Ɩzayi 3:14 - A SƐB-SÕW

¹⁴ Ʋ dɩrɛ nɩ nɩ a nɩ-kore nɩ a ʋ nɩ-bʋʋrɛ nɩ-bɛrɛ a ƴɛ̀rʋ à ŋá: “Nyɩmɛ nɛbɛ sãw a ɩ̃ divɛ̃ tɩɩr púo bɛr, ɛ́ paalɩ a nyɩ yie nɩ a nan dem bome nyɩ na zu a.

Ɩzayi 3:14 Referans Kwoze

A Zɔb sɛbɛ 22:4

Fʋ tɩɛr kɛ́ fʋ na ƴãwnɛ a Naaŋmɩn a n'a so ʋ kpãanɛ fʋ, ɛ́ dɩrɛ nɩ fʋ ƴɛ̀rʋ bɩɩ?

Zakɩ 2:6

Ɛcɛ a nyɩɩm a, nyɩ bɛ tɛr a nã́w sob ƴãwfʋ ɛ. A tɛra dem bɛ nɛbɛ mɩ́ dɔwrɛ nyɩ ɛ́ nyɔwr nyɩ cere nɩ a ƴɛ̀rʋ-dɩb ziir ɛ?

Amɔsɩ 4:1

Nyɩɩm pɔwbɛ na be a Samaari tãw zu ɩ zʋ̃zʋlɛ zʋ̃zʋlɛ mɛ̃ Basan tẽw nĩi a, nyɩ bɛrɛ wone a ƴɛ̀rʋ ŋa: nyɩ nɛbr'ɩ a bãbàalbɛ ɛ́ dɔwrɛ a nɩ-kɔmɛ, ɛ́ yere a nyɩ sɩrbɛ: «Nyɩ de a nyub wa n!»

Zeremi 5:27

A bɛ yie paal'ɩ bome bɛ na ɩ nyãnyu-ɩb páw a, mɛ̃ kasow na paalɩ lili a. Alɛ so bɛ lɩɛbɩ nɩ-tɩbr nɩ tɛra dem,

Ɩzayi 5:7

A Sore, a kpɛnʋ-za-sob, divɛ̃ tɩɩr púo n'ɩ a Ɩsɩrayɛl yir dem, ɛ́ a Zuda nɩbɛ n'ɩ a divɛ̃ tɩɛ bʋʋrɛ ʋ na tɩ nɔnɛ a. A Sore tɩ gùre nɩ a lɛ na mɩ́ tu sɔ́r a, a bɛ zie, ɛ́ a ziir za a wa ɩ yel na bɛ mɩ́ tu a mɩnʋ a. Ʋ tɩ gùre nɩ a mɩnʋ, ɛ́ a ziir za a wa ɩ nɩbɛ bɛ na dɔwrɛ a cɛlsɩ.

Sɛb-sõw yielu 143:2

Ɩ̃ ɩ n a fʋ tõ-tõ-bie, ta dɩ n mɛ̃ ƴɛ̀rʋ ɛ, nɩsaal za na bɛ ɩ nɩ-mɩŋa a fʋ niŋé a ƴãw.

Sɛb-sõw yielu 14:4

A Sore yere na: «Bɛ sɩrɩ bɛ bãw bom za ɩ, a yel-fa-maalbɛ bɛ ŋa za, na nɛbr a ɩ̃ nɩ-bʋʋrɛ, dɩrɛ nɩ a bɛ bʋ̃-dɩrɩ, ɛ́ bɛ ŋmɛlɛ kaar mɛ̃ towtow a.»

A Zɔb sɛbɛ 24:9

A nɩ-faar kpɩr'ɩ a bi-kpieb a ʋ mã bɩrɩ́. A nã́w sob bome n'a bɛ de bin ɛ́ gùre k'ʋʋ wa ya ɛ́ de.

Matie 21:33

«Nyɩ cãà lɛb bɛr wõ zʋkpar kãw. Yir sob kãw tɩ be n be kɔ divɛ̃ tɩɩr púo, mɛ dacin viiri koli, tuw bɔw pìir zu a wɔmɛ nɛbrʋ ƴãw, maalɩ a bʋ̃-gùre zaba ʋ kɛrɩ yaga, al pùorí, ʋ de ʋ kʋ̀ tõ-tõ-biir na ɩ divɛ̃ tɩɩr po-kʋ́ɔrbɛ a, ɛ́ yɔ.

