Ɩzayi 28:1 - A SƐB-SÕW

¹ Baw-bio wɛ Samaari tẽw i! A Efarayim tẽw dã-kuolbɛ nyʋʋr'ɩ nɩ a tẽ-kpɛ̃ɛ ŋa na ɩ mɛ̃ nãà-kpawʋɔ a. Ʋ ƴãw nɩ pɩ̃ɛmɛ vla vla za àr'ɩ a tãw zu, a tãw na jɩ́rɛ a fʋɔla na pʋ̃ɔ ʋ za a. Ɛcɛ ʋ ŋmɛ̃ na mɛ̃ tɩ-puuru na vàr vàr nɩbɛ a divɛ̃ na tʋ̃ɔ́ a zurú a.

Ɩzayi 28:1 Referans Kwoze

A naaŋmɩn-ƴèr-manɛ Oze sɛbɛ 7:5

A bɛ nãà cuw bibir a, a ʋ tõ-tõ-bi-bɛrɛ mɩ́ nyũ n a divɛ̃ zuo tɩ ɩ n bàalbɛ. Bɛ mɩ́ ɩrɛ nɩ a nɩbɛ laar ɛ́ a nãà cɔwrɛ bɛ.

Ɩzayi 28:7

A bàwr-maalbɛ nɩ a naaŋmɩn-ƴɛ̀r-manbɛ mɩ̀ a, a divɛ̃ ɩ na bɛ bɛ cãà bãw yã ɩ, a dã-kpɛn ɩ na bɛ dẽdere. A dã-kpɛn ɩ na bɛ bɛ cãà bãw yã ɩ, a divɛ̃ ɩ na bɛ bɛ cãà bãw bɛ tʋɔra zie ɩ. A dã-kpɛn ɩ na bɛ dẽdere, ɛ́ a bɛ bʋ̃-nyɛrɩ pʋɔ bɛ bʋ̀nɛ ƴɛ̀rɛ. A lɛ bɛ na mɩ́ dɩ a ƴɛ̀rʋ yel a bɛ mɩ́ nyɛrɛ ɩ.

Amɔsɩ 6:6

Dãa koli-nyúuri bɛrɛ n'a nyɩ tɛr nyúur'ɩ a divɛ̃, ɛ́ zɩɛr kãá-nyũu vla vla, ɛcɛ a Zuzɛb yir na lore a, al bɛ ɩrɛ nyɩ bom ɛ.

Amɔsɩ 6:1

Baw-bio dem'ɩ nyɩ, nyɩɩm na be a Sɩyɔ̃ bom za bɛ damnɛ nyɩ a. Nyɩɩm na ɓãá ƴãw kpɩɛr a Samaari tãw zu a. Nyɩɩm na ɩ a ten za pʋɔ tẽ-dãw-niwn sob niw-dierbɛ a, nyɩɩm zie n'a a Ɩsɩrayɛl yir nɩbɛ cere.

Amɔsɩ 2:12

Ɛcɛ nyɩɩm a, nyɩ ƴãw nɩ a naziir mɩnɛ nyúur divɛ̃, ɛ́ yere kʋ̀rɛ a ɩ̃ ƴɛ̀r-manbɛ: Nyɩ kʋ̃ ƴɛ̀r a Naaŋmɩn yúor ƴãw ɛ.''

Amɔsɩ 2:8

A bɛ samɛ dem bʋ̃-suuri bɛ na mɩ́ de tɛr ɛ́ gù kɛ́ bɛ wa ya a bɛ samɛ a, bɛ mɩ́ yɛ́r a na gã nɩ bàwr-maal-kuur za pɛr. Bɛ mɩ́ nyúur'ɩ a divɛ̃ bɛ na fa a, a bɛ ŋmɩn yir pʋɔ.

A naaŋmɩn-ƴèr-manɛ Oze sɛbɛ 6:10

A Ɩsɩrayɛl yir pʋɔ a, ɩ̃ nyɛ̃ nɩ yele na bɛ maal'ɩ wob a: a Efarayim nɩ-fa-ɩb mar'ɩ a Ɩsɩrayɛl.»

A naaŋmɩn-ƴèr-manɛ Oze sɛbɛ 5:5

A Ɩsɩrayɛl nyʋ̀ʋ́r'a yere a ʋ sãwna. A Ɩsɩrayɛl nɩ a Efarayim ŋmɩɛr'ɩ gbɛ́ɛ a bɛ sãwna ƴãw. A Zuda mɩ̀ lãw nɩ bɛ na ŋmɩɛr a gbɛ́ɛ.

A naaŋmɩn-ƴèr-manɛ Oze sɛbɛ 4:11

A divɛ̃ tɩɩr wɔmɛ na na maalɩ vla a tɩɛrʋ ɩ na a ɩ̃ nɩ-bʋʋrɛ bɛ bãw yã ɩ.

Ɩzayi 9:9

«A birkiri dacine lo na, tɩ na lɛb'a mɛ a nɩ kʋsɛ-pɛnɩ! A Sɩkomɔɔr tɩɩr wɛwr kar'a, tɩ na lɩɛr'a na nɩ sɛɛdɩr tɩɩr wɛwr!»

