Ɩzayi 30:15 - A SƐB-SÕW

¹⁵ À ŋá n'a a Sore Naaŋmɩn, a Ɩsɩrayɛl Naaŋmɩn na ɩ sõw a yere: Nyɩ na na lɛb wa a ɩ̃ zie a, nɩ nyɩ na na ɓãa nyɩ mɩŋa a, lɛ tɛwr'a nyɩ na nyɛ̃ a faafʋ. A nyɩ fãw tɛwr'ɩ nyɩ na na zɩ̃ zoom ɛ́ ƴãw a nyɩ tɩɛrʋ a ɩ̃ ƴãw a. Ɛcɛ nyɩ bɛ sàwr ɛ.

Ɩzayi 30:15 Referans Kwoze

Ɩzayi 32:17

A ƴã-ɓaarʋ na ɩ n a mɩnʋ bom, a mɩnʋ ton na ɩ n a zie na gã zoom kʋralɛ bɛ bãw damnʋ a.

Luka 13:34

Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr'ɩ kʋsɛbɛ kʋrɛ a bɛlɩ dem a Naaŋmɩn na tone a fʋ zie a! Gb'aa a ŋmɩn za n'a ɩ̃ tɩ bɔbr k'ɩ̃ɩ ɓã a fʋ biir taa, mɛ̃ nɔ-mã na mɩ́ kʋɔlɩ a ʋ lili-pɩɩlɛ ɓã taa a ʋ bɩgɛ pile a, ɛ́ nyɩ bɛ sàw!

Zã 5:40

Ɛ́ nyɩ bɛ bɔbr kɛ́ nyɩ wa a ɩ̃ zie wa páw a nyɔ-vʋʋrʋ na be kʋralɛ a ɩ.

1 Bibie za yel-manɩ 5:20

A zɛbr daar, bɛ tɩ puor'a zɛlɩ a Naaŋmɩn k'ʋʋ sõw bɛ. Bɛ na tɩ ƴãw a bɛ tɩɛrʋ za a Naaŋmɩn ƴãw a, ʋ tɩ sàw na de a bɛ puoru ɛ́ sõw bɛ. Lɛ n'a bɛ tɩ zɛb tʋ̃ɔ́ a Hagiritɩ mɩnɛ nɩ a bɛ nɩbɛ.

2 Bibie za yel-manɩ 16:8

A Etiopi tẽw dem nɩ a Libi tẽw dem bɛ tɩ ɩ zɛbr-nɩbɛ na kpɛmɛ ɛ́ tɛr zɛbr-torkori nɩ soja-wi-zɔmnbɛ na bɛ tɛr nʋɔr a ɩ? Ɛcɛ fʋ na tɩ ɩrɛ ƴãwn a Sore ƴãw a, ʋ ɩ na fʋ so bɛ.

2 Bibie za yel-manɩ 32:8

Nɩsaal fãw tɛwr'a ʋ tɛr, ɛcɛ tɩɩm a, a Sore tɩ Naaŋmɩn be n a tɩ zie a tɩ sõwfʋ ƴãw, ɛ́ na zɛbr a tɩ zɛbr.» A Zuda nãà Ezekɩasɩ ƴɛ̀rʋ á ŋá tɩ mɔwl'ɩ a tẽw nɩbɛ za.

Ɩzayi 7:4

Fʋ na tɩ yel ʋ na: “Cɛlɛ be! Ta damnɛ ɩ, ta zɔrɛ dɛ̃bɩ̃ɛ ɩ. A fʋ socir, ʋ ta màwr a Siiri tẽw Eresin nɩ a Eremalyahu bidɛb su-tʋlʋ kpãkpã ƴãw ɛ. Da-ŋmaarɛ ayi na ɩrɛ zʋ̀ʋ́r a tɛwr nɛbɛ.

Ebre 12:25

Nyɩ gù vla taa wa zawrɛ a sob nɛ na ƴɛ̀rɛ a nyɩ zie a ƴɛ̀rʋ bɛr-wob ɛ. Bʋ̃ʋ n'ʋ vɛ̃, a bɛlɩ dem na tɩ zawrɩ a sob nɛ na kpãànɛ bɛ a tẽw zu ka a bɛr a, bɛ bɛ cɩ̃ɛ ɩ, ɛ̀ bɛ nãà yere a tɩɩm ɩ, tɩ mɩ̀ kʋ̃ cɩ̃ɛ ɩ, tɩmɛ wa gùr pùor cɔw a sob nɛ na be a tẽ-vla pʋɔ ɛ́ ƴɛ̀rɛ a tɩ zie a.

