Ɩzayi 28:2 - A SƐB-SÕW

² A Sore nɩr kãw n'ɩ ŋan na kpɛmɛ ɛ́ tʋ̃ɔ́ bom za a. Ʋ ŋmɛ̃ na taa nɩ sa-bi-kube saa, ʋ ŋmɛ̃ na taa nɩ saa nɩ sɛsɛb na sãwnɛ bom za a, ʋ ŋmɛ̃ na taa nɩ saa na waar gbʋrʋgbʋrʋ a kʋ̃ɔnɩ paalɩ pàw bom za a. Ʋ na gaal'ɩ bom za tẽw nɩ fãw.

Ɩzayi 28:2 Referans Kwoze

Nahum 1:8

a lɛn daar a kpɩɛrʋ na mɩ́ wa ta bɛ yaga za mɛ̃ kʋ̃ɔ na darɛ taa a. Ɛcɛ ʋ mɩ́ sãw nɩ a tẽw bɛr pẽlẽpẽlẽ, ɛ́ diw a ʋ dɔ̃ dem ƴãw a kũu lige pʋɔ.

Ezekɩɛl 13:11

A na ɩ à ŋá a, yel kʋ̀ a bɛlɩ dem na fɔlɛ a dacin a: A nyɩ dacin na lo na! Sa-kpɛ̃ɛ na wa na, sa-bi-kube na lo na, saa-sɛsɛb na cɛr'a.

Ɩzayi 30:30

A Sore na ɩ na bɛ wõ a ʋ kɔkɔ-kpɛ̃w, ɛ́ bɛ na nyɛ̃ nɩ a ʋ kpãkpãw na siwr a ŋmɛb ƴãw a. Ʋ na wul'ɩ a ʋ suur na bɛ dɩ̃ɛnɛ a, vũu-zɛlɛ na dɩrɛ a pʋɔ, lãwnɩ saa na waar'ɩ sɛsɛb nɩ sa-bi-kube saa a.

Ɩzayi 29:6

a Sore, a kpɛnʋ-za-sob wa a fʋ maalʋ ƴãw, saa tanʋ, tẽsɔw damnʋ, gɔmɛ na pàw kpɛ̃w kpɛ̃w za a, sɛsɛb-pɩl-kpɛ̃ɛ, saa nɩ sɛsɛb, nɩ vũu-zɛlɛ na dɩrɛ a pʋɔ.

Ɩzayi 27:1

A ʋlɩ bibir nɛ a, a Sore na de nɩ a ʋ zɛbr-sɔ-kpɛ̃ɛ na dɩrɛ a, na bɛ dɩ vuo ɛ́ tɛr fãw a, a Levɩatã na ɩ a waab na zɔrɛ a ƴãw, a Levɩatã na ɩ a wa-gõlõgõlõ a ƴãw. Ɛ́ ʋ na kʋ n a kʋ̃ɔ-kpɛ̃ɛ wa-bɩɛ.

Yel-wula 18:8

A lɛ n'a so a ʋ bʋ̃-faar á ŋá na ta ʋ bibi-been: a kũu, a wahala nɩ a kɔ̃. Vũu na dɩ ʋ nɩ kʋmɔkʋmɔ. Bʋ̃ʋ n'ʋ vɛ̃, a Sore Naaŋmɩn na dɩ n ʋ a ƴɛ̀rʋ a tɛr'ɩ kpɛ̃w.»

Ɩzayi 40:10

Nyɩ nyɛ̃ a Sore Naaŋmɩn. Ʋ waar'ɩ nɩ kpɛnʋ, ʋ tɛr'ɩ fãw na dɩ a naalʋ. Ʋ lɛb'a waar'ɩ a bom ʋ na páw a, ʋ lɛb'a waar'ɩ a ʋ tome sã-ya.

Ɩzayi 25:4

Bʋ̃ʋ n'ʋ vɛ̃, fʋ̃ʋ n'ʋ mɩ́ piw a bãbàalbɛ tɛr, fʋ mɩ́ piw nɩ a nan dem tɛr a bɛ kpɩɛrʋ pʋɔ. Fʋ ɩ n taw-lanʋ zie a saa ƴãw, ɓaarʋ a mʋ̃tɔ̃-tʋlʋ ƴãw. — A po-to-fãw dem suur ɩ na mɛ̃ saa na waar'ɩ sɛsɛb ŋmɩɛr dacin a,

Yel-wula 8:7

A dãw-niwn sob tɩ pɛbl'ɩ a ʋ wɩ́ɛ. Sa-bi-kube nɩ vũu na jɛr zɩ̃ɩ a tɩ lo n a tẽw zu. A tẽw na põ ziir ata a zi-been tɩ dɩ n vũu. A tɩɩr na põ ziir ata a zi-been mɩ̀ tɩ dɩ n vũu, lãwnɩ a mɔ̃-ɓaar za.

Zozue 10:11

A Amoritɩ mɩnɛ na tɩ zɔrɛ a Ɩsɩrayɛl nɩbɛ niŋé, wa yi a Bɛtɩ-Horon siwr a, a Sore tɩ ɩ na sa-bi-ku-bɛrɛ yi a salom zu lɔb lɔb bɛ, tɩ ta n a Azeka. A bɛl a sa-bi-ku-bɛrɛ na tɩ kʋ a tɩ zuo nɩ a bɛl a Ɩsɩrayɛl nɩbɛ na tɩ kʋ n a zɛbr-sɔ-kpɛ̃ɛ a.

A Zɔb sɛbɛ 22:16

Bɛ tɔl'a ɛ́ a bɛ daar bɛ ta ɩ, mɛ̃ dacin kʋ̃ɔ na tuo a.

Ɩzayi 8:6

«A Zuda nɩbɛ bɛ bɔbr a Silowe bɔw-wɛra kʋ̃ɔ na zɔrɛ bɛ̀lbɛ̀l a ɩ. Ɛ́ a bɛ tɩɛrʋ bàl a Eresin nɩ a Eremalyahu bidɛb ƴãw.

Ɩzayi 30:28

a ʋ nʋɔr pɩɛlʋ ɩ n fʋɔla kʋ̃ɔ na tuore bom za tɔlɛ nɩ a. Ʋ waar'a k'ʋʋ wa tɛwtɛw a nɩ-bʋʋr-yoru a kpɩɛrʋ zɛla pʋɔ, ɛ́ ƴãw nɔ-bãw a bɛ nɩbɛ kokamɩ́, tɛr bɛ cen nɩ a be bɛ na bɛ bɔbr a.

Ɩzayi 32:19

Sa-bi-kube na lo n a tuw zu, ɛ́ a tẽ-kpɛ̃ɛ lo.

Ezekɩɛl 38:9

A fʋ̃ʋ, a fʋ zɛbr-nɩbɛ nɩ a fʋ bárɩ yaga a, nyɩ na zɛb'ɩ bɛ na. Nyɩ na lo n a bɛ zu mɛ̃ saa-sɛsɛb a, nyɩ na yɛ́r'a pàw a bɛ tẽw mɛ̃ zũzuwe tãw a.