Ɩzayi 25:9 - A SƐB-SÕW

⁹ Bɛ na yere nɩ a ʋlɩ bibir nɛ: «Ʋlɛ n'ɩ a tɩ Naaŋmɩn. Tɩ tɩ ƴãw nɩ a tɩ tɩɛrʋ a ʋ ƴãw, ʋʋ faa tɩ na. Sɩza, a Sore ƴãw n'a tɩ ƴãw a tɩ tɩɛrʋ. Nyɩ ɩ tɩ cɩlɛ ƴawr'ɩ, tɩ cáarɛ, ʋ na faa tɩ a ƴãw.

Ɩzayi 25:9 Referans Kwoze

Sɛb-sõw yielu 27:14

— Ƴãw a fʋ tɩ́ɛrʋ a Sore ƴãw, dɩ kanyir ɛ́ tɛr soci-kpɛ̃w, ƴãw a fʋ tɩ́ɛrʋ a Sore ƴãw.

Mise 7:7

Ɛcɛ mãa a, a Sore n'ʋ ɩ̃ jɩ́rɛ, a Naaŋmɩn ɩ̃ faarɛ ƴãw n'a ɩ̃ ƴãw a ɩ̃ tɩɛrʋ, a Naaŋmɩn na wõ n a ɩ̃ bʋɔlʋ.

Yele-za-pɛr-tib 49:18

Sore e, ɩ̃ tɩ́ɛrɛ na kɛ́ fʋ na faa mɛ̃ na!

Sɛb-sõw yielu 20:5

Ʋ kʋ̀ b a ʋlɩ bom nɛ fʋ na bɔbr a, ɛ́ maalɩ a fʋ pʋ-tɩɛrʋ za!

Yel-wula 1:7

Nyɛ̃, ʋ be n a zũzuge pʋɔ waar, nɩsaal za na nyɛ̃ ʋ na, lãwnɩ a bɛlɩ dem na cɔ̀r ʋ col a. A tẽw zu yie dɔwlʋ za na kone nɩ a ʋ kuor. Sɩza n'a. Amɛn.

Títɩ̀ 2:13

gùre nɩ a bibi-vla tɩ na tɩɛrɛ a. A bibi-vla ʋl a tɩ Naaŋmɩn-kpɛ̃ɛ nɩ a tɩ Faarɛ Yeezu Kɩrɩta yúor-vɩɛlʋ-danʋ nãà wa sãá a.

Ɩzayi 35:2

A póru pʋɔ mɔ̃-puuru, a pu pàw ʋ, ʋ cɩlɛ ƴawr'ɩ, ŋmɩɛr'ɩ nʋ̃ɔ̀ cɛlsɩ! A Sore kʋ̀ ʋ nɩ a Libã tan vɩɛlʋ, a Karmɛl tãw nɩ a Saron tɩ̃tal dɛpaalʋ. Lɛ n'a bɛ na nyɛ̃ a Sore yúor-vɩɛlʋ-danʋ, a tɩ Naaŋmɩn dɛpaalʋ.

Yel-wula 22:20

A sob nɛ na dɩrɛ a yele á ŋá dãsɩɛ a yere na: «Ʋ̃ʋ, ɩ̃ kʋ̃ yaa kɛ́ wa ɩ!» Amɛn! Sore Yeezu u, wa!

2 Pɩɛr 3:12

nyɩɩm na gùre ɛ́ ƴãw fãw ɩrɛ kɛ́ a Naaŋmɩn bibir ta fɔ̃w a. A bibir ʋl a salom na na dɩ wɛ, ɛ́ a salom zu bʋ̃-íri nyɔw vũu dɩ nyɩl a.

