Ɩzayi 28:15 - A SƐB-SÕW

¹⁵ «Nyɩ yere na: Tɩmɛ nɩ a kũu maal'ɩ wõ-taa, tɩmɛ nɩ a kpɩmɛ tẽw lãw nɩ nʋɔr. A bʋ̃-faa wa waar a, ʋ bɛ páwr tɩ ɛ. Bʋ̃ʋ n'ʋ vɛ̃, a ziri n'ɩ a tɩ pib zie, a libelibe n'ɩ a tɩ sɔwlʋ zie.»

Ɩzayi 28:15 Referans Kwoze

Amɔsɩ 2:4

À ŋá n'a a Sore yere: «A Zuda tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na zawrɩ a ɩ̃ wulu bɛr, ɛ́ bɛ sàw de a ɩ̃ nɛ-ƴãwnɩ a, bɛ na ɩ a ŋmɩn-bɛlɛbɛlɛ a bɛ sãàkʋm mɩnɛ na tɩ tuur a bɔr bɛ bɛr a,

A naaŋmɩn-ƴèr-manɛ Oze sɛbɛ 2:18

«A ʋlɩ bibir nɛ a, a Sore n'ʋ yere, ʋ na bʋɔlɛ mɛ̃ nɩ: “Ɩ̃ sɩr”, ʋ kʋ̃ cãà bʋɔlɛ mɛ̃: “Ɩ̃ Báàl, ɩ̃ zu-sob ɛ.”

Ezekɩɛl 13:22

A nyɩ ziri zũú, nyɩ ɩ na nɩ-mɩn kanyir baarɩ, bɛl ɩ̃ na bɛ tɩ bɔbr k'ɩ̃ɩ maalɩ faa a. Nyɩ mʋʋrɩ nɩ nɩ-faar ƴãw bɛ be a bɛ ɩ-faar pʋɔ, ɛ́ à à ŋá n'a nyɩ ɩ kũu jɩɛrɛ a bɛ nyɔ-vʋʋrʋ.

Ɩzayi 28:18

Nyɩmɛ nɩ a kũu wõ-taa na sãw na, nyɩmɛ nɩ a kpɩmɛ tẽw nɔ-lãw kʋ̃ nyɔw ɛ. A bʋ̃-faa wa wa a, ʋ na tʋ̃ɔ́ nyɩ nɩ pelẽpelẽ.

Sofoni 1:12

A ʋlɩ daar nɛ a, ɩ̃ na tɔ̃w nɩ vũu bɔ n a Zerizalɛm tẽw za pʋɔ. Ɩ̃ na ìr'ɩ a nɩbɛ bɛl bom za na bɛ damnɛ a ƴãw, bɛl na ɩ mɛ̃ dãa na tewli gã a dã-pɛr zu a. Bɛ yere nɩ à ŋá: “A Sore kʋ̃ tʋ̃ɔ́ ɩ bom za ɩ, a vla n'a bɩɩ a faa n'a a!”

Zonasɩ 2:8

A lɛn daar ɩ̃ na tɩ ŋmaar a vʋʋrʋ a, ɩ̃ tɩ lɛb'a tɩɛrɩ a fʋ yele, Sore e, ɛ́ a ɩ̃ puoru tɩ ta b'ɩ a fʋ yir-sõw pʋɔ.

Ezekɩɛl 13:16

A Ɩsɩrayɛl naaŋmɩn-ƴɛ̀r-manbɛ na tɩ ƴɛ̀rɛ a Zerizalɛm nɩdaar yele ƴɛ̀rʋ a, bɛ bɛ cãà ɩ. A bɛ bʋ̃-nyɛrɩ tɩ yere na kɛ́ bom za cere nɩ vla. Ɛcɛ bom za bɛ tɩ cere vla ɩ!” À ŋá n'a a Sore Naaŋmɩn yel.»

Ezekɩɛl 8:12

A Naaŋmɩn tɩ sowri mɛ̃ na: «A fʋ̃ʋ nɩsaal bie, fʋ nyɛ̃ nɩ a lɛ a Ɩsɩrayɛl nɩbɛ nɩ-kore na sɔwlɛ ɩrɛ, ŋa za a ʋ beba zie a ʋ ŋmɩn-bɛlɛbɛlɛ niŋé a? Bɛ yere na: “A Sore kʋ̃ tʋ̃ɔ́ nyɛ̃ tɩ ɛ, ʋ zawr'ɩ a tẽw bɛr.”»

