Ɩzayi 28:19 - A SƐB-SÕW

¹⁹ Lɛn daar za ʋ na na mɩ́ tɔl a, ʋ na mɩ́ nyɔw nyɩ na. Bʋ̃ʋ n'ʋ vɛ̃, ʋ na mɩ́ tɔl'ɩ a biɓaarɛ za, a mʋ̃tɔ̃w nɩ a tɩ̃ɩsɔw, ɛ́ a na mɩ́ ɩ n pʋl-vʋ̃ɔ tɛwr fʋ̃ʋ wa bãw a yel fʋ na wõ a pɛr a.

Ɩzayi 28:19 Referans Kwoze

Habakukɩ 3:16

Ɩ̃ wone nɩ a damnʋ á ŋá za, ɛ́ a mɩ́ dam mɛ̃ tɩ tɔ: a ɩ̃ nɔgbãbie màwr'a ŋmɩɛr taa a dɛ̃bɩ̃ɛ zũú, a ɩ̃ ƴãw za bàl'a ɛ́ a ɩ̃ gbɛ́ɛ yʋɔrɛ. Ɩ̃ ɩ n gbili cɛlɛ nɩ a kpɩɛrʋ bibir, k'ɩ̃ɩ wa cen tɩ zɛb'ɩ a nɩ-bʋʋrɛ bɛl na dɔwrɛ tɩ a.

Zeremi 19:3

Fʋ na tɩ yel'a: A nyɩɩm Zuda tẽw na-mɩnɛ nɩ a nyɩɩm na kpɩɛr a Zerizalɛm a, nyɩ bɛrɛ wone a Sore ƴɛ̀rʋ. À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Ɩ̃ na ɩ na kɛ̀ dɔwrʋ na ɩ dɔwrʋ a páw a tẽw ŋa, kɛ̀ pʋl-vʋ̃ɔ mɩ́ nyɔw nɩr na na wone bɛ ƴɛ̀rɛ a ʋ ƴɛ̀rʋ a.

Ɩzayi 50:4

A Sore Naaŋmɩn wul mɛ̃ nɩ a ʋlɩ bom nɛ a na fɛr k'ɩ̃ɩ yel, tʋ̃ɔ́ mɩ́ tɛr mɔwlʋ ƴɛ̀r-bie a sob nɛ na bàl a zie a. Biɓaara za, ʋ mɩ́ sɩ̃w mɛ̃ na, k'ɩ̃ɩ tʋ̃ɔ́ bɛrɛ wone mɛ̃ a po-tuurbɛ a.

Ɩzayi 37:3

A Ezekɩasɩ ƴɛ̀rʋ ŋa n'ʋ a tɩ fɛr kɛ́ bɛ yel kʋ̀ a naaŋmɩn-ƴɛ̀r-manɛ: «“A bibir ŋa ɩ n pʋl-vʋ̃ɔ-kpɛ̃ɛ, dɔwrʋ nɩ vĩ bibir a tɩ zie. Mɛ̃ a lɛ bɛ na mɩ́ yel a, a bie ta n yib ɛ́ a mã bɛ tɛr fãw na ʋ̃ʋ́nɩ ʋ yi ɛ.

Ɩzayi 36:22

Al pùorí, a Hɩlkɩahu bidɛb, Elɩakɩm, na ɩ a nãà yir nɩ-kpɛ̃ɛ a, a sɛ-sɛbrɛ Sevina nɩ a Asafʋ bidɛb, Yoa, na mɩ́ ƴɛ̀rɛ a nãà yúor ƴãw a, tɩ taw nɩ a bɛ kparɩ cɩɛrɩ ɛ́ lɛb wa a Ezekɩasɩ zie, wa manɩ a lɛ a Asiiri tẽw dem sojarɩ nɩ-kpɛ̃ɛ na mɩ́ be a nãà zie a na yel a kʋ̀ ʋ.

Ɩzayi 33:7

A Arɩɛl nɩbɛ n'ɩ bɛ ŋan kone a sɛ́ɛ pʋʋr. A nɩbɛ bɛ na tõ a ƴã-ɓaarʋ ƴãw a kone nɩ mʋta-zɩ̃ɩ.

2 Na-mɩnɛ 24:2

Lɛ n'a a Sore tɩ ƴãw nɩ-farbɛ, na ɩ Babɩlɔn tẽw dem, Siiri tẽw dem, Mowab tẽw dem nɩ Amɔ̃ tẽw dem a, bɛ wa sãw a Zuda naalʋ-tẽw bɛr, mɛ̃ a lɛ a Sore na tɩ ƴãw a naaŋmɩn-ƴɛ̀r-manbɛ yel a.

A Zɔb sɛbɛ 18:11

Dɛ̃bɩ̃ɛ yi n ziir za waar a ʋ ƴãw, a sɛ̀br'a tuur ʋ.

2 Na-mɩnɛ 21:12

a al ƴãw a, à ŋá n'a a Sore, a Ɩsɩrayɛl Naaŋmɩn, yere: “Ɩ̃ na ɩ na faa na ta faa a páw a Zerizalɛm nɩ a Zuda, kɛ̀ dɛ̃bɩ̃ɛ mɩ́ nyɔw nɩr za na wõ ʋ a.

