Ɩzayi 28:6 - A SƐB-SÕW

⁶ Ʋlɛ n'ʋ na ƴãw a mɩnʋ yã a bɛlɩ dem na zɩ̃ a ƴɛ̀rʋ-dɩb ƴãw a, ɛ́ kʋ̀ a fãw a bɛlɩ dem na canɛ a dɔ̃ dem bɛrɛ a tẽ-kpɛ̃ɛ dɩ̃dɔr ƴãw a.

Ɩzayi 28:6 Referans Kwoze

Zã 5:30

Mãa a, ɩ̃ kʋ̃ tʋ̃ɔ́ nyɛ̃ ɩ̃ tʋɔra ɩ bom kãw za ɩ. Ɩ̃ maalɛ nɩ a ƴɛ̀rʋ mɛ̃ a lɛ a Naaŋmɩn na yere kʋ̀rɛ mɛ̃ a, ɛ́ a ɩ̃ ƴɛ̀rʋ-maalʋ tu n yel-mɩnʋ, ɩ̃ na bɛ bɔbr mãa mɩŋa pʋ-tɩɛrʋ maalʋ, ɛ́ bɔbr a sob nɛ na tõ m a pʋ-tɩɛrʋ maalʋ a.»

Zozue 1:9

Ɩ̃ bɛ yel kʋ̀ b kɛ́ fʋ kpɛmɛ ɛ́ dɩ kanyir e? Ta màwr ɛ, ta zɔrɛ dɛ̃bɩ̃ɛ ɩ, bʋ̃ʋ n'ʋ vɛ̃, a mãa Sore fʋ Naaŋmɩn, ɩ̃ na be n a fʋ zie, be za fʋ na cere a.»

Zã 3:34

Bʋ̃ʋ n'ʋ vɛ̃, sob nɛ a Naaŋmɩn na tõ a yere nɩ a Naaŋmɩn ƴɛ̀r-bie, a Naaŋmɩn kʋ̀rɛ ʋ nɩ a ʋ Vʋʋrʋ bɛ tɛr manʋ ɛ.

1 Korɛ̃tɩ 12:8

A kãw a, ƴɛ̀rʋ na tu yã-bãwfʋ a n'ʋ a Vʋʋrʋ Sõw kʋ̀ ʋ, ɛ́ a kãw ƴɛ̀rʋ tu zanʋ ʋ na zanɩ bãw a, ɛ́ a cãà yi a Vʋʋrʋ Sõw been nɛ zie.

Zʋkpaɩ 20:8

A nãà wa zɩ̃ a ƴɛ̀rʋ-dɩb ƴãw a, ʋ mɩ́ nyɛ̃ nɩ a faa daadaalɛ.

Sɛb-sõw yielu 46:1

Yiel-yielbɛ nɩ-kpɛ̃ɛ sɛbɛ pʋɔ yielu. Koore bibiir yielu. Bɛ ŋmɩɛr'ɩ bʋ̃-ŋmɩɛrɩ ƴãwn. Yielu.

2 Bibie za yel-manɩ 32:8

Nɩsaal fãw tɛwr'a ʋ tɛr, ɛcɛ tɩɩm a, a Sore tɩ Naaŋmɩn be n a tɩ zie a tɩ sõwfʋ ƴãw, ɛ́ na zɛbr a tɩ zɛbr.» A Zuda nãà Ezekɩasɩ ƴɛ̀rʋ á ŋá tɩ mɔwl'ɩ a tẽw nɩbɛ za.

1 Na-mɩnɛ 3:28

A Ɩsɩrayɛl nɩbɛ za tɩ wõ n a ƴɛ̀rʋ a Salomɔ̃ na dɩ a, ɛ́ tɩ tɛr a nãà ƴãwfʋ yaga za. Bʋ̃ʋ n'ʋ vɛ̃, bɛ tɩ nyɛ̃ na bãw kɛ́ Naaŋmɩn kʋ̀ ʋ nɩ yã-bãwfʋ yaga a ƴɛ̀rʋ-dɩb ƴãw.

Wulu-ayi-sob 20:4

A Sore nyɩ Naaŋmɩn bɩɛlɛ nyɩ na, k'ʋʋ lãwnɩ nyɩ zɛb'ɩ a nyɩ dɔ̃ dem, ɛ́ ɩ nyɩ zɛb tʋ̃ɔ́.»

Sɛb-sõw yielu 46:11

Ʋ cɩɩrɛ na yere: «Nyɩ zɩ̃ zoom, ɛ́ bãw kɛ́ ɩ̃ ɩ n Naaŋmɩn! Ɩ̃ tʋ̃ɔ́ nɩ a nɩ-bʋʋrɛ za, ɩ̃ tʋ̃ɔ́ nɩ a tẽw za.»

2 Bibie za yel-manɩ 32:6

Ʋ tɩ kaa na ír sojarɩ nɩ-bɛrɛ kɛ́ bɛ de a tẽw dem niwn. Ʋ tɩ bʋɔl'ɩ a nɩbɛ za ɓã taa a zie ʋl na pɩɛlɩ a tẽw dɩ̃dɔr a, ɛ́ mɔwlɩ bɛ yere nɩ:

Ɩzayi 4:4

A Sore na ɩ na mɩnʋ nɩ vɩɛlʋ sɛsɛb fu. Ʋlɛ wa ír a Zerizalɛm pɔwbɛ dɛwr bɛr à à ŋá a, ʋlɛ wa pɛ́w a zɩ̃ɩ a Sɩyɔ̃ tẽw na ɩ a cir a ʋ pʋɔ a bɛr a,

Ɩzayi 25:4

Bʋ̃ʋ n'ʋ vɛ̃, fʋ̃ʋ n'ʋ mɩ́ piw a bãbàalbɛ tɛr, fʋ mɩ́ piw nɩ a nan dem tɛr a bɛ kpɩɛrʋ pʋɔ. Fʋ ɩ n taw-lanʋ zie a saa ƴãw, ɓaarʋ a mʋ̃tɔ̃-tʋlʋ ƴãw. — A po-to-fãw dem suur ɩ na mɛ̃ saa na waar'ɩ sɛsɛb ŋmɩɛr dacin a,

Ɩzayi 33:5

A Sore zɛw na do, bʋ̃ʋ n'ʋ vɛ̃, ʋ kpɩɛr'ɩ a saa-zu. Ʋ paal'ɩ a Zerizalɛm nɩ a lɛ-na-tu-sɔr-a, nɩ a mɩnʋ.

Zakari 12:5

A Zuda niw-dierbɛ na yere nɩ bɛ tʋɔra: “A Sore, a Kpɛnʋ-za-sob, a Naaŋmɩn zie n'a a Zerizalɛm tẽw dem nyɛrɛ a bɛ fãw.”