Ɩzayi 26:3 - A SƐB-SÕW

³ Fʋ mɩ́ tu n tub na bɛ bãw bʋnʋ a, tɩr a ƴã-ɓaarʋ mɩŋa, Sore e, bɛ na ƴãw a bɛ tɩɛrʋ a fʋ ƴãw a zũú.

Ɩzayi 26:3 Referans Kwoze

Filib 4:7

Lɛ n'a a Naaŋmɩn ƴã-ɓaarʋ na zuo a nɩsaal yã a, na gù a nyɩ socie nɩ a nyɩ tɩɛrʋ a lãw nɩ a Yeezu Kɩrɩta.

Zã 16:33

Ɩ̃ yel'ɩ à á ŋá kʋ̀ nyɩ kɛ́ nyɩ lãw nɩ mɛ̃ tɛr a ƴã-ɓaarʋ. Pʋ-sãwna pʋɔ n'a nyɩ be a tẽ-daa ŋa zu, ɛcɛ nyɩ ƴãw fãw, ɩ̃ zɛb'a tʋ̃ɔ́ a tẽ-daa.»

Zã 14:27

Ƴã-ɓaarʋ n'a ɩ̃ bɛrɛ kʋ̀rɛ nyɩ, a ɩ̃ ƴã-ɓaarʋ n'a ɩ̃ kʋ̀rɛ nyɩ. Ɩ̃ bɛ kʋ̀rɛ nyɩ mɛ̃ a lɛ a tẽ-daa na mɩ́ tɩr a ƴã-ɓaarʋ a ɩ. Nyɩ ta ɩ pʋl-vʋ̃ɔ nɩ dɛ̃bɩ̃ɛ tɛr nyɩ ɛ.

Sɛb-sõw yielu 9:10

A Sore n'ɩ a sob nɛ bɛ na dɔwrɛ a sɔwlʋ zie, a sɔwlʋ zie a kpɩɛrʋ daar.

Ʋrɔm 5:1

A na ɩ à ŋá tɩ lɩɛbɩ nɩ-mɩn a tɩ sàw-deb ƴãw a, ƴã-ɓaarʋ be n tɩɩm nɩ a Naaŋmɩn cara pʋɔ, a tɩ Sore Yeezu Kɩrɩta zũú.

Ɩzayi 31:1

Baw-bio wɛ! A nɩbɛ bɛ ŋa siwr'ɩ Eziptɩ tẽw kɛ́ bɛ tɩ bɔ sõwfʋ. Bɛ bɛr'ɩ tɩɛrʋ a wie ƴãw, a zɛbr-torkori ƴãw n'a bɛ ƴãw a bɛ tɩɛrʋ, a na yãwmɛ a ƴãw, nɩ a bɛ wi-zɔmnbɛ ƴãw, bɛ na tɛr fãw yaga a ƴãw. Ɛcɛ bɛ bɛ jɩ́rɛ a Ɩsɩrayɛl Naaŋmɩn na ɩ sõw a lowr ɛ. Bɛ bɛ bɔbr a Sore ɩ.

Mise 5:5

Bɛ na dɩ n naalʋ a Asiiri tẽw nɩ a Nemirodi tẽw zu nɩ a bɛ zɛbr bome. A nãà na na wa a na faa tɩ nɩ a Asiiri nɩbɛ nuru pʋɔ, bɛlɛ wa gãw a tɩ tʋr-bɔw, ɛ́ kpɛ paalɩ a tɩ tẽw a.»

2 Bibie za yel-manɩ 16:8

A Etiopi tẽw dem nɩ a Libi tẽw dem bɛ tɩ ɩ zɛbr-nɩbɛ na kpɛmɛ ɛ́ tɛr zɛbr-torkori nɩ soja-wi-zɔmnbɛ na bɛ tɛr nʋɔr a ɩ? Ɛcɛ fʋ na tɩ ɩrɛ ƴãwn a Sore ƴãw a, ʋ ɩ na fʋ so bɛ.

