃ nɩbɛ sãw nɩ gb'a ayi: bɛ zawrɩ mɛ̃ na bɛr, a mãa na ɩ a nyɔ-vʋʋrʋ kʋ̃ɔ bul-nʋɔr a, ɛ́ tuw sa-bie-kʋ̃ɔ-bɔwrɩ, bɔw-wɛrɩ na bɛ ganɛ kʋ̃ɔ a.»

Ɩzayi 36:9

Fʋ̃ʋ n'ɩ ŋan kʋ̃ tʋ̃ɔ́ ɩ a ɩ̃ nɩ-kpɛ̃ɛ tõ-tõ-bi-pʋrɩ woro ʋ lɩɛb zɔ ɩ! Ɛ́ fʋ ƴãw a fʋ tɩɛrʋ Eziptɩ tẽw ƴãw kɛ́ fʋ tʋ̃ɔ́ páw zɛbr-torkori nɩ wie!

Ɩzayi 30:16

Nyɩ yere na: «Aɩ, tɩ na zɔm'ɩ wie zɔ n.» Ãà, nyɩ na zɔ na. Nyɩ mɩ̀ cãà na yere: «A tɩ wie na gárɛ nɩ fɔ̃w fɔ̃w.» Ãà, a bɛlɩ dem na diwr nyɩ a na zɔrɛ nɩ fɔ̃w zuo lɛ!

Ɩzayi 36:6

A Eziptɩ tẽw ƴãw n'a fʋ ƴãw a fʋ tɩɛrʋ, a bàa-kɛkɛr-kaba ŋa na mɩ́ nyɩ̀r sob nɛ za na mɩ́ yel k'ʋʋ nyɔw ʋ kɛ́ àr a nũu a. À ŋá n'a a Eziptɩ tẽw nãà, Faarawɔ̃, ŋmɛ̃ a bɛlɩ dem na mɩ́ ƴãw a bɛ tɩɛrʋ a ʋ ƴãw a zie!

A naaŋmɩn-ƴèr-manɛ Oze sɛbɛ 14:3

Nyɩ tɛr ƴɛ̀r-bie á ŋá taabɛ lɛb wa n a Sore zie: «Fʋ mɩ́ de nɩ sãwna za bɛr a baarɩ, sàw de a bom nɛ na vɩɛl a. A tɩ nʋɔr ƴɛ̀rʋ n'a tɩ na de maal'ɩ bàwr kʋ̀ b, nadeli bɛ n'a ɩ.

A naaŋmɩn-ƴèr-manɛ Oze sɛbɛ 7:7

Bɛ za tʋlɛ nɩ kpãkpã mɛ̃ dipɛ̃ sɛb zie a. Bɛ kʋrɛ nɩ a bɛ niw-dierbɛ. A bɛ na-mɩnɛ lore na lɩɛrɛ taa, ɛ́ kãw za bɛ nɔnɛ k'ʋʋ kõ cɔw mɛ̃ ɩ.

Ezekɩɛl 17:15

Ɛcɛ a na-paala ìr'ɩ a Babɩlɔn tẽw nãà zu. Ʋ tõ n nɩbɛ bɛ cen Eziptɩ tẽw kɛ́ bɛ tɩ zɛlɩ wie nɩ sojarɩ yaga. A sob nɛ na ɩ à à ŋá a, ʋ na tʋ̃ɔ́ na a? Ʋ na tʋ̃ɔ́ na cɩ̃ɛ ɛ? Ʋ̃ʋ'hʋ̃, ʋ kʋ̃ tʋ̃ɔ́ cɩ̃ɛ ɩ, ʋ na sãw a wõ-taa bɛr a zũú!

Ɩzayi 9:13

Lɛ n'a a Sore tɩ ŋmãa a zú nɩ a zʋʋr, a kpãkparmɛ tɩɛ wule nɩ a bàa-kɛkɛr a Ɩsɩrayɛl tẽw pʋɔ, bibi-been.

Ɩzayi 22:11

Nyɩ cɔbr'ɩ kʋ̃ɔ-ƴãwfʋ-zie a dacĩ-bɛrɛ ayi cara pʋɔ, a kʋ̃ɔ-ƴãwfʋ-zi-kʋra kʋ̃ɔnɩ ƴãw. Ɛcɛ nyɩ bɛ lɩɛbɩ niwn cɔw a sob nɛ na n'ʋ so a yele á ŋá za ɩrɛ a ɩ. Ʋ tɩ cɔbrɛ a nɩ koro kãw za, ɛ́ nyɩ bɛ nyɛ̃ ʋ ɛ.

