Ɩzayi 24:17 - A SƐB-SÕW

¹⁷ A pʋl-vʋ̃ɔ, a bɔw-zulu nɩ a bɛrɩ, alɛ n'a gùre nyɩ, nyɩɩm na kpɩɛr a tẽw zu a.

Ɩzayi 24:17 Referans Kwoze

Amɔsɩ 5:19

A na ɩ na mɛ̃ nɩr gbẽw na diwr ʋ tɩ ùr dʋ̃-faa kãw bɛ na bʋɔlɛ ursɩ a. Ʋ kpɛ n a ʋ yir ír nũu tʋɔr'ɩ a dacin wa báarɛ waab cɛ ʋ.

Ezekɩɛl 14:21

Al pùorí, a Sore Naaŋmɩn tɩ yel mɛ̃ na: «Ɩ̃ ɩ na kpɩɛrʋ bɛrɛ anaar ta a Zerizalɛm: a zɛbr, a kɔ̃, a dʋ̃-faar nɩ a jɛ̀lmɛ̃ bàalʋ, k'aa tʋ̃ɔ́ kʋ a nɩbɛ nɩ a dʋn pàw pɛr.

Zeremi 8:3

A bɛlɩ dem za nãà wa cɛ vʋʋrɛ a nɩ-bʋʋr-faa nɩbɛ bɛ ŋa pʋɔ, ɛ́ be a ziir al za pʋɔ ɩ̃ nãà wa diw bɛ zɔ yaarɩ be a, bɛ na bɔbr'ɩ a kũu zuo a nyɔ-vʋʋrʋ. A Sore, a kpɛnʋ-za-sob, ʋlɛ n'ʋ yel.

1 Na-mɩnɛ 19:17

Bɛlɩ dem za a Hazayɛl nãà bɛ wa páw kʋ a, Yehu na kʋ bɛ na, ɛ́ bɛlɩ dem za a Yehu nãà bɛ wa páw kʋ a, Elize na kʋ bɛ na.

A Zɔb sɛbɛ 18:8

Bʋ̃ʋ n'ʋ vɛ̃, ʋ kpɛ n mɩ̃ɛ pʋɔ, ɛ́ a ʋ gbɛ́ɛ lɩr a mɩ̃ɛ.

Ɩzayi 8:14

Ʋ na ɩ n zi-sõw, kʋsɩɛr ƴãw bɛ na ŋmɩɛr gbɛ́ɛ a, pìir kʋsɩɛr na ɩrɛ bɛ lore a, a Ɩsɩrayɛl yie a za ayi ƴãw. Ʋ na ɩ n mɩ̃ɛ nɩ bɛra a Zerizalɛm tẽw dem ƴãw.

Zeremi 11:11

À na ɩ à ŋá a, à ŋá n'a a Sore yere: Ɩ̃ na ɩ na faa bɛ na kʋ̃ tʋ̃ɔ́ yi a ʋ pʋɔ a wa a bɛ zu. Bɛ na kõ na bʋɔlɩ mɛ̃, ɩ̃ɩ kʋ̃ bɛr wõ bɛ ɩ.

A Lãw-mʋɔlɛ 2:22

Fʋ bʋɔl'ɩ a ɩ̃ kpɛ-pɩɛl dem na ɩrɛ mɛ̃ dɛ̃bɩ̃ɛ a, mɛ̃ cuw bibir ƴãw a. Sore e, a fʋ suur bibir a, nɩr bɛ tɩ cɩ̃ɛ ɩ, nɩr bɛ tɩ cãà vʋʋrɛ ɩ. A bɛlɩ dem ɩ̃ na tɩ guoli ɛ́ nɔ̃w yaga za a, a ɩ̃ dɔ̃ sob kʋ n bɛ za pàw pɛr.

A Lãw-mʋɔlɛ 3:47

Tɩmɛ so dɛ̃bɩ̃ɛ, niw-viir, zi-sãwna nɩ yel-sãwna.

Ezekɩɛl 11:8

Nyɩ zɔrɛ nɩ a zɛbr, ɛcɛ ɩ̃ na ɩ na ʋ wa a nyɩ zu! A mãa, a Sore Naaŋmɩn n'ʋ yel.

Ezekɩɛl 12:13

A mãa Sore, ɩ̃ na ƴãw ʋ nɩ bɛra, nyɔw ʋ. Ɩ̃ na tɛr ʋ na cen nɩ a Babɩlɔn tẽw, ɛcɛ ʋ kʋ̃ nyɛ̃ a tẽ-kpɛ̃ɛ ŋa ɩ. A be n'a ʋ na tɩ kpi.