Ɩzayi 26:10 - A SƐB-SÕW

¹⁰ Ɛcɛ bɛlɛ mɩ́ wa zɔ a nɩ-faar nɩbaalʋ a, bɛ bɛ mɩ́ zanɛ a mɩnʋ ɛ. Bɛ mɩ́ maalɛ nɩ a faa a tẽw ʋl tɔr za pʋɔ a nɩbɛ na ɩrɛ a vla a, Sore e, bɛ bɛ mɩ́ nyɛ̃ fʋ na ɩ kpɛ̃ɛ a ɩ.

Ɩzayi 26:10 Referans Kwoze

A naaŋmɩn-ƴèr-manɛ Oze sɛbɛ 11:7

A ɩ̃ nɩ-bʋʋrɛ su n zu zawrɛ mɛ̃ bɛrɛ, bɛ bʋɔlɛ bɛ na kɛ́ bɛ lɛb ìr, ɛcɛ bɛ been kãw za bɛ lɛb ìre ɩ.»

Yel-wula 2:21

Ɩ̃ bɛr'ɩ vuo kʋ̀ ʋ k'ʋʋ lɩɛbɩ a ʋ ɩb, ɛcɛ, ʋ bɛ bɔbr k'ʋʋ lɩɛbɩ a ʋ ɩb, bɛr a ʋ pɩ̃ɔ-yele ɩ.

Mise 2:10

Nyɩ ìr! Nyɩ cere! A nyɩ pɩ̃ɛnʋ baar'a! Kpɩɛrʋ na bɛ tɛr manʋ a gùre nyɩ na, a nyɩ ɩ-faar ƴãw.»

Zeremi 2:7

Ɩ̃ ɩ na nyɩ kpɛ tɩ-wɔnɩ tẽw a tẽsɔw na pʋ̃ɔ́ a pʋɔ, kɛ́ nyɩ tɩ tʋ̃ɔ́ íre tɔnɛ a ʋ bʋ̃-kʋ́ɔrɩ nɩ a ʋ na-bome pʋɔ. Ɛcɛ nyɩ na wa kpɛ a ʋ pʋɔ a, nyɩ dɛw nɩ a ɩ̃ tẽw bɛr, ɛ́ ɩ a ɩ̃ zi-sóra lɩɛbɩ zi-faa faa.

Ekilezɩasɩ 3:16

Yel ŋa n'ʋ ɩ̃ mɩ̀ cãà lɛb nyɛ̃ a tẽw zu ka: be a yel-na-tu-sɔr na tɩ sɛw k'ʋʋ be a, be n'a a faalʋ be, ɛ́ be a mɩnʋ na tɩ sɛw k'ʋʋ be a, be n'a a faalʋ be.

Zʋkpaɩ 1:32

Bʋ̃ʋ n'ʋ vɛ̃, a bɛlɩ dem na bɛ bãw bom a zuru mɩ́ kpɛmɛ na, ɛ́ bɛ mɩ́ kpi a bɛ zu-kpɛ̃w kũu. A dãbole mɩ́ vʋʋrɛ na ɛ́ bɛ tɛr tɩɛrʋ ɛ, a mɩ́ wa n a bɛ loba.

Sɛb-sõw yielu 106:43

A Sore tɩ faa bɛ nɩ gb'a a ŋmɩn za, ɛcɛ bɛ tɩ cãà na kpãa tobr ɩrɛ a lɛ bɛ na tɩɛrɛ a, ɛ́ sãwnɛ cere nɩ.

Wulu-ayi-sob 32:15

A Yesurun na wa kpɛ bɛ́rʋ baar'a, ʋ gaarɩ na. Ʋ na wa kpɛ bɛ́rʋ a, ʋ na wa 'wɔr a, ʋ na wa tɩbrɛ baar'a, ʋ zawr'ɩ a Naaŋmɩn bɛr, a ʋ Íre, ʋ ƴãw nɩ a ʋ pì-kpɛ̃w vĩ, a ʋ faarɛ.

