Ɩzayi 28:22 - A SƐB-SÕW

²² Ƴɛrɛŋa a, nyɩ bɛr a ɩ-lab lɛ. Alɛ bɛ ɩ lɛ, a míe na 'lẽ nyɩ a na lɛb'a bãw taw fɩɩrɩ. Bʋ̃ʋ n'ʋ vɛ̃, ɩ̃ wõ a nɩ a Sore Naaŋmɩn, a kpɛnʋ-za-sob, zie: ʋ yel'a k'ʋʋ na sãw nɩ a tẽw za bɛr.

Ɩzayi 28:22 Referans Kwoze

Nɩ-toni 17:32

Bɛ na tɩ wone a kũu-pʋɔ-lɛb-yibu ƴɛ̀r-bir wa báarɛ a, bɛ mɩnɛ tɩ ɩrɛ ʋ na laar, ɛ́ bɛ mɩnɛ yere: «A na ta ka a, bibir kãw n'a tɩ na lɛb bãw bɛr wõ a fʋ ƴɛ̀rʋ a yel ŋa ƴãw.»

Luka 21:24

A bɛ dɔ̃ dem na kʋ n bɛ mɩnɛ nɩ zɛbr-sɔ-bɛrɛ, ɛ́ nyɔw a bɛ ŋmaarɛ cen nɩ a nɩ-bʋʋr-yoru za sɔgɔ. A tɩbɛ dem na ŋmɛr'ɩ a Zerizalɛm bɛr cʋmcʋm, ɛ́ gù a tɩbɛ dem naalʋ tɩ baarɩ.»

Matie 27:44

A nyãnyu-nɩ-kʋrbɛ bɛl, bɛ na tɩ kpa a da-gara zu a, mɩ̀ tɩ tʋʋr ʋ nɩ a lɛ.

Matie 27:39

A sɔr-tɔlbɛ tɩ tʋʋr ʋ na gɔwrɛ nɩ zu,

A Lãw-mʋɔlɛ 1:14

Ʋ ír'ɩ mimir ƴãw a ɩ̃ sãwna ƴãw. Ʋ 'lẽ a na ɓã taa ɛ́ de a dɔwlɩ a ɩ̃ bawŋmamɛ zu. A Sore siwr'ɩ a ɩ̃ fãw, ʋ de mɛ̃ n'a ƴãw nɩbɛ ɩ̃ na kʋ̃ tʋ̃ɔ́ ɩ bom a nuru pʋɔ.

Zeremi 39:7

Al pùorí, ʋ ƴãw bɛ cɔ̀r a Sedesɩasɩ mimie kpol, ɛ́ 'lẽ ʋ nɩ kur-zɩɛ bãzɔlɛ ayi na ɓɛrɩ taa a, cen nɩ a Babɩlɔn tẽw.

Zeremi 25:11

A tẽw ŋa za na lɩɛbɩ debuo, zie na sãw ʋ za a, ɛ́ a nɩ-bʋʋrɛ bɛ ŋa za na tone nɩ a Babɩlɔn tẽw nãà tome tɩ ta n yome lɩz'a ata nɩ pie.”

Zeremi 20:7

Sore e, fʋ bɛlɩ mɛ̃ na, ɩ̃ɩ bɛr fʋ bɛlɩ mɛ̃ nyɔw. Fãw n'a fʋ ɩ n mɛ̃, tʋ̃ɔ́ mɛ̃. A nɩbɛ ɩrɛ mɛ̃ na laar bibie za, bɛ za kpɔwrɛ mɛ̃ na.

Zeremi 15:17

Ɩ̃ bɛ zɩ̃ a nɩ-ɩ-laarbɛ sɔgɔ k'ɩ̃ɩ dɩ̃ɛnɩ ɛ. Ɛcɛ fʋ fɛr mɛ̃ na ƴãw ɩ̃ be ɩ̃ yõ zie, fʋ na tɩ ɩ ɩ̃ ɩ suur tɛwr a ƴãw.

Sɛb-sõw yielu 107:16

Bʋ̃ʋ n'ʋ vɛ̃, ʋ kár'ɩ kure pamɛ bɛr, ʋ kár'ɩ kur-dàar na mɩ́ jɩ́r pamɛ a bɛr.

