Ɩzayi 26:2 - A SƐB-SÕW

² Nyɩ yuo a dɩ̃dɛɛ, nyɩ bɛr a nɩ-bʋʋrɛ na tuur a mɩnʋ a bɛ kpɛ, bɛl na bɛ lɛb pùor a.

Ɩzayi 26:2 Referans Kwoze

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.

Sɛb-sõw yielu 118:20

— A Sore dɩ̃dɔr'ɩ ŋan: a nɩ-mɩn, bɛ tu kpɛ.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

Ɩzayi 60:11

A fʋ dɩ̃dɛɛ na mɩ́ yuo na gã kʋralɛ. Bɛ bɛ pàwr a a mʋ̃tɔ̃w nɩ a tɩ̃ɩsɔw ɛ. Lɛ n'a bɛ na ɩ a nɩ-bʋʋr-yoru na-bome kpɛ a fʋ pʋɔ, lãwnɩ a bɛ na-mɩnɛ na cɔrɩ tu taa a.

Ɩzayi 62:10

Zerizalɛm tẽw dem i, nyɩ yi, nyɩ yi a tẽ-kpɛ̃ɛ pʋɔ fɔ̃w! Nyɩ puo a sɔ́r kʋ̀ a ɩ̃ nɩ-bʋʋrɛ. Nyɩ paalɩ a bɔwrɩ, nyɩ ír a kʋsɛbɛ bɛr, nyɩ bà bãwfʋ ʋ zɛw a nɩ-bʋʋrɛ ƴãw.

Ɩzayi 62:2

A nɩ-bʋʋrɛ na nyɛ̃ nɩ a fʋ mɩnʋ, ɛ́ a na-mɩnɛ za nyɛ̃ a fʋ yúor-vɩɛlʋ-danʋ. Fʋ na tɛr'ɩ yo-paala a Sore na na por a.

Nɩ-toni 2:47

Bɛ tɩ danɛ nɩ a Naaŋmɩn, ɛ́ a nɩbɛ za nɔnɛ bɛ ɛ́ ƴãwnɛ bɛ. Bibie za, a Sore tɩ ɩrɛ na a bɛlɩ dem na nyɛ̃ a faafʋ a, bɛ kpɩɛr pʋɔrɛ a lãw pʋɔ.

Ɩzayi 60:21

A fʋ nɩbɛ za na ɩ n nɩ-mɩn, bɛ na so nɩ a tẽw ŋa kʋralɛ. Ɩ̃ ír bɛ na nɩ a ɩ̃ nuru kɛ́ bɛ wule a ɩ̃ yúor-vɩɛlʋ-danʋ. Bɛ ɩ na mɛ̃ tɩɩr mãa mɩŋa na sɛl a.

Ɩzayi 54:14

A mɩnʋ n'a na tɩɛ fʋ. Fʋ kʋ̃ cãà zɔrɛ bom za dɛ̃bɩ̃ɛ ɩ, fɛrʋ za na na zãá nɩ fʋ a ƴãw. A dɛ̃bɩ̃-kpɛ̃ɛ na zãá nɩ fʋ na, ʋ kʋ̃ lɛb ta b ɛ.

Sɛb-sõw yielu 106:5

Lɛ n'a tɩ na nyɛ̃ a bɛlɩ dem fʋ na kaa ír a nʋ̃ɔ̀, tɩ na lãwnɩ a fʋ nɩ-bʋʋrɛ cɩlɛ, ɛ́ danɛ tɩ tʋɔra lãwnɩ a nɩbɛ fʋ na só a.

Eziptɩ tẽw yib 19:6

ɛcɛ nyɩ na ɩ n bàwr-maalbɛ naalʋ-tẽw a ɩ̃ zie nɩ nɩ-bʋʋr-sõw.” À á ŋá n'a fʋ na tɩ yel kʋ̀ a Ɩsɩrayɛl nɩbɛ.»

Yel-wula 21:24

A ten ten nɩbɛ za na cere nɩ a ʋ cãà pʋɔ, ɛ́ a tẽw zu na-mɩnɛ wa n a bɛ na-bome a be.

Zakari 8:20

À ŋá n'a a Sore, a Kpɛnʋ-za-sob, yere: «Nɩ-bʋʋr-yoru, tẽ-bɛrɛ yaga nɩbɛ na lɛb'a waar a Zerizalɛm.