2 Bibie za yel-manɩ 13:18

A lɛn daar, a Ɩsɩrayɛl nɩbɛ tɩ nyɛ̃ nɩ vĩ ɛ́ a Zuda nɩbɛ zɛb tʋ̃ɔ́, bɛ na tɩ ɩrɛ ƴãwn a Sore, a bɛ sãà mɩnɛ Naaŋmɩn ƴãw a.

1 Bibie za yel-manɩ 5:20

A zɛbr daar, bɛ tɩ puor'a zɛlɩ a Naaŋmɩn k'ʋʋ sõw bɛ. Bɛ na tɩ ƴãw a bɛ tɩɛrʋ za a Naaŋmɩn ƴãw a, ʋ tɩ sàw na de a bɛ puoru ɛ́ sõw bɛ. Lɛ n'a bɛ tɩ zɛb tʋ̃ɔ́ a Hagiritɩ mɩnɛ nɩ a bɛ nɩbɛ.

Ɩzayi 48:2

Nyɩɩm bɛ na bʋɔlɛ “Tẽ-kpɛ̃ɛ-sõw nɩbɛ” a, nyɩɩm na de a Ɩsɩrayɛl Naaŋmɩn ʋ ɩ a nyɩ tɩ̀ɛrɛ a, ʋl a yúor na dɩ kɛ́ “A Sore, a kpɛnʋ-za-sob” a, nyɩ bɛrɛ wone:

Ɩzayi 50:1

À ŋá n'a a Sore yere: «A zawr-bɛrʋ sɛbɛ wa ɩ̃ na maalɩ zawr'ɩ a nyɩ mã Zerizalɛm bɛr a? Bɩɩ, a bɛlɩ dem samɛ ɩ̃ na tɛr a, a bɛ buor sob zie n'a ɩ̃ nyɔw nyɩ kʋɔrɩ? Bɛlɛ wa kʋɔrɩ nyɩ a, a nyɩ sãwna ƴãw n'a. Bɛlɛ wa zawrɩ a nyɩ mã bɛr a, a nyɩ yel-bebe ƴãw n'a.

Sɛb-sõw yielu 119:165

Bɛlɩ dem na nɔnɛ a fʋ wulu a mɩ́ tɛr'ɩ ƴã-ɓaarʋ yaga, ɛ́ bom bɛ ɩrɛ bɛ ŋmɩɛr gbɛ́r ɛ.

Ɩzayi 12:2

Nyɛ̃ a Naaŋmɩn na faa tɩ a, tɩ bɛr'ɩ tɩ́ɛrʋ, tɩ bɛ cãà zɔrɛ dɛ̃bɩ̃ɛ ɩ. A tɩ fãw nɩ a tɩ yielu a, a Sore n'ʋ! Ʋ ɩ n a tɩ faarɛ.»

Ɩzayi 26:12

Sore e, fʋ kʋ̀rɛ tɩ nɩ a ƴã-ɓaarʋ, fʋ̃ʋ n'ʋ mɩ́ maalɩ a alɩ bome nɛ za tɩ na ɩrɛ a kʋ̀ tɩ.

Ɩzayi 27:5

Ɛcɛ sob nɛ na na zɔ kpɛ a ɩ̃ naayir a, ʋ na ɩ na ƴã-ɓaarʋ be mãa nɩ a ʋl zie, ʋ na ɩ na ƴã-ɓaarʋ be be.»

Ɩzayi 32:18

A Sore nɩbɛ na kpɩɛr'ɩ zie ƴã-ɓaarʋ na be a, bɛ na kpɩɛr'ɩ yie yel-faa na bɛ ka a, pɩ̃ɛnʋ ziir na bɛ bãw damnʋ a.

