Ɩzayi 26:15 - A SƐB-SÕW

¹⁵ Fʋ ɩ na a tɩ tẽw nɩbɛ yɛ̀r dɔwlɩ, Sore e, fʋ ɩ na a tɩ tẽw nɩbɛ yɛ̀r dɔwlɩ, fʋ wul'ɩ a fʋ yúor-vɩɛlʋ-danʋ, fʋ ɩ na a tẽw tʋr-bɔwrɩ za taw tɔl nidaa.

Ɩzayi 26:15 Referans Kwoze

Ɩzayi 9:3

A dàa na ɩ a dɔwrʋ bɛ na dɔwrɛ bɛ a bãwfʋ a, a dabɔl na vàrɛ a bɛ bawŋmamɛ a, a dakpuli-ŋmãa bɛ na ŋmɩɛr'ɩ bɛ a, fʋ kar a na bɛr, mɛ̃ a lɛ fʋ na tɩ ɩ a ʋlɩ bibir fʋ na zɛb tʋ̃ɔ́ a Madian tẽw dem a.

Zã 17:1

A Yeezu na wa ƴɛ̀r à ŋá baar'a, ʋ úor'a kaa a salom ɛ́ yel: «Ɩ̃ Sãà a, a daar ta na, ɩ a fʋ Bie nyɛ̃ yúor-vɩɛlʋ-danʋ, a fʋ Bie mɩ̀ tʋ̃ɔ́ ɩ fʋ nyɛ̃ yúor-vɩɛlʋ-danʋ.

Zã 15:8

À ŋá n'a a ɩ̃ Sãà yúor mɩ́ yi, nyɩ na mɩ́ wa wɔnɛ wɔmɛ yaga, ɛ́ wul à à ŋá kɛ́ nyɩ ɩ n a ɩ̃ po-tuurbɛ a.

Ezekɩɛl 36:24

Bʋ̃ʋ n'ʋ vɛ̃, mãa wa tɛr nyɩ yi n a nɩ-bʋʋrɛ sɔgɔ nɩ a ten al pʋɔ nyɩ na be a, ɩ̃ na ɓã nyɩ nɩ taa ɛ́ tɛr nyɩ lɛb wa n a nyɩ tẽw pʋɔ.

Ezekɩɛl 5:12

A nyɩ na põ ziir ata a, a zi-dãw-niwn sob na kpi n jɛ̀lmɛ̃ bàalʋ kũu bɩɩ kɔ̃ kũu a tẽw pʋ̃ɔmɩ, a ziir ayi sob na kpi n zɛbr-sɔ-kpɛ̃ɛ kũu a tẽw kõkowe ƴãw. Ɩ̃ na diw nɩ a ziir ata sob yaarɩ a ziir za ɛ́ vʋ̃ɔ a ɩ̃ zɛbr-sɔ-kpɛ̃ɛ a bɛ ƴãw.

Zeremi 32:37

Ɩ̃ tɩ nyɛ̃ nɩ nɩ a ʋ nɩbɛ suur faa faa. Lɛ n'a ɩ̃ tɩ diw bɛ yaarɩ ziir za, tẽ-yaga pʋɔ. Ɛcɛ, ɩ̃ na lɛb'a ɓã bɛ taa, ɩ̃ na lɛb'a tɛr bɛ wa n a ka, wa ɩ bɛ ɓãa ƴãw kpɩɛr.

Zeremi 30:19

Yielu nɩ nʋ̃ɔ̀ cɛlsɩ na mɩ́ yire nɩ a pʋɔ. A Zakɔb bibiir nʋɔr kʋ̃ lɛb siwri ɛ, ɩ̃ na ɩ na bɛ yɛ̀r yãwmɛ. Bɛ kʋ̃ lɛb ɩ nɩ-ɩ-laarɩ ɛ, ɩ̃ na zɛw bɛ nɩ yaga za.

Ɩzayi 60:21

A fʋ nɩbɛ za na ɩ n nɩ-mɩn, bɛ na so nɩ a tẽw ŋa kʋralɛ. Ɩ̃ ír bɛ na nɩ a ɩ̃ nuru kɛ́ bɛ wule a ɩ̃ yúor-vɩɛlʋ-danʋ. Bɛ ɩ na mɛ̃ tɩɩr mãa mɩŋa na sɛl a.

