Ɩzayi 3:26 - A SƐB-SÕW

²⁶ Lɛ n'a a tẽ-kpɛ̃ɛ na kone ʋ za ɛ́ be wahala pʋɔ, mɛ̃ pɔw na bɛ cãà tɛr bom za ɛ́ zɩ̃ tẽsɔw a.

Ɩzayi 3:26 Referans Kwoze

A Lãw-mʋɔlɛ 2:10

A Sɩyɔ̃ tẽ-kpɛ̃ɛ nɩ-kore zɩ̃ n gbili gbili a tẽw. Bɛ 'wɔ̃w nɩ tanɛ ƴãw a zurú, bɛ su n vʋɔrɩ kparɩ. A Zerizalɛm pɔwsɩrali su n zuru.

Zeremi 14:2

«A Zuda nɩbɛ be n wahala pʋɔ, a ʋ tẽ-bɛrɛ fãw siwre na. Bɛ be n pʋ-sãwna kpɛ̃ɛ pʋɔ, bɛ zɩ̃ n tẽw, a Zerizalɛm cɛlsɩ dúor'ɩ saa.

A Lãw-mʋɔlɛ 1:4

A Sɩyɔ̃ tẽw sɛ́ɛ be n wahala pʋɔ, nɩr bɛ cãà tuur a waar a cuwr ƴãw ɛ, a ʋ nɩbɛ tuor-taa ziir gã nɩ zawlɛ. A ʋ bàwr-maalbɛ kone na, Pʋ-sãwna tɛr'ɩ a ʋ pɔwsɩrali. Nyɛ̃ kpɩɛrʋ na tɛr a Sɩyɔ̃ a!

A Zɔb sɛbɛ 2:13

Bɛ tɩ zɩ̃ n tẽw kɔw a Zɔb bibie ayopõi nɩ tɩ̃ɩsɔwr ayopõi. Bɛ kãw za bɛ tɩ háa nʋɔr ƴɛ̀r ƴɛ̀rʋ sɔw ʋ ɛ, bɛ na tɩ nyɛ̃ a wone ʋ yaga za a ƴãw.

Luka 19:44

Bɛ na ŋmɛr fʋ na bɛr ɛ́ kʋ a fʋ nɩbɛ, ɛ́ bɛ kʋ̃ bɛr kʋsɩɛr ʋ cãà dɔwlɩ kʋsɩɛr zu ɛ, fʋ na bɛ sàw bãw a daar ʋl a Naaŋmɩn na wa k'ʋʋ wa faa fʋ a ƴãw.»

Ezekɩɛl 26:16

A kʋ̃ɔ-kpɛ̃ɛ nʋɔr nɩbɛ na-mɩnɛ na siw nɩ a bɛ naalʋ-dà-kɔwr zu, bɛ na yaa nɩ a bɛ bʋ̃-suur-vɩɛlɩ vɩɛlɩ nɩ a bɛ kpar-mawrɩ bɛr. Bɛ na ɩ n dɛ̃bɩ̃ɛ tɛwr, ɛ́ bɛ na zɩ̃ n tẽsɔw. Bɛ kʋ̃ bɛr a mawfʋ ɛ, ɛ́ pʋl-vʋ̃ɔ na tɛr bɛ nɩ yaga za a fʋ zũú.

A Zɔb sɛbɛ 2:8

Lɛ n'a a Zɔb tɩ zɩ̃ tãpúo zu ɛ́ de kusele dure nɩ a ʋ ƴã-gan.

Ɩzayi 47:1

A Sore yere na: «Babɩlɔn tẽ-kpɛ̃ɛ ɛ, siw a fʋ naalʋ-dà-kɔw zu zɩ̃ a tanɛ pʋɔ. Lɛ n'a, zɩ̃ a tẽsɔw, Babɩlɔn tẽw dem tẽ-kpɛ̃ɛ ɛ. Bɛ kʋ̃ cãà bʋɔlɛ fʋ “Babɩlɔn na pɔl a” ɩ, “Babɩlɔn nʋ̃ɔ̀-wone” ɩ.

Matie 11:17

“Tɩ pɛbl'ɩ weli ƴãw nyɩ, ɛ́ nyɩ bɛ ƴaw ɛ! Tɩ ŋmãa nɩ lãw-mʋɔlɛ, ɛ́ nyɩ bɛ kõ ɩ!”

