Ɩzayi 28:7 - A SƐB-SÕW

⁷ A bàwr-maalbɛ nɩ a naaŋmɩn-ƴɛ̀r-manbɛ mɩ̀ a, a divɛ̃ ɩ na bɛ bɛ cãà bãw yã ɩ, a dã-kpɛn ɩ na bɛ dẽdere. A dã-kpɛn ɩ na bɛ bɛ cãà bãw yã ɩ, a divɛ̃ ɩ na bɛ bɛ cãà bãw bɛ tʋɔra zie ɩ. A dã-kpɛn ɩ na bɛ dẽdere, ɛ́ a bɛ bʋ̃-nyɛrɩ pʋɔ bɛ bʋ̀nɛ ƴɛ̀rɛ. A lɛ bɛ na mɩ́ dɩ a ƴɛ̀rʋ yel a bɛ mɩ́ nyɛrɛ ɩ.

Ɩzayi 28:7 Referans Kwoze

Luka 21:34

«Nyɩ gùre nyɩ tʋɔra vla, ta sàw a faalʋ, a dãa-kuolu nɩ a tẽw ŋa zu nyɔ-vʋʋrʋ bʋ̃-bɔbrɩ wa dĩ a nyɩ socie tɛr ɛ. Nyɩ ta sàw a bibir ŋa wa ùr vɩɛ a nyɩ zu ɛ.

Matie 24:29

«Daadaalɛ, a kpɩɛrʋ á ŋá pùorí, a mʋ̃tɔ̃w na liw na, a cuw kʋ̃ lɛb pɛlɩ ɛ, a ŋmar-bie na yi n a salom zu pɔrɛ lore, ɛ́ a saa-zu kpɛnʋ bʋʋrɛ za na dam'a.

Ɩzayi 19:14

A Sore ɩ na a bɛ yã bɔr, ɛ́ bɛ ƴãw a Eziptɩ tẽw bɔrɛ a ʋ yele za pʋɔ. Ʋ ŋmɛ̃ na mɛ̃ dã-kuole na mɩ́ dẽdere tire nɩ a.

Ekilezɩasɩ 10:17

Zu-nʋ̃ɔ̀ tẽw n'ɩ a tẽw ʋl a nãà na ɩ nɩ-yúor pɛr, ɛ́ a ʋ tõ-tõ-bi-bɛrɛ mɩ́ dɩ a bɛ bʋ̃-dɩrɩ a daar ʋl na sɛw taa nɩ a. Bɛ mɩ́ dɩ na kɛ́ bɛ tʋ̃ɔ́ lɛb páw fãw, a bɛ mɩ́ ɩ nyũ-kuol ƴãw n'a ɩ.

Zʋkpaɩ 20:1

A divɛ̃ mɩ́ ƴãw na fʋ ɩrɛ nɩbɛ laar, ɛ́ dã-kpɛn ƴãw fʋ pàwr gɔmɛ. Nɩr wa de ʋ mɩŋa bɛr a kuole ʋ a kʋ̃ tʋ̃ɔ́ ɩ yã-bãwnɛ ɩ.

Mise 2:11

Nɩr'ɩ ŋa ta, ƴɛ̀rɛ ƴɛ̀r-zawlɛ, ɛ́ ŋmarɛ ziri yere nɩ: «Ɩ̃ yere na kʋ̀rɛ nyɩ, nyɩ na páw nɩ divɛ̃ nɩ dã-kpɛn!» A lɛn daar a, ʋ na ɩ n a nɩbɛ bɛ ŋa kã-kanɛ.

Zeremi 23:16

À ŋá n'a a Sore, a kpɛnʋ-za-sob yere: «Nyɩ ta bɛrɛ wone a naaŋmɩn-ƴɛ̀r-manbɛ bɛ ŋa ƴɛ̀rʋ ɛ, bɛ bɛlɛ nyɩ na. A yele bɛ na yere kʋ̀rɛ nyɩ a ɩ n a bɛl mɩŋa pʋ-tɩɛrʋ, a bɛ yi a mãa zie ɩ.

Zeremi 14:14

A Sore tɩ sɔw mɛ̃ na: «Ziri n'ɩ a lɛ za a ƴɛ̀r-manbɛ na yere a ɩ̃ yúor ƴãw a. Ɩ̃ bɛ tõ bɛ ɩ, ɩ̃ bɛ yel yel za kʋ̀ bɛ ɩ, ɩ̃ bɛ ƴɛ̀r bɛ zie ɩ. A bɛ bʋ̃-nyɛrɩ ɩ n ziri, a yele bɛ na yere a bɛ tɛr pɛr ɛ, bɛl mɩŋa pʋ-tɩɛrʋ n'a.

