Ɩzayi 27:8 - A SƐB-SÕW

⁸ Ʋ̃ʋ 'hʋ̃, ɛcɛ ʋ ƴãw bɛ nɩ dɔwrʋ, diw bɛ, ír bɛ a bɛ tẽw pʋɔ. Ʋ pɛbl'ɩ a ʋ pɩɛlʋ kpɛ̃w kpɛ̃w za diw bɛ mɛ̃ saa-pɛrɩ́ sɛsɛb na fu n fãw a.

Ɩzayi 27:8 Referans Kwoze

A naaŋmɩn-ƴèr-manɛ Oze sɛbɛ 4:1

A Sore dɩrɛ nɩ nɩ a tẽw dem ƴɛ̀rʋ. Ɩsɩrayɛl nɩbɛ ɛ, nyɩ bɛr wõ a lɛ a Sore na yere a: «Yel-mɩŋa nɩ tɔ-nɔ̃wfʋ bɛ cãà a tẽw pʋɔ ɩ. Nɩr za bɛ cãà bãw a mãa Naaŋmɩn ɛ.

Ezekɩɛl 19:12

Ɛcɛ bɛ tɩ vʋ̃ɔ ʋ na nɩ suur, lɔb bɛr tẽw. A saa-pɛrɩ́ sɛsɛb tɩ ɩ n a ʋ wɔmɛ a ko suori lo. A ʋ wul-kpɛn tɩ ko na, bɛ nyɩw a bɛr.

Zeremi 10:24

Sore e, kpãa mɛ̃, ɛcɛ kpãa mɛ̃ a man. Ta kpãa mɛ̃ nɩ suur ɛ, alɛ bɛ ɩ lɛ, fʋ nãà ɩ na ɩ̃ bɛ cãà ɩ bom za ɩ.

Zeremi 4:11

A lɛn daar a, a Sore na yel'ɩ a Zerizalɛm nɩbɛ: «A tan zu sɛsɛb-tʋlʋ yi n a wɛja-kpalɛ pʋɔ waar. Sɛsɛble na mɩ́ fu bɛ yɛ́lɩ bom a bɛ n'ʋ ɛ.

1 Pɩɛr 1:6

Nyɩ̀ cɩlɛ nɩ nyɩ za a al ƴãw, yel-kpɩɛrɩ bʋʋrɛ za saa na ɩ nyɩ tɛr pʋ-sãwna blã a ƴɛrɛŋa a.

A naaŋmɩn-ƴèr-manɛ Oze sɛbɛ 13:15

A Efarayim yele za saa maalɛ vla a ʋ yɛbr sɔgɔ a, ɛcɛ saa-pɛrí sɛsɛb na wa na, Sore sɛsɛb na yi wɛja-kpalɛ pʋɔ a na wa na wa ɩ a bul-nɛ́ɛ nɩ a kʋ̃ɔ-'wɔ̃wfʋ zie a ko gã. Bɛ na faa nɩ a na-bome za, a bʋ̃-vɩɛlɩ vɩɛlɩ za cen nɩ.

Zeremi 46:28

Fʋ̃ʋ Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, ɩ̃ lãw nɩ fʋ na k'ɩ̃ɩ tʋ̃ɔ́ faa fʋ, a Sore n'ʋ yel. Ɩ̃ na kʋ n a nɩ-bʋʋr-yoru bɛl pʋɔ ɩ̃ na diw fʋ cen nɩ a, pàw pɛr. Ɛcɛ, fʋ̃ʋ a, ɩ̃ kʋ̃ kʋ fʋ pàw pɛr ɛ. Sɩza n'a, ɩ̃ kpãa fʋ na mɛ̃ a lɛ a na sɛw a. Bʋ̃ʋ n'ʋ vɛ̃, ɩ̃ k'ʋʋ tʋ̃ɔ́ ɩrɛ a fʋ zie mɛ̃ fʋ bɛ tɛr sãwna a ɩ!»

Zeremi 30:11

Bʋ̃ʋ n'ʋ vɛ̃, ɩ̃ lãw nɩ fʋ na k'ɩ̃ɩ tʋ̃ɔ́ faa fʋ, a Sore n'ʋ yel. Ɩ̃ na kʋ n a nɩ-bʋʋr-yoru pàw pɛr, a bɛl pʋɔ ɩ̃ na diw fʋ cen nɩ a. Ɛcɛ a fʋ̃ʋ a, ɩ̃ bɛ bɔbr k'ɩ̃ɩ kʋ b pàw pɛr ɛ. Sɩza n'a, ɩ̃ kpãa fʋ na mɛ̃ a lɛ a na sɛw a. Bʋ̃ʋ n'ʋ vɛ̃, ɩ̃ kʋ̃ tʋ̃ɔ́ ɩrɛ a fʋ zie mɛ̃ fʋ bɛ tɛr sãwna a ɩ!»

Zeremi 4:27

À ŋá n'a a Sore yere: a tẽ-daa za na lɩɛb'ɩ wɛja-kpalɛ na ɩrɛ nɩbaalʋ a, ɛcɛ, ɩ̃ kʋ̃ sãw ʋ za bɛr pelẽpelẽ ɩ.

1 Korɛ̃tɩ 10:13

A bɛlʋ al za na ta nyɩ a, ɩ n a al na tarɛ a nɩsaalbɛ a. A lɛ a Naaŋmɩn na yel k'ʋʋ na ɩ na a, ʋ bɛ mɩ́ lɩɛb'a bɛr ɛ, ɛ́ bɛ mɩ́ lɛb sàw kɛ̀ bɛ̀lʋ na zuo a nyɩ fãw a ta nyɩ ɛ. A bɛ̀lʋ wa ta nyɩ a, ʋ na kʋ̀ nyɩ nɩ a fãw nyɩ tʋ̃ɔ́ a bɛ̀lʋ, ɛ́ yi zaa a bɛ̀lʋ pʋɔ.