Eziptɩ tẽw yib 9:34

A Faarawɔ̃ na tɩ nyɛ̃ a saa, a sa-bi-kube nɩ a saa-tanʋ a baar'a, ʋ ɩ na sãw mɛ̃ a dãwdãw a. Ʋlɛ nɩ a ʋ tõ-tõ-bi-bɛrɛ tɩ yel'a kɛ́ bɛ kʋ̃ nyɛ̃ a lɛ ɩ.

Eziptɩ tẽw yib 8:15

Lɛ n'a a tɩtɩlbɛ tɩ yel a Faarawɔ̃: «Naaŋmɩn fãw ton n'ɩ a yel ŋa!» Ɛcɛ, mɛ̃ a lɛ a Sore na tɩ yel a, a Faarawɔ̃ tɩ kpãa nɩ tobr bɛ bɛr wõ a Moyiir nɩ a Aarɔ̃ ɛ.

A naaŋmɩn-ƴèr-manɛ Oze sɛbɛ 13:6

Fʋ na dɛ wa tarɛ a mʋ̃ɔ 'wɔbrʋ zie a, fʋ 'wɔb'ɩ a mʋ̃ɔ tɩw, ɛ́ fʋ na wa tɩw baar'a, fʋ ɩrɛ nɩ pɔ̀l-ɩb, alɛ n'a so fʋ yiiri mɛ̃ bɛr.

A naaŋmɩn-ƴèr-manɛ Oze sɛbɛ 9:3

Efarayim kʋ̃ tʋ̃ɔ́ kpɩɛr a Sore tẽw pʋɔ ɩ, ʋ na lɛb'a cen a Eziptɩ bɩɩ a Asiiri tɩ dɩrɛ bʋ̃-dɩ-dɛgɛ.

Zeremi 31:23

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: «Mãa wa lɛb maalɩ a Zuda tẽw nɩ a ʋ tẽ-bɛrɛ ƴãw a lɛn daar a, a nɩbɛ na lɛb'a yere a ƴɛ̀r-bie á ŋá: “A Sore, ʋ maalɩ fʋ, Sɩyɔ̃ tãli-sõw i, fʋ na ɩ zie a faafʋ na kpɩɛr a!”

Ɩzayi 27:13

A ʋlɩ bibir nɛ a, a ɩɩl-kpɛ̃ɛ na pɛbl'a. Lɛ n'a a bɛlɩ dem na tɩ bɔr be a Asiiri tẽw a, nɩ a bɛl bɛ na tɩ diw cen nɩ a Eziptɩ tẽw a, na lɛb wa. Bɛ na wa gbĩ n dume gũu tɩ tɔ tẽw a Sore niŋé, a tãw-sõw zu, a Zerizalɛm.

Ɩzayi 24:5

A nɩbɛ na kpɩɛr a tẽw a dɛw ʋ na bɛr, bʋ̃ʋ n'ʋ vɛ̃, bɛ zawr'ɩ a Sore wulu bɛr, bɛ bɛ tu a lɛ ʋ na yel a ɩ, bɛ sãw nɩ a wõ-taa na be kʋralɛ ʋ na maal'ɩ bɛ a bɛr.

Ɩzayi 5:12

A pɛ̀nɛ́ nɩ a korijom, a gãgali nɩ a weli kon n'a bɛ mɩ́ bɩɛlɛ nɩ a bɛ dã-nyũ. Ɛcɛ bɛ bɛ mɩ́ nyɛ̃ a ʋlɩ bom nɛ a Sore na ɩrɛ a ɩ, bɛ bɛ mɩ́ jɩ́rɛ a ʋlɩ bom nɛ ʋ na maalɛ a ɩ.

Ɩzayi 2:10

Nyɩ sɔwlɩ a pìe pʋɔ, nyɩ mʋr a tẽw, a Sore na ɩrɛ dɛ̃bɩ̃ɛ a niŋé, nɩ a ʋ dɛpaalʋ vɩɛlʋ niŋé.

Sɛb-sõw yielu 143:10

Fʋ̃ʋ n'ɩ a ɩ̃ Naaŋmɩn, zanɩ nɩ mɛ̃ a fʋ pʋ-tɩɛrʋ maalʋ. A fʋ vʋʋrʋ, ʋ tɛr mɛ̃ nɩ nɔ̃wfʋ, cere nɩ tẽsɔw na man taa ʋ za a zu.

