Ɩzayi 24:18 - A SƐB-SÕW

¹⁸ Sob nɛ na na wõ a pʋl-vʋ̃ɔ cɛl zɔrɛ a na lo n a bɔw-zulu pʋɔ. Ʋlɛ wa tʋ̃ɔ́ yi a be a, ʋ na kpɛ n a bɛra pʋɔ. A salom tokori vɛɛ yuo nɩ 'he'hee lɛ, a tẽsɔw pɛr damnɛ na.

Ɩzayi 24:18 Referans Kwoze

Sɛb-sõw yielu 18:7

A ɩ̃ kpɩɛrʋ pʋɔ, ɩ̃ bʋɔl'ɩ a Sore, ɩ̃ lɔb'ɩ cɛl kʋ̀ a ɩ̃ Naaŋmɩn. Ʋ be n a ʋ yir pʋɔ ɛ́ wõ a ɩ̃ kɔkɔr, a cɛl ɩ̃ na ŋmɛ a lo n a ʋ tobrí.

Yele-za-pɛr-tib 7:11

A Nowe yome kɔbr ayʋɔb (600) daar, a cuwr ayi sob, a bibie pie nɩ ayopõi sob daar, a tẽsɔw pʋ̃ɔmɩ kʋ̃ɔnɩ tɩ tɛbr a yire nɩ fãw a bul-nɛ́ɛ za ƴãw, ɛ́ a salom zu kʋ̃ɔnɩ tu-yib-ziir yuo yuo.

Amɔsɩ 5:19

A na ɩ na mɛ̃ nɩr gbẽw na diwr ʋ tɩ ùr dʋ̃-faa kãw bɛ na bʋɔlɛ ursɩ a. Ʋ kpɛ n a ʋ yir ír nũu tʋɔr'ɩ a dacin wa báarɛ waab cɛ ʋ.

Sɛb-sõw yielu 18:15

Ʋ tɩ ɩ na a saa nyɩwrɩ pàw a ziir za. Ʋ tɩ tɛn pime bɛr a ziir za.

A Zɔb sɛbɛ 20:24

Ʋlɛ wa zɔrɛ nɩɩrɛ a kure zɛbr bome a, kur-zɩɛ pĩi n'ʋ na cɔ̀r ʋ col.

2 Na-mɩnɛ 7:2

A Ɩsɩrayɛl tẽw nãà sojarɩ nɩ-kpɛ̃ɛ kãw na mɩ́ bɩɛlɛ ʋ kʋralɛ a, tɩ sowr'ɩ a Elize: «A Sore mɩ̀ saa tɩ ɩ mɛ̃ ʋ puo nɩ vɛɛ a salom zu, bɛr bʋ̃-bie a siw a, a fʋ ƴɛ̀rʋ ŋa na tʋ̃ɔ́ na tu u?» A Elize sɔw: «Fʋ na nyɛ̃ a na nɩ mimir, ɛ́ kʋ̃ dɩ a ɩ.»

Yele-za-pɛr-tib 19:24

A lɛ n'a a Sore tɩ ɩ cirbi nɩ vũu yi a salom zu siw a Sodɔm nɩ a Gomɔɔr zu mɛ̃ saa a.

Ekilezɩasɩ 9:12

A nɩsaal bɛ mɩ́ bãw debor'a a kpɩɛrʋ na ta ɩ. Mɛ̃ a lɛ a zʋ́mɛ́ na mɩ́ lo a mɩ̃ɛ pʋɔ, a ɩ a zu-faa a, mɛ̃ a lɛ a bɛra na mɩ́ nyɔw a lili a, lɛ mɩ̀ n'a a nɩsaal mɩ́ nyɛ̃ a kpɩɛrʋ a ùr lo a ʋ zu.

Ɩzayi 2:19

Nyɩ kpɛ a pìe bɔwrɩ pʋɔ nɩ a tẽw bɔwrɩ pʋɔ, a Sore na ɩrɛ dɛ̃bɩ̃ɛ a niŋé, nɩ a ʋ dɛpaalʋ vɩɛlʋ niŋé, ʋ nãà wa ìr k'ʋʋ ƴãw a tẽw pʋl-vʋ̃ɔ a.