Ɩzayi 58:8

Lɛ n'a a fʋ cãà na pur caalɩ mɛ̃ a zi-wɛl-paala a, ɛ́ a fʋ natɩr ɓãa fɔ̃w. A fʋ mɩnʋ na de fʋ nɩ niwn, ɛ́ a Sore yúor-vɩɛlʋ-danʋ pàw a fʋ pùor.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:3

Ɩ̃ bá mɩnɛ ɛ, ɩ̃ tɩ bɔbr'a nɩ ɩ̃ pʋɔ za, k'ɩ̃ɩ sɛb nyɩ manɩ a faafʋ tɩ za na lãw a yele kʋ̀ nyɩ. Ɛcɛ a wa ɩ fɛrʋ k'ɩ̃ɩ tɩr a sɛbɛ ŋa kʋ̀ nyɩ, yel kʋ̀ nyɩ kɛ́ nyɩ ƴãw fãw mʋɔr a sàw-deb a Naaŋmɩn na kʋ̀ a ʋ nɩbɛ daƴen daadaa a ƴãw.

2 Pɩɛr 3:13

Mɛ̃ a lɛ a Naaŋmɩn na ƴãw a nʋɔr a, salom-paala nɩ tẽsɔw-paala pʋɔ mɩnʋ na be a, alɛ n'a tɩ gùre.

Sɛb-sõw yielu 24:7

Nyɩ yuori a dɩ̃dɛɛ 'he'hee! Nyɩ yuori a dɩ̃dɛ-kore kore, a na-kpɛ̃ɛ tʋ̃ɔ́ kpɛ!

Sɛb-sõw yielu 118:19

Nyɩ yuo a nɩ-mɩn dɩ̃dɛɛ kʋ̀ m, ɩ̃ kpɛ puori a Sore yãanɩ.

Ɩzayi 45:25

Ɛcɛ a mãa zũú a, a Ɩsɩrayɛl bʋʋrɛ za na páw nɩ a mɩnʋ danɛ nɩ bɛ tʋɔra.

Ɩzayi 54:17

Zɛbr bom kãw za bɛ na maalɩ a fʋ ƴãw a, kʋ̃ tʋ̃ɔ́ ɩ b faa ɩ. Nɩr za nãà wa yere a fʋ sãwna a ƴɛ̀rʋ-dɩb zie a, fʋ na tʋ̃ɔ́ na ƴɛ̀r wul k'ʋʋ sãw na. A bom ɩ̃ na bin gùre nɩ a ɩ̃ tõ-tõ-biir a n'ɩ à ŋà, à ŋá n'a ɩ̃ wule a bɛ mɩnʋ, a Sore n'ʋ yere.»

Ɩzayi 60:18

Nɩr kʋ̃ lɛb wõ bɛ ƴɛ̀r po-to-fãw-ɩb ƴɛ̀rʋ a fʋ tẽw pʋɔ ɛ, bɛ ƴɛ̀r zie na sãw a nɩ kpɩɛrʋ ƴɛ̀rʋ a zie a fʋ tʋr-bɔwrɩ na viiri koli a pʋɔ ɛ. Fʋ na bʋɔlɛ nɩ a fʋ dacĩ-bɛrɛ “Faafʋ”, ɛ́ bʋɔlɛ a fʋ dɩ̃dɛɛ “Danʋ”.

Ɩzayi 61:3

A Sɩyɔ̃ ƴãw n'a bɛ tɛr a wahala. Ɛcɛ a fɛr'a k'ɩ̃ɩ kʋ̀ bɛ zu-pɛn vla vla lɩɛr'ɩ a tãpɛlʋ na be a bɛ zurú a, k'ɩ̃ɩ cir kãá-nyũu ƴãw bɛ na wule nʋ̃ɔ̀ ɛ́ bɛ wule wahala a, k'ɩ̃ɩ su bɛ cuw kparɩ lɩɛr'ɩ a nɩbaal-ɩb bɛ na ɩrɛ a. Lɛ n'a bɛ na de bɛ man nɩ tɩɩr na ɩrɛ a Naaŋmɩn nyɛrɛ ƴãwfʋ a, tɩ-sɛlɩ zie na wule a Sore yúor-vɩɛlʋ-danʋ a.

Ɩzayi 62:1

A nɔ̃wfʋ ɩ̃ na nɔnɛ fʋ a ƴãw a, Zerizalɛm i, ɩ̃ bɛ ɩrɛ gbili ɛ. A nɔ̃wfʋ ɩ̃ na nɔnɛ fʋ a ƴãw a, Sɩyɔ̃ i, ɩ̃ bɛ zɩnɛ zoom ɛ, ɛ́ gù a fʋ mɩnʋ tɩ sãá mɛ̃ cãà a, ɛ́ a fʋ faafʋ 'lere mɛ̃ mɔ̃-'lena vũu a.