2 Bibie za yel-manɩ 16:7

A lɛn daar, a naaŋmɩn-ƴɛ̀r-manɛ Hanani tɩ wa na wa páw a Zuda tẽw nãà Asa yel ʋ: «Fʋ na faa ɩrɛ ƴãwn Aram tẽw nãà ƴãw, ɛ́ bɛ ɩrɛ ƴãwn a Sore fʋ Naaŋmɩn ƴãw a, fʋ kʋ̃ tʋ̃ɔ́ a Aram tẽw nãà zɛbr-nɩbɛ ɩ.

Ɩzayi 57:9

Fʋ mɩ́ cen nɩ a na-kpɛ̃ɛ zie, tɛr kãá nɩ parfɛ̃, fʋ mɩ́ tõ n nɩbɛ zie na zãá nɩ a ka yaga za a. Fʋ mɩ́ siw na tɩ ta a kpɩmɛ tẽw.

Ɩzayi 5:12

A pɛ̀nɛ́ nɩ a korijom, a gãgali nɩ a weli kon n'a bɛ mɩ́ bɩɛlɛ nɩ a bɛ dã-nyũ. Ɛcɛ bɛ bɛ mɩ́ nyɛ̃ a ʋlɩ bom nɛ a Sore na ɩrɛ a ɩ, bɛ bɛ mɩ́ jɩ́rɛ a ʋlɩ bom nɛ ʋ na maalɛ a ɩ.

Ɩzayi 2:7

A bɛ tẽw paal'ɩ salm-pla nɩ salm-zɩɛ, nɩ na-bome bɛ na kʋ̃ tʋ̃ɔ́ sɔ́r a. Ʋ paal'ɩ wie nɩ zɛbr-torkori.

A naaŋmɩn-ƴèr-manɛ Oze sɛbɛ 11:5

«A Ɩsɩrayɛl nɩ-bʋʋrɛ kʋ̃ lɛb wa a Eziptɩ ɛ, Asiiri tẽw n'ʋ na so bɛ, bɛ na zawrɩ a ɩ̃ zie lɛb-waa a ƴãw.

Ɩzayi 64:7

Ɛcɛ, Sore e, fʋ̃ʋ n'ɩ a tɩ sãà. Tɩ ɩ n a yawra ɛ́ fʋ ɩ a mɩɛ-mɩɛrɛ. A fʋ nuru n'a mɛ tɩ tɩ za.

Wulu-ayi-sob 20:1

Nyɩmɛ wa cere kɛ́ nyɩ tɩ zɛb'ɩ a nyɩ dɔ̃ dem a, nyɩmɛ wa nyɛ̃ wie bɩɩ zɛbr-torkori, nɩ zɛbr-nɩbɛ na yãwmɛ zuo nyɩ a, nyɩɩm taa zɔrɛ dɛ̃bɩ̃ɛ ɩ. Bʋ̃ʋ n'ʋ vɛ̃, a Sore nyɩ Naaŋmɩn na ɩ nyɩ yi a Eziptɩ a, be n a nyɩ zie.

Ɩzayi 10:17

A Sore, a Ɩsɩrayɛl cãà, na lɩɛb'ɩ vũu. A Naaŋmɩn na ɩ sõw a na lɩɛb'ɩ vũu-zɛl nyɔw a gɔ-tuwr, dɩ a bibi-been.

Ɩzayi 20:5

A bɛlɩ dem na tɩ ƴãw a bɛ tɩɛrʋ a Etiopi tẽw ƴãw, bɩɩ pɔrɛ nɩ a Eziptɩ tẽw sõwfʋ a, pʋl-vʋ̃ɔ na tɛr bɛ na ɛ́ vĩ nyɔw bɛ.»

Ɩzayi 43:15

Mãa n'ɩ a Sore, a nyɩ Naaŋmɩn na ɩ sõw a, a Ɩsɩrayɛl Íre, a nyɩ Nãà.»

Zeremi 37:7

«À ŋá n'a a Sore, a Ɩsɩrayɛl Naaŋmɩn, yere: “Nyɩ cen tɩ yel kʋ̀ a Zuda tẽw nãà na tõ nyɩ kɛ́ nyɩ wa sowri mɛ̃ a: A Eziptɩ tẽw zɛbr-nɩbɛ na tɩ yi a nyɩ sõwfʋ ƴãw a, bɛ lɩɛb'ɩ pùor kul a bɛ tẽw, a Eziptɩ.

