Ɩzayi 23:4 - A SƐB-SÕW

⁴ Vĩ wɛ, Sɩdɔ̃ i, fʋ̃ʋ na ɩ a kʋ̃ɔ-kpɛ̃ɛ zɛbr-yir-kpɛ̃w a! Bʋ̃ʋ n'ʋ vɛ̃, a kʋ̃ɔ-kpɛ̃ɛ yere na: «Ɩ̃ bɛ wõ pʋ-dɔwra 'wɔbrʋ ɛ, ɩ̃ bɛ dɔw bibiir ɛ, ɩ̃ bɛ guoli pɔ́lɛ́ ɩ, ɩ̃ bɛ wul pɔwsɩrali ɛ.»

Ɩzayi 23:4 Referans Kwoze

Yel-wula 18:23

A fɩ̃tɩlɛ cãà kʋ̃ lɛb caalɩ a fʋ pʋɔ ɩ. Bɛ kʋ̃ lɛb wõ a dɛb-sãan nɩ a pɔw-sãan kɔkɔr a fʋ pʋɔ ɩ. Bʋ̃ʋ n'ʋ vɛ̃, a fʋ yɛ-yɛrbɛ tɩ ɩ n a nɩ-bɛrɛ a tẽw zu, ɛ́ fʋ tɩ tuli a nɩ-bʋʋrɛ za nɩ a fʋ tɩtɩblʋ.»

Yele-za-pɛr-tib 10:19

ɛ́ a bɛ tẽw tɩ tĩ Sɩdɔ̃ ɛ́ cen Geraar lowr tɩ tɔ Gaza, ɛ́ mɩ̀ lɛb cen Sodɔm, Gomɔɔr, Adima nɩ Sevoyim lowr tɩ tɔ Lesa.

Yele-za-pɛr-tib 10:15

Kanãa tɩ dɔw nɩ Sɩdɔ̃, a ʋ bi-dãw, ɛ́ dɔw Hɛtɩ.

Zozue 11:8

A Sore tɩ ƴãw bɛ nɩ a Ɩsɩrayɛl nɩbɛ nuru pʋɔ, bɛ zɛb tʋ̃ɔ́ bɛ, ɛ́ diw bɛ yi n a saa-pɛrɩ́-gʋba-lowr tɩ sãá nɩ a tẽ-kpɛ̃ɛ Sɩdɔ̃ nɩ a Misirefɔtɩ-Mayim, ɛ́ tɩ sãá nɩ a Misɩpe fʋɔla a saa-pɛrɩ́. Bɛ tɩ tʋ̃ɔ́ bɛ nɩ pẽlẽpẽlẽ, ɛ́ bɛ bɛr nɩr za ʋ cãà vʋʋrɛ ɩ.

Ƴɛ̀r-dɩrbɛ 10:6

A Ɩsɩrayɛl nɩbɛ tɩ lɛb'a maal tĩ ɩrɛ a bɛ pɛlɛ a Sore pʋɔ ɩ: bɛ tɩ puor'ɩ a Báàl mɩnɛ nɩ a Asɩtarte mɩnɛ, lãwnɩ a Siiri tẽw dem, nɩ a Sɩdɔ̃ tẽw dem, nɩ Mowab tẽw dem, nɩ a Amɔ̃ tẽw dem, nɩ a Filisɩtɛ̃ mɩnɛ ŋmɩmɛ. Bɛ tɩ zawr'ɩ a Sore bɛr, bɛ cãà puore ʋ ɛ.

Zeremi 25:22

- a Tɩ́ɩ̀r, Sɩdɔ̃ nɩ a tẽw na be a kʋ̃ɔ-kpɛ̃ɛ gãwn a na-mɩnɛ za,

Zeremi 27:3

Al pùorí, fʋ na tɩr a na kʋ̀ a Edɔm tẽw nãà, a Mowab tẽw nãà, a Amɔ̃ tẽw dem nãà, a Tɩ́ɩ̀r tẽw nãà, nɩ a Sɩdɔ̃ tẽw nãà. A lɛ ƴãw, fʋ na kʋ̀ n a dàar á ŋá a bɛ nɩbɛ bɛ na tõ a Zerizalɛm ka, a Zuda tẽw nãà, Sedesɩasɩ, zie a.

Ezekɩɛl 28:21

«A fʋ̃ʋ nɩsaal bie, lɩɛb a fʋ niwn cɔw a Sɩdɔ̃ tẽ-kpɛ̃ɛ ɛ́ ƴɛ̀r a ʋ ƴãw a ɩ̃ yúor ƴãw.

Ezekɩɛl 28:22

Yel a lɛ a mãa Sore Naaŋmɩn na yere a kʋ̀ ʋ: Ɩ̃ na ɩ b'a, Sɩdɔ̃ i! À ŋá a, ɩ̃ na wul'ɩ a ɩ̃ yúor-vɩɛlʋ-danʋ a tẽ-kpɛ̃ɛ sɔwlɩsɔw. Ɩ̃ na ɩ n a fʋ ƴãw a lɛ ɩ̃ na yel a. Ɛ́ a nɩbɛ za na bãw na kɛ́ mãa n'ɩ a Sore. À à ŋá n'a ɩ̃ na wul kɛ́ mãa n'ɩ a Naaŋmɩn na ɩ sõw a.