Ɩzayi 30:16 - A SƐB-SÕW

¹⁶ Nyɩ yere na: «Aɩ, tɩ na zɔm'ɩ wie zɔ n.» Ãà, nyɩ na zɔ na. Nyɩ mɩ̀ cãà na yere: «A tɩ wie na gárɛ nɩ fɔ̃w fɔ̃w.» Ãà, a bɛlɩ dem na diwr nyɩ a na zɔrɛ nɩ fɔ̃w zuo lɛ!

Ɩzayi 30:16 Referans Kwoze

Ɩzayi 31:1

Baw-bio wɛ! A nɩbɛ bɛ ŋa siwr'ɩ Eziptɩ tẽw kɛ́ bɛ tɩ bɔ sõwfʋ. Bɛ bɛr'ɩ tɩɛrʋ a wie ƴãw, a zɛbr-torkori ƴãw n'a bɛ ƴãw a bɛ tɩɛrʋ, a na yãwmɛ a ƴãw, nɩ a bɛ wi-zɔmnbɛ ƴãw, bɛ na tɛr fãw yaga a ƴãw. Ɛcɛ bɛ bɛ jɩ́rɛ a Ɩsɩrayɛl Naaŋmɩn na ɩ sõw a lowr ɛ. Bɛ bɛ bɔbr a Sore ɩ.

Ɩzayi 31:3

A Eziptɩ tẽw dem ɩ n nɩsaalbɛ tɛwr, bɛ bɛ tɛr Naaŋmɩn fãw kãw za ɩ. A bɛ wie ɩ n dʋn tɛwr, a bɛ tɛr bom kãw za dɔwlɩ ɛ. A Sore wa zɛw a nũu a, a sõw-sõwne na kaw na, a sob ʋ na sõwne a lo, à ɩ a bɛ za ayi baarʋ.

Habakukɩ 1:8

A bɛ wie garɛ na zuo nyoru, a zɔrɛ nɩ fɔ̃w zuo a wɛ-baar na mɩ́ bawlɛ a zaanʋɔra a. A bɛ wi-zɔmnbɛ garɛ na, bɛ yi n zi-zãána ɛ́ waar, bɛ ƴaw na waar mɛ̃ sɩla na siwr fiii a ʋ bʋ̃-dɩra zu a.

Mise 1:13

Lakisɩ tẽw dem i, nyɩ caw a wie a torkori, nyɩ cɔwr'ɩ a Ɩsɩrayɛl nɩbɛ sãwna, taw a Zerizalɛm ƴãw a yel-bier pʋɔ.

Amɔsɩ 9:1

Ɩ̃ tɩ nyɛ̃ nɩ a ɩ̃ Sore ʋ àr saaƴẽwn a bàwr-maal-kuur zu, ɛ́ yere: «Ŋmɛ a kpule zuru lɔb, ɛ́ a pɛ́ɛ dam! Ŋmɛ a ŋmɛr a lo a bɛ za zurú, ɛ́ a bɛ ŋmaarɛ na na cɛ a, zɛbr-sɔ-kpɛ̃ɛ n'ʋ ɩ̃ na kʋ n bɛ. Nɩr za kʋ̃ tʋ̃ɔ́ zɔ ɩ, been kʋ̃ be a bɛ pʋɔ cɩ̃ɛ ɩ.

A Lãw-mʋɔlɛ 4:19

A Bɛlɩ dem na diwr tɩ a páwr'a zuo a saa-zu sɩlɩ. Bɛ diwr tɩ nɩ a tan zuru, bɛ ƴãwnɛ tɩ nɩ bɛrɩ ziir nɩbɛ na bɛ kpɩɛr a.

Zeremi 52:7

a Babɩlɔn tẽw dem tɩ ŋmɛ n a tẽw dacĩ-kpɛ̃ɛ puo. A Zuda tẽw sojarɩ tɩ yi n a tɩ̃ɩsɔw zɔ. A Babɩlɔn tẽw dem na saa tɩ jil a Zerizalɛm a, bɛ tɩ tu n a dɩ̃dɔr na be a dacĩ-bɛrɛ ayi na pɩɛlɩ a nãà zaadɛ̃ a cará yi. Bɛ tɩ de nɩ a sɔ́r na cere a Zurdɛ̃ fʋɔla pʋɔ a.

