Ɩzayi 30:11 - A SƐB-SÕW

¹¹ Nyɩ bɛr a sɔr-vla, nyɩ zãá nɩ a soli-vla. Nyɩ ta cãà ƴɛ̀rɛ a Ɩsɩrayɛl Naaŋmɩn na ɩ sõw a ƴɛ̀rʋ a tɩ zie ɩ!»

Ɩzayi 30:11 Referans Kwoze

Efɛɛzɩ 4:18

Lige liw na pàw a bɛ yã. Bɛ bɛ pʋɔ a nyɔ-vʋʋrʋ a Naaŋmɩn na tɩrɛ a pʋɔ ɩ, bʋ̃ʋ n'ʋ vɛ̃, a bɛ zɔnʋ kpawl'ɩ a bɛ socie.

Ʋrɔm 8:7

Bʋ̃ʋ n'ʋ vɛ̃, bɛlɩ dem na tuur a nɩsaalʋ yel-bɔbrɩ pùor a, bɛ ɩ n Naaŋmɩn dɔ̃ dem, bɛ bɛ sàwr dier a Naaŋmɩn wulu ɛ, bɛ mɩ̀ kʋ̃ tʋ̃ɔ́ mɩ̀ ɛ.

Ʋrɔm 1:30

ɛ́ manɛ a bɛ taabɛ yele. Naaŋmɩn dɔ̃ dem nɛbɛ, zɛb-ŋmarbɛ, pɔ̀lʋ dem, nɩbɛ na mɩ́ pɔrɛ zawlalɛ a, nɩbɛ na tɛr yã a yel-faar maalʋ ƴãw a, na bɛ sàwr a bɛ dɔwrbɛ nʋɔr a.

Ʋrɔm 1:28

Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

Amɔsɩ 7:13

Ɛcɛ, a Betɛl ka a, ta cãà tone a naaŋmɩn-ƴɛ̀r-manɛ tome ɩ, a nãà zi-sõw n'ɩ a ka, a ʋ Naaŋmɩn yir'ʋ!»

Ɩzayi 29:21

a bɛl na mɩ́ yel kɛ́ nɩr sãw na, ɛ́ a ɩ ziri a, na mɩ́ ƴãwnɛ bɛrɩ a ƴɛ̀r-dɩrbɛ a, na mɩ́ ɩ bɛ ƴãw dɔwrʋ nɩr na bɛ sãw a.

A Zɔb sɛbɛ 21:14

Ɛcɛ bɛ tɩ yel'ɩ a Naaŋmɩn: «Taw zaa a tɩ zie, tɩ tobr bɛ ka a fʋ pʋ-tɩɛrʋ maalʋ ƴãw ɛ.

Nɩ-toni 13:8

Ɛcɛ a tɩtɩblɛ Elimasɩ, — a yúor pɛr'ɩ a lɛ a gɩrɛkɩ kɔkɔr pʋɔ — tɩ piw bɛ nɩ sɔ́r, ɛ́ bɛ bɔbr k'aa na-kpɛ̃ɛ-lɩɛrɛ sàw de a Yeezu Kɩrɩta ɩ.

2 Na-mɩnɛ 19:22

Ãa n'ʋ fʋ tʋ a zʋmɛ? Ãa n'ʋ fʋ ɩ la? Ãa zie n'a fʋ sʋ̃ɔmɩ sàw ƴɛ̀r, ãa n'ʋ fʋ jɩɛlɩ? Mãa n'ʋ, a mãa Ɩsɩrayɛl Naaŋmɩn na ɩ sõw a!

Mise 2:11

Nɩr'ɩ ŋa ta, ƴɛ̀rɛ ƴɛ̀r-zawlɛ, ɛ́ ŋmarɛ ziri yere nɩ: «Ɩ̃ yere na kʋ̀rɛ nyɩ, nyɩ na páw nɩ divɛ̃ nɩ dã-kpɛn!» A lɛn daar a, ʋ na ɩ n a nɩbɛ bɛ ŋa kã-kanɛ.

Ɩzayi 29:13

A Sore yere na: «Nʋɔr'ʋ a nɩ-bʋʋrɛ bɛ ŋa tawr pɩɛlɛ nɩ mɛ̃, nʋɔr ƴɛ̀rʋ tɛwr'a bɛ ƴãwnɛ nɩ mɛ̃. Ɛcɛ a bɛ socie zãá nɩ mɛ̃ na. A zɔba bɛ na zɔrɛ mɛ̃ a ɩ n nɩsaal nɔ-ƴãwna tɛwr bɛ na zanɩ a.