Ɩzayi 24:15 - A SƐB-SÕW

¹⁵ «Nyɩ íre a Sore yúor-vɩɛlʋ-danʋ a saa-pɛrɩ́ voru pʋɔ, nyɩ pore a ʋ yúor a kʋ̃ɔ-kpɛ̃ɛ-sɔgɔ-ten pʋɔ, nyɩ pore a Sore, a Ɩsɩrayɛl Naaŋmɩn, yúor!»

Ɩzayi 24:15 Referans Kwoze

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Ɩzayi 60:9

A tẽ-zãánɩ dem tɩ́ɛrɛ mɛ̃ na. A Tarsisɩ tẽw gbor-bɛrɛ duwre nɩ a nidaa, k'aa lɛb tɛr a fʋ bibiir zi-zãána zãána wa n, lãwnɩ a bɛ salm-pla nɩ a bɛ salm-zɩɛ. Bɛ waar'a kɛ́ bɛ́ wa ír a ɩ̃ yúor-vɩɛlʋ-danʋ, a mãa, fʋ Naaŋmɩn, a Ɩsɩrayɛl Naaŋmɩn na ɩ sõw a, a mãa na ɩ kɛ̀ fʋ nyɛ̃ a ƴãwfʋ ŋa a.»

Ɩzayi 51:5

A mɩnʋ ɩ̃ na tɩrɛ a pɩɛl'a, a faafʋ waar'a. Ɩ̃ na dɩ n nɩ a nɩ-bʋʋrɛ ƴɛ̀rʋ nɩ kpɛnʋ. A nɩ-bʋʋrɛ na zãá a na ƴãw nɩ a bɛ tɩɛrʋ a ɩ̃ ƴãw, bɛ na gùre nɩ a ɩ̃ nɩ-kpɛ̃ɛnʋ dɩb.

Ɩzayi 49:1

Nyɩ bɛrɛ wone a ɩ̃ ƴɛ̀rʋ, nyɩɩm nɩ-bʋʋrɛ na zãá a, nyɩ cɛlɛ be, nyɩɩm na kpɩɛr zi-zãána a. Ɩ̃ tɩ cãà nɩ a ɩ̃ mã vʋr pʋɔ ɛ́ a Sore bʋɔlɩ mɛ̃. Ɩ̃ tɩ cãà nɩ a ɩ̃ mã puori, ʋʋ bʋɔlɩ a ɩ̃ yúor.

Ɩzayi 42:10

Nyɩ yieli yiel-paala a Sore ƴãw. Nyɩ danɛ ʋ a tẽw baarʋ zie, nyɩɩm na duwre a kʋ̃ɔ-kpɛ̃ɛ zu a, nɩ bom za na paalɩ ʋ a, nɩ nyɩɩm, nɩ-bʋʋrɛ na zãá a.

Ɩzayi 42:4

Ʋ bɛ bàlɛ ɩ, ʋ bɛ tɩ̀ɛrɛ bɛrɛ ɩ, ɛ́ gù ʋ wa tɩ bin a lɛ-na-tu-sɔr-a, a tẽw zu, ɛ́ a nɩ-bʋʋrɛ na zãá a gùre a ʋ wulu.

1 Pɩɛr 3:15

Ɛcɛ nyɩ ƴãwnɛ a Kɩrɩta na ɩ Sore a, a nyɩ socie pʋɔ. Ɛ́ a Naaŋmɩn ƴãw nyɩ na ƴãw a nyɩ tɩɛrʋ a, nyɩ cɔbrɩ gù a tɩɛrʋ ŋa manʋ nɩr za nãà wa sowre nyɩ a pɛr a.

