Ɩzayi 23:17 - A SƐB-SÕW

¹⁷ A yome lɩz'a ata nɩ pie wa baar'a, a Sore na kaa nɩ a Tɩ́ɩ̀r zie. Ʋ na lɛb'a páwr libie. Ʋ na tone nɩ a pɔw-yɛm tome nɩ a naalʋ-ten za na pàw a tẽ-daa a.

Ɩzayi 23:17 Referans Kwoze

Nahum 3:4

A Nɩnɩɩvʋ tẽw ɩ n pɔw-yɛm a pɩ̃ɔ-ɩb na yãwmɛ yaga a. A ʋ vɩɛlʋ nɩ a ʋ sɔ-ɩb ʋ na bãw a, tɩ tawr'ɩ nɩbɛ waar'ɩ a ʋ zie. Nɩ-bʋʋr-yoru nɩ dɔwlʋ bʋʋrɛ bʋʋrɛ tɩ lɩɛb'ɩ a ʋ gbãgbaar, a ʋ pɩ̃ɔ ɩ-ɩrɩ nɩ a ʋ sɔ-ɩb zũú.

Yel-wula 19:2

A ƴɛ̀rʋ ʋ na maalɩ a ɩ n sɩza ɛ́ tu yel-mɩnʋ. Bʋ̃ʋ n'ʋ vɛ̃, a pɔw-yɛm-kpɛ̃ɛ ʋl na tɩ sãwnɛ a tẽw nɩ a ʋ pɩ̃ɔ ɩ-ɩrɩ a, ʋ ƴãw ʋ nɩ dɔwrʋ. A ʋ tõ-tõ-biir a pɔw ŋa na kʋ a, ʋ yáa nɩ a san a ʋ zu.»

1 Pɩɛr 5:2

nyɩ cɩ̃ɩnɛ a píir a Naaŋmɩn na kʋ̀ nyɩ a. Nyɩ kaarɛ a zie vla, ɛcɛ a ta ɩ mɛ̃ fɛrʋ n'a ɩ, ɛ́ ɩ nyɩ na nɔnɛ a, mɛ̃ a lɛ a Naaŋmɩn na bɔbr a. A mɩ̀ ta ɩ sã-ya nɔ̃wfʋ zũú ɛ, ɛ́ ɩ tome nyɩ na nɔnɛ a zũú.

1 Timote 3:8

A dɩakɩr mɩnɛ mɩ̀ a, a sɛw na kɛ́ bɛ ɩ nɩbɛ na ƴãwnɛ bɛ tʋɔra a, bɛ ta tɛr ƴɛ̀r-nɛ́ɛ ayi ɛ, ta nɔnɛ dãa ɩ, ɛ́ ta tu tɛra na waar'ɩ vĩ a pùor ɛ.

1 Timote 3:3

ʋ ta ɩ dã-nyúure ɩ, ɛ́ ta ɩ nɔ-haa-bɔbrɛ ɩ. Ʋ ɩ nɩsaal-bàalʋ, ʋ ta ɩ zɛb-ŋmarɛ nɩ libi-nɔ̃wnɛ ɩ.

Nɩ-toni 15:14

A Sɩmɩ̃ɔ lɛb'a manɩ kʋ̀ tɩ a ƴɛrɛŋa, a lɛ a pɛr-tib daar, a Naaŋmɩn na kaa a nɩ-bʋʋr-yoru zie, ɛ́ kaa ír nɩ-bʋʋrɛ a bɛ pʋɔ kɛ́ bɛ ɩ a ʋ nɩbɛ a.

Sofoni 2:7

A Zuda nɩbɛ na cɛ a na so nɩ a zie ʋl. Bɛ na àrɛ nɩ nɩ a bɛ dʋn a be, ɛ́ a zaanʋɔra bɛ mɩ́ kpɛ a Asɩkalon yie pʋɔ tɩ gã. Bʋ̃ʋ n'ʋ vɛ̃, a Sore bɛ Naaŋmɩn na wa n a bɛ maalʋ ƴãw, ʋ na lɩɛb'ɩ a bɛ yele.

Mise 3:11

Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ, tɔnɛ ƴãw n'a a bàwr-maalbɛ wule, libie ƴãw n'a a naaŋmɩn-ƴɛ̀r-manbɛ bãwnɛ a nɩdaar yele. Ɛcɛ à á ŋá za a, a Sore ƴãw n'a bɛ mɩ́ ɩrɛ ƴãwn yere nɩ: «A Sore be n a tɩ sɔgɔ, yel-faa za bɛ páwr tɩ ɛ.»