2 Na-mɩnɛ 18:13

A Ezekɩasɩ naalʋ-dɩb yome pie nɩ anaar sob, a Asiiri tẽw nãà, Senakerib, tɩ wa na wa zɛb'ɩ a Zuda naalʋ-tẽw tẽ-bɛrɛ bɛ na cɔbrɩ a kpɛmɛ a zɛbr ƴãw a, zɛb de a.

2 Na-mɩnɛ 17:6

A Oze naalʋ-dɩb yome piwaɩ sob'a a Asiiri tẽw nãà de a Samaari tẽw. Ʋ tɩ ír'ɩ a Ɩsɩrayɛl nɩbɛ cen nɩ a Asiiri, tɩ ƴãw bɛ zɩ̃ Hala vuo pʋɔ, Gozan vuo pʋɔ a Habɔɔr man na tɔlɛ a, nɩ a Medi tẽ-bɛrɛ pʋɔ.

1 Samɩɛl 3:11

A Sore tɩ yel'ɩ a Samɩɛl: «Ɩ̃ na ɩ n bʋ̃-kãw a Ɩsɩrayɛl bʋʋrɛ pʋɔ, kɛ̀ nɩr za wa wõ ʋ a, pʋ̀lá ʋ̃ʋ vʋ̃ɔ ʋ mɛ̃ saa na mɩ́ tanɩ a.

A Zɔb sɛbɛ 6:4

Bʋ̃ʋ n'ʋ vɛ̃, a Kpɛnʋ-za-sob pime kpɛ n a ɩ̃ ƴã-ganɩ́, ɛ́ a lɔw de a ɩ̃ ƴã-gan za. Pʋl-vʋ̃ɔ bʋʋrɛ bʋʋrɛ na yi a Naaŋmɩn zie a cɔrɩ nɩ a ɩ̃ ƴãw.

A Zɔb sɛbɛ 24:17

A bɛl za zie a, a zie vɩɛfʋ ɩrɛ nɩ dɛ̃bɩ̃ɛ, ɛ́ bɛ nɩ̃ɛ mili nɩ a tɩ̃ɩsɔw ɩ-faar na bɛ maal'ɩ wob a.

Sɛb-sõw yielu 55:4

a dɔ̃ sob kɔkɔr ɩ̃ na wone a ƴãw, nɩ a fɛrʋ a nɩ-faar na fɛrɛ mɛ̃ a ƴãw. Bɛ de nɩ a faa dɔwlɩ a ɩ̃ zu, nyɛ̃, suur bɛ bɛrɛ mɛ̃ ɩ.

Sɛb-sõw yielu 88:15

Sore e, bʋ̃ʋ n'ʋ so fʋ zawrɛ mɛ̃ bɛrɛ? Bʋ̃ʋ n'ʋ so fʋ bɛ bɔbr k'ɩ̃ɩ nyɛ̃ a fʋ niwn?

Zeremi 6:24

Tɩ na wa wõ a yele á ŋá a, a tɩ kpãkpamɛ kpi na, a pʋl-vʋ̃ɔ nyɔw tɩ na ɛ́ 'wɔbrʋ 'wɔbr tɩ, mɛ̃ pɔw a dɔwfʋ na ta a.

A Lãw-mʋɔlɛ 2:22

Fʋ bʋɔl'ɩ a ɩ̃ kpɛ-pɩɛl dem na ɩrɛ mɛ̃ dɛ̃bɩ̃ɛ a, mɛ̃ cuw bibir ƴãw a. Sore e, a fʋ suur bibir a, nɩr bɛ tɩ cɩ̃ɛ ɩ, nɩr bɛ tɩ cãà vʋʋrɛ ɩ. A bɛlɩ dem ɩ̃ na tɩ guoli ɛ́ nɔ̃w yaga za a, a ɩ̃ dɔ̃ sob kʋ n bɛ za pàw pɛr.

A Zɔb sɛbɛ 41:9

Pɛwr ŋa mɩ́ mɛr'ɩ pɛwr ŋa kɛ̀ bom za kʋ̃ tʋ̃ɔ́ a wɛl ɛ.

Zeremi 4:5

Nyɩ yel a yel a Zuda tẽw, nyɩ ɩ bɛ wõ ʋ a Zerizalɛm, nyɩ pɛblɩ ɩɩl a tẽw pʋɔ! Nyɩ cɩɩrɩ kpɛ̃w kpɛ̃w za, nyɩ yel: «Nyɩ ɓã taa a tẽ-bɛrɛ bɛ na cɔbrɩ a kpɛmɛ a zɛbr ƴãw a pʋɔ!»

Zeremi 4:9

A Sore yere na: «A yele á ŋá wa ta a, a nãà nɩ a tõ-tõ-bi-bɛrɛ kanyir na bɔr'a, a na ɓãa nɩ a bàwr-maalbɛ nʋɔr, ɛ́ pʋl-vʋ̃ɔ tɛr a naaŋmɩn-ƴɛ̀r-manbɛ.