Ɩzayi 26:19 - A SƐB-SÕW

¹⁹ Ɩ̃ nɩbɛ ɛ, a nyɩ kũuni na lɛb'a vʋʋrɛ, bɛ na lɛb a ìr àr. A bɛlɩ dem na gã a tanɛ pʋɔ a, na ìr'a ŋmɩɛr nʋ̃ɔ̀ cɛlsɩ. A Sore na ɩ na cãà ɓɩɛlʋ lo a nyɩ zu, ɛ́ a tẽsɔw ɩ a kũuni lɛb vʋʋrɛ.

Ɩzayi 26:19 Referans Kwoze

Efɛɛzɩ 5:14

Ɛ́ bom za na sãá cãàmɩ́ a ɩ n cãà. Alɛ so bɛ mɩ́ yel: «Ìr, fʋ̃ʋ na gúre a, lɛb ìr a kũuni pʋɔ, ɛ́ a Kɩrɩta na caalɩ fʋ na.»

Matie 27:52

a yarʋ yuori, ɛ́ nɩ-mɩn yaga na tɩ kpi a, ƴã-gamɛ lɛb yi a kũu pʋɔ.

A naaŋmɩn-ƴèr-manɛ Oze sɛbɛ 13:14

Ɩ̃ɩ pãa na faa bɛ a kpɩmɛ tẽw nuru pʋɔ ɔ? Ɩ̃ pãa na piw bɛ tɛr bɛ ta kpi e? Kũu u, a fʋ zɛbr bome ɩ n ŋmɩn? Kpɩmɛ tẽw i, a fʋ fãw na kʋrɛ a ɩ n ŋmɩn? Nɩbaalʋ zɔba kãw za bɛ cãà a ɩ̃ zie ɩ.

A naaŋmɩn-ƴèr-manɛ Oze sɛbɛ 6:2

ɛ́ lɛb kʋ̀ tɩ a nyɔ-vʋʋrʋ. Bibie ayi, bibie ata ƴãw, ʋ na ɩ na tɩ lɛb ìr, be a ʋ zie vʋʋrɛ.

Sɛb-sõw yielu 71:20

Fʋ ɩ na k'ɩ̃ nyɛ̃ kpɩɛrʋ nɩ yel-faar yaga. Ɛcɛ fʋ na wa na lɛb wa kʋ̀ m a nyɔ-vʋʋrʋ, wa ɩ k'ɩ̃ lɛb yi a yàa-bɔw pʋɔ.

Ɩzayi 25:8

Ʋ na ír'ɩ a kũu bɛr a nʋɔr kʋ. A Sore Naaŋmɩn na fɩɛl'ɩ a mʋta-kʋ̃ɔ bɛr a niŋe za ƴãw. Ʋ na ír'ɩ a ʋ nɩ-bʋʋrɛ vĩ bɛr a tẽw za pʋɔ. A Sore n'ʋ yel.

Filib 3:21

ʋl na na lɩɛbɩ a tɩ bãbàalʋ ƴã-gamɛ a ŋmɛ̃ taa nɩ a ʋ yúor-vɩɛlʋ-danʋ ƴã-gan, nɩ a fãw ʋ na tɛr na mɩ́ tʋ̃ɔ́ dɩ naalʋ bom za zu a.

Zakari 8:12

Ɩ̃ na ƴãw nɩ ƴã-ɓaarʋ a tẽw zu: a divɛ̃ tɩɩr na mɩ́ wɔ̃ na, a tẽsɔw bʋ̃-kʋ́ɔrɩ na mɩ́ maal'a, sa-bɛrɛ na yi n a salom zu lo. Ɩ̃ na kʋ̀ n a maalʋ á ŋá za, a ɩ̃ nɩ-bʋʋrɛ nɩbɛ bɛl na cɛ a.

1 Korɛ̃tɩ 15:20

Ɛcɛ lɛ bɛ n'a ɩ! Kɩrɩta lɛb'a yi a kũuni pʋɔ, wul k'aa bɛlɩ dem na kpi a mɩ̀ na lɛb'a yi.

A naaŋmɩn-ƴèr-manɛ Oze sɛbɛ 14:5

À ŋá n'a a Sore yere: «A Ɩsɩrayɛl na zawrɩ mɛ̃ bɛr a, ɩ̃ na sanɩ nɩ a ʋ sãwna ŋa, ɩ̃ na nɔnɛ ʋ na bɛ dɩ vuo ɩ, a ɩ̃ suur kʋ̃ cãà ìr a ʋ ƴãw ɛ.