Ɩzayi 57:16

Bʋ̃ʋ n'ʋ vɛ̃, ɩ̃ kʋ̃ zɛbr a bɛ tɛr baarʋ ɛ, bɩɩ nyɛ̃ a suur kʋralɛ ɩ. Alɛ bɛ ɩ lɛ, a nyɔ-vʋʋrʋ pɩɛlʋ kʋ̃ cãà be a bɛlɩ dem ɩ̃ na ír a zie ɩ.

Ɩzayi 54:7

Ɩ̃ tɩ zawr fʋ na bɛr blãlɛ tɛwr, ɛcɛ ɩ̃ lɛb'a dier fʋ nɩ su-ɓaarʋ na ɩ kpɛ̃ɛ a.

Ɩzayi 50:1

À ŋá n'a a Sore yere: «A zawr-bɛrʋ sɛbɛ wa ɩ̃ na maalɩ zawr'ɩ a nyɩ mã Zerizalɛm bɛr a? Bɩɩ, a bɛlɩ dem samɛ ɩ̃ na tɛr a, a bɛ buor sob zie n'a ɩ̃ nyɔw nyɩ kʋɔrɩ? Bɛlɛ wa kʋɔrɩ nyɩ a, a nyɩ sãwna ƴãw n'a. Bɛlɛ wa zawrɩ a nyɩ mã bɛr a, a nyɩ yel-bebe ƴãw n'a.

Ɩzayi 10:12

A Sore wa tõ a ʋ ton baarɩ a Sɩyɔ̃ tãw zu nɩ a Zerizalɛm a, ʋ na ìr'ɩ a Asiiri tẽw nãà pɔ̀l-ɩb ƴãw nɩ a jɩ́rʋ ʋ na mɩ́ jɩ́r mɛ̃ nɩr bɛ lɛb ka be pʋɔ a ʋ ƴãw a.

Ɩzayi 1:5

Nyɩn lowr'a bɛ na lɛb ŋmɛ nyɩ, nyɩɩm na cãà gaarɩ a? A zu ɩ n natɩɛ ʋ za, a socir za ɩ n bàal.

Sɛb-sõw yielu 103:14

Mɛ̃ ʋ taa bãw ʋlɩ bom nɛ bɛ na maal'ɩ tɩ a, ʋ bɛ yiiri tɩ na ɩ tanɛ a ɩ.

Sɛb-sõw yielu 78:38

Ɛcɛ ʋl na ɩ su-ɓaarʋ sob a, ʋ mɩ́ tɩ dɩ n a bɛ sãwna suur kʋ̀ bɛ, ɛ́ bɛ ɩ bɛ kpi ɛ. Kʋralɛ, ʋ mɩ́ tɩ vɔl'ɩ suur, ʋ bɛ mɩ́ tɩ sàw bɛr a ʋ suur ʋ ìr ɛ,

Sɛb-sõw yielu 76:10

a lɛn daar fʋ na mɩ́ ìr a ƴɛ̀rʋ-dɩb ƴãw a, fʋ na mɩ́ ìr kɛ́ fʋ faa a tẽw bãbàalbɛ za a. Tɛw-àrʋ

Sɛb-sõw yielu 38:1

Yielu kãw a Daviir na maalɩ a n'ʋ. Kɛ́ Naaŋmɩn tɛr a ʋ tɩɛrʋ.

Sɛb-sõw yielu 6:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Fomie ani korijom'ʋ bɛ mɩ́ yiele ŋmɩɛr'ɩ ƴãwn. Daviir yielu kãw n'ʋ.

A Zɔb sɛbɛ 23:6

Gãdaalʋ n'a ʋ nãá ɩrɛ maalɛ nɩ mɛ̃ a ƴɛ̀rʋ bɩɩ? Ʋ̃ʋ'hʋ̃! Ʋl a, ʋ nãá cɛlɛ nɩ be wõ a ɩ̃ ƴɛ̀rʋ.

Sɛb-sõw yielu 103:9

Ʋ bɛ mɩ́ zɛbr kʋralɛ ɩ, mɩ̀ bɛ mɩ́ nyɛ̃ suur a bɛ tɛr baarʋ ɛ.

Ɩzayi 64:5

Tɩ za, tɩ ɩ na mɛ̃ nɩbɛ na tɛr dɛwr a, ɛ́ a tɩ ɩ-vɩɛlɩ za gele pʋɔ mɛ̃ pɛn na mar pɔw-sɩɛ zɩ̃ɩ a. Tɩ za, a tɩ ɩ-faar ɓáw tɩ na cere nɩ mɛ̃ va-ŋmamɛ sɛsɛb na wob cen nɩ a.

A Lãw-mʋɔlɛ 3:31

Bʋ̃ʋ n'ʋ vɛ̃, a Sore bɛ lɔbr nɩr bɛrɛ a nʋɔr kʋrɛ ɛ.

A Lãw-mʋɔlɛ 3:32

Ʋlɛ saa mɩ́ dɔwrɩ a nɩr a, ʋ mɩ́ cãà na ɩ nɔ̃wfʋ tɛwr, bʋ̃ʋ n'ʋ vɛ̃, a ʋ nɔ̃wfʋ ɩ n kpɛ̃ɛ.