Ɩzayi 8:4

Bʋ̃ʋ n'ʋ vɛ̃, a bie kʋ̃ bãw “Ɩ̃ sãà” bɩɩ “Ɩ̃ mã” bʋɔlʋ sɛr ɛ, ɛ́ bɛ tuo a Damasɩ tẽw na-bome nɩ a Samaari tẽw zɛbr-na-bome cen nɩ a Asiiri tẽw nãà niŋé.»

Ɩzayi 5:22

Baw-bio páw nɩ a bɛlɩ dem na ɩ dã-nyũ-karɩ, ɛ́ kpɛmɛ yaga mɩ́ nyàw a dã-kpɛn taa a!

Ɩzayi 5:11

Baw-bio páw nɩ a bɛlɩ dem na mɩ́ cɔ̃w ìr tu a dã-kpɛn pùor, a zie mɩ́ tɩ libre, ɛ́ bɛ nyúur a divɛ̃ a damnɛ bɛ a!

Zʋkpaɩ 23:29

Ãa so a «Aa!»? Ãa so a «Bʋ̃ʋ pãa ɩ!»? Ãa so a nɔhaarʋ? Ãa so a ƴɛ̀rɛ-zɛbr'ɩ? Ãa so a zɛb-taa na bɛ tɛr pɛr a? Ãa so a mimie na bɛ maal nyɛrɛ a?

2 Bibie za yel-manɩ 28:6

bibir been yõ, a Peka tɩ kʋ n a Zuda soja-gãdaar tùr lɩz'a ayʋɔb (120 000), bɛ na tɩ zawrɩ a Sore, bɛ sãà mɩnɛ Naaŋmɩn, bɛr a ƴãw.

2 Na-mɩnɛ 15:29

A Ɩsɩrayɛl tẽw nãà Peka daar, a Asiiri tẽw nãà, Tɩgɩlatɩ-Pilesɛɛr, tɩ zɛb'a de a tẽ-bɛrɛ á ŋá: Iyon, Avɛl-Bɛtɩ-Maaka, Yanoa, Kedɛsɩ nɩ Hasɔɔr. Ʋ tɩ de nɩ a Galaadɩ tẽw, a Galile tẽw nɩ a Nɛfɩtali tẽw za. Ʋ tɩ ír'ɩ a ziir á ŋá nɩbɛ cen nɩ a Asiiri.

Levitɩ mɩnɛ 26:19

Ɩ̃ na ɩ na a nyɩ kpɛnʋ pɔ̀l-ɩb baarɩ, ɩ̃ na ɩ na a nyɩ salom kpɛmɛ mɛ̃ kure a, ɛ́ a nyɩ tẽsɔwr kpawlɩ kpɛmɛ mɛ̃ kur-zɩɛ a.

A naaŋmɩn-ƴèr-manɛ Oze sɛbɛ 5:9

A dɔwrʋ bibir a, a Efarayim na lɩɛb'ɩ debuo. À à ŋá ɩ̃ na yere a Ɩsɩrayɛl yie dɔwlʋ ƴãw a na tu na, bʋnʋ bɛ ka be ɩ.

Ɩzayi 9:8

A nɩbɛ za bãwnɩ a na, a Efarayim naalʋ-tẽw za nɩ a Samaari tẽw dem. A nɩbɛ bɛ ŋa tɩ ɩ n nyʋ̀ʋ́r nɩ pɔ̀lʋ tɛwr yere nɩ:

Ɩzayi 9:11

a Siiri tẽw dem be a niŋé, a Filisɩtɛ̃ mɩnɛ be a pùorí. Bɛ sɛ̀m'ɩ a Ɩsɩrayɛl paalɩ nʋɔr 'wɔb. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Amɔsɩ 4:1

Nyɩɩm pɔwbɛ na be a Samaari tãw zu ɩ zʋ̃zʋlɛ zʋ̃zʋlɛ mɛ̃ Basan tẽw nĩi a, nyɩ bɛrɛ wone a ƴɛ̀rʋ ŋa: nyɩ nɛbr'ɩ a bãbàalbɛ ɛ́ dɔwrɛ a nɩ-kɔmɛ, ɛ́ yere a nyɩ sɩrbɛ: «Nyɩ de a nyub wa n!»

Amɔsɩ 6:4

Nyɩ gã gã nɩ wɔ́br nyɩmɛ gadori zu, nyɩ duo duo na gã a nyɩ gado nʋmnʋm zu, ɛ́ 'wɔbr a péli nɩ a náli-'wɔɛ!

Amɔsɩ 6:8

A Sore, a Naaŋmɩn kpɛnʋ-za-sob pɔ na yel à ŋá: «Mãa wa sɩrɩ n'ɩ a Naaŋmɩn a, ɩ̃ bɛ nɔnɛ a Zakɔb yir pɔ̀lʋ towtow ɛ, ɩ̃ bɛ nɔnɛ a ʋ yir-vɩɛlɩ vɩɛlɩ ɛ. Ɩ̃ na ƴãw na a Samaari tẽw dɔ̃ dem so a Samaari tẽw.»