Mise 1:7

Bɛ na ŋmɛr'ɩ a ʋ ŋmɩmɛ dasuli za bɛr, ɛ́ a bʋ̃-kʋ̀rɩ́ ʋ na páw a, bɛ na lɔb a na ƴãw vũu-zɛlɛ pʋɔ. Ɩ̃ na ƴãw na bɛ ŋmɛr a ʋ tɩbɛ cʋmcʋm, bʋ̃ʋ n'ʋ vɛ̃, ʋ dà n a bome á ŋá za nɩ a ʋ pɔw-yɛm ɩ-ɩrɩ sã-ya libie. A mɩ̀ na lɩɛb'ɩ pɔw-yɛm ɩ-ɩrɩ a mɩnɛ sã-ya libie.»

Ezekɩɛl 22:13

Ɛcɛ, Zerizalɛm nɩbɛ ɛ, ɩ̃ na zɛw nɩ nũu a nyɩ ƴãw, a nyɩ tɔnɛ na bɛ tu mɩnʋ nɩ a nɩbɛ nyɩ na kʋ a zũú.

Ezekɩɛl 16:31

A sɔ́r za tib zie a, fʋ mɛ n gboro. Fʋ mɛ n zi-kɛrɩ a ziir za. Ɛcɛ fʋ bɛ zɛlɩ libie mɛ̃ a pɔw-yɛmɛ bɛ mɩnɛ a ɩ.

Ezekɩɛl 16:26

Fʋ tõ n pɔw-yɛm tome nɩ a Eziptɩ tẽw dem, a fʋ kpɛ-pɩɛl dem na tɛr ƴã-gã-vɩɛlɩ vɩɛlɩ a, ɛ́ fʋ ɩ n à à ŋá dɔwlɩ kʋralɛ k'ɩ̃ɩ tʋ̃ɔ́ nyɛ̃ suur.

Zeremi 29:10

À ŋá n'a a Sore cãà lɛb yere: “A Babɩlɔn naalʋ-tẽw wa cɛlɩ tɩ ta yome lɩz'a ata nɩ pie a, ɩ̃ na kaa nɩ a nyɩ zie, ɛ́ maalɩ nyɩ a vla al za ɩ̃ na tɩ pɔ yel kʋ̀ nyɩ a: Ɩ̃ na ɩ na nyɩ lɛb wa a Zerizalɛm ka.

Wulu-ayi-sob 23:18

Ɩsɩrayɛl nɩr kãw za, dɛb bɩɩ pɔw, bɛ tɛr sɔ́r na tone dɛ-yɛm bɩɩ pɔw-yɛm tome, maalɛ nɩ ŋmɩn-yoru ɛ.

Ɩzayi 23:15

Lɛ n'a bɛ na yiiri a Tɩ́ɩ̀r tẽ-kpɛ̃ɛ bɛr yome lɩz'a ata nɩ pie, na ɩ na-been yõ nyɔ-vʋʋrʋ bibie a. A yome lɩz'a ata nɩ pie á ŋá wa baarɩ a, a na ŋmɛ̃ n a Tɩ́ɩ̀r tẽ-kpɛ̃ɛ zie mɛ̃ a lɛ a yielu ŋa na yere a pɔw-yɛm ƴãw a:

Ɩzayi 23:16

De korijom, cɔlɩ a tẽ-kpɛ̃ɛ, fʋ̃ʋ pɔw-yɛm bɛ na yiiri bɛr a. Ŋmɩɛr a lɛ fʋ na tʋ̃ɔ́ a, puule a fʋ yielu, a nɩbɛ cãà tɛr a fʋ tɩɛrʋ.

Ezekɩɛl 16:25

A sɔ́r za tib zie a, fʋ mɛ n gboro a fʋ ƴãw, ɛ́ a be a, fʋ sãw nɩ a fʋ vɩɛlʋ bɛr, fʋ de nɩ fʋ tʋɔra kʋ̀ a nɩ-tɔlɩ za, fʋ tõ n pɔw-yɛm tome tɩ dɔwlɩ.

Zeremi 25:11

A tẽw ŋa za na lɩɛbɩ debuo, zie na sãw ʋ za a, ɛ́ a nɩ-bʋʋrɛ bɛ ŋa za na tone nɩ a Babɩlɔn tẽw nãà tome tɩ ta n yome lɩz'a ata nɩ pie.”