Ɩzayi 30:6 - A SƐB-SÕW

⁶ Dʋn na tuo tuor a tɔlɛ nɩ a Negɛɛvʋ wɛja-kpalɛ pʋɔ. Kpɩɛrʋ zie na ɩrɛ dɛ̃bɩ̃ɛ nɩ pʋl-vʋ̃ɔ a n'ʋ, wɛ-narʋ, bʋ̃-daar nɩ bʋ̃-pɔwbɛ, dɔpamɛ nɩ wa-bɩɩr na ƴawr a kpɛb zie n'a. Nɩbɛ tuo nɩ a bɛ na-bome nɩ a bɛ na-bʋ̃-tuor bòn zu nɩ nyɔ̃wmɩ zɩgɛ zu. Nɩ-bʋʋrɛ kãw, na kʋ̃ tɛr yel-ɩra kãw za a bɛ zie a, so a.

Ɩzayi 30:6 Referans Kwoze

Wulu-ayi-sob 8:15

Ʋlɛ n'ʋ tɛr nyɩ tɔl'ɩ a wɛja-kpalɛ ŋa na ɩ kpɛ̃ɛ ɛ́ ɩrɛ dɛ̃bɩ̃ɛ a pʋɔ, a wɛja-kpalɛ na ɩ wɩɩr a lɔw na vuule a nɩ nan tɛwr a pʋɔ. A tẽw ŋa na ko ʋ za a pʋɔ a, ʋ ɩ na kʋ̃ɔ tɛ yi a nyɩ ƴãw, pì-kpɛ̃w kpãkara pʋɔ.

Zeremi 11:4

A koro za a, ɩ̃ tɩ ɩ na a nyɩ sãàkʋm-kore yi a Eziptɩ tẽw pʋɔ, bɛ yi a vũu-tʋl-kpãkpã na na tʋ̃ɔ́ nyɩl kure a pʋɔ. A lɛn daar a, ɩ̃ tɩ kʋ̀ bɛ nɩ a wõ-taa ŋa baarɩ. Ɩ̃ tɩ yel bɛ na: Nyɩ bɛrɛ wone a ɩ̃ ƴɛ̀rʋ, ɛ́ sàwr a mɛ̃ a lɛ ɩ̃ na yere kʋ̀rɛ nyɩ a. A lɛn daar a, nyɩ na ɩ n a ɩ̃ nɩbɛ, ɩ̃ɩ ɩ a nyɩ Naaŋmɩn.

1 Na-mɩnɛ 10:2

Ʋ tɩ ta n a Zerizalɛm nɩ pùor dem na yãwmɛ yaga a, nɩ nyɔ̃wmɩ na tuo kãá-nyuure, nɩ salm-zɩɛ yaga nɩ kʋsɛ-bi-nyɩlɩ vɩɛlɩ vɩɛlɩ a. Ʋ tɩ wa n a Salomɔ̃ zie wa sowr'ʋ a sowru al za ʋ na cɔbrɩ a.

Wulu-ayi-sob 4:20

Ɛcɛ a nyɩɩm a, a Sore de nyɩ na, tɛr nyɩ yi n a Eziptɩ wʋ̀ʋr-kpɛ̃ɛ pʋɔ, kɛ́ nyɩ tʋ̃ɔ́ lɩɛbɩ a nɩ-bʋʋrɛ ʋ na so a, mɛ̃ à à ŋá nyɩ na ɩ ʋ a dɩ̃a a.

Matie 12:42

A ƴɛ̀rʋ-dɩb daar a, a saa-pɛrɩ́-dʋrʋ-lowr pɔw-nãà na lãw na ìr'ɩ a dɩ̃a nɩbɛ bɛ ŋa, ɛ́ yel a bɛ sãwna. Bʋ̃ʋ n'ʋ vɛ̃, ʋ yi n zi-zãána za wa bɛr wõ a Salomɔ̃ yã-bãwfʋ ƴɛ̀r-bie. Ɛcɛ nɩr be n a ka zuo a Salomɔ̃.»

