Ɩzayi 30:21 - A SƐB-SÕW

²¹ Alɛ wa fɛr kɛ́ nyɩ tu dʋrʋ bɩɩ gʋba a, nyɩ na wõ n ƴɛ̀r-bie á ŋá a nyɩ zikurí: «Nyɩ nyɛ̃ a sɔ́r a na fɛr kɛ́ nyɩ de a.»

Ɩzayi 30:21 Referans Kwoze

Sɛb-sõw yielu 32:8

A Sore yere na, ɩ̃ na wule fʋ na, ɛ́ wule fʋ a sɔ́r fʋ na na tuur a. Ɩ̃ na wule fʋ nɩ yã ɛ́ jɩ́rɛ fʋ.

Ɩzayi 58:11

A Sore na wule fʋ nɩ a sɔ́r kʋralɛ. A wɛja-kpalɛ pʋɔ tɛɛ za a, ʋ na kʋ̀ b'ɩ bʋ̃-dɩrɩ ɛ́ ɩ fʋ lɛb tɛr fãw. Fʋ na ɩ na mɛ̃ zaadɛ̃ na bùr ʋ za a, mɛ̃ bul-nʋɔr a kʋ̃ɔ na bɛ sɩrɛ a.

Wulu-ayi-sob 5:32

A Moyiir tɩ cãà na yel a Ɩsɩrayɛl nɩbɛ à ŋá: Nyɩ ƴãw fãw ɩrɛ mɛ̃ a lɛ a Sore nyɩ Naaŋmɩn na yel kʋ̀ nyɩ a, ɛ́ taa gãwnɛ a ʋ nɔ-ƴãwna kãw za bɛrɛ ɩ.

Ɩzayi 42:16

Ɩ̃ na tɛr'ɩ a zɔn tu n sɔ́r bɛ na bɛ bãw a, ɩ̃ na ɩ na bɛ cere soli bɛ na bɛ bãw a zu. Ɩ̃ na ɩ na a lige lɩɛbɩ cãà a bɛ niŋé, ɛ́ a zi-gbegbegegbege ɩ tẽsɔw na man taa a. A ɩ̃ tɩɛrʋ n'ɩ à ŋà, ɩ̃ na maal'ʋ na, ɩ̃ bɛ bɛrɛ ʋ ɛ.

Zeremi 6:16

À ŋá n'a a Sore yere: Nyɩ tɛw àr a sɔ́r nyɩ na lo a zu ɛ́ tɩɛrɩ nyɛ̃, nyɩ sowri a koro sɛ́ɛ yele kaa: Nyɩ bɔ a sɔr-vla ɛ́ tuur ʋ. Lɛ n'a nyɩ na nyɛ̃ a pɩ̃ɛnʋ a nyɩɩm mɩŋa ƴãw. Ɛcɛ bɛ sɔw na: “Tɩ bɛ tuur ʋ ɛ.”

Ɩzayi 48:17

À ŋá n'a a Sore na yarɛ dier fʋ a, a Ɩsɩrayɛl Naaŋmɩn na ɩ sõw a ƴɛ̀rɛ: «Mãa n'ɩ a Sore fʋ Naaŋmɩn. Mãa n'ʋ wule fʋ a ʋlɩ bom nɛ na na tʋ̃ɔ́ wɩ̀ɛ fʋ a. Mãa n'ʋ tɛr fʋ cere nɩ a sɔ́r fʋ na lo a zu.

Zozue 1:7

Dɛ́ kpɛmɛ ɛ́ dɩ kanyir yaga. Ƴãw fãw tuur a wulu a ɩ̃ tõ-tõ-bie Moyiir na lʋɔrɩ kʋ̀ b a: taa zawrɛ ʋ bɛrɛ towtow ɛ, lɛ n'a bom za na mɩ́ tu b.

Zʋkpaɩ 4:27

Taa bɩ̀ɛrɛ dʋrʋ bɩɩ gʋba ɩ. Zãá nɩ a faa.

Ɩzayi 29:24

A bɛlɩ dem a tɩɛrʋ na bɛ mɩ́ tori a na tĩ na bãw a pɛr, bɛl na mɩ́ tɩ zɛbr kʋralɛ a, bɛ na bɛr'a bɛ wule bɛ.»

2 Na-mɩnɛ 22:2

A Zozɩasɩ tɩ ɩ n a lɛ na vɩɛl a, a Sore zie. Ʋ tɩ tu n a ʋ sãàkʋm-kʋra Daviir sɔ́r, ɛ́ bɛ bɩɛ dʋrʋ bɩɩ gʋba ɩ.

Zozue 23:6

A na ɩ à ŋá a, nyɩ kpɛmɛ yaga, ɛ́ sɩrɩ tuur a lɛ za na sɛb a Moyiir wulu sɛbɛ pʋɔ a, nyɩ tuur a, ɛ́ taa bɛrɛ a towtow ɛ.

1 Zã 2:27

A nyɩɩm a, a Vʋʋrʋ Sõw nyɩ na páw a Kɩrɩta zie a, ʋ be n a nyɩ zie, ɛ́ nyɩ bɛ gù kɛ́ nɩr kãw za wule nyɩ ɛ. Bʋ̃ʋ n'ʋ vɛ̃, a Vʋʋrʋ wule nyɩ nɩ bom za: ʋ wule nyɩ nɩ a yel-mɩŋa, ziri bɛ n'a ʋ wule nyɩ ɛ, lɛ so nyɩ ɩrɛ a lɛ ʋ na wul nyɩ a: nyɩ lãw nɩ a Kɩrɩta.

1 Zã 2:20

A nyɩɩm a, nyɩ páw nɩ a Vʋʋrʋ Sõw a Kɩrɩta na kʋ̀ nyɩ a, lɛ n'a nyɩ za bãw a yel-mɩŋa.

1 Samɩɛl 12:23

Alɛ wa cɛ mãa a, ɩ̃ kʋ̃ sàw sãw a Sore, bɛr a nyɩ puor-kʋ̀b ɛ. Ɩ̃ na cãà na wule nyɩ a sɔr-vla nɩ a sɔr-dẽdẽ.