Ɩzayi 26:7 - A SƐB-SÕW

⁷ Sore e, a nɩ-mɩŋa sɔ́r cere nɩ daadaa, fʋ ɩ na a ʋ sɔr-dẽdẽ man taa.

Ɩzayi 26:7 Referans Kwoze

Efɛɛzɩ 2:10

Naaŋmɩn mɩŋa n'ʋ maalɩ tɩ, ʋlɛ n'ʋ ír tɩ tɩ lãw nɩ a Yeezu Kɩrɩta, kɛ́ a tɩ ɩ-ɩrɩ tʋ̃ɔ́ vɩɛl, a ɩ-ɩrɩ á ŋá a Naaŋmɩn na cɔbrɩ bɛr a koro za kɛ́ tɩ wa ɩrɛ a.

1 Zã 3:7

Ɩ̃ bibiir i, nyɩ ta sàw nɩr za tuli nyɩ ɛ. Sob nɛ na tuur a yel-mɩŋa a ɩ n nɩ-mɩŋa mɛ̃ a Kɩrɩta na ɩ nɩ-mɩŋa a.

2 Korɛ̃tɩ 1:12

A dãsɩɛ ŋa a tɩ tɩɛrʋ na dɩ a tɩ ƴãw a n'ɩ a tɩ dɛpaal-bom: a tɩ ɩb a tẽw zu a, baa zuo a za a nyɩ zie a, bɛ tɩ tɛr a mɩnɛ kãw ɛ, ɛ́ ɩ vɩɛlʋ tɛwr, ɛ́ a za yi a Naaŋmɩn zie. Nɩsaal yã-bãwfʋ bɛ n'a tɩ tɩ ɩrɛ nɩ ɛ, Naaŋmɩn maalʋ n'a.

Ɩzayi 42:16

Ɩ̃ na tɛr'ɩ a zɔn tu n sɔ́r bɛ na bɛ bãw a, ɩ̃ na ɩ na bɛ cere soli bɛ na bɛ bãw a zu. Ɩ̃ na ɩ na a lige lɩɛbɩ cãà a bɛ niŋé, ɛ́ a zi-gbegbegegbege ɩ tẽsɔw na man taa a. A ɩ̃ tɩɛrʋ n'ɩ à ŋà, ɩ̃ na maal'ʋ na, ɩ̃ bɛ bɛrɛ ʋ ɛ.

1 Zã 3:10

À ŋá n'a bɛ mɩ́ bãw a Naaŋmɩn bibiir nɩ a Gɛgɛra bibiir: sob nɛ za na bɛ tuur a yel-mɩŋa ɛ́ mɩ̀ bɛ lɛb nɔnɛ a ʋ yɛb a bɛ ɩ Naaŋmɩn bie ɩ.

Zʋkpaɩ 20:7

A nɩ-mɩŋa mɩ́ tuur'ɩ a lɛ na sɛw taa nɩ a. Zu-nʋ̃ɔ̀ dem'ɩ a ʋ bibiir a ʋ pùorí.

Sɛb-sõw yielu 11:7

Bʋ̃ʋ n'ʋ vɛ̃, a Sore ɩ n nɩ-mɩŋa, ʋ nɔnɛ nɩ yel-mɩnʋ za, ɛ́ a nɩsaal-dẽdẽ mɩnɛ na nyɛ̃ nɩ a ʋ niwn.

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

Ɩzayi 35:8

Sɔ́r na be n a be bɛ bʋɔlɛ sɔr-sõw. Dɛwr sob kãw za bɛ tuur ʋ ɛ, bʋ̃ʋ n'ʋ vɛ̃, a Sore mɩŋa n'ʋ na puo ʋ, ɛ́ a dãbole bɛ waar wa bɔrɛ gʋɔr a ʋ zu ɛ.

Sɛb-sõw yielu 1:6

A Sore bãw nɩ a nɩ-mɩn sɔ́r, ɛcɛ a nɩ-faar sɔ́r wɩɛr'ɩ bɛ nɩ kũu zie.

A Zɔb sɛbɛ 31:6

A Naaŋmɩn, ʋ dɩ n mɛ̃ ƴɛ̀rʋ na tu yel-mɩŋa a! Ʋʋ na nyɛ̃ na k'ɩ̃ɩ zaa n'ɩ ŋa.

1 Bibie za yel-manɩ 29:17

Ɩ̃ Naaŋmɩn i, ɩ̃ bãwnɩ a na, fʋ jɛlɛ nɩ a pʋ-tɩɛr-sɔwlɩ ɛ́ nɔnɛ a soci-dẽdẽ. Mãa a, ɩ̃ nyɛ̃ nɩ ɩ tʋɔra de à á ŋá za kʋ̀ b nɩ soci-dẽdẽ, ɩ̃ɩ nyɛ̃ nɩ a fʋ nɩ-bʋʋrɛ na be a ka a dɩ̃a a, bɛ mɩ̀ nyɛ̃ bɛ tʋɔra de bome kʋ̀ b nɩ nʋ̃ɔ̀.

