Ɩzayi 26:20 - A SƐB-SÕW

²⁰ Ɩ̃ nɩbɛ ɛ, nyɩ kpɛ a nyɩ yie pʋɔ ɛ́ taw a pamɛ pàw nyɩ tʋɔra. Nyɩ sɔwlɩ blã, a Sore suur tɔl baarɩ.

Ɩzayi 26:20 Referans Kwoze

Sɛb-sõw yielu 30:5

Nyɩ danɛ a Sore nɩ a nyɩ yielu, nyɩɩm ʋ nɩbɛ na sàw de ʋ a. Nyɩ danɛ ʋ, ɛ́ hiere yere a ʋ sonu.

Sɛb-sõw yielu 27:5

Lɛ n'a ʋ na sɔwlɩ mɛ̃ a ʋ yir pʋɔ, a kpɩɛrʋ bibir nãà wa vɩɛ a, ʋ na sɔwlɩ mɛ̃ nɩ a ʋ dĩó, ʋ na ɓáw mɛ̃ na dɔwlɩ pìir na kɛrɩ a zu.

Matie 6:6

Fʋ̃ʋ a, fʋ̃ʋ wa puore a, kpɛ tɔl a fʋ di-pɛ-baara za pʋɔ, pàw a pan ɛ́ puore a fʋ Sãà Naaŋmɩn na be a be, a zi-sɔwla ʋl pʋɔ a. A fʋ Sãà Naaŋmɩn na mɩ́ nyɛ̃ bom za na sɔwlɩ a, na maalɩ fʋ na.

Sɛb-sõw yielu 91:4

Ʋ mɩ́ yɛ́r'ɩ a ʋ pɩgɛ pàw fʋ, ɛ́ fʋ nyɛ̃ sɔwlʋ zie a ʋ zie. A ʋ yel-mɩŋa sɩrɩ na piw fʋ tɛr, mɛ̃ zɛbr-kur-pãgala a.

Zʋkpaɩ 18:10

A Sore ɩ n zɛbr-yir-kpɛ̃w. A nɩ-mɩŋa mɩ́ zɔ na cen a ʋ zie ɛ́ bɛ tɩ bãwnɛ damnʋ a be ɩ.

Sɛb-sõw yielu 17:8

Gùre mɛ̃, mɛ̃ a fʋ mimi-gbil a, sɔwlɩ mɛ̃ a fʋ pɩgɛ ɓaarʋ́,

2 Korɛ̃tɩ 4:17

A kpɩɛrʋ tɩ na páwr a ƴɛrɛŋa a bɛ zɛ̃ bom a yúor-vɩɛlʋ-danʋ na bɛ dɩ vuo ɛ́ be kʋralɛ a ƴãw ɛ. A yúor-vɩɛlʋ-danʋ ŋa ƴãw n'a a kpɩɛrʋ á ŋá cɔbrɛ tɩ.

Ɩzayi 10:25

Bʋ̃ʋ n'ʋ vɛ̃, blã n'a cãà cɛ, zaa pʋrɩlɛ n'a cãà cɛ, ɛ́ a ɩ̃ suur a nyɩ ƴãw na baar'a, ʋ na baar'ɩ pelẽpelẽ.»

Sɛb-sõw yielu 32:7

Fʋ ɩ n sɔwlʋ zie a ɩ̃ ƴãw, fʋ gùre mɛ̃ na k'aa kpɩɛrʋ ta páw mɛ̃ ɩ. Ɩ̃ na cɩɩrɛ nɩ a ɩ̃ nʋ̃ɔ̀, a gub fʋ na gùre mɛ̃ a lõboge za a ƴãw. Tɛw-àrʋ

Ɩzayi 51:4

A Sore yere na: «Nyɩɩm, ɩ̃ nɩbɛ ɛ, nyɩ bɛrɛ wone a ɩ̃ ƴɛ̀rʋ, nyɩɩm, ɩ̃ tẽw dem i, nyɩ cɛlɛ be! Bʋ̃ʋ n'ʋ vɛ̃, mãa zie n'a a wulu na yi, ɛ́ a lɛ ɩ̃ na dɩ a ƴɛ̀rʋ bin a n'a na ɩ a cãà na caalɛ a nɩ-bʋʋrɛ a.