Ɩzayi 40:9

Zerizalɛm i, do tãw na kɛrɩ a zu, Sɩyɔ̃ i, cɩɩrɛ nɩ a fʋ fãw za. Fʋ̃ʋ na waar'ɩ yel-nʋ̃ɔ̀ a, zɛw a kɔkɔr, ta zɔrɛ dɛ̃bɩ̃ɛ ɩ. Yel a Zuda tẽw tẽ-bɛrɛ: «Nyɩ nyɛ̃ a nyɩ Naaŋmɩn!

Ɩzayi 35:10

A bɛlɩ dem a Sore na na faa a na lɛb'a wa. Bɛ na ŋmɩɛr'ɩ nʋ̃ɔ̀ cɛlsɩ wa tarɛ nɩ a Sɩyɔ̃. Nʋ̃ɔ̀ na bɛ tɛr baarʋ a na caal'ɩ a bɛ niŋe. Cɩlʋ nɩ nʋ̃ɔ̀ na tuori bɛ na, ɛ́ pʋ-sãwna nɩ kon lɩɛb zɔ.

Sɛb-sõw yielu 100:1

Sɛb-sõw yielu a barka bàwr maalʋ ƴãw. Tẽ-daa nɩbɛ za a, nyɩ cáarɛ a Sore ƴãw.

Sɛb-sõw yielu 9:14

Sore e, zɔ ɩ̃ nɩbaalʋ! Nyɛ̃ a kpɩɛrʋ a ɩ̃ dɔ̃ dem na ɩ k'ɩ̃ nyɛrɛ a, fʋ̃ʋ na na tʋ̃ɔ́ faa mɛ̃ a kũu nuru pʋɔ a.

1 Pɩɛr 1:8

a Yeezu Kɩrɩta nyɩ na nɔnɛ ɛ́ bɛ nyɛ̃ a, a ʋl nyɩ mɩ̀ na sàw de ɛ́ bɛ nyɛ̃ sɛr a. Ɛ́ nyɩ na sàw de a, nyɩ cɩlɛ nɩ nʋ̃ɔ̀ cɩlʋ na bɛ tɛr manʋ, ɛ́ ɩ a nyɩ yúor-vɩɛlʋ-danʋ cɩlʋ a,

1 Pɩɛr 1:6

Nyɩ̀ cɩlɛ nɩ nyɩ za a al ƴãw, yel-kpɩɛrɩ bʋʋrɛ za saa na ɩ nyɩ tɛr pʋ-sãwna blã a ƴɛrɛŋa a.

Luka 2:25

Zɩ̃ kɛ́ nɩr kãw tɩ be n a Zerizalɛm dɩ kɛ́ Sɩmɩ̃ɔ. Ʋ tɩ ɩ n nɩ-mɩŋa ɛ́ ƴãwnɛ a Naaŋmɩn. Ʋ tɩ gùre nɩ a mɔwlʋ a Ɩsɩrayɛl nãà wa nyɛ̃ a, ɛ́ a Vʋʋrʋ sõw tɩ be a ʋ zie.

Ɩzayi 35:4

Nyɩ yel a bɛlɩ dem na bɛ tɛr kanyir a: «Nyɩ kpɛmɛ! Nyɩ ta zɔrɛ dɛ̃bɩ̃ɛ ɩ! Nyɩ nyɛ̃ a nyɩ Naaŋmɩn. Ʋ waar'a k'ʋʋ wa yáa a san kʋ̀ nyɩ, ɛ́ maalɩ a nyɩ dɔ̃ dem a faa bɛ na maalɩ nyɩ a, ʋ waar'ɩ a ʋl mɩŋa a nyɩ faafʋ.»

Ɩzayi 8:17

Ɩ̃ gùre nɩ a Sore. Ʋ bɛ ŋmɛlɛ kaar a Zakɔb yir dem a ƴɛrɛŋa ɩ, ɛcɛ ʋl ƴãw n'a ɩ̃ ƴãw a ɩ̃ tɩɛrʋ.

