Ɩzayi 3:5 - A SƐB-SÕW

⁵ A nɩbɛ na ɩrɛ nɩ taa po-to-fãw-ɩb, ŋa za a ʋ tɔ sob zie: a pɔlbili na dɔwrɛ nɩ a dɛb-nyamɛ, a nɩ-bɛ-tɛr-bir mɩnɛ dɔwrɛ a nɩ-sɩza mɩnɛ.

Ɩzayi 3:5 Referans Kwoze

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

Zakɩ 5:4

A tõ-tõ-biir na tõ a nyɩ póru pʋɔ a, nyɩ sɩb'ɩ a bɛ sã-ya. Nɛb-taa na bɛ maal'ɩ wob a n'ʋ! A tõ-tõ-biir na kone a, a bɛ cɛlsɩ lo n a Naaŋmɩn, tẽ-daa za Sore, tobe pʋɔ.

Zakɩ 2:6

Ɛcɛ a nyɩɩm a, nyɩ bɛ tɛr a nã́w sob ƴãwfʋ ɛ. A tɛra dem bɛ nɛbɛ mɩ́ dɔwrɛ nyɩ ɛ́ nyɔwr nyɩ cere nɩ a ƴɛ̀rʋ-dɩb ziir ɛ?

Luka 22:64

Bɛ mɩ́ tɩ pàw ʋ nɩ a niwn ɛ́ sowre ʋ: «Bãw naaŋmɩn-ƴɛ̀r-manɛ bãwfʋ! Ãa n'ʋ ŋmɛ b?»

Markɩ 14:65

Bɛ mɩnɛ kãw tɩ tĩ na pʋʋrɛ mʋtaar ƴãwn ʋ, ɛ́ pàwr ʋ a niwn, ɛ́ ŋmɩɛr ʋ yere nɩ: «Bãw, ãa n'ʋ ŋmɛ b.» Bɛ tɩ bɛr'ɩ a Yeezu kʋ̀ a tõ-tõ-biir bɛ ɓa ɓa ʋ.

Matie 26:67

Lɛ n'a bɛ tɩ pʋʋrɩ mʋtaar waar'ʋ a niwn ɛ́ pɔb pɔb ʋ, bɛ mɩnɛ mɩ́ tɩ ɓa ʋ na

Mise 3:11

Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ, tɔnɛ ƴãw n'a a bàwr-maalbɛ wule, libie ƴãw n'a a naaŋmɩn-ƴɛ̀r-manbɛ bãwnɛ a nɩdaar yele. Ɛcɛ à á ŋá za a, a Sore ƴãw n'a bɛ mɩ́ ɩrɛ ƴãwn yere nɩ: «A Sore be n a tɩ sɔgɔ, yel-faa za bɛ páwr tɩ ɛ.»

Amɔsɩ 4:1

Nyɩɩm pɔwbɛ na be a Samaari tãw zu ɩ zʋ̃zʋlɛ zʋ̃zʋlɛ mɛ̃ Basan tẽw nĩi a, nyɩ bɛrɛ wone a ƴɛ̀rʋ ŋa: nyɩ nɛbr'ɩ a bãbàalbɛ ɛ́ dɔwrɛ a nɩ-kɔmɛ, ɛ́ yere a nyɩ sɩrbɛ: «Nyɩ de a nyub wa n!»

Ezekɩɛl 22:12

A fʋ pʋɔ a, Zerizalɛm i, nɩbɛ sàwr'ɩ bʋ̃-kʋ̀rɩ nɩbɛ kʋb ƴãw. Bɛ mɩ́ pɛ̃w nɩ libie gùre nɩ tɔnɛ yaga, bɛ mɩ́ nɛb'ɩ a bɛ tẽ-bi-taabɛ kpɛ naalʋ. Ɛ́ mãa a, bɛ yiiri mɛ̃ na bɛr a nʋɔr kʋ, a mãa Sore Naaŋmɩn n'ʋ yere.