Ɩzayi 2:21

Bɛ na cen nɩ a pìe bɔwrɩ pʋɔ nɩ a pìe haba, a Sore na ɩrɛ dɛ̃bɩ̃ɛ a niŋé, nɩ a ʋ dɛpaalʋ vɩɛlʋ niŋé, ʋ nãà wa ìr k'ʋʋ ƴãw a tẽw pʋl-vʋ̃ɔ a.

Ɩzayi 8:14

Ʋ na ɩ n zi-sõw, kʋsɩɛr ƴãw bɛ na ŋmɩɛr gbɛ́ɛ a, pìir kʋsɩɛr na ɩrɛ bɛ lore a, a Ɩsɩrayɛl yie a za ayi ƴãw. Ʋ na ɩ n mɩ̃ɛ nɩ bɛra a Zerizalɛm tẽw dem ƴãw.

Ɩzayi 13:13

Al ƴãw n'a a salom na dam, ɛ́ a tẽsɔw gbiwri a ʋ pɛr zu, a Sore, a kpɛnʋ-za-sob, su-yãyaar ƴãw, a ʋ su-tʋlʋ kpãkpã bibir.

Ɩzayi 42:22

Ɛcɛ nyɩɩm n'ɩ bɛ ŋa ɩ nɩ-bʋʋrɛ bɛ na za ɛ́ fa a bome za a. Bɛ nyɔw nyɩ na pàw bɔw-bɛrɛ pʋɔ, nyɩ zɩ̃ n gasori pʋɔ. A dɔ̃ dem nyɔw nyɩ na mɛ̃ zɛbr bome bɛ na zɛb de a, ɛ́ nɩr za bɛ wa faa nyɩ ɛ. Bɛ tɛr nyɩ na cen nɩ, ɛ́ nɩr za bɛ yel: «Nyɩ lɛb bɛr bɛ kʋ̀ m» ɛ!

Zeremi 48:43

A Sore yere na: «Mowab tẽw dem i, dɛ̃bɩ̃ɛ, bɔw-zulu nɩ bɛrɩ n'a, a nyɩ ƴãw!

Zeremi 48:44

Sob nɛ na zɔrɛ a dɛ̃bɩ̃ɛ niŋé a, na lo n bɔw-zulu pʋɔ, ɛ́ sob nɛ na lɛb yire a bɔw pʋɔ a, na lo n bɛra pʋɔ. Bʋ̃ʋ n'ʋ vɛ̃, ɩ̃ na ɩ na à á ŋá za wa a ʋ zu, a Mowab zu, a yũon ʋl ɩ̃ nãà wa sowri ʋ bom a. A Sore n'ʋ yel.

A Lãw-mʋɔlɛ 3:47

Tɩmɛ so dɛ̃bɩ̃ɛ, niw-viir, zi-sãwna nɩ yel-sãwna.

Ezekɩɛl 11:8

Nyɩ zɔrɛ nɩ a zɛbr, ɛcɛ ɩ̃ na ɩ na ʋ wa a nyɩ zu! A mãa, a Sore Naaŋmɩn n'ʋ yel.

Ezekɩɛl 12:13

A mãa Sore, ɩ̃ na ƴãw ʋ nɩ bɛra, nyɔw ʋ. Ɩ̃ na tɛr ʋ na cen nɩ a Babɩlɔn tẽw, ɛcɛ ʋ kʋ̃ nyɛ̃ a tẽ-kpɛ̃ɛ ŋa ɩ. A be n'a ʋ na tɩ kpi.

Ezekɩɛl 15:7

Ɩ̃ na ìr'ɩ a bɛ ƴãw. Bɛ tɩɛrɛ kɛ́ bɛ yi n a vũu pʋɔ, ɛcɛ a vũu na dɩ bɛ na. A lɛn daar mãa wa ìr a bɛ ƴãw a, nyɩ na bãw na kɛ́ mãa n'ɩ a Sore.

Sɛb-sõw yielu 18:8

Lɛ n'a a tẽsɔw tɩ gbiwri ɛ́ dam, a tan pɛ́ɛ tɩ dam'a a dãdawlɛ, a Sore suur na tɩ ìr a ƴãw.

Amɔsɩ 5:18

Zu-bio dem'ɩ a bɛlɩ dem na ƴãw a bɛ tɩɛrʋ za a Sore waa bibir ƴãw a! A Sore bibir ŋa wa vɩɛ a, bʋ̃ʋ n'ʋ nyɩ na páw? A bibir ŋa na ɩ n lige bibir, ʋ kʋ̃ ɩ cãà bibir ɛ.