Ɩzayi 25:8 - A SƐB-SÕW

⁸ Ʋ na ír'ɩ a kũu bɛr a nʋɔr kʋ. A Sore Naaŋmɩn na fɩɛl'ɩ a mʋta-kʋ̃ɔ bɛr a niŋe za ƴãw. Ʋ na ír'ɩ a ʋ nɩ-bʋʋrɛ vĩ bɛr a tẽw za pʋɔ. A Sore n'ʋ yel.

Ɩzayi 25:8 Referans Kwoze

Yel-wula 21:4

Ʋ na fɩɛl'ɩ mʋta-kʋ̃ɔ za bɛr a bɛ mimié. Kũu kʋ̃ lɛb cãà be ɩ, kuor nɩ cɛlsɩ nɩ kpɩɛrʋ kʋ̃ lɛb cãà be ɩ. Bʋ̃ʋ n'ʋ vɛ̃, a koro za zie tɔl'a.»

Yel-wula 7:17

Bʋ̃ʋ n'ʋ vɛ̃, a Pele na be a naalʋ-dà-kɔw sɔwlɩsɔw a na ɩ n a bɛ cɩ̃ɩnɛ, ʋ na tɛr bɛ na cen nɩ a be a kʋ̃ɔ-walwal na bùle yire a. Ɛ́ Naaŋmɩn na fɩɛl'ɩ mʋta-kʋ̃ɔ za bɛr a bɛ mimié.»

1 Korɛ̃tɩ 15:54

A nɩr ʋl na na wɛ a, wa su a nɩr ʋl na bɛ wɛrɛ a, ɛ́ a nɩr ʋl na na kpi a, su a nɩr ʋl na bɛ kpiir a, lɛ n'a a Sɛb-sõw ƴɛ̀r-bie á ŋá na tu: «Bɛ zɛb'a tʋ̃ɔ́ a kũu pẽlẽpẽlẽ.

A naaŋmɩn-ƴèr-manɛ Oze sɛbɛ 13:14

Ɩ̃ɩ pãa na faa bɛ a kpɩmɛ tẽw nuru pʋɔ ɔ? Ɩ̃ pãa na piw bɛ tɛr bɛ ta kpi e? Kũu u, a fʋ zɛbr bome ɩ n ŋmɩn? Kpɩmɛ tẽw i, a fʋ fãw na kʋrɛ a ɩ n ŋmɩn? Nɩbaalʋ zɔba kãw za bɛ cãà a ɩ̃ zie ɩ.

1 Korɛ̃tɩ 15:26

A dɔ̃ sob pɛ-baara bɛ na na sãw bɛr a n'ɩ a kũu.

Yel-wula 20:14

Bɛ tɩ lɔb'ɩ a kũu nɩ a kpɩmɛ tẽw ƴãw a gbãtar-kpɛ̃ɛ vũumí. A gbãtar-kpɛ̃ɛ vũu ɩ n a kũu-gb'a ayi sob.

Ɩzayi 35:10

A bɛlɩ dem a Sore na na faa a na lɛb'a wa. Bɛ na ŋmɩɛr'ɩ nʋ̃ɔ̀ cɛlsɩ wa tarɛ nɩ a Sɩyɔ̃. Nʋ̃ɔ̀ na bɛ tɛr baarʋ a na caal'ɩ a bɛ niŋe. Cɩlʋ nɩ nʋ̃ɔ̀ na tuori bɛ na, ɛ́ pʋ-sãwna nɩ kon lɩɛb zɔ.

2 Timote 1:10

Ƴɛrɛŋa a, a maalʋ ŋa pãa sãá na, a tɩ Faarɛ Kɩrɩta Yeezu na wul ʋ tʋɔra a zũú. Ʋlɛ n'ʋ ɩ a kũu kpɛnʋ baarɩ, ɛ́ ɩ a nyɔ-vʋʋrʋ na bɛ tɛr kũu a, ʋ sãá a Yel-nʋ̃ɔ̀ manʋ pʋɔ.

