Ɩzayi 26:16 - A SƐB-SÕW

¹⁶ Sore e, a kpɩɛrʋ daar a, fʋ̃ʋ n'ʋ a nɩbɛ mɩ́ bɔbr. Fʋ̃ʋ wa ƴãwnɛ a dɔwrʋ a lɛn daar a, bɛ mɩ́ puore na 'hũ'hune nɩ.

Ɩzayi 26:16 Referans Kwoze

A naaŋmɩn-ƴèr-manɛ Oze sɛbɛ 5:15

«A Sore yere na: Ɩ̃ na tɔlɛ na cere, ɩ̃ na lɛb'a cen a ɩ̃ beba zie, ɛ́ gù bɛ wa tɩ sàw kɛ́ bɛ sãw na, ɛ́ bɔbr a ɩ̃ niwn. A bɛ kpɩɛrʋ pʋɔ a, bɛ na ìr'a bɔbr mɛ̃.»

Sɛb-sõw yielu 50:15

Ɛ́ alɛ wa wone fʋ a ʋlɩ bibir nɛ a, fʋ̃ʋ bʋɔlɩ mɛ̃, ɩ̃ na faa fʋ na, ɛ́ fʋ na danɩ mɛ̃ na.

Yel-wula 3:19

Bɛlɩ dem za ɩ̃ na nɔnɛ a, ɩ̃ mɩ́ wule bɛ nɩ a bɛ sãwna ɛ́ kpãànɛ bɛ. A na ɩ lɛ a, tʋlɛ ɛ́ lɩɛbɩ a fʋ ɩb.

A naaŋmɩn-ƴèr-manɛ Oze sɛbɛ 7:14

A bɛ pʋɔ za bɛ n'ʋ bɛ mɩ́ kone cɔwr'ɩ mɛ̃ ɩ. Ɛcɛ bɛ mɩ́ gã na kone, wɛrɛ nɩ a bɛ ƴã-gan, tɩɛr kɛ́ lɛ n'a bɛ na ɩ a bɛ ble nɩ a bɛ divɛ̃ tɩ-wɔmɛ maalɩ vla. À à ŋá bɛ na ɩrɛ a, mãa n'ʋ bɛ zawrɛ bɛrɛ.

A Lãw-mʋɔlɛ 2:19

Taa nyɔwr fʋ tʋɔra ɩ: kone a tɩ̃ɩsɔw, tɛm tɛm za. Wɛl a fʋ pʋɔ za a Sore niŋé. Zɛw a fʋ nuru cɔw ʋ, tʋ̃ɔ́ faa a fʋ bibiir na kpiir a kɔ̃ a sɛ́ɛ gõgone za pʋɔ a.

Zeremi 22:23

Fʋ̃ʋ na kpɩɛr a Libã tuw pʋɔ, ɛ́ tɛr a cow a sɛɛdɩr tɩɩr zu a, fʋ na kõ n a lɛn daar a 'wɔbrʋ wa ùr lo a fʋ zu a, a lɛn daar fʋ na na wone tuo mɛ̃ pɔw na dɔwr a!»

Ɩzayi 37:3

A Ezekɩasɩ ƴɛ̀rʋ ŋa n'ʋ a tɩ fɛr kɛ́ bɛ yel kʋ̀ a naaŋmɩn-ƴɛ̀r-manɛ: «“A bibir ŋa ɩ n pʋl-vʋ̃ɔ-kpɛ̃ɛ, dɔwrʋ nɩ vĩ bibir a tɩ zie. Mɛ̃ a lɛ bɛ na mɩ́ yel a, a bie ta n yib ɛ́ a mã bɛ tɛr fãw na ʋ̃ʋ́nɩ ʋ yi ɛ.

Sɛb-sõw yielu 142:2

Ɩ̃ lɔbr'ɩ cɛlsɩ bʋɔlɛ nɩ a Sore, ɩ̃ lɔbr'ɩ cɛlsɩ zɛlɛ nɩ a Sore yãayãa.