Sɛb-sõw yielu 91:1

Ʋlɩ sob na zɔrɛ kpɩɛr a Naaŋmɩn-na-do-saa-bɛ-pɩɛl-a naayir ɛ́ pɩ̃ɛnɛ a Kpɛnʋ-za-sob ɓaarʋ́ a,

Sɛb-sõw yielu 31:20

Ɛcɛ Sore e, a maalʋ bɛ dɩ vuo ɩ, fʋ na bin gùre nɩ a bɛlɩ dem na zɔrɛ fʋ a! Nɩr za na tʋ̃ɔ́ na nyɛ̃ a maalʋ fʋ na kʋ̀rɛ a bɛlɩ dem za na zɔrɛ kpɩɛr a fʋ naayir a.

Ezekɩɛl 11:16

A na ɩ à ŋá a, yel kʋ̀ a bɛl nɩ a fʋ̃ʋ bɛ na lãw diw cen nɩ a: À ŋá n'a a Sore ƴɛ̀rɛ: “Ɩ̃ ɩ na nyɩ cen tẽ-zãánɩ pʋɔ, nɩ-sãanbɛ pʋɔ, ɛcɛ a be mɔ̃ mɩ̀ a, ɩ̃ be n a nyɩ sɔgɔ mɛ̃ zi-sõw pʋɔ a.”

Ɩzayi 51:16

Ɩ̃ lɛb'a dɔlɛ a salom, ɩ̃ lɛb'a bine a tẽw pɛr ɛ́ yere a Sɩyɔ̃ tẽw: “Fʋ̃ʋ n'ɩ a ɩ̃ nɩ-bʋʋrɛ, ɩ̃ ƴãwnɛ nɩ a ɩ̃ ƴɛ̀rʋ a fʋ nʋɔrɩ́, ɩ̃ piwr fʋ na tɛrɛ nɩ a ɩ̃ nũu ɓaarʋ.”»

Sɛb-sõw yielu 143:9

Sore e, faa mɛ̃ a ɩ̃ dɔ̃ dem nuru pʋɔ, a fʋ zie n'a ɩ̃ sɔwlɩ.

Sɛb-sõw yielu 57:1

Yiel-yielbɛ nɩ-kpɛ̃ɛ sɛbɛ pʋɔ yielu kãw. «Ta sãw bɛr» yielu kɔkɔr'ʋ. Daviir danʋ yielu. A Sawul na tɩ diwr ʋ, ʋ zɔ tɩ kpɛ a tãw bɔw pʋɔ a yele n'a.

Yele-za-pɛr-tib 7:1

A Sore tɩ yel'ɩ a Nowe: «Kpɛ a gbor-kpɛ̃ɛ pʋɔ, fʋ̃ʋ nɩ a fʋ yir dem za, bʋ̃ʋ n'ʋ vɛ̃, ɩ̃ nyɛ̃ na kɛ́ fʋ̃ʋ yõ n'ʋ ɩ a nɩ-mɩŋa a fʋ daar nɩbɛ pʋɔ.

Zeremi 31:14

Ɩ̃ na kʋ̀ n a bàwr-maalbɛ nɛ̃-kãánɩ yaga za, ɛ́ paalɩ a ɩ̃ nɩbɛ nɩ a ɩ̃ maalʋ. À à ŋá n'a a Sore yel.

Yele-za-pɛr-tib 7:16

Dʋ̃-pɛ-bʋʋrɛ za, bʋ̃-daa nɩ bʋ̃-pɔw, tɩ kpɛ na mɛ̃ a lɛ a Naaŋmɩn na tɩ yel a. Al pùorí, a Sore tɩ nyɔw nɩ a pan pàw a Nowe.

Matie 23:37

«Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr a bɛlɩ dem a Naaŋmɩn na tone a fʋ zie a nɩ kʋsɛbɛ kʋrɛ a, gb'a a ŋmɩn za n'a ɩ̃ tɩ bɔbr k'ɩ̃ɩ kaalɩ a fʋ bibiir ɓã taa, mɛ̃ nɔ-mã na mɩ́ kaalɩ a ʋ lili-pɩɩlɛ ɓã taa a ʋ pɩgɛ pile a, ɛ́ nyɩ bɛ sàw ɛ!