Filib 3:1

Ƴɛrɛŋa a, yɛbr ɩ, nyɩ cɩlɛ nyɩ na lãw nɩ a Sore a. A bɛ kpɩɛr mɛ̃ ɩ̃ na sɛbr a alɩ bʋ̃-been nɛ kʋ̀rɛ nyɩ a ɩ, a na ɩ na nyɩ lɛb kpɛmɛ.

Ɩzayi 60:16

Fʋ na nyúur'ɩ a nɩ-bʋʋr-yoru bʋ̀rʋ, fʋ na dɩrɛ nɩ a bɛ na-mɩnɛ na-bome. Lɛ n'a fʋ na bãw k'aa mãa, a Sore, mãa n'ɩ a fʋ faarɛ, k'aa mãa, a Zakɔb Naaŋmɩn, na tɛr kpɛnʋ a, mãa n'ɩ a fʋ ya-diere.

Ɩzayi 33:22

A Sore n'ɩ a tɩ nɩ-kpɛ̃ɛ, ʋlɛ n'ʋ de tɩ a niwn. A Sore n'ɩ a tɩ nãà, ʋlɛ n'ɩ a tɩ faarɛ.

Filib 3:3

Tɩmɛ nɛbɛ sɩrɩ ŋma a yɛɛ, tɩɩm a Vʋʋrʋ Sõw na ƴãw tɩ puore a Naaŋmɩn a, tɩɩm na zɛwr tɩ tʋɔra tɩ na lãw nɩ a Yeezu Kɩrɩta, ɛ́ bɛ de a tɩ tɩɛrʋ ƴãw a tɩɩm tɛɛ za ƴãw a.

Sɛb-sõw yielu 95:1

Nyɩ wa tɩ lɔbr nʋ̃ɔ̀ cɛlsɩ a Sore ƴãw! Tɩ cáarɛ danɛ nɩ a tɩ Pìir, a tɩ faarɛ!

Sɛb-sõw yielu 21:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Daviir yielu kãw n'ʋ.

Zakari 9:9

Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.

Ɩzayi 33:2

Sore e, zɔ tɩ nɩbaalʋ! Tɩ ƴãw nɩ a tɩ tɩɛrʋ a fʋ ƴãw. Ɩ̀ a tɩ fãw biɓaara za, nɩ a tɩ faarɛ a kpɩɛrʋ daar.

Ɩzayi 35:1

A wɛja-kpalɛ nɩ a tẽ-kõw, a cɩlɛ! A dɩlãpʋɔ, ʋ cɩlɛ ƴawr'ɩ, ɛ́ ɩ puuru ʋ za!

Ɩzayi 37:20

Ɛcɛ fʋ̃ʋ a, Sore tɩ Naaŋmɩn i, faa tɩ a Senakerib nuru pʋɔ. Lɛ n'a a naalʋ-ten za pʋɔ bɛ na bãw kɛ́ fʋ̃ʋ yõ n'ʋ ɩ Naaŋmɩn.»

Ɩzayi 41:16

Fʋ na yɛ́lɩ a na, a sɛsɛb de cen nɩ, sɛsɛb-pɩl na yaar a na bɛr a ziir za. Ɛcɛ a fʋ̃ʋ a, fʋ na ŋmɩɛr'ɩ nʋ̃ɔ̀ cɛlsɩ a Sore ƴãw, fʋ na nyʋʋr'a, a Ɩsɩrayɛl Naaŋmɩn na ɩ sõw a ƴãw.

Ɩzayi 49:23

Na-mɩnɛ nɛbɛ na guole a fʋ bibiir, ɛ́ na-mɩnɛ pɔwyaar ɩ a bɛ bɩyaalbɛ. Bɛ na mɩ́ vɔblɩ muru a fʋ niŋé. Bɛ na mɩ́ lɛnɩ nɩ a fʋ gbɛ́ɛ uuru. Lɛ n'a fʋ na bãw kɛ́ mãa n'ɩ a Sore, nɩ kɛ́ bɛlɩ dem na ƴãw a bɛ tɩɛrʋ a ɩ̃ ƴãw a bɛ nyɛrɛ vĩ ɛ.»