1 Samɩɛl 15:17

A Samɩɛl yel: «Fʋ na saa nyɛ̃ fʋ bɛ zɛ̃ bom a fʋ mɩŋa zie a, fʋ̃ʋ bɛ n'ɩ a Ɩsɩrayɛl dɔwlʋ nɩ-kpɛ̃ɛ ɩ? A Sore ka n nũu ƴãw fʋ, fʋ ɩ a Ɩsɩrayɛl nãà.

Ɩzayi 32:6

Bʋ̃ʋ n'ʋ vɛ̃, a gẽgemi sob mɩ́ ƴɛ̀rɛ nɩ ƴɛ̀rʋ na bɛ tɛr pɛr a. Ʋ mɩ́ tɩ́ɛrɛ nɩ a faa ʋ na na maalɩ a, ʋ mɩ́ ɩrɛ nɩ nɩ-fa-ɩb ɛ́ tʋʋr a Sore zʋmɛ. Ʋ bɛ kʋ̀rɛ bʋ̃-dɩra a kɔ̃ sob ɛ, ʋ bɛ kʋ̀rɛ kʋ̃ɔ a kʋ̃ɔ-nyúur sob ɛ.

Matie 4:5

Lɛ n'a a Gɛgɛra tɩ tɛr ʋ cen nɩ a Zerizalɛm na ɩ a tẽ-sõw a pʋɔ, tɩ tɛr ʋ do n a Ŋmɩn-yir-kpɛ̃ɛ nyʋɔrɩ́ za,

Eziptɩ tẽw yib 9:30

Ɛcɛ ɩ̃ bãwnɩ a na, fʋ̃ʋ nɩ a fʋ tõ-tõ-bi-bɛrɛ cãà bɛ zɔrɛ a Sore Naaŋmɩn ɛ.»

Sɛb-sõw yielu 69:27

Bʋ̃ʋ n'ʋ vɛ̃, bɛ bɛ bɛrɛ a sob nɛ fʋ na ŋmɛ baarɩ a ɩ, ɛ́ a bɛlɩ dem fʋ na ŋmɛ ƴãw natɩɛ baarɩ a, bɛ ɩ na bɛ lɛb bãw nyɛrɛ wʋ̀ʋr dɔwlɛ.

Ɩzayi 32:7

A nɩ-bɛ-tɛr-bir ʋl a, a ʋ ɩ-ɩrɩ mɩ́ ɩ n nɩ-kʋ ɩ-ɩrɩ. Ʋ mɩ́ cɔbr'ɩ cɔbrʋ k'ʋʋ ŋma ziri kʋ n a nan dem. Ɛcɛ a bãbàalbɛ bɛ ŋa a, a alɩ bome nɛ ƴãw bɛ na tɛr sɔ́r a, al tɛwr'a bɛ mɩ́ yel kɛ́ bɛ kʋ̀ bɛ.

2 Na-mɩnɛ 13:6

Ɛcɛ bɛ tɩ cãà na maalɛ a Zerobowam yir dem yel-bebe, a Zerobowam na tɩ ƴãw a Ɩsɩrayɛl nɩbɛ za maalɩ a yel-bier a. A Asera dà-bara tɔr za tɩ cãà na àr a Samaari.

Ekilezɩasɩ 8:11

Nɩr na maalɩ faa a bɛ mɩ́ nyɛ̃ dɔwrʋ a pɛr nɛ pʋɔ ɩ. Alɛ n'a so a nɩsaal socir paalɩ a tɩɛr-faar tɛwr.

Ɩzayi 1:21

Ŋmɩŋmɩn n'a a tẽ-kpɛ̃ɛ na bɛ lɛbr pùor a wa tɩ lɩɛbɩ pɔw-yɛm? Maal-ɩb tɩ be n a yel-na-tu-sɔr-a ƴãw a Zerizalɛm pʋɔ, a mɩnʋ tɩ so a zie a ʋ pʋɔ. Ɛcɛ ƴɛrɛŋa a, nɩ-kʋrbɛ nɛbɛ paalɩ ʋ.