Ɩzayi 28:16 - A SƐB-SÕW

¹⁶ Ɛcɛ à ŋá n'a a Sore Naaŋmɩn yere: Ɩ̃ ƴãwnɛ nɩ yir pɛr kʋsɩɛr na kpɛmɛ kpɛmɛ a, a Sɩyɔ̃ tẽw pʋɔ, dacĩ-goraa kʋsɩɛr na vɩɛl vɩɛl a, kʋsɩɛr na be be a yir pɛr binu ƴãw a. Sob nɛ na tɩɛ a kʋsɩɛr ŋa ƴãw a bɛ lore ɩ.

Ɩzayi 28:16 Referans Kwoze

Sɛb-sõw yielu 118:22

A kʋsɩɛr a yir-mɩɛrbɛ na ír lɔb bɛr a lɩɛb'ɩ a yir pɛr kʋsɩɛr.

Ʋrɔm 9:33

a kʋsɩɛr ʋl a Sɛb-sõw na yere à ŋá a: «Mãa n'ɩ ŋan ƴãwnɛ gbɛ-ŋmɛ-kʋsɩɛr a Sɩyɔ̃ tẽw pʋɔ, pìir kʋsɩɛr na ɩrɛ bɛ lore a. Ɛcɛ sob nɛ na sàw de ʋ a, ʋ kʋ̃ nyɛ̃ vĩ ɛ.»

Markɩ 12:10

Nyɩ bɛ kanɩ a Sɛb-sõw ƴɛ̀r-bie á ŋá bɩɩ? “A kʋsɩɛr ʋl a yir-mɩɛrbɛ na ír lɔb bɛr a, ʋ lɩɛb'ɩ a yir pɛr kʋsɩɛr.

Matie 21:42

A Yeezu lɛb yel bɛ: «Nyɩ bɛ dãw kanɩ a ƴɛ̀r-bie á ŋá a Sɛb-sõw pʋɔ ɩ? “A kʋsɩɛr ʋl a yir-mɩɛrbɛ na ír lɔb bɛr a, lɩɛb'ɩ a yir pɛr kʋsɩɛr, a Sore n'ʋ tõ à à ŋá: nɔ-ɓãa-yel ʋ a tɩ zie.”

Efɛɛzɩ 2:20

Bɛ de nyɩ na ƴãw a yir mɩɛrʋ pʋɔ, a ʋl bɛ na sʋ̃ɔ́ a pɛr a nɩ-toni nɩ a naaŋmɩn-ƴɛ̀r-manbɛ zu, ɛ́ a Yeezu Kɩrɩta mɩŋa ɩ a yir pɛr kʋsɩɛr a.

1 Korɛ̃tɩ 3:11

Ɛ́ a yir pɛr a, nɩr kʋ̃ tʋ̃ɔ́ sʋ̃ɔ́ kãw ƴãw pʋɔ a ʋl na be be a ƴãw ɛ: a pɛr lɛ kɛ́ a Yeezu Kɩrɩta.

Ʋrɔm 10:11

Bʋ̃ʋ n'ʋ vɛ̃, a Sɛb-sõw yere nɩ à ŋá: «Sob nɛ za na sàw de ʋ a, ʋ kʋ̃ nyɛ̃ vĩ ɛ.»

Zakari 3:9

Ɩ̃ bine nɩ kʋsɩɛr a Zozue niŋé, kʋsɛ-been yõ na tɛr zi-nyɩwrɩ ayopõi a. Mãa mɩŋa na wi n sɛbrʋ ƴãw a ʋ zu, ɛ́ bibi-been yõ, ɩ̃ ír a tẽw ŋa yel-bier bɛr. Mãa n'ʋ yere, a mãa Sore Kpɛnʋ-za-sob.