Ɩzayi 3:12

A Sore yere na: “Ɩ̃ nɩ-bʋʋrɛ ɛ, a bɛlɩ dem na dɔwrɛ nyɩ a, bibili nɛbɛ, ɛ́ pɔwbɛ nɛbɛ dɩrɛ a naalʋ a nyɩ zu. Ɩ̃ nɩ-bʋʋrɛ ɛ, a bɛlɩ dem na tɛr nyɩ cere nɩ a, tule nyɩ na, bɛ tuli nɩ a nyɩ sɔ́r.”

Sɛb-sõw yielu 107:27

nĩw-viir tɩ nyɔw bɛ na, bɛ titibr mɛ̃ dã-kuolbɛ a. A bɛ bãwfʋ za tɩ baar'a.

Efɛɛzɩ 5:28

À ŋá n'a a fɛr kɛ́ a sɩrbɛ nɔnɛ a bɛ pɔwbɛ, mɛ̃ a bɛ mɩŋa ƴã-gan a. Ʋlɩ sob na nɔnɛ a ʋ pɔw a, ʋ tʋɔra n'ʋ ʋ nɔnɛ.

Ezekɩɛl 44:21

Bɛ been kãw za bɛ nyúur divɛ̃ ɛ́ bãw kpɩɛr a pʋ̃ɔmɩ davʋrá ɩ.

Ezekɩɛl 13:7

Ɛcɛ ɩ̃ nɩ̃ɛ na mɩ́ yel bɛ: Nyɩ mɩ́ tɩɛr'a yel a nyɩ bʋ̃-nyɛrɩ ɛ́ mɩ́ yel bome na bɛ ɩ sɩza a. Nyɩ mɩ́ yel'a: “A Sore yel'a”, ɛcɛ ɩ̃ bɛ mɩ́ ƴɛ̀r ƴɛ̀rʋ ɛ!

A Lãw-mʋɔlɛ 2:4

Ʋ dúor'ɩ a ʋ tam mɛ̃ dɔ̃ sob a, a ʋ dʋrʋ nũu gù n a tɛb. Mɛ̃ dɔ̃ sob a, ʋ kʋ n a bɛlɩ dem tɩ na tɩ nɔnɛ a jɩ́rʋ a. Ʋ bɛr'ɩ a ʋ suur ʋ siw a Sɩyɔ̃ Ŋmɩn-yir-kpɛ̃ɛ zu mɛ̃ vũu a.

Zeremi 23:13

«A ʋlɩ bom ɩ̃ na tɩ nyɛ̃ a Samaari tẽw dem naaŋmɩn-ƴɛ̀r-manbɛ zie a tɩ dam mɛ̃ nɩ yaga za, a Sore n'ʋ yel. Bɛ tɩ ƴɛ̀rɛ nɩ a Báàl yúor ƴãw, bɛ tɩ ɩrɛ nɩ a ɩ̃ nɩ-bʋʋrɛ, a Ɩsɩrayɛl, ʋ bɔrɛ.

Ɩzayi 29:11

A yele á ŋá za bɛ na wul a ɩ n a nyɩ zie mɛ̃ ƴɛ̀r-bie bɛ na ƴãw sɛbɛ pʋɔ ɛ́ mɛr a sɛbɛ nʋɔr pàw nɩ sɩ-suur a. Bɛ de nɩ a sɛbɛ kʋ̀ nɩr na bãw kanʋ a, ɛ́ yel ʋ: «Alɛ, kanɩ a bom ŋa!» Ʋ sɔw: «Ɩ̃ kʋ̃ tʋ̃ɔ́ ɩ, bɛ mɛr'ɩ a sɛbɛ nʋɔr pàw.»

Ɩzayi 24:2

a bàwr-maalɛ mɛ̃ a nɩ-zawla a, a gbãgbaa sob mɛ̃ a gbãgbaa a, a pɔw-nɩ-kpɛ̃ɛ mɛ̃ a tõ-tõ-bi-pɔw a, a bʋ̃-kʋ̀ɔrɛ mɛ̃ a bʋ̃-daarɛ a, a sob nɛ na pɛ̃wn a mɛ̃ a sob nɛ bɛ na pɛ̃wn a, a sob nɛ zie bɛ na dɩ san a, mɛ̃ a sob nɛ na dɩ san a.

