Ɩzayi 25:5 - A SƐB-SÕW

⁵ mɛ̃ a mʋ̃tɔ̃-tʋlʋ na dɩrɛ tẽ-kõw a—. Fʋ mɩ́ ɩ na a nɩ-sãanbɛ damnʋ baarɩ. Mɛ̃ a lɛ zũzuwr ɓaarʋ na mɩ́ ɩ a mʋ̃tɔ̃w tʋlʋ ɓãa a, fʋ mɩ́ ɩ na a po-to-fãw dem zɛb-tʋ̃ɔ́fʋ yielu baarɩ.

Ɩzayi 25:5 Referans Kwoze

Ezekɩɛl 38:9

A fʋ̃ʋ, a fʋ zɛbr-nɩbɛ nɩ a fʋ bárɩ yaga a, nyɩ na zɛb'ɩ bɛ na. Nyɩ na lo n a bɛ zu mɛ̃ saa-sɛsɛb a, nyɩ na yɛ́r'a pàw a bɛ tẽw mɛ̃ zũzuwe tãw a.

Ɩzayi 49:10

Kɔ̃ nɩ kʋ̃ɔ-nyúur kʋ̃ lɛb kpɛ bɛ ɩ. A wɛja-kpalɛ sɛsɛb-tʋlʋ nɩ a mʋ̃tɔ̃w kʋ̃ lɛb dɩ bɛ ɩ. Bʋ̃ʋ n'ʋ vɛ̃, ɩ̃ na tɛr bɛ na nɩ nɔ̃wfʋ cen nɩ bul-nɛ́ɛ na ɩ ɓaar ɓaar a pɛr.

Ɩzayi 18:4

Bʋ̃ʋ n'ʋ vɛ̃, a Sore ƴɛ̀r'ɩ a ɩ̃ zie à ŋá: «A zie ʋl ɩ̃ na be a, ɩ̃ na zɩ̃ n zoom ɛ́ jɩ́rɛ, mɛ̃ a tʋlʋ na dɩrɛ cãà pʋɔ a, mɛ̃ ɓɩɛlʋ zũzuwr a bʋ̃-dieri-deb tʋlʋ daar a.»

Ɩzayi 14:19

Ɛcɛ a fʋ̃ʋ a, bɛ lɔb fʋ na bɛr zãá nɩ a fʋ ũùfʋ zie, mɛ̃ bi-cur-bɛra na ɩrɛ kɔkɔrʋ a, mɛ̃ kũu bɛ na nɛb'ɩ gbɛ́ɛ a. Nɩbɛ bɛ na kʋ a nɛbɛ pàw fʋ, Nɩbɛ a zɛbr-sɔ-kpɛ̃ɛ na kʋ a. Bɛ bin bɛ nɩ a kʋsɛbɛ na pɩɛrɩ pàw a bɔw-zulu pɛr a zu.

Ɩzayi 13:11

A Sore yere na: «Ɩ̃ na dɔwr'ɩ a tẽ-daa a ʋ faalʋ ƴãw, a nɩ-faar a bɛ ɩ-faar ƴãw. Ɩ̃ na ɩ na a pɔ̀lʋ dem nyɔka-ɩb baarɩ, ɩ̃ na siwr'ɩ a bɛlɩ dem na dɩrɛ gãda-nɩ-kpɛ̃ɛnʋ a pɔ̀l-ɩb.

Sɛb-sõw yielu 105:39

A Naaŋmɩn tɩ yɛ́r'ɩ zũzuwr piw nɩ bɛ, ɛ́ vũu be be, mɩ́ caalɛ bɛ a tɩ̃ɩsɔw.

Ɩzayi 25:6

A Sore, a kpɛnʋ-za-sob, cɔbrɛ nɩ cuw dɩb a nɩ-bʋʋrɛ za ƴãw a Sɩyɔ̃ tãw zu, nɛn-kãánɩ nɩ divɛ̃-kore cuw dɩb, — nɛn-kãánɩ nɩ nɛn-buge, divɛ̃-kore na bɩ tɔ a —.