Ɩzayi 25:11 - A SƐB-SÕW

¹¹ A be a, ʋ na mɩ́ dɔl'ɩ a kpãkpamɛ mɛ̃ a lɛ bɛ na mɩ́ dɔl a a duwru ƴãw a. Ɛcɛ, nɩ a fãw za ʋ na saa na ƴãw a, a Sore na siwr'ɩ a ʋ pɔ̀lʋ.

Ɩzayi 25:11 Referans Kwoze

Ɩzayi 16:14

Ɛcɛ ƴɛrɛŋa a, a Sore yere na: «Ka nɩ yome ata gbàgbàgbà, a Mowab nɩ-yée nɩ a ʋ zu-sɛbla na bɛ dɩ vuo a kʋ̃ cãà saalɩ ɛ. A bɛl na na cɛ a na ɩ n zaa pʋrɩ, bɛ kʋ̃ cãà tɛr pɛr ɛ.»

Ɩzayi 16:6

Tɩ wõ n a Mowab pɔ̀lʋ yele, a ʋ pɔ̀l-ɩb na bɛ dɩ vuo a, a ʋ nyɔka-ɩb, ʋ na manɛ kɛ́ ʋlɛ n'ʋ bɛ wõ a, a ʋ pɔ-zawlɛ.

Ɩzayi 14:26

A lɛ a Sore na yel a tẽ-daa za ƴãw a n'ɩ à à ŋá, nɩ a nũu ʋ na zɛw a nɩ-bʋʋrɛ za ƴãw a.

Ɩzayi 5:25

Alɛ n'a so a Sore suur ìr a ʋ nɩ-bʋʋrɛ ƴãw. Ʋ̀ zɛw nɩ a nũu ŋmɛ n bɛ. A tan gbiwri na, a kũuni gã nɩ a sɛ́ɛ pʋɔ mɛ̃ sagɛ a. Ɛcɛ a na saa ɩ à ŋá a, a Sore suur bɛ ɓãa ɩ, ɛ́ a ʋ nũu cãà zɛw.

Ɩzayi 2:11

A nɩsaal na mɩ́ jɩ́r a pɔ̀l-jɩ́rʋ a, a na fɛr'a ʋ mɩ́ jɩ́r pile, ɛ́ a fɛr a pɔ̀lʋ sob ʋ gũu zu. A ʋlɩ bibir nɛ a, a Sore yõ n'ʋ na ɩ kpɛ̃ɛ.

Zakɩ 4:6

Ɛcɛ a maalʋ a Naaŋmɩn na kʋ̀ tɩ a ɩ n kpɛ̃ɛ zuo lɛ. Bʋ̃ʋ n'ʋ vɛ̃, bɛ mɩ̀ cãà na lɛb yel: «A Naaŋmɩn mɩ́ ba n gbɛ́r a pɔ̀lʋ dem niŋé, ɛ́ maalɩ a su-siwri dem.»

Kɔlɔsɩ 2:15

Ʋ zɛb'a tʋ̃ɔ́ a naalʋ-dɩb bʋʋrɛ za nɩ a fãw za, ʋ ɩ na a lɩɛbɩ bʋ̃-ɩ-laarɩ a nɩbɛ niŋé, a ɩ a gbãgbaar a ʋ Bie na zɛb tʋ̃ɔ́ bɛ cɔrɩ tuur ʋ a.

Zeremi 51:44

A Sore yere na: «Ɩ̃ na ìr'ɩ a Bɛl, a Babɩlɔn tẽw ŋmɩn ƴãw. A bom ʋl ʋ na vɔlɛ a, ɩ̃ na ír ʋ nɩ a ʋ nʋɔrɩ́. A nɩ-bʋʋrɛ kʋ̃ cãà darɛ taa cere a ʋ zie ɩ. A dacĩ-kpɛ̃ɛ na piw a Babɩlɔn tẽ-kpɛ̃ɛ a lo na.

Zeremi 48:42

A Mowab tẽw sãw na, ʋ bɛ lɛb cãà ɩ nɩ-bʋʋrɛ ɩ, bʋ̃ʋ n'ʋ vɛ̃, ʋ tɩ tɩɛr'a k'ʋʋ ɩ n kpɛ̃ɛ zuo a Sore.