A naaŋmɩn-ƴèr-manɛ Oze sɛbɛ 12:1

A Sore yere na: A Efarayim nɩbɛ ŋmãa na jil mɛ̃ nɩ ziri, ɛ́ a Ɩsɩrayɛl nɩbɛ tɛr bɛ̀lʋ-ɩb viiri koli nɩ mɛ̃. Ɛcɛ Zuda ʋl cãà na lãwnɩ a Naaŋmɩn, ɛ́ tu a Sonu-za-sob bɛ lɛb pùor ɛ.

Zeremi 2:6

Bɛ bɛ yel bɛ tʋɔra: “Nyɩnɛ n'a a Sore be, ʋl na ír tɩ yi n a Eziptɩ tẽw, ʋl na tɛr tɩ tɔl'ɩ a wɛja-kpalɛ pʋɔ, zi-faa na ɩ gbʋlãkowe tɛwr a, zie na ko ɛ́ liw a, zie nɩr za na bɛ tɔlɛ a, zie nɩr za na bɛ kpɩɛr a?”

Ɩzayi 57:9

Fʋ mɩ́ cen nɩ a na-kpɛ̃ɛ zie, tɛr kãá nɩ parfɛ̃, fʋ mɩ́ tõ n nɩbɛ zie na zãá nɩ a ka yaga za a. Fʋ mɩ́ siw na tɩ ta a kpɩmɛ tẽw.

Ɩzayi 19:4

Ɩ̃ na bɛr'ɩ a Eziptɩ tẽw kʋ̀ zu-sob na tɛr mimi-kõw a, na-po-tuo sob'ʋ na so ʋ.» À à ŋá n'a a Sore Naaŋmɩn, a kpɛnʋ-za-sob, yere.

Ɩzayi 15:7

A bʋ̃-tɛrɩ al na cãà cɛ a nɩbɛ a, bɛ de a na tɔl gãw nɩ a Sol tɩɩr bà-fʋɔla.

Ɩzayi 8:22

al pùorí bɛ jɩ́r a tẽw nyɛ̃ a ɩ kpɩɛrʋ tɛwr, lige, lige na vʋ̃ɔnɛ pʋ̀lá a, tɩ̃ɩsɔw-varkpara.

2 Bibie za yel-manɩ 16:2

Lɛ n'a a Asa tɩ de a salm-pla nɩ a salm-zɩɛ na tɩ cãà cɛ be a Ŋmɩn-yir-kpɛ̃ɛ na-bome pʋɔ nɩ a nãà na-bome pʋɔ a kʋ̀ a ʋ tõ-tõ-biir, kɛ́ bɛ cen nɩ a Damasɩ tɩ kʋ̀ a Siiri tẽw nãà, Bɛn-Hadadɩ, ɛ́ yel ʋ à ŋá:

2 Bibie za yel-manɩ 9:1

A Saba tẽw pɔw-nãà tɩ wõ n a Salomɔ̃ yele, ìr wa k'ʋʋ wa sowr'ʋ sowru na kpɛmɛ a, ɩ ʋ kaa nyɛ̃ ʋ sɩrɩ na tɛr a yã-bãwfʋ ʋ. Ʋ tɩ ta n a Zerizalɛm nɩ pùor-dem na yãwmɛ yaga a, nɩ nyɔ̃wmɩ na tuo parfɛ̃, nɩ salm-zɩɛ yaga nɩ kʋsɛ-bi-nyɩlɩ vɩɛlɩ vɩɛlɩ a. Ʋ tɩ wa n a Salomɔ̃ zie wa sowr'ʋ a sowru al za ʋ na cɔbrɩ a.

Wulu-ayi-sob 17:16

A nyɩ nãà a, ʋ ta tɛr wie yaga ɩ, ʋ mɩ̀ ta tõ nɩbɛ a Eziptɩ bɛ tɩ dà a ɩ. Bʋ̃ʋ n'ʋ vɛ̃, a Sore yel nyɩ na: «Towtow, nyɩ bɛ lɛbr cere a tẽw ŋa pʋɔ ɩ!»