Matie 23:37

«Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr a bɛlɩ dem a Naaŋmɩn na tone a fʋ zie a nɩ kʋsɛbɛ kʋrɛ a, gb'a a ŋmɩn za n'a ɩ̃ tɩ bɔbr k'ɩ̃ɩ kaalɩ a fʋ bibiir ɓã taa, mɛ̃ nɔ-mã na mɩ́ kaalɩ a ʋ lili-pɩɩlɛ ɓã taa a ʋ pɩgɛ pile a, ɛ́ nyɩ bɛ sàw ɛ!

Ɩzayi 30:7

A Eziptɩ tẽw sõwfʋ a, sɛsɛb'ʋ, ʋ bɛ tɛr pɛr ɛ. Alɛ so ɩ̃ pór a tẽw ŋa kɛ́ «Arahab na bɛ damnɛ a.»

Matie 22:3

Ʋ tɩ tõ n a ʋ tõ-tõ-biir kɛ́ bɛ cen tɩ bʋɔlɩ a nɩbɛ ʋ na bʋɔlɩ a cuw dɩb ƴãw a. Ɛcɛ bɛ bɛ tɩ bɔbr a waa ɩ.

Zeremi 23:36

Ɛcɛ nyɩ kʋ̃ lɛb ƴɛ̀r “tuor Sore na tuo nɩr a” ƴɛ̀rʋ towtow ɛ. Ŋa za ƴɛ̀rʋ n'ʋ na mɩ́ ɩ a tuor, bʋ̃ʋ n'ʋ vɛ̃, nyɩ mɩ́ sãw nɩ a Naaŋmɩn na vʋʋrɛ a, a Sore kpɛnʋ-za-sob, a tɩ Naaŋmɩn ƴɛ̀rʋ bɛr.

Ɩzayi 30:11

Nyɩ bɛr a sɔr-vla, nyɩ zãá nɩ a soli-vla. Nyɩ ta cãà ƴɛ̀rɛ a Ɩsɩrayɛl Naaŋmɩn na ɩ sõw a ƴɛ̀rʋ a tɩ zie ɩ!»

Eziptɩ tẽw yib 14:14

A Sore na lɩɛrɩ nyɩ na zɛb, nyɩ bɛ damnɛ damnʋ za ɩ.»

Sɛb-sõw yielu 116:7

A fɛr'a k'ɩ̃ɩ ɓãá ɩ̃ mɩŋa, a Sore na maalɩ mɛ̃ vla a ƴãw.

Ɩzayi 28:12

Ɛcɛ ʋ nɩ̃ɛ na tɩ yel bɛ à ŋá: «A ka a, nyɩ na nyɛ̃ nɩ pɩ̃ɛnʋ. Nyɩ bɛr a sob nɛ na bàl a ʋ pɩ̃ɛnɩ. Zie na ɩ zoom a n'ɩ a zie ŋa.» Ɛcɛ bɛ bɛ sàw bɛr wõ ɩ.

Ɩzayi 32:18

A Sore nɩbɛ na kpɩɛr'ɩ zie ƴã-ɓaarʋ na be a, bɛ na kpɩɛr'ɩ yie yel-faa na bɛ ka a, pɩ̃ɛnʋ ziir na bɛ bãw damnʋ a.

Ɩzayi 42:24

— Ãa n'ʋ bɛr a Ɩsɩrayɛl, a Zakɔb nɩbɛ kʋ̀ a bɛlɩ dem na fa a bɛ bome a za a, a bɛlɩ dem na za bɛ a? A Sore tɩ na ɩ sãw a bɛ n'ʋ ɛ? A ʋ nɩ-bʋʋrɛ bɛ sàw tu a ʋ sɔ́r ɛ, bɛ bɛ sàw bɛr wõ a ʋ wulu ɛ.

Ɩzayi 45:22

Nyɩɩm na wɩɛr tɩ kpɩɛr a tẽw baarʋ zie a, nyɩ lɩɛbɩ cɔw mɛ̃, ɛ́ nyɩ na nyɛ̃ nɩ a faafʋ. Bʋ̃ʋ n'ʋ vɛ̃, mãa n'ɩ a Naaŋmɩn, kãw bɛ lɛb ka be ɩ.

Ɩzayi 40:31

Ɛcɛ a bɛlɩ dem na mɩ́ ƴãw a bɛ tɩɛrʋ a Sore ƴãw a, mɩ́ páw nɩ fãw-paala. Bɛ mɩ́ ƴaw na mɛ̃ sɩlɩ a, bɛ mɩ́ zɔrɛ na bɛ bàlɛ ɩ, bɛ mɩ́ cere na tɔlɛ nidaa ɛ́ a bɛ fãw bɛ síwre ɩ.