Ɩzayi 3:11 - A SƐB-SÕW

¹¹ Ɛcɛ a nɩ-faa ƴãw a, nyɛ̃ baw-bio a! Bʋ̃ʋ n'ʋ vɛ̃, bɛ na ɩ ʋ na tu n a ʋ ɩ-ɩrɩ.

Ɩzayi 3:11 Referans Kwoze

Ekilezɩasɩ 8:13

Bɛlɩ dem na ɩrɛ a ɩ-faar a kʋ̃ bãw a nʋ̃ɔ̀ ɩ. Bɛ na tɔl'a mɛ̃ ɓaarʋ a, bɛ kʋ̃ vʋʋrɩ cɛlɩ ɛ, bʋ̃ʋ n'ʋ vɛ̃, bɛ bɛ zɔ a Naaŋmɩn ɛ.»

Zakɩ 2:13

A Naaŋmɩn wa maalɛ nɩ nɩr na bɛ zɔrɛ ʋ taabɛ nɩbaalʋ a ƴɛ̀rʋ a, ʋ mɩ̀ kʋ̃ tɛr nɩbaal-zɔba a ʋ zie ɩ, ɛcɛ nɩbaal-zɔrɛ bɛ zɔrɛ a ƴɛ̀rʋ-maalʋ ɛ.

Sɛb-sõw yielu 62:12

Gb'a à ŋá za n'a ɩ̃ wõ a Naaŋmɩn ƴɛ̀r a ƴɛ̀rʋ ŋa: «Mãa so a kpɛnʋ.»

Sɛb-sõw yielu 28:4

Ya bɛ man nɩ a bɛ ɩb, man nɩ a ɩ-faar bɛ na ɩ a. Ya bɛ man nɩ a bɛ tome, kʋ̀ bɛ a al na sɛw taa nɩ bɛ a.

Ɩzayi 65:20

Bibie à ŋá tɛwr bi-pɩɩla bɛ lɛb kpiir a be ɩ. Dɛnyãw na bɛ ta a ʋ daar a bɛ lɛb kpiir ɛ. Nɩr na tɛr yome kʋba (100) kpi n a, ʋ ɩ n pɔlbile ɛ́ kpi. Ɛ́ nɩr bɛ wa ta yome kʋba (100) a, bɛ na jɩ́rɛ ʋ na mɛ̃ nɩr bɛ na ŋmɛ ƴãw a.

Ɩzayi 48:22

Ɛcɛ a Sore yere na kɛ́ ƴã-ɓaarʋ bɛ ka a nɩ-faar ƴãw ɛ.

Zʋkpaɩ 1:31

A na ɩ à ŋá a, nyɩ na tuo nɩ a sãwna a nyɩ ɩb na wa n a, a lɛ nyɩ na tɩɛrɩ kɛ́ nyɩ ɩ a na gel nyɩ nɩ pʋɔ.

2 Korɛ̃tɩ 5:10

Bʋ̃ʋ n'ʋ vɛ̃, a fɛr'a kɛ́ tɩ za cen a Kɩrɩta ƴɛ̀rʋ-maalʋ zie ʋ tɩ maal'ɩ tɩ a ƴɛ̀rʋ. Lɛn daar'a ŋa za na páw bom nɛ na sɛw taa nɩ ʋ a, a vla bɩɩ a faa, a tu a lɛ ʋ na vʋʋrɩ a tẽw zu a.

Yele-za-pɛr-tib 18:25

Fʋ ɩ a nɩ-mɩŋa ʋ kpi lãwnɩ a sãwna sob i? Aɩ, fʋ kʋ̃ tʋ̃ɔ́ ɩ à à ŋá ɩ! Fʋ ɩ a nɩ-mɩŋa mɛ̃ a sãwna sob a? A ɩb ŋa tɔ a, ʋ zãá nɩ fʋ! A tẽw za ƴɛ̀r-maalɛ kʋ̃ ɩ a lɛ-na-tu-sɔr-a bɩɩ?»

2 Bibie za yel-manɩ 6:23

a fʋ̃ʋ a, Sore e, be a salom zu ɛ́ bɛr wõ, ɛ́ tu. Dɩ n a fʋ tõ-tõ-biir a ƴɛ̀rʋ: yel a sãwna sob k'ʋʋ sãw na, ɛ́ ɩ a ʋ sãwna lɛb lo a ʋ zu, ɛ́ yel a yel-mɩŋa sob k'ʋʋ bɛ tɛr sãwna ɩ, ɛ́ a nɩbɛ za ɩrɛ a ʋ zie mɛ̃ nɩr na bɛ tɛr sãwna a.