2 Bibie za yel-manɩ 36:16

ɛcɛ a Ɩsɩrayɛl nɩbɛ tɩ ɩ n a nɩ-toni bɛ ŋa la, ɩ a naaŋmɩn-ƴɛ̀r-manbɛ la, ɛ́ zawrɩ a Naaŋmɩn ƴɛ̀rʋ bɛr. Lɛ n'a a Sore wa tɩ bɛr a ʋ suur ìr a bɛ ƴãw, a bɛ tɛr zɛlɩ bɛr ɛ.

2 Bibie za yel-manɩ 33:11

Lɛ n'a a Sore tɩ ƴãw a Asiiri tẽw zɛbr-nɩbɛ nɩ-bɛrɛ wa a bɛ ƴãw. Bɛ tɩ nyɔw nɩ a Manase, cɔ̀r pĩ-nɔ-gori ƴãw ʋ a kokamɛ ƴãw, 'lẽ ʋ nɩ kur-zɩɛ bamɛ, ɛ́ tɛr ʋ cen nɩ a Babɩlɔn.

2 Bibie za yel-manɩ 30:10

A nɩbɛ bɛ na tõ a tɩ cɔlɩ nɩ a Efarayim nɩ a Manase ten, mɩ́ yi tẽw ŋa tɩ sãá tẽw ŋa tɩ tɔ a Zabulɔ̃ dɔwlʋ. Ɛcɛ a nɩbɛ tɩ kpɔwrɛ bɛ na ɩrɛ nɩ bɛ laar.

Ɩzayi 10:12

A Sore wa tõ a ʋ ton baarɩ a Sɩyɔ̃ tãw zu nɩ a Zerizalɛm a, ʋ na ìr'ɩ a Asiiri tẽw nãà pɔ̀l-ɩb ƴãw nɩ a jɩ́rʋ ʋ na mɩ́ jɩ́r mɛ̃ nɩr bɛ lɛb ka be pʋɔ a ʋ ƴãw a.

Ɩzayi 28:23

Nyɩ ƴãw tobr, nyɩ bɛr wõ m! Nyɩ cɛlɛ be, nyɩ bɛr wõ a ɩ̃ ƴɛ̀rʋ!

Zeremi 36:23

A Yehudɩ na mɩ́ tɩ kanɩ a sɛbɛ ziir ata bɩɩ anaar baar'a, a nãà mɩ́ tɩ ŋma a na nɩ a sɛ-sɛbrɛ sɔle lɔb a ƴãw vũumí. Ʋ tɩ ɩ n a lɛ tɩ nyɩw a sɛbɛ ʋ za bɛr.

Nahum 1:9

Bʋ̃ʋ bʋ-taa n'a nyɩ tɛr a Sore ƴãw? Ʋlɛ n'ʋ mɩ́ kʋ a ʋ dɔ̃ dem pàw pɛr, bɛ kʋ̃ lɛb maal dɔwrɩ nyɩ ɛ!

Eziptɩ tẽw yib 8:25

A Moyiir sɔw: «Mãa wa yire a fʋ zie wa báarɛ a, ɩ̃ na puor'ɩ a Sore. Bio, ʋ na diw nɩ a nakpon á ŋá bɛr fʋ̃ʋ nɩ a fʋ tõ-tõ-nɩ-bɛrɛ nɩ a fʋ nɩbɛ. Ɛcɛ a fɛr'a kɛ́ fʋ ta cãà ɩrɛ tɩ laar, bɛ sàwr a Ɩsɩrayɛl nɩbɛ na cen tɩ maal a bàwr kʋ̀ a Sore ɩ.»

Zʋkpaɩ 19:29

A kpãàfʋ be n a nɩ-ɩ-laarbɛ ƴãw, ɛ́ a ŋmɩɛrʋ be a dãbol zikur ƴãw.

Zʋkpaɩ 29:1

Nɩr bɛ na mɩ́ wul a ʋ sãwna ʋ bɛ sàw ɛ́ kpãa tobr a na ur'a lo, ɛ́ a bɛ lɛb tɛr ɩb kãw za ɩ.

Ezekɩɛl 22:14

Nyɩ na tɛr'ɩ kanyir nɩ fãw a sɛw a ʋlɩ bibir nɛ ɩ̃ nãà wa ìr a nyɩ ƴãw a a? A mãa Sore n'ʋ ƴɛ̀rɛ, ɛ́ tuur a lɛ ɩ̃ na yel a.