Ɩzayi 24:10 - A SƐB-SÕW

¹⁰ A tẽ-kpɛ̃ɛ nɩr na bɛ cãà kpɩɛr a lo na, a yie za pàw na, nɩr kʋ̃ lɛb tʋ̃ɔ́ kpɛ ɩ.

Ɩzayi 24:10 Referans Kwoze

Yel-wula 18:2

Ʋ tɩ cɩɩr'a nɩ kɔkɔ-kpɛ̃w yel: «Ʋ lo na! A Babɩlɔn tẽ-kpɛ̃ɛ kpɛ̃ɛ lo na! Ƴɛrɛŋa a, ʋ lɩɛb'ɩ kɔ̃tɔmɛ kpɛb zie, kɔ̃tɔ̃-faar za nɩ lili-faar nɩr na bɛ nɔnɛ a sɔwlʋ zie.

Luka 21:24

A bɛ dɔ̃ dem na kʋ n bɛ mɩnɛ nɩ zɛbr-sɔ-bɛrɛ, ɛ́ nyɔw a bɛ ŋmaarɛ cen nɩ a nɩ-bʋʋr-yoru za sɔgɔ. A tɩbɛ dem na ŋmɛr'ɩ a Zerizalɛm bɛr cʋmcʋm, ɛ́ gù a tɩbɛ dem naalʋ tɩ baarɩ.»

Luka 19:43

Sɩza, bibie na vɩɛ nɩ a fʋ zu, a fʋ dɔ̃ dem na mɛ dacin viiri koli fʋ, bɛ na ŋmãa na jil fʋ ɛ́ gbʋnɛ fʋ a lõbowe za.

Mise 3:12

Alɛ n'a so, a nyɩɩm zũú a, a Sɩyɔ̃ na lɩɛb'ɩ púo bɛ na kɔ a, a Zerizalɛm tẽw yie na lo na gbõ taa, ɛ́ a Ŋmɩn-yir-kpɛ̃ɛ tãw ɩ tuw gã.

Mise 2:13

A sob nɛ na puore a sɔ́r kʋ̀rɛ nyɩ a de nyɩ nɩ niwn. Bɛ faa nyɩ na, nyɩ fɩrfɩr'a tɔl yi. A Sore nyɩ nãà n'ʋ de nyɩ a niwn.»

Zeremi 52:7

a Babɩlɔn tẽw dem tɩ ŋmɛ n a tẽw dacĩ-kpɛ̃ɛ puo. A Zuda tẽw sojarɩ tɩ yi n a tɩ̃ɩsɔw zɔ. A Babɩlɔn tẽw dem na saa tɩ jil a Zerizalɛm a, bɛ tɩ tu n a dɩ̃dɔr na be a dacĩ-bɛrɛ ayi na pɩɛlɩ a nãà zaadɛ̃ a cará yi. Bɛ tɩ de nɩ a sɔ́r na cere a Zurdɛ̃ fʋɔla pʋɔ a.

Zeremi 39:8

A Babɩlɔn tẽw zɛbr-nɩbɛ tɩ nyɩw nɩ a nãà yir nɩ a nɩbɛ yie bɛr, ɛ́ dá a Zerizalɛm tẽw dacine lɔb.

Zeremi 39:4

A Zuda tẽw nãà, Sedesɩasɩ, nɩ a ʋ zɛbr-nɩbɛ na dɛ wa nyɛ̃ bɛ a, bɛ zɔ na. A zie na wa sɔb a, bɛ tu n a nãà zaadɛ̃ pʋɔ nɩ a dɩ̃dɔr na be a dacĩ-bɛrɛ ayi cara pʋɔ a, yi a tẽw pʋɔ. Al pùorí bɛ de a sɔ́r na cere a Zurdɛ̃ fʋɔlá a.

Ɩzayi 34:11

Ʋ na ɩ n a vìí nɩ a zɔ̃po zie, vìí-kpãakpul nɩ gbagba na kpɩɛr'ɩ a be. A Sore na sãw nɩ a tẽw bɛr. A na ɩ na mɛ̃ a vo-kpɛ̃ɛ-zawla na tɩ be be ɛ́ a tẽ-daa bɛ ír sɛr a.