A Zɔb sɛbɛ 10:15

Mãa wa ɩ sãw a, ɩ̃ kab'a! Mãa saa wa ɩ yel-mɩŋa sob a, ɩ̃ bɛ zɛwr zu ɛ, vĩ bɛ mɩ́ bɛrɛ mɛ̃ ɩ, ɛ́ a nãw-woro kʋrɛ mɛ̃.

Zʋkpaɩ 12:14

A ƴɛ̀rʋ na tʋ̃ɔ́ na ɩ fʋ páw bom mɛ̃ a lɛ a ton na mɩ́ ɩ fʋ páw sã-ya a.

Ɩzayi 13:11

A Sore yere na: «Ɩ̃ na dɔwr'ɩ a tẽ-daa a ʋ faalʋ ƴãw, a nɩ-faar a bɛ ɩ-faar ƴãw. Ɩ̃ na ɩ na a pɔ̀lʋ dem nyɔka-ɩb baarɩ, ɩ̃ na siwr'ɩ a bɛlɩ dem na dɩrɛ gãda-nɩ-kpɛ̃ɛnʋ a pɔ̀l-ɩb.

Ɩzayi 65:6

Ɛcɛ ɩ sɛb'ɩ à á ŋá za. Ɩ̃ bɛ ɩrɛ gbili ɛ, ɩ̃ɩ na ɩ na bɛ ya

Ɩzayi 65:7

a bɛ sãwna san vla vla, lãwnɩ a bɛ sãàkʋm-kore dem. A bɛ sãàkʋm-kore nyɩw nɩ parfɛ̃ a tan zu, ɛ́ ɩ m la a tãli zu. A na ɩ à ŋá a, ɩ̃ na ɩ na bɛ ya a koro za ɩ-ɩrɩ san vla vla. A mãa, a Sore, mãa n'ʋ yere.

Zeremi 21:14

A Sore yere na: Ɩ̃ na ɩ nyɩ na mɛ̃ a lɛ a nyɩ ɩ-ɩrɩ na sɛw taa nɩ a. Ɩ̃ na ƴãw nɩ vũu a sɛɛdɩr tɩɩr tuw, ʋ na dɩ n bom za na jil koli ʋ a.

Zeremi 31:30

Bʋ̃ʋ n'ʋ vɛ̃, nɩr wa 'wɔb divɛ̃ tɩ-wɔ̃-kɛrɛ a, ʋl mɩŋa nyɩmɛ n'a na mĩi. Ŋa za n'ʋ na mɩ́ kpi a ʋ sãwna kũu.

Ezekɩɛl 2:10

Ʋ tɩ dɔl ʋ nɩ a ɩ̃ niŋé: bɛ tɩ sɛb'a ƴãw a pʋ̃ɔmɩ nɩ a zikurí. A sɛbrʋ tɩ ɩ n kpɩɛrʋ kon, 'woi 'woi nɩ cɛlsɩ.

Ezekɩɛl 18:20

A sãwna sob'ʋ mɩ́ sɛw k'ʋʋ kpi. Bɛ kʋ̃ mɩ́ dɔwrɩ a bibiir a bɛ dɔwrbɛ yel-bebe zũú ɛ, a dɔwrbɛ kʋ̃ mɩ́ nyɛ̃ dɔwrʋ a bɛ bibiir sãwna zũú ɛ. Sob nɛ na ɩrɛ vla a na páw nɩ sã-ya a ʋ ɩb na tu mɩnʋ a zũú, sob nɛ na kpɛ faa a na nyɛ̃ nɩ dɔwrʋ a ʋ ɩb na bɛ vɩɛl a zũú.»

Ezekɩɛl 24:14

A mãa Sore n'ʋ yere, ɛ́ a na tu na. Ɩ̃ kʋ̃ lɛb pùor, ɛ́ kʋ̃ zɔ nɩbaalʋ ɛ. Ɩ̃ kʋ̃ yel kɛ́ mãa tɩ bãw kɛ́ lɛ bom kãw za ƴãw ɛ. Zerizalɛm i, ɩ̃ na dɩ n fʋ nɩ ƴɛ̀rʋ a fʋ nyɔ-vʋʋrʋ nɩ a fʋ ɩb ƴãw. A mãa Sore Naaŋmɩn n'ʋ yere.»

