Ɩzayi 26:5 - A SƐB-SÕW

⁵ Bʋ̃ʋ n'ʋ vɛ̃, ʋ bili nɩ a bɛlɩ dem na kpɩɛr a zi-kɛrɩ zu a bɛr bɛ siw tɩ lo. Ʋ dáa nɩ a tẽ-kpɛ̃ɛ na bɛ tɛr tab a lɔb, ʋ dáa ʋ na lɔb a tẽw, ɛ́ ɩ k'ʋ tɔ a tanɛ.

Ɩzayi 26:5 Referans Kwoze

Yel-wula 18:2

Ʋ tɩ cɩɩr'a nɩ kɔkɔ-kpɛ̃w yel: «Ʋ lo na! A Babɩlɔn tẽ-kpɛ̃ɛ kpɛ̃ɛ lo na! Ƴɛrɛŋa a, ʋ lɩɛb'ɩ kɔ̃tɔmɛ kpɛb zie, kɔ̃tɔ̃-faar za nɩ lili-faar nɩr na bɛ nɔnɛ a sɔwlʋ zie.

Zeremi 51:37

A Babɩlɔn na lɩɛb'ɩ kʋsɛbɛ na gbõ taa a, gbõgbo-cili kpɛb zie, zi-faa bɛ na mɩ́ nyɛ̃ ŋmɩɛr pʋl-vʋ̃ɔ cɛlsɩ a. Nɩr za kʋ̃ cãà kpɩɛr ʋ ɛ.

Zeremi 51:64

ɛ́ yel à ŋá: “À ŋá n'a a Babɩlɔn mɩ̀ na bɔr. Ʋ kʋ̃ lɛb ìr a kpɩɛrʋ a Sore na na ɩ a páw ʋ a pùorí ɛ.”» «A nɩ-bʋʋrɛ bàlɛ nɩ bɛ tʋɔra»: a Zeremi ƴɛ̀rʋ nʋɔr kʋb zie n'ɩ a ka.

Ɩzayi 13:11

A Sore yere na: «Ɩ̃ na dɔwr'ɩ a tẽ-daa a ʋ faalʋ ƴãw, a nɩ-faar a bɛ ɩ-faar ƴãw. Ɩ̃ na ɩ na a pɔ̀lʋ dem nyɔka-ɩb baarɩ, ɩ̃ na siwr'ɩ a bɛlɩ dem na dɩrɛ gãda-nɩ-kpɛ̃ɛnʋ a pɔ̀l-ɩb.

Ɩzayi 47:1

A Sore yere na: «Babɩlɔn tẽ-kpɛ̃ɛ ɛ, siw a fʋ naalʋ-dà-kɔw zu zɩ̃ a tanɛ pʋɔ. Lɛ n'a, zɩ̃ a tẽsɔw, Babɩlɔn tẽw dem tẽ-kpɛ̃ɛ ɛ. Bɛ kʋ̃ cãà bʋɔlɛ fʋ “Babɩlɔn na pɔl a” ɩ, “Babɩlɔn nʋ̃ɔ̀-wone” ɩ.

Ɩzayi 32:19

Sa-bi-kube na lo n a tuw zu, ɛ́ a tẽ-kpɛ̃ɛ lo.

Ɩzayi 14:13

Fʋ mɩ́ tɩ yere na: «Ɩ̃ na do na tɩ tɔ a salom, ɩ̃ na bin nɩ a ɩ̃ naalʋ-dà-kɔw a Naaŋmɩn ŋmar-bie zu-sɔw, ɩ̃ na zɩ̃ n a tãw ʋl zu a ŋmɩmɛ na mɩ́ tuori taa a, a saa-pɛrɩ́-gʋba-lowr saa-zu za.

Ɩzayi 2:12

A Sore, a kpɛnʋ-za-sob, tɛr'ɩ bibir ʋ na na ìr bom za na ɩrɛ pɔ̀lʋ a ƴãw, bom za na zɛwr ʋ tʋɔra ɛ́ tɩɛrɛ k'ʋʋ zuo nɩ za a ƴãw k'ʋʋ siwri ʋ.

Sɛb-sõw yielu 79:8

Ta de a tɩ sãàkʋm-kore sãwna dɔwlɩ a tɩ zu ɛ, ɛcɛ zɔ tɩ nɩbaalʋ, wa fɔ̃w, tɩ bɛ cãà laar ɛ!

Ɩzayi 25:2

Fʋ ɩ na a tẽ-kpɛ̃ɛ lɩɛbɩ kʋsɛbɛ na gbõ taa a, a tẽ-kpɛ̃ɛ na cɔbrɩ kpɛmɛ a zɛbr ƴãw a, ʋ lo. A nɩ-sãanbɛ zɛbr-yir-kpɛ̃w bɛ cãà ɩ tẽ-kpɛ̃ɛ ɩ, bɛ kʋ̃ lɛb mɛ ʋ towtow ɛ.

A Lãw-mʋɔlɛ 2:2

A Sore ɩ na a ʋ nɩ-bʋʋrɛ Ɩsɩrayɛl zi-sóri za bɔr, ʋ bɛ zɔ nɩbaalʋ ɛ. A ʋ su-yãyaar pʋɔ a, ʋ sãw nɩ a Zuda tẽw tẽ-kpɛn za bɛr. Ʋ ɩ na a naalʋ-tẽw nɩ a nɩ-bɛrɛ lo, ʋʋ ƴãw bɛ vĩ.

Ezekɩɛl 26:11

Bɛ na nɛb'ɩ a fʋ sɛ́ɛ tẽsɔw ɓuoli nɩ a bɛ wie gbɛ-nafɩlɛ, bɛ na kʋ n a bɛlɩ dem na kpɩɛr a fʋ pʋɔ a nɩ zɛbr-sɔ-kpɛ̃ɛ, ɛ́ ɩ a fʋ kpul-kpɛn kpɛn lo tẽw.

Ɩzayi 24:10

A tẽ-kpɛ̃ɛ nɩr na bɛ cãà kpɩɛr a lo na, a yie za pàw na, nɩr kʋ̃ lɛb tʋ̃ɔ́ kpɛ ɩ.

Ezekɩɛl 28:17

A fʋ socir ɩ n pɔ̀lʋ̀ tɛwr a fʋ vɩɛlʋ zũú. A fʋ na ɩ nɩr, a sãá daadaa a, a ɩ na fʋ jɩɩrɩ zu. Alɛ n'a so ɩ̃ lɔbr fʋ bɛrɛ tẽsɔw, ɛ́ wule a fʋ ŋmɛ̃a a na-mɩnɛ bɛl na cɛ a.