Ɩzayi 30:12 - A SƐB-SÕW

¹² Alɛ so a Ɩsɩrayɛl Naaŋmɩn na ɩ sõw a yere: «Nyɩ zawrɛ nɩ a ɩ̃ ƴɛ̀rʋ bɛrɛ, nyɩ ƴãwnɛ nɩ a nyɩ tɩɛrʋ a bɛlɩ dem na bɛ̀lɛ nyɩ ɛ́ ŋmarɛ ziri a ƴãw, ɛ́ dier bɛ bɛ ɩ a nyɩ tɩ̀ɛrbɛ.

Ɩzayi 30:12 Referans Kwoze

Ɩzayi 5:24

Alɛ so bɛ na ɩ mɛ̃ mʋ̃ɔ vũu na dɩ a, bɩɩ mɛ̃ a mɔ̃-kon na bɔr vũu-zɛlɛ pʋɔ a. A nyɩgɛ ƴãw n'a bɛ na tĩ pʋ̃ɔ́, ɛ́ a bɛ puuru lɩɛbɩ uuru ìr do. Bʋ̃ʋ n'ʋ vɛ̃, bɛ zawr'ɩ a Sore, a kpɛnʋ-za-sob, wulu bɛr, bɛ bɛ ŋmɛlɩ kaa a Ɩsɩrayɛl Naaŋmɩn na ɩ sõw a ƴɛ̀rʋ ɛ.

1 Tesalonikɩ 4:8

Lɛ so, sob nɛ na zawrɛ a wulu á ŋá bɛrɛ a, nɩsaal bɛ n'ʋ ʋ zawrɛ bɛrɛ ɩ, a Naaŋmɩn na kʋ̀rɛ nyɩ a Vʋʋrʋ Sõw a n'ʋ.

Amɔsɩ 2:4

À ŋá n'a a Sore yere: «A Zuda tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na zawrɩ a ɩ̃ wulu bɛr, ɛ́ bɛ sàw de a ɩ̃ nɛ-ƴãwnɩ a, bɛ na ɩ a ŋmɩn-bɛlɛbɛlɛ a bɛ sãàkʋm mɩnɛ na tɩ tuur a bɔr bɛ bɛr a,

Ɩzayi 47:10

A fʋ ɩ-faar tɩ ɩ na fʋ bɛr tɩɛrʋ ɛ́ yere à ŋá: «Nɩr bɛ nyɛrɛ mɛ̃ ɩ». Ɛcɛ fʋ na yel kɛ́ fʋ tɛr'ɩ yã-bãwfʋ nɩ bãwfʋ a, alɛ n'a tuli fʋ, ɛ́ ƴãw fʋ tɩɛrɩ fʋ pʋɔ à ŋá: «A mãa a, ɩ̃ bɛ tɛr ɩ̃ tɔ ɩ!»

Luka 10:16

A Yeezu tɩ cãà na lɛb yel a ʋ po-tuurbɛ: «Sob nɛ na bɛrɛ wone a nyɩ ƴɛ̀rʋ a, a ɩ̃ ƴɛ̀rʋ n'a ʋ bɛrɛ wone, ɛ́ sob nɛ na zawrɩ nyɩ bɛr a, mãa n'ʋ ʋ zawrɩ bɛr. Ɛcɛ sob nɛ na zawrɩ mɛ̃ bɛr a, a sob nɛ na tõ m a n'ʋ ʋ zawrɩ bɛr.»

Zeremi 13:25

A Sore yere na: Zerizalɛm i, nyɛ̃ a bom nɛ na gùre fʋ a, a bom ɩ̃ na gùre nɩ fʋ a. Bʋ̃ʋ n'ʋ vɛ̃, fʋ yiiri mɛ̃ na bɛr ɛ́ ƴãw a fʋ tɩɛrʋ ŋmɩn-bɛlɛbɛlɛ ƴãw.

Ɩzayi 30:7

A Eziptɩ tẽw sõwfʋ a, sɛsɛb'ʋ, ʋ bɛ tɛr pɛr ɛ. Alɛ so ɩ̃ pór a tẽw ŋa kɛ́ «Arahab na bɛ damnɛ a.»

Ɩzayi 30:1

A Sore yere na: Nyɛ̃ baw-bio na páw nyɩ a, nyɩɩm bibi-gaarɩ i! Nyɩ cɔbrɛ nɩ ɩb na bɛ yi a ɩ̃ zie a, kɛ́ nyɩ ɩ. Nyɩ maalɛ nɩ wõ-taar mãa na bɛ n'ʋ ƴãw nyɩ a tɩɛrʋ a. À ŋá n'a nyɩ mɩ́ maalɩ yel-bier dɔwlɩ yel-bier zu.