Filib 3:10

A Kɩrɩta n'ʋ ɩ̃ bɔbr k'ɩ̃ɩ bãw, k'ɩ̃ɩ nyɛ̃ a lɛ a ʋ kũu-pʋɔ-lɛb-yibu kpɛnʋ na sɛw a, k'ɩ̃ɩ lãw nɩ ʋ a tuo ʋ na wõ a pʋɔ, k'ɩ̃ɩ ŋmɛ̃ taa nɩ ʋ a ʋ kũu pʋɔ,

Sɛb-sõw yielu 22:15

A ɩ̃ fãw za báarɛ na mɛ̃ kʋ̃ɔ na zɔrɛ a, ɛ́ a ɩ̃ kɔbɛ yɔwrɛ a za. A ɩ̃ socir ɩ na mɛ̃ sɩ-suur a, ʋ nyɩlɛ nɩ a ɩ̃ pʋsabɛ pʋɔ.

Wulu-ayi-sob 33:28

A Ɩsɩrayɛl nɩbɛ kpɩɛr'ɩ a tẽw, bom bɛ damnɛ bɛ ɩ. A Zakɔb bidɛbr sɔwl'ɩ tẽw pʋɔ, ble nɩ divɛ̃ tɩɩr na búle a, ɓɩɛlʋ na lore a be a zũú.

Nɩ-toni 24:15

Ɩ̃ tɩɛrɛ na kɛ́ a kũuni-lɛb-yibu be n a nɩsaalbɛ za ƴãw, a nɩ-mɩn lãwnɩ a nɩ-faar. A bɛl tɛɛ za mɩ̀ tɩɛrɛ nɩ à à ŋá.

Ɩzayi 51:17

Ìr, Zerizalɛm i, ìr àr saaƴẽwn! A Sore ƴãw na fʋ nyũ a ʋ suur koli-nyúura. Fʋ fuori ʋ na, ʋ ƴãw fʋ nĩw-viir.

Wulu-ayi-sob 33:13

A Zuzɛb bʋʋrɛ ƴãw a, a Moyiir tɩ yel'a: «A Sore maal'ɩ a bɛ tẽsɔwr: a páwr'ɩ a salom ɓɩɛlʋ, nɩ a kʋ̃ɔ na bùle yire a tẽsɔw pʋ̃ɔmɩ za a.

Wulu-ayi-sob 32:2

A ɩ̃ wulu, a cire, mɛ̃ saa na waar ƴãwn tɩɩr a, a ɩ̃ ƴɛ̀rʋ, a ƴɛ̀r pàw a ziir mɛ̃ ɓɩɛlʋ na lo pàw mʋ̃ɔ a.

Matie 27:58

Ʋ tɩ cen na tɩ páw a Pɩlatɩ zɛlɩ a Yeezu ƴã-gan. A Pɩlatɩ tɩ ƴãw na bɛ kʋ̀ ʋ.

Sɛb-sõw yielu 110:3

A bibir ʋl fʋ na mɩ́ bʋɔlɛ a fʋ zɛbr-nɩbɛ ɓanɛ taa a, a fʋ nɩbɛ mɩ́ waar'a, tʋlɛ bɛ za. A pɔlbili mɩ́ waar'ɩ a fʋ zie a tan-son zu, ɩ mɛ̃ a ɓɩɛlʋ a biɓaara a.

A Zɔb sɛbɛ 29:19

Ɩ̃ ɩ na mɛ̃ tɩɛ a nyɩgɛ na 'lɔr kʋ̃ɔmɩ́ a, a tɩ̃ɩsɔw ɓɩɛlʋ mɩ́ lo n a ɩ̃ wuli zu.

1 Samɩɛl 2:6

A Sore n'ʋ ɩrɛ a nɩsaalbɛ kpiir ɛ́ ʋlɛ n'ʋ ɩrɛ bɛ vʋʋrɛ, ʋlɛ n'ʋ ɩrɛ bɛ siwr a kpɩmɛ tẽw, ɛ́ ʋlɛ n'ʋ ɩrɛ bɛ lɛb yire a be dúor waar.

Sɛb-sõw yielu 22:29

Bʋ̃ʋ n'ʋ vɛ̃, a Sore ɩ n nãà, ʋlɛ n'ʋ dɩrɛ naalʋ a nɩ-bʋʋr-yoru zu.

Ɩzayi 18:4

Bʋ̃ʋ n'ʋ vɛ̃, a Sore ƴɛ̀r'ɩ a ɩ̃ zie à ŋá: «A zie ʋl ɩ̃ na be a, ɩ̃ na zɩ̃ n zoom ɛ́ jɩ́rɛ, mɛ̃ a tʋlʋ na dɩrɛ cãà pʋɔ a, mɛ̃ ɓɩɛlʋ zũzuwr a bʋ̃-dieri-deb tʋlʋ daar a.»

A Zɔb sɛbɛ 14:8

A ʋ nyɩwr saa kor a tẽsɔw pʋɔ a, a ʋ pɛ-kpur saa ɩ mɛ̃ ʋ kpi n a uuru pʋɔ a,

Sɛb-sõw yielu 88:11

Fʋ na maal'ɩ nɔ-ɓãa-yele a kũuni ƴãw bɩɩ? A nyãakpɩmɛ na ír'a danɛ fʋ bɩɩ? Tɛw-àrʋ