Mise 6:10

A nyãnyu-bome a po-to-dem na mɩ́ bɔ gbõ taa a bɛ yie pʋɔ a, a bʋ̃-mánɩ na bɛ ɩ a ɛ́ bɛ manɛ nɩ a, — ɛ́ a lɛ bɛ vɩɛl towtow a —, ɩ̃ na tʋ̃ɔ́ na nyɛ̃ kɛ́ bɛr bɩɩ?

Mise 2:2

Bɛlɛ wa bɔbr wɛ̀rʋ a, bɛ mɩ́ de a na. Bɛlɛ wa nyɛ̃ yie bɔbr a a, bɛ mɩ́ de de a na. Bɛ mɩ́ dɔwr'ɩ a yie dem nɩ a bɛ nɩbɛ, a nɩr nɩ a ʋ bʋ̃-sori.

A Zɔb sɛbɛ 34:23

A bɛ tɛr k'aa Naaŋmɩn piwri a nɩsaal kɔwrɩ tʋ̃ɔ́ bʋɔl'ʋ ƴɛ̀rʋ zie a ʋ niŋé ɩ.

A Zɔb sɛbɛ 24:14

Zi-wɛl-paala n'a a nɩ-kʋrɛ ìre, ʋ mɩ́ kʋ n a nã́w sob nɩ a nɩbaal, ɛ́ a tɩ̃ɩsɔw ʋ zure.

Sɛb-sõw yielu 10:9

Ʋ mɩ́ jɩɛrɛ na, ɛ́ ũú gù mɛ̃ gbẽw na ũú tuw pʋɔ a. Ʋ mɩ́ jɩɛrɛ na k'ʋʋ wa nyɔw a nã́w sob. Ʋ mɩ́ bɛlɩ ʋ na ʋ wa lo a ʋ bɛra pʋɔ, ʋ nyɔw.

Zʋkpaɩ 30:14

Nɩbɛ be n be a nyɩmɛ ɩ mɛ̃ zɛbr-sɔ-bɛrɛ a, a kokã-nyɩmɛ ɩ mɛ̃ sɔ̀rʋ a. Bɛ báarɛ nɩ a bãbàalbɛ a tẽw pʋɔ, ɛ́ ɩrɛ a nan dem bɛ cãà bere a nɩsaalbɛ pʋɔ ɩ.

Ɩzayi 10:1

Baw-bio dem'ɩ a bɛlɩ dem na mɩ́ bin tub na bɛ tu a mɩnʋ a, ɛ́ mɩ́ sɛb ƴãw nɛ́ɛ na waar'ɩ kpɩɛrʋ a!

Ɩzayi 10:2

À à ŋá n'a a ƴɛ̀rʋ bɛ mɩ́ dɩ n mɩnʋ a bãbàalbɛ ƴãw ɛ, ɛ́ a ɩ̃ nɩ-bʋʋrɛ nan dem bɛ mɩ́ nyɛ̃ a lɛ-na-tu-sɔr-a, ʋ maalɩ a bɛ zie ɩ. Bɛ mɩ́ zure nɩ a pɔw-kɔbɛ bome ɛ́ farɛ a bi-kpebe dem.

Ɩzayi 11:4

Ʋ na mɩ́ dɩ n a ƴɛ̀rʋ nɩ mɩnʋ kʋ̀ a bãbàalbɛ, ʋ na mɩ́ yel'ɩ a lɛ-na-tu-sɔr-a kʋ̀ a tẽw nan dem. A ʋ ƴɛ̀rʋ na mɩ́ va n a tẽw mɛ̃ dabɔl a, a ʋ nʋɔr pɩɛlʋ na mɩ́ kʋ n a nɩ-faa.

Ɩzayi 14:30

A nɩ-kɔmɛ za pʋɔ nɩ-kɔmɛ na tɛr'ɩ bʋ̃-dɩrɩ, a bãbàalbɛ na pɩ̃ɛnɛ na, ɛ́ bom bɛ damnɛ bɛ ɩ. Ɛcɛ a nyɩɩm, Filisɩtɛ̃ mɩnɛ a, a nyɩ dɔ̃ dem na ɩ na nyɩ kpi kɔ̃ pàw pɛr, ɛ́ bɛ na kʋ n a bɛlɩ dem nãà wa cãà vʋʋrɛ a.

Ɩzayi 26:6

A nan dem nɩ a bãbàalbɛ na nɛb'ɩ ʋ nɩ gbɛ́ɛ.»

Ɩzayi 29:19

A bãbàalbɛ na nyɛrɛ nɩ nʋ̃ɔ̀ dɔwlɛ a Sore zie, ɛ́ a bɛl na ɩ nan dem zuo za a nɩsaalbɛ pʋɔ a, cɩlɛ ƴawr'ɩ a Ɩsɩrayɛl Naaŋmɩn na ɩ sõw a zũú.