Ɩzayi 6:11

Lɛ n'a ɩ̃ tɩ sowri: «Tɩ ta debor daar, Sore e?» Ʋ sɔw: «Tɩ ta a lɛn daar a tẽ-bɛrɛ na na sãw gã nɩbɛ bɛ cãà kpɩɛr a, a yie gã zawlɛ nɩsaalɛ za bɛ cãà nyùur a, ɛ́ a tẽsɔw sãw ʋ za a ɩ kpɩɛrʋ a.»

Ɩzayi 14:31

Tẽ-bɛrɛ dɩ̃dɛɛ ɛ, nyɩ kone! Nyɩɩm tẽ-bɛrɛ ɛ, nyɩ lɔbr cɛlsɩ! A Filisɩtɛ̃ tẽw za kanyir baar'a, bʋ̃ʋ n'ʋ vɛ̃, zʋ̀ʋ́r yi n a saa-pɛrɩ́-gʋba-lowr waar. A dɔ̃ dem zie a, nɩr bɛ tawr yire a zɛbr-nɩbɛ pʋɔ ɩrɛ ʋ yõ ɩ.

Ɩzayi 29:2

ɛcɛ ɩ̃ na dɔwrɩ fʋ na, Arɩɛl i. Fʋ na ɩ n kon nɩ 'woi 'woi tɛwr, ɛ́ a ɩ̃ zie fʋ ɩ mɛ̃ a bàwr-maal-kuur Arɩɛl a, a be bɛ na mɩ́ nyɩw a bàwr-maal-bome a.

Ɩzayi 33:9

A tẽw tɛr'ɩ wahala, kpiir. Vĩ nyɔw nɩ a Libã tãw, ʋ kore na. A Saron zi-tɩ̃tal ŋmɛ̃ na taa nɩ wɛja-kpalɛ. A Basan nɩ a Karmɛl tan bɛ cãà tɛr tɩɩr ɛ.

Zeremi 15:8

Ɩ̃ ɩ n a ʋ pɔw-kɔbɛ yãwmɛ zuo a kʋ̃ɔ-kpɛ̃ɛ nʋɔr biire. Ɩ̃ ɩ na kpɩɛrʋ páw a soja-pɔl mã mʋ̃tɔ̃-tuo. Ɩ̃ ùr'a ɩ dɛ̃bɩ̃-kpɛ̃ɛ lo a ʋ zu.

A Lãw-mʋɔlɛ 1:1

'Woi! Bɛ jɛ ʋ na bɛr, a tẽ-kpɛ̃ɛ ŋa na tɩ ɩ nɩbɛ kʋrkʋrkʋr a! Ʋ ɩ na mɛ̃ pɔw-kʋɔr a, ʋl a yúor na tɩ yi yaga a nɩ-bʋʋr-yoru sɔgɔ a, ʋl na tɩ ɩ pɔw-nãà so a tẽ-ŋma-kʋ̀rɩ a, ʋlɛ n'ɩ ŋan wa ɩ gbãgbaa!

A Lãw-mʋɔlɛ 2:8

A Sore tɩ yel'a k'ʋʋ na ŋmɛr'ɩ a dacine na piw a Sɩyɔ̃ tẽw a bɛr. Ʋ dɔl'ɩ a miw-máná, ʋ bɛ bɛr a ŋmɛr-bɛrʋ ɛ, ɛ́ gù bom bɛ tɩ cãà be ɩ. Ʋ ŋmɛ n a dacine a za ayi, ɛ́ a za ayi lo.

Ezekɩɛl 12:20

Nɩbɛ kʋ̃ be be kpɩɛr a tẽ-bɛrɛ pʋɔ ɩ, ɛ́ a tẽw na ɩ n wɛja-kpalɛ. Lɛ n'a nyɩ na bãw kɛ́ mãa n'ɩ a Sore.”»

Mise 1:9

A dɔwrʋ na páw a Samaari a bɛ tɛr tɩ̃ɩ ɛ, a ta n a Zuda tẽw tɛɛ za, a Zerizalɛm dɩ̃dɛɛ ƴãw, a be a ɩ̃ nɩ-bʋʋrɛ na kpɩɛr a.

Ɩzayi 32:14

Bɛ yi na kɛ́ bɛr a nãà yir, nɩr bɛ cãà a tẽ-kpɛ̃ɛ na tɩ ɩrɛ gɔmɛ a pʋɔ ɩ. A Ofɛl nɩ a zie piwru yir-cõcowla lɩɛbɩ ziir na gã zawlɛ kʋralɛ ɩ a bòn gaarɩ nʋ̃ɔ̀ nɩ a dʋn mʋ̃ɔ 'wɔbrʋ zie a.