1 Pɩɛr 1:7

A kpɩɛrʋ á ŋá na ɩ na kɛ̀ bɛ bãw a lɛ a nyɩ naaŋmɩn-sàwfʋ vɩɛlʋ na ŋmɛ̃ a, a nyɩ naaŋmɩn-sàwfʋ ŋa na zuo a salm-zɩɛ na mɩ́ wɛ a, ɛ́ bɛ mɩ́ ƴãw vũumí ɩ kaa bãw a vɩɛlʋ a. A nyɩ naaŋmɩn-sàwfʋ bɛ na ɩ kaa nyɛ̃ ʋ vɩɛl a na ɩ na nyɩ nyɛ̃ danʋ, nɩ yúor-vɩɛlʋ-danʋ nɩ ƴãwfʋ, a lɛn daar a Yeezu Kɩrɩta nãà wa lɛb wa wul ʋ tʋɔra a,

Nɩ-toni 16:25

A tɩ̃ɩsɔw zi-põ-zɛ̃-taa vuo pʋɔ, a Pol nɩ a Sɩlasɩ tɩ puore na yiele danɛ nɩ a Naaŋmɩn, ɛ́ a nɩ-pàwrɩ ŋmaarɛ bɛl bɛrɛ wone.

Sofoni 2:11

A Sore kʋ̃ tɛr dɩ̃ɛnʋ a bɛ zie ɩ, ʋ na sãw nɩ a nɩsaalbɛ ŋmɩmɛ za bɛr. Lɛ n'a a ten al na zãá zuo a za a na ƴãwnɛ ʋ, ŋa za a ʋ tẽsɔw zu.

Ɩzayi 66:19

Ɩ̃ na ƴãw nɩ bãwfʋ a bɛ sɔgɔ. A bɛlɩ dem nãà wa cãà vʋʋrɛ a ɩ̃ ƴɛ̀rʋ-dɩb pùorí a, ɩ̃ na tõ bɛ nɩ a Tarsisɩ, a Putɩ nɩ a Ludɩ nɩbɛ zie, nɩbɛ na ɩ tã-tɛbrbɛ a. Ɩ̃ na tõ bɛ nɩ a Tubal, a Yavan nɩ a kʋ̃ɔ-kpɛ̃ɛ-sɔgɔ-tẽ-zãánɩ nɩbɛ zie, a be nɩr na bɛ dãw wõ bɛ por a ɩ̃ yúor a, a be nɩr na bɛ dãw nyɛ̃ a ɩ̃ yúor-vɩɛlʋ-danʋ a. Ɛ́ bɛ na tɩ ɩ na a nɩbɛ bɛ ŋa bãw a ɩ̃ yúor-vɩɛlʋ-danʋ.

Ɩzayi 41:5

A nɩ-bʋʋrɛ na zãá a nyɛ̃ nɩ a yele na ɩ a, dɛ̃bɩ̃ɛ ɩrɛ bɛ. A tẽw baarʋ zie nɩbɛ taw na ta ɛ́ màwr.

Ɩzayi 25:3

Alɛ so nɩ-bʋʋrɛ kãw na kpɛmɛ a íre a fʋ yúor, nɩ-bʋʋrɛ na ɩrɛ po-to-fãw-ɩb a tẽ-bɛrɛ ƴãwnɛ fʋ na.

2 Tesalonikɩ 1:12

À ŋá n'a nyɩ na íre a tɩ Sore Yeezu yúor, ɛ́ mɩ̀ nyɛrɛ yúor a ʋ zie, a tu a tɩ Naaŋmɩn nɩ a tɩ Sore Yeezu Kɩrɩta maalʋ.

Ɩzayi 12:4

A ʋlɩ bibir nɛ a, nyɩ na yere na: «Nyɩ puore a Sore barka, nyɩ hiere a ʋ yúor, nyɩ manɛ a ʋ tome a nɩ-bʋʋrɛ sɔgɔ, nyɩ lɛb yel a ʋ yúor na ɩ kpɛ̃ɛ a.

Ɩzayi 26:8

Sɩza n'a, Sore e, a sɔ́r fʋ na yel kɛ́ tɩ tuur a zu a, tɩ mɩ́ ƴãw nɩ a tɩ tɩɛrʋ a fʋ ƴãw. A ʋlɩ bom nɛ tɩ na bɔbr a n'ɩ kɛ́ tɩ bʋɔlɛ fʋ, tɩ tɩ́ɛrɛ fʋ.

Ɩzayi 42:12

A nɩ-bʋʋrɛ na zãá a, bɛ manɛ a Sore yúor-vɩɛlʋ-danʋ, bɛ yiele kpɛ̃w kpɛ̃w za danɛ nɩ ʋ!