Eziptɩ tẽw yib 1:14

Bɛ tɩ ɩ na a bɛ nyɔ-vʋʋrʋ bɛ nʋmɛ towtow ɛ, a tõ-kpɛn bɛ na tɩ ƴãw bɛ tone a ƴãw: yawra nawfʋ, birkiri ŋmab, póru tõ-bʋʋrɛ za, nɩ gbãgba-tome za bɛ na tɩ fɛr ƴãw bɛ tone a.

Yele-za-pɛr-tib 12:9

Al pùorí, a Abram tɩ cere na ɛ́ tɛwr zɩnɛ, tu n a Negɛɛvʋ lowr.

Sɔr-nɛ́ɛ 21:8

ʋ yel ʋ à ŋá: «Maalɩ waab a lɔw na vuule a ƴãw dàa ƴãw. Waab wa dʋ̃ nɩr za ʋ jɩ́r ʋ kaa a, ʋ na baa na.»

Ɩzayi 5:30

Ɛcɛ bibir kãw a, a saa na tanɩ nɩ a nɩ-bʋʋrɛ bɛ ŋa ƴãw, mɛ̃ a lɛ a saa-sɛsɛb na mɩ́ wa cɛ̀r a kʋ̃ɔ-kpɛ̃ɛ ɩrɛ gɔmɛ a. Bɛ na mɩ́ jɩ́r'ɩ a tẽw, ɛcɛ lige nɩ kpɩɛrʋ n'a na pili pàw ʋ. Zũzu-sɛblɛ na ɩ na a bibir liw.

Ɩzayi 14:29

Nyɩɩm, Filisɩtɛ̃ mɩnɛ za a, nyɩ ta cɩlɛ a dabɔl na tɩ ŋmɩɛr nyɩ a na kar a ƴãw ɛ. Bʋ̃ʋ n'ʋ vɛ̃, dɔpan na yi n a wa-kũu pʋɔ, ɛ́ wa-bɩɛ, na mɩ́ ƴaw a, yi a dɔpan pʋɔ.

Ɩzayi 35:9

Nɩr bɛ tuore gbẽw a ʋ zu ɛ, wɛ-dʋ̃-faa kãw za bɛ yire a ʋ zu ɛ, nɩr bɛ nyɛrɛ ʋ ɛ. A nɩbɛ a Sore na na faa a, bɛlɛ nɛbɛ na lo a sɔ́r ŋa.

Mise 6:14

Nyɩ na mɩ́ dɩ na, ɛ́ kʋ̃ tɩw ɛ, a nɩbɛ na kone nɩ kɔ̃ a nyɩ tẽw! A al nyɩ na mɩ́ gbab bin a kʋ̃ mɩ́ gã ɩ, ɛ́ nyɩmɛ wa maal bin bom a, ɩ̃ na ɩ na zɛbr ìr sãw ʋ bɛr.

Zakari 9:9

Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.

A Zɔb sɛbɛ 39:11

Ʋ na tɛr fãw yaga a n'a fʋ na bɛr yã ɛ́ de a fʋ tome za kʋ̀ ʋ bɩɩ?

A naaŋmɩn-ƴèr-manɛ Oze sɛbɛ 12:2

Sɛsɛb'ʋ a Efarayim nyúur zawla, saa-pɛrɩ́ sɛsɛb'ʋ ʋ mɩ́ diwr tuur a bibi-ɓil za. Ʋ ŋmarɛ nɩ ziri dɔwlɛ taa, ɛ́ ɩrɛ po-to-fãw-ɩb. Ʋ maal'ɩ wõ-taa nɩ a Asiiri, ɛ́ tɩr kãá kʋ̀ a Eziptɩ tẽw.

Zakari 6:6

A zɛbr-torko a wur-sɛbl na tawr a, tɩ cen nɩ a saa-pɛrɩ́-gʋba-lowr tẽw lowr, a wur-pɛlɛ tɩ cen nɩ a mʋ̃tɔ̃w-kpɛb-lowr tẽw lowr, ɛ́ a wie na ɓalɩ zɩɛ wʋlʋlʋ a, cen a saa-pɛrí-dʋrʋ-lowr tẽw lowr.