Ɩzayi 3:24 - A SƐB-SÕW

²⁴ Pʋɔrʋ nyũu na lɩɛr'ɩ a parfɛ̃ nyũu, miwr na lɩɛr'ɩ a kpàwr. Zu bɛ na fɔr'a na lɩɛr'ɩ a zu bɛ na pàl tɩ ƴãw kpɛ̃kpɛrsɩ a. Vʋɔra pɛn gãw na lɩɛr'ɩ a dɛpaal bʋ̃-suuri. Ƴã-ganɩ́ bãwfʋ na ɩrɛ vĩ a na lɩɛr'ɩ a vɩɛlʋ bãwfʋ.

Ɩzayi 3:24 Referans Kwoze

Ezekɩɛl 27:31

A fʋ̃ʋ ƴãw a, bɛ na fɔr'ɩ a zu, ɛ́ su ko-tuolu bʋ̃-suuri. Bɛ na kone na ƴãwn fʋ, bɛ na kone nɩ lãw-mʋɔl-tʋlʋ.

A Lãw-mʋɔlɛ 2:10

A Sɩyɔ̃ tẽ-kpɛ̃ɛ nɩ-kore zɩ̃ n gbili gbili a tẽw. Bɛ 'wɔ̃w nɩ tanɛ ƴãw a zurú, bɛ su n vʋɔrɩ kparɩ. A Zerizalɛm pɔwsɩrali su n zuru.

Mise 1:16

Nyɩ põ a nyɩ zuru, nyɩ fɔr a bɛr, Zerizalɛm tẽw dem i! A nyɩ zuru, a kpal mɛ̃ sidum zu a, nyɩ kone a nyɩ bibiir nyɩ na nɔnɛ a, bʋ̃ʋ n'ʋ vɛ̃, bɛ na diw bɛ nɩ a bɛ tẽw pʋɔ cen nɩ gbãgbaalʋ pʋɔ, bɛ zãá nɩ nyɩ.

Ɩzayi 22:12

A ʋlɩ bibir nɛ a, a Sore, a Naaŋmɩn kpɛnʋ-za-sob, tɩ bʋɔlɛ nyɩ nɩ kon nɩ cɛlsɩ ŋmɛb ƴãw, a nyɩ zuru fɔrʋ nɩ vʋɔrɩ kparɩ sub ƴãw.

Ɩzayi 15:3

A tẽ-bɛrɛ sɛ́ɛ pʋɔ a, vʋɔrɩ kparɩ n'a a nɩbɛ su. A gàrɛ zu nɩ a nɩ-yaga tuor-taa ziir a, bɛ za ŋmaarɛ nɩ lãw-mʋɔlɛ kone cire nɩ mʋta-kʋ̃ɔ.

1 Pɩɛr 3:3

Nyɩ ta mɩ́ ɩ a nyɩ vɩɛlʋ ɩ ƴã-gan vɩɛlʋ ɛ: a zu nyɩ na mɩ́ 'lẽ gãgoli a, a tokpamɛ nɩ a salm-zɩɛ pɩ̃ɛmɛ, a dɛpaal bʋ̃-suuri.

Amɔsɩ 8:10

Ɩ̃ na ɩ na a nyɩ cuwr lɩɛbɩ kuor, a nyɩ yielu za na lɩɛb'ɩ wahala cɛlsɩ. Ɩ̃ na ƴãw na a nɩbɛ za sɛ vʋɔrɩ a sɩɛmɩ́, ɛ́ fɔr a bɛ zuru mɛ̃ bi-been kuor daar a. À á ŋá za baarʋ na ɩ na mɛ̃ kpɩɛrʋ bibir a.

Levitɩ mɩnɛ 26:16

nyɩ nyɛ̃ a lɛ ɩ̃ na na ɩ nyɩ a: Ɩ̃ na ƴãw na a pʋl-vʋ̃ɔ, a kõwfʋ nɩ a ƴã-tʋlʋ wa a nyɩ ƴãw wa ɩ nyɩ lo mimie ɛ́ sɩrɛ cere. Nyɩ na mɩ́ bʋ̀r'ɩ a nyɩ póru zawla, bʋ̃ʋ n'ʋ vɛ̃, a nyɩ dɔ̃ dem nɛbɛ na mɩ́ cɛ̀ a.

Yel-wula 18:9

A tẽw zu na-mɩnɛ na lãw nɩ ʋ maalɩ a pɩ̃ɔ-yele, ɛ́ lãw nɩ ʋ dɩ a dɛpaalʋ a na tuo nɩ nuru zũú kone nɩ a ʋ ƴãw, a lɛn daar bɛ nãà wa nyɛ̃ a ʋ vũu zʋ̀ʋ́r a.

Yel-wula 16:9

Tʋlʋ na bɛ dɩ vuo a tɩ dɩ n a nɩsaalbɛ. Bɛ tɩ tʋ n a Naaŋmɩn yúor zʋmɛ, a Naaŋmɩn na tɛr fãw a bʋ̃-faar á ŋá zu a, ɛcɛ, bɛ bɛ tɩ lɩɛbɩ a bɛ ɩb zɛw a ʋ yúor ɛ.

Yel-wula 11:3

Ɩ̃ na ƴãw na a ɩ̃ dãsɩɛ dem ayi su ko-tuolu bʋ̃-suuri manɛ nɩ a ɩ̃ ƴɛ̀rʋ, bibie túr dɔwlɩ kɔbr ayi lɩz'a ata (1 260).»