Ɩzayi 51:3

A Sore zɔrɛ nɩ a Sɩyɔ̃ nɩbaalʋ, ʋ zɔrɛ nɩ a ʋ deboru nɩbaalʋ. Ʋ na ɩ n a zie ŋa bɛ na bɛ cãà kpɩɛr a, ʋ lɩɛbɩ zi-vla vla. Ʋ na ɩ n a zi-kõw ŋa ʋ lɩɛbɩ Edɛn zaadɛ̃. Cɩlʋ nɩ nʋ̃ɔ̀ cɛlsɩ n'a na be a be, lãwnɩ danʋ yielu nɩ bʋ̃-ŋmɩɛrɩ ŋmɛb.

Ɩzayi 52:10

A nɩ-bʋʋr-yoru za niŋé a, a Sore wul'ɩ a ʋ sonu kpɛnʋ, ɛ́ a nɩbɛ na nyɛ̃ nɩ a tɩ Naaŋmɩn faafʋ tɩ tɔ a tẽw baarʋ ziir za.

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

Ɩzayi 64:4

Fʋ mɩ́ cen na tuori sob nɛ na tuur a mɩnʋ pùor nɩ nʋ̃ɔ̀ a, na mɩ́ lɛb tɩɛrɩ a fʋ yele k'ʋʋ tʋ̃ɔ́ tuur a fʋ sɔ́r a. Fʋ nyɛ̃ nɩ suur a tɩ sãwna zũú. Ɛcɛ tɩ na nyɛ̃ nɩ a faafʋ, a fʋ koro za sɛ́ɛ tɩ na na tuur a ƴãw.

Ɩzayi 65:18

Nʋ̃ɔ̀, a paalɩ nyɩ laarɩ, nyɩ cɩlɛ kʋralɛ a ʋlɩ bom nɛ ɩ̃ na na ír a ƴãw. Ɩ̃ na ɩ na a Zerizalɛm ɩ tẽ-kpɛ̃ɛ nʋ̃ɔ̀ na paalɩ a, ɛ́ a ʋ nɩbɛ ɩ nɩ-bʋʋrɛ cɩlʋ na tɛr a.

Sɛb-sõw yielu 33:20

Tɩɩm ƴãw a, a Sore n'ʋ tɩ gùre, ʋlɛ n'ɩ a tɩ sõwne nɩ a tɩ zɛbr-kur-pãgala.

Sɛb-sõw yielu 33:21

Ʋl ƴãw n'a tɩ tɛr su-nʋ̃ɔ̀, a ʋ yo-sõw ƴãw n'a tɩ ƴãw a tɩ tɩɛrʋ.

Sɛb-sõw yielu 40:17

Bɛlɩ dem za na bɔbr fʋ a, nʋ̃ɔ̀ nɩ cɩlʋ, a tɛr bɛ a fʋ ƴãw, ɛ́ a bɛlɩ dem za na nɔnɛ fʋ, fʋ̃ʋ na ɩ a Faarɛ a, bɛ yere kʋralɛ: «A Sore ɩ n kpɛ̃ɛ!»

Habakukɩ 3:18

Ɛcɛ mãa a, a Sore zie n'a a ɩ̃ nʋ̃ɔ̀ yire, nʋ̃ɔ̀ ɩrɛ mɛ̃ na a Naaŋmɩn na faarɛ mɛ̃ a ƴãw.

Zakari 10:7

A Efarayim nɩbɛ na kpɛmɛ na mɛ̃ gãdaar a, nʋ̃ɔ̀ na ɩrɛ bɛ na mɛ̃ nɩbɛ na nyũ divɛ̃ a. A bɛ bibiir na nyɛ̃ bɛ na nʋ̃ɔ̀ ɩrɛ bɛ, bɛ na cɩlɛ nɩ bɛ za a Sore ƴãw.