Yele-za-pɛr-tib 49:24

Ɛcɛ ʋ fɩɩr'ɩ a ʋ tam tɛr kpɛ̃w za, a ʋ kpãkpamɛ nɩ a ʋ nuru dɔlɛ na ɛ́ gùre vla. A Zakɔb Naaŋmɩn na bɛ tɛr tʋ̃ɔ́fʋ a fãw zũú, fʋ lɩɛb'ɩ pi-cɩ̃ɩnɛ, fʋ ɩ n a Ɩsɩrayɛl pìir.

Ɩzayi 30:18

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.

Yele-za-pɛr-tib 49:10

A nãà dabɔl bɛ yire zaarɛ a Zuda yir pʋɔ ɩ, a nɩ-bɛrɛ dabɔl na be n a ʋ bʋʋrɛ nuru pʋɔ, ɛ́ gù a sob nɛ na sɩrɩ so ʋ a, wa wa, a sob nɛ nʋɔr a nɩ-bʋʋrɛ na na sàwr a.

2 Timote 2:19

Ɛcɛ yir pɛr na kpɛmɛ ɛ́ Naaŋmɩn bin a, cãà nɩ be. Ƴɛ̀r-bie á ŋá n'a bɛ wi ƴãw a ʋ zu: «A Sore bãw nɩ a ʋ nɩbɛ», lɛ nɩ: «Sob nɛ za na bʋɔlɛ a Sore yúor a, ʋ taw zãá nɩ a ɩ-faar.»

Sɛb-sõw yielu 87:1

Koore bibiir yielu. Sɛb-sõw yielu. Yielu. A Sore mɛ n a Zerizalɛm a tan-son zu.

Ɩzayi 14:32

Bɛ sɔw kɛ́ bʋnʋ kʋ̀ a nɩbɛ a Filisɩtɛ̃ mɩnɛ na tõ a? K'aa Sore mɩŋa n'ʋ mɛ a Sɩyɔ̃ tẽw. Be n'a a ʋ nɩ-bʋʋrɛ bãbàalbɛ kʋ̃ bãw damnʋ ɛ.

Ɩzayi 54:11

Zerizalɛm baw-bio na páw a, saa waar'a lãwnɩ sɛsɛb ŋmɩɛr fʋ, ɛ́ nɩr za bɛ be be na mɔwlɩ fʋ ɛ. «A mãa, a Sore, ɩ̃ na lɛb'a mɛ b nɩ kʋsɛbɛ bɛ na ƴãw bʋ̃-ƴãwnɩ a vɩɛl a. Kʋsɛ-bi-nyɩlɩ bɛ na bʋɔlɛ safɩɩr a n'a ɩ̃ na bin nɩ a fʋ pɛr.

2 Bibie za yel-manɩ 20:20

A bio daarɩ́ biɓaar-pipi, bɛ za tɩ ìr'a lo a Tekowa wɛja-kpalɛ sɔ́r. Bɛ na na tɩ yi lo a sɔ́r a, a Zozafatɩ tɩ yel bɛ na: «Zuda nɩbɛ nɩ Zerizalɛm nɩbɛ ɛ, nyɩ bɛr wõ a ɩ̃ ƴɛ̀rʋ! Nyɩ ƴãw a nyɩ tɩɛrʋ za a Sore nyɩ Naaŋmɩn ƴãw, ɛ́ nɩr kʋ̃ tʋ̃ɔ́ nyɩ ɛ. Nyɩ ƴãw a nyɩ tɩɛrʋ a ʋ ƴɛ̀r-manbɛ ƴãw, ɛ́ nyɩ na zɛb'a tʋ̃ɔ́!»

Zakari 10:4

A bɛ pʋɔ n'a nɩ-bɛr-bʋʋrɛ za na yire, kpɛmɛ mɛ̃ yir pɛr kʋsɩɛr a, kpɛmɛ jɩjɩ mɛ̃ pɛn-sɛw kpawbir a, kpɛmɛ mɛ̃ zɛbr tam a.