Ɩzayi 30:26

A ʋlɩ bibir a Sore nãà wa 'lẽ a ʋ nɩ-bʋʋrɛ natɩɛ, ɛ́ sanɩ a bàalʋ bɛ na ŋmɛ bɛ ƴãw a, a cuw cãà na ɩ na mɛ̃ a mʋ̃tɔ̃w cãà a, ɛ́ a mʋ̃tɔ̃w cãà caalɩ gb'a ayopõi dɔwlɩ.

1 Pɩɛr 4:14

Bɛlɛ wa tʋʋr nyɩ zʋmɛ a Kɩrɩta yúor ƴãw a, zu-nʋ̃ɔ̀ dem n'ɩ nyɩ, a Vʋʋrʋ na tɛr danʋ a, a Naaŋmɩn Vʋʋrʋ be n a nyɩ zu.

Ɩzayi 61:7

A Sore yere na: «Bɛ ƴãw nyɩ nɩ vĩ ɛ́ lɛb ƴãw. A nyɩ bom tɩ n'ɩ a zʋm-faar faar a nɩbɛ na tɩ tʋʋr nyɩ a. Alɛ n'a so nyɩ na páw bom gb'a ayi a bɛ tẽw pʋɔ, ɛ́ vʋʋrɛ nɩ nʋ̃ɔ̀ na bɛ tɛr baarʋ a.

Ɩzayi 54:4

Ta zɔrɛ dɛ̃bɩ̃ɛ ɩ, vĩ kʋ̃ cãà ɩrɛ fʋ ɛ. A fʋ tɩɛrʋ, ʋ ta damnɛ fʋ ɛ, bɛ kʋ̃ cãà tʋʋr fʋ ɛ. Fʋ na yiir'ɩ a fʋ pɔ̀lʋ daar vĩ bɛr, fʋ kʋ̃ cãà bãwnɩ a fʋ pɔw-kʋɔlʋ zʋmɛ ɩ.

Ɩzayi 30:19

Nyɩɩm, Sɩyɔ̃ tẽw nɩbɛ ɛ, nyɩɩm na kpɩɛr a Zerizalɛm a, nyɩ kʋ̃ lɛb kõ ɩ. Nyɩmɛ wa kone cɔwr a Sore a, ʋ na wul nyɩ nɩ a ʋ nɔ̃wfʋ. Ʋlɛ wa dɛ wõ a nyɩ kon a, ʋ na sɔw nyɩ na.

Sɛb-sõw yielu 69:9

Ɩ̃ lɩɛb'ɩ zawlɛ a ɩ̃ yɛbr zie, nɩr a ɩ̃ yɛbr tɩ na lãw sãà nɩ mã a na bɛ bãw a.

Ɩzayi 65:19

Ɩ̃ na cɩlɛ nɩ a Zerizalɛm ƴãw, nʋ̃ɔ̀ na paalɩ mɛ̃ na laarɩ a ɩ̃ nɩ-bʋʋrɛ ƴãw. Bɛ kʋ̃ cãà wone kon nɩ cɛlsɩ a bɛ pʋɔ ɩ.

Ɩzayi 60:15

A nɩbɛ tɩ zawrɩ fʋ na bɛr, bɛ bɛ tɩ nɔnɛ fʋ ɛ, ɛ́ nɩr za bɛ tɩ tuur yire a fʋ zie ɩ. Ƴɛrɛŋa a, ɩ̃ na maalɩ fʋ na fʋ vɩɛl kʋralɛ, mɩ́ ƴãw a nɩbɛ cɩlɛ yome yome za.