Zeremi 4:13

«Nyɛ̃ a dɔ̃ dem: bɛ waar'a mɛ̃ saa na ìre a zũzuge a. A bɛ zɛbr-torkori pawr'a mɛ̃ saa-sɛsɛb a, a bɛ wie garɛ nɩ fɔ̃w zuo sɩlɩ. 'Woi tɩɩm i! Tɩ kpi na!»

Sɛb-sõw yielu 147:10

A wur fãw bɛ n'a ɩrɛ a Sore nʋ̃ɔ̀ ɩ, nɩ a nɩsaal gbɛ-kpɛn ɛ,

Sɛb-sõw yielu 33:17

A wur na na ɩ fʋ zɛb tʋ̃ɔ́ a, bɛ̀lʋ n'a, a ʋ fãw za kʋ̃ tʋ̃ɔ́ ɩ a ʋ zɔmnɛ zɔ cɩ̃ɛ ɩ.

Wulu-ayi-sob 28:49

A Sore na ɩ na nɩ-bʋʋrɛ nyɩ na bɛ wone a ƴɛ̀rʋ a, yi zi-zãána, yi a tẽw baarʋ zie, ɛ́ wa a nyɩ ƴãw. Bɛ na wa siw nɩ a nyɩ zu, mɛ̃ sɩla na mɩ́ siw a ʋ bʋ̃-nyɔwra zu a.

Wulu-ayi-sob 28:25

A Sore na mɩ́ ɩ na a nyɩ dɔ̃ dem tʋ̃ɔ́ nyɩ. Nyɩmɛ wa lo sɔr-been wa ŋmãa nɩ bɛ a zɛbr a, sɛ́ɛ ayopõi n'a nyɩ na tu lɛb zɔ a bɛ niŋé. A tẽ-daa naalʋ-ten za na mɩ́ nyɛ̃ nyɩ na dɛ̃bɩ̃ɛ ɩrɛ a.

2 Na-mɩnɛ 25:5

Ɛcɛ a Babɩlɔn tẽw dem sojarɩ tɩ ta na tu ʋ, tɩ páw ʋ Zeriko tɩ̃talɩ́. A ʋ zɛbr-nɩbɛ za tɩ zɔ na yaarɩ kɛ́ bɛr ʋ.

Ɩzayi 2:7

A bɛ tẽw paal'ɩ salm-pla nɩ salm-zɩɛ, nɩ na-bome bɛ na kʋ̃ tʋ̃ɔ́ sɔ́r a. Ʋ paal'ɩ wie nɩ zɛbr-torkori.

Zeremi 39:4

A Zuda tẽw nãà, Sedesɩasɩ, nɩ a ʋ zɛbr-nɩbɛ na dɛ wa nyɛ̃ bɛ a, bɛ zɔ na. A zie na wa sɔb a, bɛ tu n a nãà zaadɛ̃ pʋɔ nɩ a dɩ̃dɔr na be a dacĩ-bɛrɛ ayi cara pʋɔ a, yi a tẽw pʋɔ. Al pùorí bɛ de a sɔ́r na cere a Zurdɛ̃ fʋɔlá a.

Zeremi 46:6

A sob nɛ na zɔrɛ zuo bɛ za a kʋ̃ tʋ̃ɔ́ zɔ cɩ̃ɛ ɩ, a soja-gãdaar pʋɔ gãdaa kʋ̃ tʋ̃ɔ́ faa ʋ tʋɔra ɩ. A saa-pɛrɩ́-gʋba-lowr be a, a Efaratɩ man nʋɔr, bɛ dẽdere na lore.

A Zɔb sɛbɛ 39:11

Ʋ na tɛr fãw yaga a n'a fʋ na bɛr yã ɛ́ de a fʋ tome za kʋ̀ ʋ bɩɩ?