Ɩzayi 32:14

Bɛ yi na kɛ́ bɛr a nãà yir, nɩr bɛ cãà a tẽ-kpɛ̃ɛ na tɩ ɩrɛ gɔmɛ a pʋɔ ɩ. A Ofɛl nɩ a zie piwru yir-cõcowla lɩɛbɩ ziir na gã zawlɛ kʋralɛ ɩ a bòn gaarɩ nʋ̃ɔ̀ nɩ a dʋn mʋ̃ɔ 'wɔbrʋ zie a.

Ɩzayi 27:10

Nɩr za bɛ cãà a tẽ-kpɛ̃ɛ bɛ na cɔbrɩ ʋ kpɛmɛ a zɛbr ƴãw a pʋɔ ɩ. Bɛ bɛr ʋ na ʋ gã zawla mɛ̃ wɛja-kpalɛ a. A náli waar'a wa 'wɔbr a mʋ̃ɔ a be, a ganɛ na pɩ̃ɛnɛ a be, ɛ́ 'wɔbr a tɩɩr wuli váar.

Ɩzayi 25:2

Fʋ ɩ na a tẽ-kpɛ̃ɛ lɩɛbɩ kʋsɛbɛ na gbõ taa a, a tẽ-kpɛ̃ɛ na cɔbrɩ kpɛmɛ a zɛbr ƴãw a, ʋ lo. A nɩ-sãanbɛ zɛbr-yir-kpɛ̃w bɛ cãà ɩ tẽ-kpɛ̃ɛ ɩ, bɛ kʋ̃ lɛb mɛ ʋ towtow ɛ.

Ɩzayi 24:12

A tẽ-kpɛ̃ɛ cɛ nɩ deboru tɛwr, a dɩ̃dɔr dacine ŋmɛr'a, ʋ sãw.

Ɩzayi 23:1

Ƴɛ̀rʋ na ƴɛ̀r Tɩ́ɩ̀r ƴãw a. «Nyɩ ŋmɩɛr kuor cɛlsɩ, nyɩɩm gbor-bɛrɛ na mɩ́ cen tẽ-zãánɩ a, bʋ̃ʋ n'ʋ vɛ̃, a zie za sãw na, a yie bɛ cãà be ɩ.» Gbor-bɛrɛ na yi a kʋ̃ɔ-kpɛ̃ɛ-sɔgɔ-tẽw, Sɩɩpʋr, wa ta a n'a wõ a yel ŋa.

2 Na-mɩnɛ 25:4

a Babɩlɔn tẽw dem tɩ ŋmɛ n a tẽw dacĩ-kpɛ̃ɛ puo. A Zuda tẽw sojarɩ tɩ yi n a tɩ̃ɩsɔw zɔ. A Babɩlɔn tẽw dem na saa tɩ jil a Zerizalɛm a, bɛ tɩ tu n a dɩ̃dɔr na be a dacĩ-bɛrɛ ayi na pɩɛlɩ a nãà zaadɛ̃ a cará yi. A Sedesɩasɩ tɩ de nɩ a sɔ́r na cere a Zurdɛ̃ fʋɔlá a.

Yele-za-pɛr-tib 11:9

Alɛ n'a so bɛ por a tẽw yúor kɛ́ Babɛl. Bʋ̃ʋ n'ʋ vɛ̃, be n'a a Sore tɩ dam a tẽw za ƴɛ̀rʋ nyaw taa, ɛ́ a be n'a ʋ tɩ diw a nɩsaalbɛ yaarɩ a tẽw zu ziir za.

Ɩzayi 32:19

Sa-bi-kube na lo n a tuw zu, ɛ́ a tẽ-kpɛ̃ɛ lo.

Ɩzayi 26:5

Bʋ̃ʋ n'ʋ vɛ̃, ʋ bili nɩ a bɛlɩ dem na kpɩɛr a zi-kɛrɩ zu a bɛr bɛ siw tɩ lo. Ʋ dáa nɩ a tẽ-kpɛ̃ɛ na bɛ tɛr tab a lɔb, ʋ dáa ʋ na lɔb a tẽw, ɛ́ ɩ k'ʋ tɔ a tanɛ.