Zeremi 44:17

Tɩ na ɩ n a lɛ za tɩ na yel a. Tɩ na nyɩw nɩ tɩ-suur-zɔ̃-na-nyùur-vla-vla-a, de nɩ divɛ̃ kʋ̀ a ŋmɩn-pɔw Asɩtarte, a salom pɔw-nãà, mɛ̃ a lɛ tɩ na ɩ wa tɔ a ka a, a tɩɩm tɛɛ za, a tɩ sãà mɩnɛ, a tɩ na-mɩnɛ nɩ a tõ-tõ-bi-bɛrɛ, a Zuda tẽ-bɛrɛ pʋɔ nɩ a Zerizalɛm sɛ́ɛ zu a. A lɛn daar a, tɩ tɩ tɛr'ɩ bʋ̃-dɩrɩ a man, ɛ́ tɩ vʋʋrɛ nʋ̃ɔ̀ pʋɔ bɛ bãw kpɩɛrʋ ɛ.

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Zeremi 14:13

Ɩ̃ tɩ sɔw na: «'Woi, Sore Naaŋmɩn i, a ƴɛ̀r-manbɛ yere na kʋ̀rɛ a nɩbɛ à ŋá: “Nyɩ kʋ̃ bãw zɛbr ɛ, nyɩ kʋ̃ bãw kɔ̃ ɩ, ɛcɛ Naaŋmɩn na kʋ̀ nyɩ nɩ ƴã-ɓaarʋ mɩŋa a zie ŋa pʋɔ.”»

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

Ɩzayi 30:28

a ʋ nʋɔr pɩɛlʋ ɩ n fʋɔla kʋ̃ɔ na tuore bom za tɔlɛ nɩ a. Ʋ waar'a k'ʋʋ wa tɛwtɛw a nɩ-bʋʋr-yoru a kpɩɛrʋ zɛla pʋɔ, ɛ́ ƴãw nɔ-bãw a bɛ nɩbɛ kokamɩ́, tɛr bɛ cen nɩ a be bɛ na bɛ bɔbr a.

Ɩzayi 30:10

Bɛ yere nɩ a naaŋmɩn-ƴɛ̀r-manbɛ zie: «Nyɩ taa nyɛrɛ bʋ̃-nyɛrɩ ɛ! Nyɩ taa yere bom na ɩ sɩza a kʋ̀rɛ tɩ ɛ! Nyɩ manɛ yele na nʋmɛ a kʋ̀rɛ tɩ. Nyɩ yere yele na nʋmɛ ɛ́ bɛ ɩ sɩza a kʋ̀rɛ tɩ.

Ɩzayi 29:15

Baw-bio! A nɩbɛ bɛ ŋa sɔwlɛ na ɩrɛ, kɛ́ bɛ sɔwlɩ a Sore a lɛ bɛ na tɩɛrɩ bin a. Bɛ cɔbrɛ nɩ a bɛ yele a lige pʋɔ. Bɛ yere na: «Ãa n'ʋ nyɛrɛ tɩ? Ãa n'ʋ bãw bom nɛ tɩ na ɩrɛ a?»

Ɩzayi 28:2

A Sore nɩr kãw n'ɩ ŋan na kpɛmɛ ɛ́ tʋ̃ɔ́ bom za a. Ʋ ŋmɛ̃ na taa nɩ sa-bi-kube saa, ʋ ŋmɛ̃ na taa nɩ saa nɩ sɛsɛb na sãwnɛ bom za a, ʋ ŋmɛ̃ na taa nɩ saa na waar gbʋrʋgbʋrʋ a kʋ̃ɔnɩ paalɩ pàw bom za a. Ʋ na gaal'ɩ bom za tẽw nɩ fãw.

Ɩzayi 9:15

A nɩbɛ bɛ ŋa wul-wulbɛ tuli bɛ na, a bɛlɩ dem bɛ na wule a lo sɔr-faa.

Ekilezɩasɩ 8:8

Nɩsaal za bɛ so a ʋ nyɔ-vʋʋrʋ na tʋ̃ɔ́ nyɔw ʋ tɛr ɛ. Nɩsaal za bɛ so a ʋ kũu bibir ɛ. Zɛbr wa be be a, ɩb bɛ ka be fʋ na ɩ cɩ̃ɛ ɩ. A faalʋ kʋ̃ tʋ̃ɔ́ faa a ɩ-fa-maalɛ ɩ.

A Zɔb sɛbɛ 5:23

Fʋ kʋ̃ bãw a yele á ŋá na mɩ́ sãwnɛ a fʋ póru a ɩ: a kʋsɛbɛ bɛ na mɩ́ lɔb ƴãw a, nɩ a dʋn na mɩ́ tɔlɛ a.

Ɩzayi 3:12

A Sore yere na: “Ɩ̃ nɩ-bʋʋrɛ ɛ, a bɛlɩ dem na dɔwrɛ nyɩ a, bibili nɛbɛ, ɛ́ pɔwbɛ nɛbɛ dɩrɛ a naalʋ a nyɩ zu. Ɩ̃ nɩ-bʋʋrɛ ɛ, a bɛlɩ dem na tɛr nyɩ cere nɩ a, tule nyɩ na, bɛ tuli nɩ a nyɩ sɔ́r.”

