Ɩzayi 26:8 - A SƐB-SÕW

⁸ Sɩza n'a, Sore e, a sɔ́r fʋ na yel kɛ́ tɩ tuur a zu a, tɩ mɩ́ ƴãw nɩ a tɩ tɩɛrʋ a fʋ ƴãw. A ʋlɩ bom nɛ tɩ na bɔbr a n'ɩ kɛ́ tɩ bʋɔlɛ fʋ, tɩ tɩ́ɛrɛ fʋ.

Ɩzayi 26:8 Referans Kwoze

Ɩzayi 33:2

Sore e, zɔ tɩ nɩbaalʋ! Tɩ ƴãw nɩ a tɩ tɩɛrʋ a fʋ ƴãw. Ɩ̀ a tɩ fãw biɓaara za, nɩ a tɩ faarɛ a kpɩɛrʋ daar.

Sɛb-sõw yielu 65:6

Naaŋmɩn tɩ Faarɛ ɛ, fʋ ŋmɛ̃ n fʋ ŋmɛ̃a, fʋ mɩ́ maal'ɩ nɔ-ɓãa-yele sɔw nɩ tɩ, fʋ̃ʋ a tẽw baarʋ zie nɩbɛ, nɩ a kʋ̃ɔ-kpɛ̃ɛ-sɔgɔ-ten na zãá a nɩbɛ na tɩɛrɛ a.

Eziptɩ tẽw yib 3:15

Al pùorí fʋ yel ƴãw pʋɔ: “A Sore n'ʋ tõ m a nyɩ zie, a nyɩ sãàkʋm-kore Naaŋmɩn, a Abraham Naaŋmɩn, Ɩzaakɩ Naaŋmɩn nɩ Zakɔb Naaŋmɩn.” A ɩ̃ yúor'ɩ á ŋà kʋralɛ, ʋlɛ n'ʋ a nɩbɛ na dɔwr lɩɛrɛ taa a na mɩ́ bʋɔlɛ puore nɩ mɛ̃.

2 Tesalonikɩ 3:5

A Sore, ʋ ɩ a nyɩ socie a tɛr a Naaŋmɩn nɔ̃wfʋ nɩ a Kɩrɩta kanyir.

Ʋrɔm 8:25

Ɛcɛ tɩmɛ wa ƴãw a tɩ tɩɛrʋ bom tɩ na bɛ nyɛrɛ a ƴãw a, tɩ dɩ n kanyir gùre nɩ ʋ.

Nɩ-toni 1:4

Bibir kãw, ʋ na tɩ lãw nɩ bɛ dɩrɛ a, ʋ tɩ ƴãw nɩ nʋɔr kʋ̀ bɛ kɛ́ bɛ taa cere zãánɛ nɩ a Zerizalɛm ɛ, ɛ́ gùre a bom nɛ a Naaŋmɩn Sãà na ƴãw nʋɔr k'ʋʋ na kʋ̀ bɛ na a. Ʋ tɩ yel bɛ na: «A nʋɔr a Naaŋmɩn Sãà na ƴãw a nyɩ zie a, mãa nʋɔrɩ́ n'a nyɩ wõ ʋ.

Ɩzayi 56:1

À ŋá n'a a Sore yere: «Nyɩ ɩrɛ a lɛ-na-tu-sɔr-a, nyɩ tuur a mɩnʋ pùor. Bʋ̃ʋ n'ʋ vɛ̃, a faafʋ ɩ̃ na waar'ɩ a kʋ̃ yaa kɛ́ ta ɩ, ɛ́ nyɩ na nyɛ̃ na k'ɩ̃ɩ bɔbr'ɩ a nyɩ faafʋ.

Ɩzayi 25:9

Bɛ na yere nɩ a ʋlɩ bibir nɛ: «Ʋlɛ n'ɩ a tɩ Naaŋmɩn. Tɩ tɩ ƴãw nɩ a tɩ tɩɛrʋ a ʋ ƴãw, ʋʋ faa tɩ na. Sɩza, a Sore ƴãw n'a tɩ ƴãw a tɩ tɩɛrʋ. Nyɩ ɩ tɩ cɩlɛ ƴawr'ɩ, tɩ cáarɛ, ʋ na faa tɩ a ƴãw.

Ɩzayi 12:4

A ʋlɩ bibir nɛ a, nyɩ na yere na: «Nyɩ puore a Sore barka, nyɩ hiere a ʋ yúor, nyɩ manɛ a ʋ tome a nɩ-bʋʋrɛ sɔgɔ, nyɩ lɛb yel a ʋ yúor na ɩ kpɛ̃ɛ a.

A Yielu za pʋɔ yiel-vla vla 5:8

Zerizalɛm pɔwsɩrali i, ɩ̃ zɛlɛ nyɩ nɩ yãayãa: nyɩmɛ wa tuori a ɩ̃ nɩ-nɔna a, nyɩ na yel'a kɛ́ bʋnʋ kʋ̀ ʋ? Kɛ́ nɔ̃wfʋ bàalʋ tɛr mɛ̃ na.

Sɛb-sõw yielu 106:3

Zu-nʋ̃ɔ̀ dem'ɩ a bɛlɩ dem na mɩ́ ɩrɛ a lɛ-na-tu-sɔr-a, ɛ́ tuur a mɩnʋ pùor kʋralɛ a!

Sɛb-sõw yielu 84:2

Sore kpɛnʋ-za-sob i, nɔ̃wfʋ bɛ n'a ɩ̃ nɔ̃w a fʋ yir ɛ!