Zeremi 22:17

Ɛcɛ a fʋ̃ʋ a, a fʋ mɩŋa tɔnɛ tɛwr'a fʋ jɩ́rɛ, nɩbɛ na bɛ sãw a kʋb tɛwr'a fʋ bɔbr, nɩ po-to-fãw-ɩb a nɩbɛ zie.»

Ɩzayi 11:13

Lɛ n'a a Efarayim kʋ̃ cãà nyuur'ɩ a Zuda ɩ. Bɛ na kʋ n a Zuda dɔ̃ dem pàw pɛr, ɛ́ a Zuda kʋ̃ cãà tɛr'ɩ a Ɩsɩrayɛl dɔ̃ ɩ.

Ɩzayi 1:4

Nyɛ̃ baw-bio a! Nɩ-bʋʋr-yel-bebe dem, nɩ-bʋʋrɛ na tuo sãwna a, yel-fa-maalbɛ bʋʋrɛ, bibiir na sãw bɛ za a! Nyɩ̀ zawr'ɩ a Sore bɛr, nyɩ̀ jewr'ɩ a Ɩsɩrayɛl Naaŋmɩn na ɩ sõw a, nyɩ̀ lɩɛb'ɩ zikur cɔw ʋ.

2 Na-mɩnɛ 2:23

A Elize tɩ yi n a Zeriko cere Betɛl. Ʋ na tɩ be a sɔ́r zu a, bibiir kãw na tɩ yi a tẽ-kpɛ̃ɛ pʋɔ wa a, tɩ ɩrɛ ʋ na laar, cɩɩrɛ yere nɩ: «Dúor, zu-kpalɛ ɛ! Dúor, zu-kpalɛ ɛ!»

Levitɩ mɩnɛ 19:32

«Nyɩ mɩ́ ìr àr a dɛb-nyãw na pɛlɩ zu a niŋé, nyɩ mɩ́ tɛr ƴãwfʋ yaga a dɛb-nyãw zie. À ŋá n'a nyɩ na ƴãwnɛ mɛ̃. Mãa n'ɩ a Sore nyɩ Naaŋmɩn.»

Ɩzayi 9:18

A Sore, a kpɛnʋ-za-sob, suur ƴãw a, a tẽw 'lere nɩ vũu. A ɩ na mɛ̃ vũu dɩrɛ nɩ a nɩbɛ a. Nɩr za bɛ bɛrɛ a ʋ yɛb ɛ.

Ɩzayi 19:2

A Sore yere na: «Ɩ̃ na ƴãw nɩ a Eziptɩ tẽw dem tãá, bɛ na zɛbr'ɩ taa a bɛ cara pʋɔ, yɛb nɩ yɛb, tɔ nɩ tɔ, tẽ-kpɛ̃ɛ nɩ tẽ-kpɛ̃ɛ naalʋ-tẽw nɩ naalʋ-tẽw.

Mise 7:2

Nɩbɛ na tu a Naaŋmɩn a, bɛ cãà a tẽw pʋɔ ɩ, nɩ-mɩŋa bɛ cãà be ɩ. Nɩ-kʋ tɩɛrʋ n'a bɛ za tɛr, yɛb mɩ́ jɩɛrɛ nɩ ʋ yɛb.

Zakari 11:6

A mãa, a Sore, ɩ̃ yere na, ɩ̃ mɩ̀ kʋ̃ zɔrɛ a tẽ-daa nɩbɛ nɩbaalʋ ɛ. Ɩ̃ na mɩ́ ƴãw nɩ nɩsaal za a ʋ kpɛ-pɩɛl nɩ a ʋ nãà nũú. A na-mɩnɛ na sãw nɩ a tẽw bɛr ʋ za, ɩ̃ɩ bɛ faarɛ nɩr za a bɛ nuru pʋɔ ɩ.»