Zeremi 7:23

À ŋá tɛwr'a ɩ̃ tɩ yel bɛ: “Nyɩ bɛrɛ wone a lɛ ɩ̃ na yere kʋ̀rɛ nyɩ a, ɩ̃ɩ na ɩ n Naaŋmɩn a nyɩ zie, ɛ́ nyɩ ɩ a ɩ̃ nɩbɛ. Nyɩ tuur a sɔ́r ʋl ɩ̃ na wule nyɩ a vla, ɛ́ nyɩ na wone nɩ nʋ̃ɔ̀.”

A Zɔb sɛbɛ 14:13

Ɩ̃ Naaŋmɩn i, fʋ̃ʋ nɩ̃ɛ tɩ sàw sɔwlɩ mɛ̃ a kpɩmɛ tẽw a, fʋ̃ʋ tɩ piw mɛ̃ tɛr ɛ́ gù a fʋ suur tɩ tɔl a! Fʋ̃ʋ tɩ ƴãw dàa kʋ̀ m fʋ na na lɛb tɩɛrɩ a ɩ̃ yele a!

Zʋkpaɩ 22:3

A kpɩɛrʋ wa waar a, a nɩr na bãw maal-ɩb a mɩ́ sɔwl'a. Ɛcɛ a bɛlɩ dem na bɛ bãw bom a mɩ́ cãà na lo a bɛ sɔ́r tɩ páw a tuo.

Ɩzayi 10:5

A Sore yere na: Baw-bio páw nɩ a Asiiri tẽw, ʋl na ɩ a ɩ̃ suur dakpuli-ŋmãa a. A ɩ̃ su-yãyaar dabɔl'ʋ ʋ tɛr a ʋ nũú.

Ɩzayi 13:5

A Sore nɩ a bɛlɩ dem ʋ na na wul'ɩ a ʋ suur a, yi n tẽ-zãána, bɛ yi n a tẽw tʋra ƴãw waar. Bɛ na wa sãw nɩ a tẽw za bɛr.

Ɩzayi 34:2

A Sore nyɛ̃ nɩ nɩ a nɩ-bʋʋrɛ za suur, ʋ nyɛ nɩ nɩ bɛ za na ɓã taa a suur. Ʋ yel'a kɛ́ bɛ na kʋ bɛ na pàw pɛr, bɛ na kʋ bɛ nɩ faa faa.

Ɩzayi 66:14

Nyɩ na nyɛ̃ na, a nyɩ socir na cɩlɛ na, a nyɩ kɔbɛ na lɛb'a kpɛmɛ mɛ̃ mʋ̃ɔ saa na wa ƴãw a.» A Sore na ɩ n a ʋ tõ-tõ-biir bãw a ʋ kpɛnʋ, ɛcɛ ʋ na wul'ɩ a ʋ suur a ʋ dɔ̃ dem.

Sofoni 2:3

Nyɩ bɔbr a Sore, nyɩɩm tẽw bãbàalbɛ za a, nyɩɩm na sàwr a ʋ nɛ-ƴãwnɩ a. Nyɩ bɔbr a mɩnʋ, nyɩ bɔbr a tʋɔra-siwru. Kapaw, nyɩ nãà cɩ̃ɛ nɩ a Sore suur ìru bibir.

Sɛb-sõw yielu 57:2

Zɔ ɩ̃ nɩbaalʋ, Naaŋmɩn i, zɔ ɩ̃ nɩbaalʋ, bʋ̃ʋ n'ʋ vɛ̃, a fʋ naayir'a ɩ̃ zɔrɛ kpɩɛr, a fʋ zie n'a ɩ̃ yel k'ɩ̃ɩ sɔwlɩ, ɛ́ gù a bʋ̃-faa tɔl baarɩ.

Sɛb-sõw yielu 94:13

Ʋ na tʋ̃ɔ́ na mɩ́ zɩ̃ zoom a bibi-faar bibir, ɛ́ gùre bɛ wa tɩ tuw bɔw a nɩ-faar ƴãw.