Ɩzayi 30:12

Alɛ so a Ɩsɩrayɛl Naaŋmɩn na ɩ sõw a yere: «Nyɩ zawrɛ nɩ a ɩ̃ ƴɛ̀rʋ bɛrɛ, nyɩ ƴãwnɛ nɩ a nyɩ tɩɛrʋ a bɛlɩ dem na bɛ̀lɛ nyɩ ɛ́ ŋmarɛ ziri a ƴãw, ɛ́ dier bɛ bɛ ɩ a nyɩ tɩ̀ɛrbɛ.

Ɩzayi 58:4

Nyɩ mɩ́ tɛr'ɩ a mʋta-tuo ɛ́ zɛbr taa, ɛ́ mɩ́ gùr nũu ŋmɩɛr'ɩ a nyɩ taabɛ. À à ŋá bɛ n'a nyɩ na mɩ́ tɛr a mʋta-tuo bɔbr'ɩ k'ɩ̃ɩ wõ a nyɩ puoru a saa-zu ka ɩ.

Ezekɩɛl 18:12

Ʋ nɛbr'ɩ a nan dem nɩ a bãbàalbɛ, ɛ́ zure a nɩbɛ. Ʋ bɛ lɛbr tɩrɛ a san-bãwfʋ bome a ʋ samɛ dem na mɩ́ kʋ̀ ʋ a ɩ. Ʋ puore nɩ a ŋmɩn-bɛlɛbɛlɛ ɛ́ ɩrɛ ɩb na bɛ maal'ɩ wob a.

Ezekɩɛl 20:35

Ɩ̃ na tɛr nyɩ na cen nɩ wɛja-kpalɛ pʋɔ, zãá nɩ a nɩ-bʋʋr-yoru, ɛ́ a be a, tɩ na tɩ tori nɩ taa ɩ̃ɩ sowri nyɩ bom.

Ezekɩɛl 20:36

Ɩ̃ na sowri nyɩ nɩ bom mɛ̃ a koro za ɩ̃ na tɩ sowri bom a nyɩ sãàkʋm-kore a Eziptɩ tẽw wɛja-kpalɛ pʋɔ a. A mãa Sore Naaŋmɩn n'ʋ yere.

Mise 3:3

Sɩza n'a, a ɩ̃ nɩ-bʋʋrɛ ƴã-gã-nɛnɛ n'ɩ a bɛ dɩb. Bɛ tawr'ɩ a bɛ gamɛ tʋɔrɛ, bɛ karɛ nɩ a bɛ kɔbɛ, bɛ ŋmarɛ bɛ nɩ pʋrpʋr, mɛ̃ nɛn bɛ na ƴãw ziduwle pʋɔ a.

Levitɩ mɩnɛ 25:14

Nyɩmɛ wa kʋɔrɛ bom kʋ̀rɛ tẽ-bie bɩɩ dàar bom a ʋ zie a, nyɩ taa nɛbr ʋ ɛ.

Levitɩ mɩnɛ 25:17

Nyɩ taa nɛbr a nyɩ tẽ-bi-tɔ ɩ, a sãá kɛ́ nyɩ ƴãwnɛ mɛ̃ na, a mãa Sore nyɩ Naaŋmɩn.

Zeremi 12:10

Dʋ̃-cɩ̃ɩnbɛ yaga sãw nɩ a ɩ̃ divɛ̃ tɩɩr púo bɛr, bɛ nɛb nɛb'ɩ a ɩ̃ púo nɩ gbɛ́ɛ, ɩ a po-vla ŋa lɩɛbɩ zi-kpalɛ na ɩrɛ nɩbaalʋ a.

Amɔsɩ 2:7

Bɛ mɩ́ nɛ̃ nɩ a bãbàalbɛ mɩɩl'ɩ uuru, ɛ́ zawrɩ na bɛr wõ a nã́w sob a ƴɛ̀rʋ-dɩb zie. Sãà nɩ bie mɩ́ ganɛ nɩ nɩ a pɔwli-been lɩɛrɛ taa, à ŋá n'a bɛ mɩ́ ɩ dɛw a ɩ̃ yo-sõw vɩɛlʋ bɛr.

Mise 2:1

Baw-bio dem n'ɩ a bɛlɩ dem na mɩ́ gã a tɩ̃ɩsɔw tɩɛrɩ ɛ́ cɔbrɩ a yel-faa maalʋ a. A zie wa wɛlɛ a, bɛ mɩ́ maal'a, bɛlɛ wa tɛr a fãw a lɛn daar a.