Zowɛl 1:8

Nyɩ tuo nuru zũú kone nɩ, mɛ̃ pɔwsɩrale na su ko-tuolu bome kone nɩ a ʋ sɩr ʋ na kul paalʋ ʋ kpi a.

Ezekɩɛl 7:18

Bɛ na su n vʋɔrɩ kparɩ, ɛ́ màwr dɛ̃bɩ̃-mawfʋ. A bɛ niŋe na ɩ n vĩ tɛwr, bɛ na fɔr'ɩ a zuru za.

Zeremi 48:37

A dɛbr za fɔr'ɩ a bɛ zuru, ɛ́ põ a bɛ tɩ̃ɛmɛ. Bɛ wɛr wɛr'ɩ a bɛ nuru, ɛ́ su vʋɔrɩ kparɩ.

Zeremi 6:26

«Ɩ̃ nɩ-bʋʋrɛ ɛ, nyɩ su vʋɔrɩ kparɩ, nyɩ bile a tanɛ pʋɔ! Nyɩ tĩ a kuor maalʋ mɛ̃ bidɛb-been ƴãw a. Nyɩ kõ lãwnɩ tʋlʋtʋlʋ, bʋ̃ʋ n'ʋ vɛ̃, a dɔ̃ sob na sãwnɛ bom za a, na ùr'a ta a nyɩ ƴãw.»

Zeremi 4:8

A na ɩ à ŋá a, nyɩ su vʋɔrɩ kparɩ! Nyɩ kone a nyɩ kpɩɛrʋ! Nyɩ ùore! Bʋ̃ʋ n'ʋ vɛ̃, a Sore bɛ bɛr a ʋ su-tʋlʋ kpãkpã a tɩ ƴãw ɛ.

Ɩzayi 57:9

Fʋ mɩ́ cen nɩ a na-kpɛ̃ɛ zie, tɛr kãá nɩ parfɛ̃, fʋ mɩ́ tõ n nɩbɛ zie na zãá nɩ a ka yaga za a. Fʋ mɩ́ siw na tɩ ta a kpɩmɛ tẽw.

Zʋkpaɩ 31:24

A pɔw ŋa mɩ́ sɩɛr'ɩ bʋ̃-suuri a kʋɔrʋ ƴãw, nɩ kpàgɛ ʋ na mɩ́ kʋɔrɩ kʋ̀ a yɛ-yɛrɛ na tɔlɛ a.

Zʋkpaɩ 7:17

Ɩ̃ ŋmɛ n mɩ́ɩ̀r parfɛ̃ na nyùur vla vla a ƴãw a ɩ̃ bʋ̃-gana zu.

A Zɔb sɛbɛ 16:15

A wahala kparʋ bɛ yire a ɩ̃ ƴã-ganɩ́ ɛ, ɩ̃ɩ de a ɩ̃ gbẽ nɛr uuru pʋɔ.

Wulu-ayi-sob 32:24

A kɔ̃ wa kpɛ bɛ kʋ bɛr a, a ƴã-tʋlʋ bɩɩ a bàal-faar wa ɩ bɛ bʋ̃-zaalɛ a, ɩ̃ na ƴãw na wɛ-dʋ̃-faar wa a bɛ ƴãw, nɩ wɩɩr na tɛr lɔw yaga a.

Wulu-ayi-sob 28:22

A Sore na ɩ na a nyɩ ƴã-gamɛ sɩrɛ, zi-ɓori ɓore nyɩ, ƴã-tʋlɛ tɛr nyɩ. Ʋ na ɩ na wɛr nyɔw. Ʋ na ɩ na a bʋ̃-kʋ́ɔrɩ al na mɩ́ tɛr bie a, a ko a dàar zu bɩɩ pɔ̃. A bʋ̃-faar á ŋá na tɛr'ɩ lɛɛɛ tɩ baarɩ nyɩ.

Zeremi 49:3

Hɛsɩbon tẽw dem i, nyɩ kone kuor kon: «A Aɩ tẽ-kpɛ̃ɛ sãw na!» Araba tẽli-kpɔwlɩ i, nyɩ lɔbr cɛlsɩ bʋɔlɛ nɩ sõwfʋ! Nyɩ su vʋɔrɩ kparɩ, nyɩ yiele nɩbaal-yielu! Nyɩ cɔlɛ gʋɔr a ziir bɛ na mɛ dacine viiri koli a pʋɔ: bɛ íre nɩ a ŋmɩn Mɩlkɔm cere nɩ tẽ-yũo, ʋlɛ n'ɩ a ʋ bàwr-maalbɛ lãwnɩ a ʋ nɩ-bɛrɛ za.

Ɩzayi 4:4

A Sore na ɩ na mɩnʋ nɩ vɩɛlʋ sɛsɛb fu. Ʋlɛ wa ír a Zerizalɛm pɔwbɛ dɛwr bɛr à à ŋá a, ʋlɛ wa pɛ́w a zɩ̃ɩ a Sɩyɔ̃ tẽw na ɩ a cir a ʋ pʋɔ a bɛr a,

Ɩzayi 3:23

a càalɩ́, a lɛ̃ pɛn kparɩ, a zu-jɩ̀ɩr, a zu nɩ a bawŋmamɛ zu pɛn-vʋlvʋl.

Ɩzayi 15:2

A nɩbɛ do n a ŋmɩn-yir, a Divon nɩ a maalʋ-ziir kɛ́ bɛ tɩ kõ. A Mowab tẽw dem kone nɩ lãw-mʋɔlɛ Nebo nɩ Medeva. A zuru za fɔr fɔr a, ɛ́ a tɩ̃ɛmɛ za põ.