Ɩzayi 44:23

Salom i, lɔbr nʋ̃ɔ̀ cɛlsɩ, bʋ̃ʋ n'ʋ vɛ̃, a Sore ɩrɛ nɩ bom! Tẽsɔw pʋ̃ɔmɩ za a, cáarɛ, nyɩɩm, tan nɩ tuwr tɩɩr i, nyɩ ŋmɩɛr nʋ̃ɔ̀ cɛlsɩ. Bʋ̃ʋ n'ʋ vɛ̃, a Sore ya na de a ʋ nɩ-bʋʋrɛ, ʋ wul'ɩ a ʋ vɩɛlʋ a Ɩsɩrayɛl tẽw pʋɔ.

Ɩzayi 33:17

Fʋ na jɩ́r'ɩ a nãà na dɩ dɛpaalʋ a, fʋ na nyɛ̃ nɩ a tẽw yɛ̀lʋ tɩ tɔ.

Neemi 9:23

Fʋ kʋ̀ bɛ nɩ bʋʋrɛ bɛ yãwmɛ mɛ̃ a saa ŋmar-bie a. Fʋ tɛr bɛ na kpɛ n a Kanãa tẽw, fʋ na tɩ yel a bɛ sãàkʋm-kore kɛ́ bɛ cen tɩ zɛb de a.

Wulu-ayi-sob 10:22

A nyɩ sãàkʋm-kore tɩ ɩ n lɩz'a ata nɩ pie tɛwr, a lɛ bɛ na ta a Eziptɩ tẽw a. Ɛ́ ƴɛrɛŋa a Sore nyɩ Naaŋmɩn ɩ nyɩ yãwmɛ man a saa ŋmar-bie.

Sɔr-nɛ́ɛ 23:10

Ãa n'ʋ na tʋ̃ɔ́ sɔ́r a Ɩsɩrayɛl nɩbɛ za? Sɔr a Zakɔb bʋʋrɛ na yãwmɛ, yãwmɛ, yãwmɛ a? Ɩ̃ nãá kpi mɛ̃ a nɩ-mɩn bɛ ŋa a, a ɩ̃ nyɔ-vʋʋrʋ baarʋ nãá ɩ mɛ̃ a Ɩsɩrayɛl nɩbɛ dem a.»

Yele-za-pɛr-tib 12:2

Ɩ̃ na ɩ na fʋ yɛ̀r ɩ nɩ-bʋʋrɛ na ta nɩ-bʋʋrɛ a. Ɩ̃ na maalɩ fʋ na, ɛ́ ɩ a fʋ yúor ʋ yi. Fʋ na ɩ n maalʋ a nɩbɛ zie.

Luka 21:24

A bɛ dɔ̃ dem na kʋ n bɛ mɩnɛ nɩ zɛbr-sɔ-bɛrɛ, ɛ́ nyɔw a bɛ ŋmaarɛ cen nɩ a nɩ-bʋʋr-yoru za sɔgɔ. A tɩbɛ dem na ŋmɛr'ɩ a Zerizalɛm bɛr cʋmcʋm, ɛ́ gù a tɩbɛ dem naalʋ tɩ baarɩ.»

Ɩzayi 10:22

Ɛcɛ, Ɩsɩrayɛl i, a fʋ nɩbɛ saa tɩ yãwmɛ sɛw a kʋ̃ɔ-kpɛ̃ɛ nʋɔr biire a, nɩbɛ ŋmãa na cɛ a tɛwr nɛbɛ na lɛb wa a Sore zie. Bɛ yel'ɩ a kʋ-pàw-pɛr baarɩ, na na ɩ a mɩnʋ paalɩ a tẽw mɛ̃ man na paalɩ yi nɛ́ɛ a.

Ɩzayi 6:12

A Sore na ɩ na a tẽw dem cen zãá nɩ a bɛ tẽw. Tẽsɔwr bɛ na bɛr a na gã nɩ yaga.