Ezekɩɛl 33:8

A ɩ mɛ̃ ɩ̃ sɛw na k'ɩ̃ɩ yel kʋ̀ nɩ-faa kãw k'aa bɛ tɛr bʋnʋ ɛ, k'ʋʋ na kpi na. Ɛcɛ fʋ bɛ kpaal'ʋ ɛ, fʋ bɛ yel ʋ k'ʋʋ lɩɛbɩ a ʋ nyɔ-vʋʋrʋ ɛ. À ŋá a, a nɩr ŋa na kpi n a ʋ sãwna zũú, ɛcɛ ɩ̃ na sowri fʋ nɩ bom a ʋ kũu ƴãw.

Mise 3:4

Lɛ so, bɛlɛ wa kone bʋɔlɛ a Sore a, ʋ kʋ̃ sɔw bɛ ɩ, ʋ kʋ̃ ŋmɛlɩ kaa bɛ a lɛn daar ɛ, a yel-faar bɛ na maalɩ a ƴãw.

Mise 7:13

A tẽ-daa na cɛ a na lɩɛb'ɩ tẽw na bɛ tɛr kpɛb a, a nɩbɛ na kpɩɛr a ʋ pʋɔ a faalʋ zũú.

Sɔr-nɛ́ɛ 32:23

Ɛcɛ nyɩmɛ bɛ wa ɩ à à ŋá a, nyɩ bãwnɩ a vla, nyɩ na maal'ɩ yel-bier a Sore zie, ɛ́ a na tuur nyɩ na.

Ƴɛ̀r-dɩrbɛ 9:57

A Naaŋmɩn mɩ̀ tɩ ɩ na a Sɩsɛm tẽw dem ɩ-faar za lɛb lo a bɛ zu. À ŋá n'a a ŋmɛ-ƴãw a Yerubaal bidɛb Yotam na tɩ ŋmɛ ƴãw bɛ a tɩ tu.

2 Samɩɛl 3:39

Mãa a, ɩ̃ na saa ɩ nãà a, ɛcɛ ɩ̃ cãà na nyɛ̃ ɩ̃ bɛ tɛr fãw a nɩbɛ bɛ ŋa a bɛ mã na dɩ kɛ́ Seruya a, nɩ-fa-ɩb niŋé ɩ. Ɛcɛ a Sore tɔr za, ʋ dɔwrɩ a nɩ-faa sɛwnɩ a ʋ nɩ-fa-ɩb.

1 Na-mɩnɛ 21:21

Alɛ n'a so a Sore yere kʋ̀rɛ fʋ: “Ɩ̃ na ɩ na a faa páw fʋ. Ɩ̃ na ɩ na a fʋ yir nɩbɛ baarɩ cɔ̃cɔ̃cɔ̃, mɛ̃ sagɛ bɛ na pɩɩrɩ wob yi n bɛr a. Ɩ̃ na kʋ n a fʋ yir dɛbr za, gbãgbaar bɩɩ nɩbɛ na so bɛ tʋɔra a Ɩsɩrayɛl tẽw pʋɔ a.

Zʋkpaɩ 11:31

A nɩ-mɩŋa mɩ́ páw nɩ a ʋ sã-ya a tẽw zu ka, a na ɩ à ŋá a, a nɩ-faa nɩ a yel-bier-maalɛ mɩ̀ na páw nɩ a alɩ bome nɛ bɛ na sɛw taa nɩ a.

Zʋkpaɩ 26:27

Nɩr na tuwr bɔw a na lo n a ʋ pʋɔ. Nɩr na bile kʋsɩɛr a, a kʋsɩɛr na lɛb'a wa lo dĩ ʋ.

Ezekɩɛl 16:59

À ŋá n'a a mãa Sore Naaŋmɩn yere: fʋ bɛ cɛlɩ be a pɔb fʋ na pɔ a ƴãw ɛ, ɛ́ sãw a wõ-taa a mãa nɩ a fʋ̃ʋ cara pʋɔ bɛr. Alɛ n'a so ɩ̃ na ɩ b mɛ̃ a lɛ fʋ na ɩ a ɩ̃ zie a.