Ɩzayi 42:6

«A mãa, a Sore, ɩ̃ bʋɔlɩ fʋ na mɛ̃ a lɛ-na-tu-sɔr-a, ɩ̃ nyɔw fʋ nɩ nũú, ɩ̃ mɛ b'a, ɛ́ ƴãw kɛ́ fʋ wa ɩ mãa nɩ a ɩ̃ nɩbɛ wõ-taa, kɛ́ fʋ wa ɩ a tẽ-daa nɩbɛ cãà.

Ɩzayi 42:19

Ãa n'ʋ ɩ zɔ̃w a bɛ ɩ a ɩ̃ tõ-tõ-bie? Ɛ́ ãa n'ʋ ɩ wõw mɛ̃ a nɩ-tona ɩ̃ na tone a? — Sɩza, ãa n'ʋ ɩ zɔ̃w mɛ̃ a Sore nɩ-bʋʋrɛ a? Ãa n'ʋ ɩ wõw mɛ̃ a Sore tõ-tõ-bie a?

Ɩzayi 49:8

À ŋá n'a a Sore yere: «A daar na wa ta a, ɩ̃ sɔw fʋ na. A faafʋ bibir na wa vɩɛ a, ɩ̃ sõw fʋ na. Ɩ̃ cɔbrɩ fʋ na k'ɩ̃ɩ ɩ fʋ ɩ a wõ-taa bom mãa nɩ a ɩ̃ nɩbɛ cará. Ɩ̃ na ɩ n a Ɩsɩrayɛl tẽw ʋ lɛb ìr, ɩ̃ɩ lɛb põ a tẽw ŋa na sãw gã a ziir.

Ɩzayi 66:12

Bʋ̃ʋ n'ʋ vɛ̃, à ŋá n'a a Sore yere: «Ɩ̃ na ɩ n a ƴã-ɓaarʋ gbɔlɛ cere a Zerizalɛm mɛ̃ man kʋ̃ɔ a, ɛ́ a nɩ-bʋʋrɛ na-bome gbɔlɛ cere mɛ̃ bàa na paalɩ yi nɛ́ɛ a. Ɩ̃ na kaa nɩ a nyɩ zie mɛ̃ a lɛ mã na mɩ́ ɩrɛ bie ʋ na ƴɛnɛ a, ʋ na mɩ́ pɛ̀w ɛ́ ƴãw gbɛ́ɛ zu dɩ̃ɛnɛ nɩ a.

Sɛb-sõw yielu 125:1

Zerizalɛm dob daar yielu. Bɛlɩ dem na ƴãw a bɛ tɩɛrʋ a Sore ƴãw a, bɛ ŋmɛ̃ na taa nɩ a Sɩyɔ̃ tãw, ʋ bɛ damnɛ ɩ, ʋ àr'ɩ kʋralɛ.

Ɩzayi 32:17

A ƴã-ɓaarʋ na ɩ n a mɩnʋ bom, a mɩnʋ ton na ɩ n a zie na gã zoom kʋralɛ bɛ bãw damnʋ a.

Ɩzayi 50:10

Ãa n'ʋ zɔrɛ a Sore a nyɩ pʋɔ? A fɛr'a k'aa sob bɛrɛ wone a Sore tõ-tõ-bie. Ãa n'ʋ cere a lige pʋɔ ɛ́ bɛ nyɛrɛ cãà kãw za? Ʋ ƴãw a ʋ tɩɛrʋ a Sore ƴãw, ʋ de ʋ k'ʋ ɩ a ʋ tɩ̀ɛrɛ.

Zeremi 39:18

Ɩ̃ na faa fʋ na, bʋnʋ bɛ ka be ɩ, fʋ bɛ kpiir a zɛbr-sɔ-kpɛ̃ɛ kũu ɛ, fʋ na cãà na vʋʋrɛ. Fʋ na nyɛ̃ na fʋ na tɛr zu-nʋ̃ɔ̀, fʋ na ƴãw a fʋ tɩɛrʋ a ɩ̃ ƴãw a. À à ŋá n'a a Sore yel.”»