2 Na-mɩnɛ 23:27

Alɛ n'a so a Sore yel à ŋá: «A Zuda naalʋ-tẽw nɩbɛ mɩ̀ a, ɩ̃ na diw bɛ na bɛr a ɩ̃ niŋé, mɛ̃ a lɛ ɩ̃ na diw a Ɩsɩrayɛl naalʋ-tẽw nɩbɛ a. Ɩ̃ na jɛ n a Zerizalɛm bɛr, a tẽ-kpɛ̃ɛ ŋa ɩ̃ na tɩ kaa ír a, ɛ́ mɩ̀ jɛ a Ŋmɩn-yir-kpɛ̃ɛ bɛr, ɩ̃ na yel k'ɩ̃ɩ na mɩ́ be n a be a.»

2 Na-mɩnɛ 17:23

A Sore bɛ wa tɩ cãà bɔbr k'ʋʋ mɩ́ nyɛ̃ bɛ a ʋ niŋé ɩ, ɛ́ ƴãw bɛ diw bɛ cen nɩ Asiiri tẽw, bɛ cãà nɩ a be nɩ dɩ̃a. À à ŋá n'a a Sore tɩ tu a lɛ ʋ na ƴãw a ʋ ƴɛ̀r-manbɛ, ʋ tõ-tõ-biir, yel a.

2 Na-mɩnɛ 17:6

A Oze naalʋ-dɩb yome piwaɩ sob'a a Asiiri tẽw nãà de a Samaari tẽw. Ʋ tɩ ír'ɩ a Ɩsɩrayɛl nɩbɛ cen nɩ a Asiiri, tɩ ƴãw bɛ zɩ̃ Hala vuo pʋɔ, Gozan vuo pʋɔ a Habɔɔr man na tɔlɛ a, nɩ a Medi tẽ-bɛrɛ pʋɔ.

1 Na-mɩnɛ 8:46

«A Ɩsɩrayɛl nɩbɛ wa zawrɩ a fʋ nʋɔr a, nɩsaal na bɛ be be bɛ zawrɛ nʋɔr a ƴãw a, fʋ̃ʋ wa nyɛ̃ nɩ bɛ suur, ƴãw bɛ a bɛ dɔ̃ dem nuru pʋɔ, bɛ tɛr bɛ a gbãgbaalʋ pʋɔ cen nɩ a bɛ ten a, ten na zãá bɩɩ pɩɛlɩ a,

Wulu-ayi-sob 28:64

A Sore na diw nyɩ na yaarɩ a nɩ-bʋʋrɛ za pʋɔ, a tẽ-daa tib zie tɩ tɔ a baarʋ zie. Nyɩ na tɩ puore nɩ ŋmɩn-yoru a be, ŋmɩmɛ nyɩɩm nɩ a nyɩ sãàkʋm-kore na bɛ bãw a: dàar bɩɩ kʋsɛbɛ dasuli.

Wulu-ayi-sob 28:25

A Sore na mɩ́ ɩ na a nyɩ dɔ̃ dem tʋ̃ɔ́ nyɩ. Nyɩmɛ wa lo sɔr-been wa ŋmãa nɩ bɛ a zɛbr a, sɛ́ɛ ayopõi n'a nyɩ na tu lɛb zɔ a bɛ niŋé. A tẽ-daa naalʋ-ten za na mɩ́ nyɛ̃ nyɩ na dɛ̃bɩ̃ɛ ɩrɛ a.

Yele-za-pɛr-tib 13:16

Ɩ̃ na ɩ n a fʋ bʋʋrɛ bɛ yɛ̀r bɛ tɩ tɛr sɔ́rʋ nɩr za zie ɩ, mɛ̃ a lɛ nɩr na kʋ̃ tʋ̃ɔ́ sɔ́r a tẽsɔw tanɛ a.

A Zɔb sɛbɛ 12:23

Ʋ mɩ́ ɩ na a nɩ-bʋʋrɛ bɛ yɛ́r, al pùorí ʋ ɩ bɛ lo. Ʋ mɩ́ ɩ na bɛ yãwmɛ, al pùorí, ʋ diw bɛ cen nɩ zi-yoru.

Ɩzayi 40:5

Lɛ n'a a Sore yúor-vɩɛlʋ-danʋ na sãá, ɛ́ a nɩbɛ za na nyɛ̃ ʋ na. À à ŋá n'a a Sore yel.»