Ɩzayi 28:15

«Nyɩ yere na: Tɩmɛ nɩ a kũu maal'ɩ wõ-taa, tɩmɛ nɩ a kpɩmɛ tẽw lãw nɩ nʋɔr. A bʋ̃-faa wa waar a, ʋ bɛ páwr tɩ ɛ. Bʋ̃ʋ n'ʋ vɛ̃, a ziri n'ɩ a tɩ pib zie, a libelibe n'ɩ a tɩ sɔwlʋ zie.»

Ɩzayi 5:7

A Sore, a kpɛnʋ-za-sob, divɛ̃ tɩɩr púo n'ɩ a Ɩsɩrayɛl yir dem, ɛ́ a Zuda nɩbɛ n'ɩ a divɛ̃ tɩɛ bʋʋrɛ ʋ na tɩ nɔnɛ a. A Sore tɩ gùre nɩ a lɛ na mɩ́ tu sɔ́r a, a bɛ zie, ɛ́ a ziir za a wa ɩ yel na bɛ mɩ́ tu a mɩnʋ a. Ʋ tɩ gùre nɩ a mɩnʋ, ɛ́ a ziir za a wa ɩ nɩbɛ bɛ na dɔwrɛ a cɛlsɩ.

Sɛb-sõw yielu 62:10

A nɩsaalbɛ ɩ n pɩɛlʋ tɛwr. Nɩsaalbɛ ɩ n bɛ̀lʋ. Bɛlɛ ɩ mɛ̃ bɛ do n bʋ̃-kera zu a, bɛ za na ɓã taa a na ɩ n zelfel zuo pɩɛlʋ.

Sɛb-sõw yielu 52:7

Ɛcɛ Naaŋmɩn na ŋmɛ b'a bin a baarɩ, ʋ na nyɔw fʋ na fɩɩrɩ gẽgẽ, vɩr yi n a fʋ yir pʋɔ, ʋ na ír fʋ nɩ a nɩ-vʋʋrɩ tẽw pʋɔ! Tɛw-àrʋ

Zʋkpaɩ 24:2

Bʋ̃ʋ n'ʋ vɛ̃, sãw-bɛrʋ tɩ́ɛrʋ tɛwr'a bɛ mɩ́ tɛr, ɛ́ a faa bɛ na na maal'a ƴɛ̀rʋ tɛwr'a bɛ mɩ́ ƴɛ̀rɛ.

Ɩzayi 3:14

Ʋ dɩrɛ nɩ nɩ a nɩ-kore nɩ a ʋ nɩ-bʋʋrɛ nɩ-bɛrɛ a ƴɛ̀rʋ à ŋá: “Nyɩmɛ nɛbɛ sãw a ɩ̃ divɛ̃ tɩɩr púo bɛr, ɛ́ paalɩ a nyɩ yie nɩ a nan dem bome nyɩ na zu a.

Ɩzayi 3:15

Ãa n'ʋ kʋ̀ nyɩ a sɔ́r nyɩ kʋrɛ a ɩ̃ nɩ-bʋʋrɛ gúur, ɛ́ ɩrɛ po-to-fãw-ɩb a nan dem zie?” A Sore Naaŋmɩn, a kpɛnʋ-za-sob'ʋ sowre.

Ɩzayi 8:6

«A Zuda nɩbɛ bɛ bɔbr a Silowe bɔw-wɛra kʋ̃ɔ na zɔrɛ bɛ̀lbɛ̀l a ɩ. Ɛ́ a bɛ tɩɛrʋ bàl a Eresin nɩ a Eremalyahu bidɛb ƴãw.

Ɩzayi 26:21

Ʋlɛ n'ɩ ŋan yire a ʋ yir, k'ʋʋ wa kaa a tẽw nɩbɛ zie a bɛ yel-faar ƴãw. A tẽsɔw na bɛr'ɩ a zɩ̃ɩ a sãá, ʋ kʋ̃ cãà sɔwlɩ a nɩbɛ bɛ na kʋ a ɩ.

Ɩzayi 59:4

A ƴɛ̀rʋ-dɩb zie a, nyɩ mɩ́ yel'ɩ sãwna na bɛ ɩ sɩza a. Nyɩ bɛ ƴɛ̀rɛ kpɩɛr a nɩbɛ tuur'ɩ yel-mɩŋa ɩ. Zi-vuo n'a nyɩ mɩ́ ƴãw a nyɩ tɩɛrʋ, nyɩ mɩ́ yere nɩ yele na ɩ ziri a, a yel-faa pʋɔ n'ʋ nyɩ mɩ́ tɛr wa dɔw a kpɩɛrʋ.

Ɩzayi 59:13

Sore e, tɩ zawr'ɩ a fʋ nʋɔr, tɩ mɩl fʋ na, tɩ zawr'ɩ a fʋ tub, a fʋ̃ʋ tɩ Naaŋmɩn. A tɩ taabɛ dɔwrʋ nɩ gaarʋ tɛwr ƴɛ̀rʋ n'a tɩ tɛr. A tɩ socie nɩ a tɩ zuru paal'ɩ ziri tɛwr.