Sɛb-sõw yielu 73:25

A tẽw zu ka a, fʋ̃ʋ yõ n'ʋ ɩ̃ bɔbr, ɛ́ ãa n'ʋ ɩ̃ na lɛb tɛr a tẽ-vla pʋɔ ƴãw pʋɔ a fʋ ƴãw?

Sɛb-sõw yielu 18:23

Ɩ̃ tuur'ɩ a lɛ za ʋ na yel a, a lɛ-na-tu-sɔr ʋ yel a, ɩ̃ bɛ zawrɩ bɛr ɛ.

2 Samɩɛl 23:5

Nyɛ̃ a lɛ a Naaŋmɩn na ɩ a ɩ̃ yir ƴãw a: ʋ bin nɩ wõ-taa na bɛ tɛr baarʋ a, mãa nɩ a ʋl cará, ʋ bin ʋ na nɩ tub na gù ʋ a. A yele za pʋɔ a, ʋ mɩ́ ɩ na ɩ̃ zɛb tʋ̃ɔ́, ʋ mɩ́ maal'ɩ a ɩ̃ pʋ-tɩɛrʋ.

Sɔr-nɛ́ɛ 36:13

A nɛ-ƴãwnɩ nɩ a tub n'ɩ à á ŋá a Sore na tɩ kʋ̀ a Ɩsɩrayɛl nɩbɛ a. Moyiir'ʋ ʋ tɩ tu kʋ̀ bɛ, a Mowab tɩ̃talɛ pʋɔ, a Zurdɛ̃ man nʋɔr, tori a Zeriko.

Luka 1:6

Bɛ za ayi tɩ ɩ n nɩ-mɩn a Naaŋmɩn niŋé ɛ́ tɩ sàwr a Sore nɛ-ƴãwnɩ za, nɩ a lɛ ʋ na yel a ceretete.

Mise 7:7

Ɛcɛ mãa a, a Sore n'ʋ ɩ̃ jɩ́rɛ, a Naaŋmɩn ɩ̃ faarɛ ƴãw n'a ɩ̃ ƴãw a ɩ̃ tɩɛrʋ, a Naaŋmɩn na wõ n a ɩ̃ bʋɔlʋ.

Ɩzayi 30:18

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.

Sɛb-sõw yielu 130:5

Ɩ̃ gùre nɩ a Sore, ɩ̃ gùre ʋ na nɩ ɩ̃ pʋɔ za, ɩ̃ ƴãw nɩ a ɩ̃ tɩɛrʋ a ʋ ƴɛ̀rʋ ƴãw.

Ɩzayi 24:15

«Nyɩ íre a Sore yúor-vɩɛlʋ-danʋ a saa-pɛrɩ́ voru pʋɔ, nyɩ pore a ʋ yúor a kʋ̃ɔ-kpɛ̃ɛ-sɔgɔ-ten pʋɔ, nyɩ pore a Sore, a Ɩsɩrayɛl Naaŋmɩn, yúor!»

Ɩzayi 25:1

Sore e, fʋ̃ʋ n'ɩ a ɩ̃ Naaŋmɩn, ɩ̃ zɛwr fʋ na ɛ́ íre a fʋ yúor. Bʋ̃ʋ n'ʋ vɛ̃, fʋ maal'ɩ a yel-vɩɛlɩ fʋ na tɩɛrɩ a. Koro za n'a fʋ tɩɛrɩ a, a gã na ɛ́ bɛ lɩɛbɛ ɩ.

Ɩzayi 26:13

Sore tɩ Naaŋmɩn i, nɩ-bɛrɛ na bɛ ɩ a fʋ̃ʋ a tɩ dãw na so tɩ, ɛcɛ a fʋ yúor yõ n'ʋ tɩ bʋɔlɛ.

Ɩzayi 49:23

Na-mɩnɛ nɛbɛ na guole a fʋ bibiir, ɛ́ na-mɩnɛ pɔwyaar ɩ a bɛ bɩyaalbɛ. Bɛ na mɩ́ vɔblɩ muru a fʋ niŋé. Bɛ na mɩ́ lɛnɩ nɩ a fʋ gbɛ́ɛ uuru. Lɛ n'a fʋ na bãw kɛ́ mãa n'ɩ a Sore, nɩ kɛ́ bɛlɩ dem na ƴãw a bɛ tɩɛrʋ a ɩ̃ ƴãw a bɛ nyɛrɛ vĩ ɛ.»

Ɩzayi 51:4

A Sore yere na: «Nyɩɩm, ɩ̃ nɩbɛ ɛ, nyɩ bɛrɛ wone a ɩ̃ ƴɛ̀rʋ, nyɩɩm, ɩ̃ tẽw dem i, nyɩ cɛlɛ be! Bʋ̃ʋ n'ʋ vɛ̃, mãa zie n'a a wulu na yi, ɛ́ a lɛ ɩ̃ na dɩ a ƴɛ̀rʋ bin a n'a na ɩ a cãà na caalɛ a nɩ-bʋʋrɛ a.

Mise 4:5

A nɩ-bʋʋrɛ za mɩ́ ɩrɛ na k'aa pɛlɩ a bɛ ŋmɩmɛ pʋʋr, tɩɩm'a, a Sore tɩ Naaŋmɩn n'ʋ tɩ bɔbr kɛ́ tɩ ɩrɛ a ʋ pʋɔ pɛlɩ kʋralɛ nɩ bibie za.

Sɛb-sõw yielu 42:2

Mɛ̃ a lɛ wala na mɩ́ kone bɔbr'ɩ bàrʋ kʋ̃ɔ a, lɛ n'a ɩ̃ mɩ́ kone bɔbr'ɩ fʋ, Naaŋmɩn i.