Zeremi 42:14

Tɩ na nɩ̃ɛ na cen Eziptɩ tẽw. A be a, tɩ kʋ̃ lɛb nyɛ̃ zɛbr nɩ mimir ɛ, tɩ kʋ̃ lɛb wõ a zɛbr wɩ́ɛ pɛblʋ ɛ, tɩ kʋ̃ lɛb bɔ bʋ̃-dɩra gù ɛ, a be n'a tɩ bɔbr kɛ́ tɩ kpɩɛr.”

Ezekɩɛl 29:16

A Ɩsɩrayɛl nɩbɛ kʋ̃ cãà ƴãw a bɛ tɩɛrʋ a bɛ ƴãw towtow ɛ. A na ɩ lɛ a, a kʋ̃ cãà ƴãw a Ɩsɩrayɛl nɩbɛ bɔbr sõwfʋ a Eziptɩ tẽw dem zie maalɛ yel-bier ɛ. Lɛ n'a nɩr za na bãw kɛ́ mãa n'ɩ a Sore.»

A naaŋmɩn-ƴèr-manɛ Oze sɛbɛ 11:9

Ɛcɛ ɩ̃ kʋ̃ bɛr a ɩ̃ suur ìr ɛ, ɩ̃ kʋ̃ lɛb wa wa sãw a Efarayim bɛr ɛ, bʋ̃ʋ n'ʋ vɛ̃, ɩ̃ ɩ n Naaŋmɩn, ɩ̃ bɛ ɩ nɩsaal ɛ, a fʋ zie a, ɩ̃ ɩ n sõw, ɩ̃ kʋ̃ wa wul a ɩ̃ suur ɛ.»

Habakukɩ 1:12

A pɛr-tib daar za, fʋ̃ʋ n'ɩ a Sore, fʋ ɩ n a ɩ̃ Naaŋmɩn, na ɩ sõw ɛ́ bɛ tɛr kũu daar a. Sore e, fʋ̃ʋ ɩ̃ pìir na gùre mɛ̃ a, fʋ kaa na ír a nɩ-bʋʋrɛ bɛ ŋa, a Babɩlɔn tẽw dem, ɩ kɛ̀ bɛ kpɛmɛ, kɛ́ bɛ tʋ̃ɔ́ tu a lɛ fʋ na dɩ n tɩ a ƴɛ̀rʋ bin a.

Habakukɩ 3:3

Teman tẽw n'a a Naaŋmɩn yi waar, a Naaŋmɩn na ɩ sõw a yi n a Paran tan pʋɔ waar. A ʋ vɩɛlʋ caal'ɩ a salom, a ʋ yúor-vɩɛlʋ-danʋ paal'ɩ a tẽw.

Yele-za-pɛr-tib 47:17

Lɛ n'a bɛ tɩ wa n a bɛ dʋn wa kʋ̀ a Zuzɛb, ʋʋ kʋ̀ bɛ bʋ̃-dɩrɩ lɩɛr'ɩ a bɛ wie, a bɛ píir, a bɛ bʋʋr, a bɛ nĩi nɩ a bɛ bòn. Ʋ tɩ kʋ̀ bɛ nɩ a bʋ̃-dɩrɩ, a ʋlɩ yũon nɛ, lɩɛr'ɩ a bɛ dʋn za.

2 Bibie za yel-manɩ 16:9

Sɩza n'a, a Sore jɩ́rɛ nɩ a tẽw zu ziir za k'ʋʋ sõw a bɛlɩ dem na nɔnɛ ʋ nɩ bɛ pʋɔ za a. Ɛcɛ ƴɛrɛŋa ʋl a, fʋ ɩ n dãbol-ɩb, alɛ so, dɩ̃a na ta a, zɛbr na lore nɩ a fʋ zu.»

A Zɔb sɛbɛ 39:11

Ʋ na tɛr fãw yaga a n'a fʋ na bɛr yã ɛ́ de a fʋ tome za kʋ̀ ʋ bɩɩ?

Ɩzayi 9:12

A na ɩ lɛ a, a Sore ŋmɛ n a ʋ nɩ-bʋʋrɛ, ɛcɛ a Ɩsɩrayɛl nɩbɛ bɛ lɛb wa a sob nɛ na ŋmɩɛr bɛ a zie ɩ, bɛ bɛ bɔ a Sore, a kpɛnʋ-za-sob ɛ.

Zakari 10:5

Bɛ na ɩ na mɛ̃ gãdaar a, nɛbr a bɛl na zɛbr'ɩ bɛ a nɩ gbɛ́ɛ, mɛ̃ sɔ́r zu tanɛ a. Bɛ na zɛbr'ɩ à à ŋá, a mãa, Sore na lãw nɩ bɛ a ƴãw. A dɔ̃ dem na zɔm wie a, na nyɛ̃ nɩ vĩ.