Ɩzayi 30:25 - A SƐB-SÕW

²⁵ A ʋlɩ bibir bɛ nãà wa kʋ a nɩbɛ za a, a zɛbr yir-cõcowli wa lo a lɛn daar a, bàrʋ kʋ̃ɔ na zɔrɛ nɩ a tã-bɛrɛ nɩ a tãli zu.

Ɩzayi 30:25 Referans Kwoze

Yel-wula 22:1

A malkɩ mɩ̀ tɩ wul mɛ̃ nɩ a nyɔ-vʋʋrʋ kʋ̃ɔ man na tɩ yire a Naaŋmɩn nɩ a Pele naalʋ-dà-kɔw ƴãw, ɛ́ tɩ nyɩwrɛ mɛ̃ kʋ̃ɔ-kuur a.

2 Korɛ̃tɩ 10:4

A tɩ zɛbr bome bɛ yi nɩsaalbɛ zie ɩ, Naaŋmɩn zie n'a a tɩ zɛbr bome fãw yi, k'aa tʋ̃ɔ́ mɩ́ ŋmɛ a yir-kpɛn lɔb. Tɩ mɩ́ ŋmɛ n a tɩɛrʋ na bɛ tu yel-mɩŋa a lɔb,

Zã 7:38

“A ʋlɩ sob na sàw de m a, mamɛ na zɔrɛ nɩ kʋ̃ɔ yire a ʋ pʋ̃ɔmɩ”, mɛ̃ a lɛ a Sɛb-sõw na yel a.»

Nahum 3:12

A fʋ zɛbr-yir-kpɛn za ŋmɛ̃ na taa nɩ kãkã-mɔmɛ: bɛlɛ wa mĩine a tɩɛ wa báarɛ a, a mɩ́ lo n a sob nɛ na bɔbr k'ʋʋ 'wɔb a a nʋɔrɩ́.

Ezekɩɛl 34:26

Ɩ̃ na bɛr a na a vʋʋrɛ pɩɛlɩ a ɩ̃ tãw-sõw. Ɩ̃ na mɩ́ ɩ n a saa wa a ʋ daar, ɛ́ a kʋ̃ɔ á ŋá na mɩ́ maalɩ a nɩ vla.

Ezekɩɛl 34:13

Ɩ̃ na ɩ na a yi a tẽ-yoru pʋɔ, ɩ̃ na ɓã a nɩ taa ɛ́ lɛb tɛr a wa n a al mɩŋa tẽw pʋɔ. Ɩ̃ na tɛr a na cen nɩ a Ɩsɩrayɛl tẽw tan zu, a fʋɔlɩ pʋɔ, a tẽw zi-vɩɛlɩ vɩɛlɩ pʋɔ.

Ezekɩɛl 17:22

«À ŋá n'a a mãa Sore Naaŋmɩn yere: Mãa mɩŋa na de nɩ wuli-pɔl a sɛɛdɩr tɩɛ nyʋɔrɩ́, ɩ̃ na ka ʋ nɩ a ʋ wuli nyʋɔrɩ́ za zu. Ɩ̃ na sɛl ʋ nɩ tãw na kɛrɩ yaga yaga a zu.

Ɩzayi 37:36

A Sore malkɩ tɩ wa n a Asiiri tẽw dem laɩ pʋɔ, wa kʋ nɩbɛ tùr-kʋba dɔwlɩ tùr-lɩz'a anaar nɩ anũu (185 000). A biɓaara a, a sojarɩ tɩ ìr'a nyɛ̃ a kũuni bɛ ŋa za.

Ɩzayi 32:14

Bɛ yi na kɛ́ bɛr a nãà yir, nɩr bɛ cãà a tẽ-kpɛ̃ɛ na tɩ ɩrɛ gɔmɛ a pʋɔ ɩ. A Ofɛl nɩ a zie piwru yir-cõcowla lɩɛbɩ ziir na gã zawlɛ kʋralɛ ɩ a bòn gaarɩ nʋ̃ɔ̀ nɩ a dʋn mʋ̃ɔ 'wɔbrʋ zie a.

Ɩzayi 48:21

Kʋ̃ɔ-nyúur bɛ kpɛ a ʋ nɩbɛ a wɛja-kpalɛ pʋɔ ʋ na tɩ tɛr bɛ cere nɩ a ɩ. Ʋ tɩ ɩ na kʋ̃ɔ tɛ yi pìir pʋɔ a bɛ ƴãw, ʋ tɩ ɓar'ɩ a pìir, ɛ́ a kʋ̃ɔ gbɔlɛ.

Ezekɩɛl 47:1

A nɩr nɛ tɩ lɛb'a tɛr mɛ̃ wa n a Ŋmɩn-yir-kpɛ̃ɛ dɩ̃dɔr nʋɔr. Lɛ n'a ɩ̃ tɩ nyɛ̃ kʋ̃ɔ a bule yire a dɩ̃dɔr pile a saa-pɛrɩ́. Bʋ̃ʋ n'ʋ vɛ̃, a Ŋmɩn-yir-kpɛ̃ɛ niwn tɩ tori nɩ a saa-pɛrɩ́. A kʋ̃ɔ tɩ gbɔlɛ nɩ a Ŋmɩn-yir-kpɛ̃ɛ saa-pɛrɩ́-dʋrʋ-lowr ɛ́ tɩ tɔlɛ a bàwr-maal-kuur saa-pɛrɩ́-dʋrʋ-lowr.

Sɔr-nɛ́ɛ 24:7

A ɩ na mɛ̃ kʋ̃ɔ na paalɩ yi a ƴãwfʋ zie gbɔlɛ yaga za a bʋ̃-kʋ́ɔrɩ pʋɔ a. A Ɩsɩrayɛl nɩbɛ nãà na tʋ̃ɔ́ nɩ a Agagɩ, ɛ́ a bɛ naalʋ-tẽw yɛlɛ cere.