Ɩzayi 22:13

Ɛ́ a wa ɩ nʋ̃ɔ̀ nɩ cɩlʋ: bɛ kʋrɛ nĩi, bɛ ŋmarɛ píir kɔkɛɛ, bɛ 'wɔbr nɛn, bɛ nyúur divɛ̃. Nyɩ yere na: «Tɩ dɩrɛ ɛ́ nyúur, bʋ̃ʋ n'ʋ vɛ̃, bio tɩ na kpi na!»

Ɩzayi 5:22

Baw-bio páw nɩ a bɛlɩ dem na ɩ dã-nyũ-karɩ, ɛ́ kpɛmɛ yaga mɩ́ nyàw a dã-kpɛn taa a!

Ɩzayi 5:11

Baw-bio páw nɩ a bɛlɩ dem na mɩ́ cɔ̃w ìr tu a dã-kpɛn pùor, a zie mɩ́ tɩ libre, ɛ́ bɛ nyúur a divɛ̃ a damnɛ bɛ a!

Zʋkpaɩ 23:30

A sob nɛ na so a dãa tɛwr nyúur ɛ́ nyawr a dã-kpɛn taa kʋralɛ a so a.

Ɩzayi 24:20

Ʋ dẽdere na mɛ̃ dã-kuole a, ʋ damnɛ na mɛ̃ sɛw sɛsɛb na fure damnɛ a. A ʋ yel-bier tɩbrɛ nɩ a ʋ zu, ʋ lo ɛ kʋ̃ lɛb tʋ̃ɔ́ ìr ɛ.

Ɩzayi 28:1

Baw-bio wɛ Samaari tẽw i! A Efarayim tẽw dã-kuolbɛ nyʋʋr'ɩ nɩ a tẽ-kpɛ̃ɛ ŋa na ɩ mɛ̃ nãà-kpawʋɔ a. Ʋ ƴãw nɩ pɩ̃ɛmɛ vla vla za àr'ɩ a tãw zu, a tãw na jɩ́rɛ a fʋɔla na pʋ̃ɔ ʋ za a. Ɛcɛ ʋ ŋmɛ̃ na mɛ̃ tɩ-puuru na vàr vàr nɩbɛ a divɛ̃ na tʋ̃ɔ́ a zurú a.

Ɩzayi 43:27

A fʋ sãàkʋm-kʋra dãw-niwn sob maal'ɩ yel-bier, ɛ́ a bɛlɩ dem na ƴɛ̀rɛ a fʋ yúor ƴãw a gaarɩ a ɩ̃ zu

A naaŋmɩn-ƴèr-manɛ Oze sɛbɛ 7:5

A bɛ nãà cuw bibir a, a ʋ tõ-tõ-bi-bɛrɛ mɩ́ nyũ n a divɛ̃ zuo tɩ ɩ n bàalbɛ. Bɛ mɩ́ ɩrɛ nɩ a nɩbɛ laar ɛ́ a nãà cɔwrɛ bɛ.

Habakukɩ 2:15

Baw-bio páw nyɩ na! Nyɩ mɩ́ ƴãw nɩ a nyɩ taabɛ bɛ nyũ dãa na bɛ vɩɛl, ɛ́ ɩ mɛ̃ lɔw a, kɛ́ bɛ kuoli yaarɩ a bɛ bʋ̃-suuri, nyɩ nyɛ̃ a bɛ faalʋ.

Habakukɩ 2:16

Vĩ n'a nyɩ ƴãwnɛ nyɩ tʋɔra, yúor bɛ n'ʋ nyɩ páwr ɛ. Nyɩ mɩ̀ nyũ a, ɛ́ wul a nyɩ faalʋ! A Sore na fɛr nyɩ na ƴãw nyɩ mɩ̀ nyũ a ʋ suur koli-nyúura pʋɔ divɛ̃ za: a ƴãwfʋ nyɩ na nyɛrɛ a, na lɩɛb'ɩ vĩ.

Ɩzayi 5:23

Bɛ mɩ́ lɛb'a bɛr a sãwna sob, nʋɔr ʋ na ŋmɛ bɛ a ƴãw, ɛ́ zawrɩ na kʋ̀ a nɩr na bɛ tɛr sãwna a a ʋ yel-mɩŋa.