Ɩzayi 65:2

Ɩ̃ tur'ɩ nũu kʋralɛ cɔw nɩ-bʋʋrɛ na gaarɩ a, nɩbɛ na tuur sɔr-faa ɛ́ ɩrɛ lɛ tɛwr bɛ na tɩɛrɛ a.

Ɩzayi 53:12

Alɛ n'a so ɩ̃ ƴãwnɛ ʋ a nɩbɛ na ɩ bɛrɛ zuo bɛ za a pʋɔ. Ʋlɛ nɩ a gãdaar nɛbɛ na lãw põ a zɛbr na-bome bɛ na fa a. Bʋ̃ʋ n'ʋ vɛ̃, ʋ nyɛ̃ nɩ ʋ tʋɔra sàw a kũu, ɛ́ bɛ sɔ́r ʋ ƴãw a nɩ-faar pʋɔ, ʋ tuo nɩ nɩ-yaga yaga faalʋ, ɛ́ ɩ a yel-bebe dem tãpɛlʋ sob.»

Ɩzayi 25:5

mɛ̃ a mʋ̃tɔ̃-tʋlʋ na dɩrɛ tẽ-kõw a—. Fʋ mɩ́ ɩ na a nɩ-sãanbɛ damnʋ baarɩ. Mɛ̃ a lɛ zũzuwr ɓaarʋ na mɩ́ ɩ a mʋ̃tɔ̃w tʋlʋ ɓãa a, fʋ mɩ́ ɩ na a po-to-fãw dem zɛb-tʋ̃ɔ́fʋ yielu baarɩ.

Ɩzayi 13:11

A Sore yere na: «Ɩ̃ na dɔwr'ɩ a tẽ-daa a ʋ faalʋ ƴãw, a nɩ-faar a bɛ ɩ-faar ƴãw. Ɩ̃ na ɩ na a pɔ̀lʋ dem nyɔka-ɩb baarɩ, ɩ̃ na siwr'ɩ a bɛlɩ dem na dɩrɛ gãda-nɩ-kpɛ̃ɛnʋ a pɔ̀l-ɩb.

Ɩzayi 10:33

A Sore Naaŋmɩn, a kpɛnʋ-za-sob, karɛ nɩ a wuli nɩ fãw. Ʋ cɛ n a tɩ-kɛrɩ lɔb, a al na kɛrɩ zuo a taabɛ a gã nɩ tẽw.

Sɛb-sõw yielu 2:5

Al pùorí, ʋ ƴɛ̀rɛ nɩ suur a bɛ zie, ɛ́ ƴãwnɛ bɛ pʋl-vʋ̃ɔ nɩ a ʋ su-yãyaar:

Zeremi 48:29

Tɩ wõ n a Mowab pɔ̀lʋ yele. Nyɛ̃ pɔ̀l-ɩb na sɛw a! Nyɛ̃ nyɔka-ɩb a! Nyɛ̃ pɔ̀l-ɩb a! Nyɛ̃ ʋ na manɛ kɛ́ ʋlɛ n'ʋ bɛ wõ a! Nyɛ̃ ʋ na tɩɛrɛ k'ʋʋ zuo nɩ nɩr za a!

A Zɔb sɛbɛ 40:11

Ɩ a fʋ su-tʋlʋ kpãkpã ìr a nɩsaalbɛ zu, jɩ́r a pɔ̀lʋ dem za gb'a-been bɛ su zu.

Ɩzayi 2:10

Nyɩ sɔwlɩ a pìe pʋɔ, nyɩ mʋr a tẽw, a Sore na ɩrɛ dɛ̃bɩ̃ɛ a niŋé, nɩ a ʋ dɛpaalʋ vɩɛlʋ niŋé.

Ɩzayi 2:15

a yir-cõcowli za na kɛrɩ a ƴãw, nɩ a dacĩ-bɛrɛ na bɛ tɛr dob a ƴãw,

Zeremi 48:47

Ɛcɛ, a Sore yere na: «Bibir kãw a, ɩ̃ na lɛb'a maalɩ a Mowab tẽw ƴãw.» A ƴɛ̀rʋ a Sore na dɩ n a Mowab yel a, tɛwfʋ zie n'ɩ a ka.