Sɛb-sõw yielu 91:15

Ʋlɛ wa bʋɔlɛ mɛ̃ a, ɩ̃ na sɔw na, ɩ̃ na be n a ʋ zie a kpɩɛrʋ daar, ɩ̃ na faa ʋ na, ɩ̃ na ɩ na k'ʋ nyɛ̃ ƴãwfʋ.

Sɛb-sõw yielu 42:4

A ɩ̃ mʋta-kʋ̃ɔ n'ɩ a ɩ̃ dɩb, mʋ̃tɔ̃w nɩ tɩ̃ɩsɔw, mãa zie bɛ na mɩ́ yere kʋralɛ: «A fʋ Naaŋmɩn wa?»

1 Samɩɛl 1:15

A Ana tɩ sɔw ʋ na: «Pɔw-zu-kpɛ̃w sob bɛ nɛ m ɛ, ɩ̃ bɛ nyũ divɛ̃ bɩɩ dã-kpɛ̃w kãw za na kuole a ɩ, a Sore n'ʋ ɩ̃ kone a ɩ̃ kpɩɛrʋ kʋ̀rɛ.

Sɔr-nɛ́ɛ 21:7

A bɛl na cɛ a tɩ wa na wa páw a Moyiir yel ʋ à ŋá: «Tɩ maal'ɩ yel-bier tɩ na nyɔw a Sore nɩ a fʋ̃ʋ za yere a. Zɛlɩ a Sore ʋ diw a wɩɩr á ŋá bɛr tɩ.» A Moyiir tɩ zɛlɩ nɩ a Sore a nɩbɛ ƴãw,

Zeremi 2:27

Nyɩ mɩ́ yel'ɩ dàa tɩɩb: “Fʋ̃ʋ n'ɩ a ɩ̃ sãà!” ɛ́ yel kʋsɩɛr tɩɩb: “Fʋ̃ʋ n'ʋ dɔw mɛ̃.” Nyɩ bɛr'ɩ a ɩ jɩ́rʋ ɛ́ lɩɛbɩ zikur cɔw mɛ̃. Ɛcɛ, a kpɩɛrʋ dɛ wa páwr nyɩ a, nyɩ na yere nɩ a ɩ̃ zie: “Ìr! Faa tɩ!”

Ƴɛ̀r-dɩrbɛ 10:15

A Ɩsɩrayɛl nɩbɛ tɩ lɛb'a yel a Sore: «Tɩ maal'ɩ yel-bier. Ɩ tɩ lɛ za fʋ na nyɛ̃ a vɩɛl a, ɛcɛ cãà lɛb faa tɩ a dɩ̃a.»

Sɛb-sõw yielu 27:8

Ɩ̃ tɩ́ɛrɛ nɩ a ƴɛ̀rʋ ŋa fʋ na ƴɛ̀r a: «Nyɩ bɔbr a ɩ̃ niwn». Sore e, a fʋ niwn n'ʋ ɩ̃ bɔbr k'ɩ̃ɩ nyɛ̃.

Sɛb-sõw yielu 77:3

A ɩ̃ kpɩɛrʋ daar a, ɩ̃ mɩ́ bɔbr'ɩ a Sore, ɩ̃ mɩ́ ture nɩ a nuru cɔwr ʋ a tɩ̃ɩsɔw, ɛ́ kʋ̃ʋ bàl ɛ, ɛ́ bɛ sàwr bɛ na mɔwlɩ mɛ̃ ɩ.

Sɛb-sõw yielu 78:34

A Naaŋmɩn na mɩ́ tɩ kʋrɛ bɛ a, bɛ mɩ́ tɩ lɩɛb'ɩ niwn cɔw ʋ, bɛ mɩ́ tɩ lɛb'a wa a ʋ zie, bɛ mɩ́ tɩ bɔbr'ɩ a ʋ sõwfʋ.

Zeremi 29:12

Nyɩ na bʋɔlɛ mɛ̃ na, nyɩ na wa na wa puori mɛ̃, ɩ̃ɩ na de nɩ a nyɩ puoru.