Ɩzayi 51:11

A nɩbɛ a Sore na na ɩ bɛ lɛb so bɛ tʋɔra a na lɛb'a wa. Bɛ na cáarɛ na wa kpɛ n a Sɩyɔ̃ tẽw pʋɔ. Nʋ̃ɔ̀ na bɛ tɛr baarʋ a na caal'ɩ a bɛ niŋe, cɩlʋ nɩ nʋ̃ɔ̀ cɛlsɩ na paalɩ bɛ na, ɛ́ kpɩɛrʋ nɩ kon bɔr.

Ɩzayi 37:3

A Ezekɩasɩ ƴɛ̀rʋ ŋa n'ʋ a tɩ fɛr kɛ́ bɛ yel kʋ̀ a naaŋmɩn-ƴɛ̀r-manɛ: «“A bibir ŋa ɩ n pʋl-vʋ̃ɔ-kpɛ̃ɛ, dɔwrʋ nɩ vĩ bibir a tɩ zie. Mɛ̃ a lɛ bɛ na mɩ́ yel a, a bie ta n yib ɛ́ a mã bɛ tɛr fãw na ʋ̃ʋ́nɩ ʋ yi ɛ.

Ɩzayi 66:5

Nyɩ bɛrɛ wone a Sore ƴɛ̀rʋ, nyɩɩm ʋ na mɩ́ ƴɛ̀r nyɩ màwr a: A nyɩ yɛbr bɛ mɩnɛ hɩ̃ɛn nyɩ na, ɛ́ íre nyɩ bɛrɛ a bɛ pʋɔ a mãa ƴãw. Bɛ mɩ́ ɩrɛ nyɩ na laar yere nɩ: «A Sore, ʋ wul a ʋ yúor-vɩɛlʋ-danʋ tɩ tʋ̃ɔ́ nyɛ̃ a nyɩ cɩlʋ!» Ɛcɛ bɛlɛ nɛbɛ na nyɛ̃ vĩ.

Luka 1:25

«Nyɛ̃ a lɛ a Sore na maalɩ mɛ̃ a, ʋ sàw na jɩ́r mɛ̃ kaa ƴɛrɛŋa, k'ʋʋ ír a vĩ bɛr mɛ̃ a nɩsaalbɛ niŋé.»

Ɩzayi 26:19

Ɩ̃ nɩbɛ ɛ, a nyɩ kũuni na lɛb'a vʋʋrɛ, bɛ na lɛb a ìr àr. A bɛlɩ dem na gã a tanɛ pʋɔ a, na ìr'a ŋmɩɛr nʋ̃ɔ̀ cɛlsɩ. A Sore na ɩ na cãà ɓɩɛlʋ lo a nyɩ zu, ɛ́ a tẽsɔw ɩ a kũuni lɛb vʋʋrɛ.

Ɩzayi 51:7

Nyɩ bɛrɛ wone a ɩ̃ ƴɛ̀rʋ, nyɩɩm na bãw a yel na tu a mɩnʋ a, nyɩɩm na tɛr a ɩ̃ wulu a nyɩ socie pʋɔ a: nyɩ ta zɔrɛ a nɩsaalbɛ ɩ-lab ɛ, a bɛ zʋmɛ, a taa wa tʋ̃ɔ́nɛ nyɩ ɛ.

Zeremi 31:16

Ɛcɛ à ŋá n'a a Sore yere kʋ̀rɛ ʋ: «Ta cãà kone siwre nɩ ɛ, fɩɛlɩ a fʋ mʋta-kʋ̃ɔ bɛr! A mãa, a Sore, ɩ̃ yere nɩ à ŋá: Ɩ̃ na ya b'ɩ a hanʋ fʋ na hanɩ a. A fʋ bibiir na yi n a bɛ dɔ̃ dem tẽw lɛb wa.»

Sɛb-sõw yielu 116:8

Fʋ faa mɛ̃ nɩ a kũu pʋɔ, fʋ fɩɛl'ɩ a ɩ̃ mʋta-kʋ̃ɔ bɛr, fʋ bɛ sàw ɩ̃ kaw lo ɩ.