Sofoni 3:5

Ɛcɛ a Sore be n a tẽw pʋɔ, k'ʋʋ ɩ a mɩnʋ be be, ɛ́ a faa ta ka be ɩ. Biɓaarɛ za, ʋ mɩ́ yel'ɩ a lɛ-na-tu-sɔr-a, ʋ bɛ vɛnɛ ɩ. Ɛcɛ a nɩ-faar mɩ́ cãà na ɩrɛ a bɛ nɩ-fa-ɩb bɛ zɔrɛ nɩ vĩ ɛ!

Sɛb-sõw yielu 11:4

— A Sore be n a ʋ Yir-kpɛ̃ɛ sõw pʋɔ. A Sore naalʋ-dà-kɔw be n a salom zu. Ʋ jɩ́rɛ nɩ a nɩsaalbɛ, ʋ mɩ́ jɩ́r'ɩ daadaa bãw bɛ ŋmɛ̃a.

Sɛb-sõw yielu 25:4

Sore e, ɩ k'ɩ̃ bãw a fʋ sɛ́ɛ, wul mɛ̃ k'ɩ̃ vʋʋrɛ mɛ̃ a lɛ fʋ na bɔbr a.

Sɛb-sõw yielu 25:5

Ɩ k'ɩ̃ tuur a fʋ yel-mɩŋa sɔ́r, wule mɛ̃, fʋ̃ʋ n'ɩ a Naaŋmɩn na faarɛ mɛ̃ a, fʋ̃ʋ n'ʋ ɩ̃ tɩɛrɛ a bibie za.

Sɛb-sõw yielu 27:11

Sore e, wul mɛ̃ a fʋ sɔ́r. A ɩ̃ dɔ̃ dem ƴãw a, tɛr mɛ̃ lo n sɔr-vla.

Zʋkpaɩ 4:18

A nɩ-mɩn nyɔ-vʋʋrʋ nɩ̃ɛ na ɩ mɛ̃ zi-wɛl-paala cãà na mɩ́ dɔwlɛ cere tɩ ta a mʋ̃tɔ̃-tuo a.

Ɩzayi 52:12

Ƴɛrɛŋa ʋl a, a kʋ̃ ɩ páwfʋ nyɩ cere páwr ɛ, nyɩ kʋ̃ yi zaa a tẽw pʋɔ mɛ̃ nɩbɛ na zɔrɛ a ɩ. Bʋ̃ʋ n'ʋ vɛ̃, a Sore n'ʋ na de nyɩ niwn, a Ɩsɩrayɛl Naaŋmɩn n'ʋ na pàw a nyɩ pùor.

Ɩzayi 57:2

Ɛcɛ a ƴã-ɓaarʋ na wa na, ɛ́ a bɛlɩ dem na ɩrɛ vla a na mɩ́ gúre nɩ zoom a bɛ bʋ̃-gana zu.

Zeremi 10:23

Sore e, ɩ̃ bãwnɩ a na, a nɩsaal bɛ so a ʋ vʋʋrʋ ɛ. A sɔr-cene kʋ̃ tʋ̃ɔ́ ɩ a ʋ gbɛ-ceni a tori ɛ.

A naaŋmɩn-ƴèr-manɛ Oze sɛbɛ 14:9

Efarayim i, bʋ̃ʋ n'ʋ mãa nɩ a tɩbɛ lãw? Mãa n'ʋ mɩ́ sɔw a fʋ puoru, ɛ́ kaarɛ a fʋ zie. A mãa a, ɩ̃ ɩ na mɛ̃ sɩpɩrɛ tɩɛ a váar na bɛ suore a. Mãa zie n'a a fʋ kukur bome yire.»

Sɛb-sõw yielu 5:9

Sore e, fʋ ɩ n Naaŋmɩn na tuur yel-mɩnʋ a, wul mɛ̃ a sɔ́r, a ɩ̃ dɔ̃ dem ƴãw. Ɩ a fʋ sɔ́r ʋ man taa a ɩ̃ niŋé.

Zʋkpaɩ 3:6

Bãw ʋ a fʋ yele za fʋ na maalɛ a pʋɔ, ʋʋ na wule fʋ nɩ a cenu.

Zʋkpaɩ 11:5

Ɩ-ɩrɩ na tori a mɩ́ ƴãw fʋ nɩ sɔ́r dẽdẽ zu. Ɛcɛ a nɩ-faa mɩ́ lo n a ʋ faalʋ zũú.

Zʋkpaɩ 21:8

A nɩ-kʋrɛ ɩb mɩ́ gõgoli na, ɛcɛ a nɩ-vla ɩ-ɩrɩ mɩ́ tori na.

Ɩzayi 30:18

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.