Ɩzayi 30:9

Nɩ-bʋʋrɛ na gaarɩ a nɛbɛ, bibiir na ŋmarɛ ziri a, nɩbɛ na bɛ sàwr bɛrɛ wone a Sore wulu a.

Ɩzayi 44:20

A nɩbɛ bɛ ŋa tu n bom na ɩ tãpɛlʋ tɛwr a. A bɛ tɩɛrʋ be n tulu pʋɔ, ɛ́ bɛ tɩ́ɛrɛ a bɛ tore ɩ. Bɛ kʋ̃ faa a bɛ nyɔ-vʋʋrʋ ɛ. A bɛ kãw za kʋ̃ yel: «A bom ɩ̃ na tɛr a nũú a ɩ n ŋmɩn-bɛlɛbɛlɛ, a sãá na» ɩ.

Ɩzayi 59:3

Bʋ̃ʋ n'ʋ vɛ̃, a nyɩ nuru ɩ n zɩ̃ɩ, ɛ́ ɩ-faar dɛw a nyɩ nobie. A nyɩ nɛ́ɛ ŋmarɛ nɩ ziri, a nyɩ zɛlɛ ɩ n zɛl-ɓɛrɩ.

Ɩzayi 59:4

A ƴɛ̀rʋ-dɩb zie a, nyɩ mɩ́ yel'ɩ sãwna na bɛ ɩ sɩza a. Nyɩ bɛ ƴɛ̀rɛ kpɩɛr a nɩbɛ tuur'ɩ yel-mɩŋa ɩ. Zi-vuo n'a nyɩ mɩ́ ƴãw a nyɩ tɩɛrʋ, nyɩ mɩ́ yere nɩ yele na ɩ ziri a, a yel-faa pʋɔ n'ʋ nyɩ mɩ́ tɛr wa dɔw a kpɩɛrʋ.

Amɔsɩ 6:13

Nyɩ cɩlɛ na a Lodevaar tẽw nyɩ na zɛb de a ƴãw, a Lodevaar pɛr'ɩ “zawlalɛ”. Nyɩ yere nɩ à ŋá: «A tɩ fãw bɛ tʋ̃ɔ́ n'a tɩ zɛb de nɩ a Karnayim tẽw e? A Karnayim pɛr'ɩ “ɩ́lɛ́ ayi, ɛ́ a ɩ́lɛ́ ɩ n a fãw bãwfʋ”.»

Yele-za-pɛr-tib 37:20

Ƴɛrɛŋa ʋl a, nyɩ wa tɩ kʋ ʋ lɔb ƴãw a sa-bie-kʋ̃ɔ-bɔwrɩ á ŋá kãw pʋɔ, ɛ́ yel kɛ́ wɛ-dʋ̃-faa kãw nyɔw ʋ na 'wɔb. Tɩ na nyɛ̃ nɩ a lɛ a na na ŋmɛ̃ a ʋ zánʋ ƴãw a.»

Ɩzayi 30:12

Alɛ so a Ɩsɩrayɛl Naaŋmɩn na ɩ sõw a yere: «Nyɩ zawrɛ nɩ a ɩ̃ ƴɛ̀rʋ bɛrɛ, nyɩ ƴãwnɛ nɩ a nyɩ tɩɛrʋ a bɛlɩ dem na bɛ̀lɛ nyɩ ɛ́ ŋmarɛ ziri a ƴãw, ɛ́ dier bɛ bɛ ɩ a nyɩ tɩ̀ɛrbɛ.

Zeremi 5:12

A Zuda tẽw dem bɛ bãw a Sore ɩ, ɛ́ yere: «Ʋ bɛ tɛr fãw kãw za ɩ. A faa kʋ̃ lo a tɩ zu ɛ, tɩ kʋ̃ bãw zɛbr nɩ kɔ̃ ɩ.

Zeremi 13:25

A Sore yere na: Zerizalɛm i, nyɛ̃ a bom nɛ na gùre fʋ a, a bom ɩ̃ na gùre nɩ fʋ a. Bʋ̃ʋ n'ʋ vɛ̃, fʋ yiiri mɛ̃ na bɛr ɛ́ ƴãw a fʋ tɩɛrʋ ŋmɩn-bɛlɛbɛlɛ ƴãw.

Ezekɩɛl 22:28

A bɛ naaŋmɩn-ƴɛ̀r-manbɛ bʋl'ɩ à á ŋá za pàw. Bɛ mɩ́ tɩɛr'ɩ bʋ̃-nyɛrɩ yel, ɛ́ manɩ yele na bɛ ɩ sɩza a. Bɛ mɩ́ yel'a: “À ŋá n'a a Sore Naaŋmɩn yere”. Ɛcɛ ɩ̃ bɛ ƴɛ̀r bɛ zie ɩ.